Kontabilitate ereduaren eta informazio ekonomikoaren analisi aurreratua, aipaturiko kontabilitate ereduan enpresaren epe luzeko jardueraren oinarrizko eragiketak barneratzen direlarik.



HELBURUAK



Ikasleak diziplinaren kontzeptuak eta oinarriak ezagutzen ditu, kontabilitatearen oinarrizko eredua ulertzen du, egite ekonomikoak interpretatzeko eta irudikatzeko gai da, eta erregistro-teknikak menperatzen ditu, hauek guztiak Kontabilitaterako Sarrera ikasgaiaren helburuak, prest da jada kontabilitate eredua sustatzen duten printzipioetan sakontzeko eta eragiketa konplexuagoak atzemateko.

Finantza Kontabilitate ikasgaiaren helburu nagusia kontabilitate ereduaren eta informazio ekonomikoaren analisi aurreratu bat egitea da, enpresaren epe luzeko jardueraren oinarrizko eragiketak aipaturiko kontabilitate ereduan barneratuz. Nazio mailan aplikatu beharreko kontabilitate arautegian sakondu nahi da, enpresaren egitura iraunkorrarentzat onarturiko balorazioak eta kontabilizazio-aukerak analizatuz, hala inbertsioentzat, nola finantzaketarentzat (propioa zein kanpoko iraunkorra). Hau da, Espainian inbertsio eta finantzaketa eragiketa ez korronteentzat aplikatu beharreko Kontabilitate arauak ezagutarazi.





BEREZKO GAITASUNAK



Ikasgai honetan, inbertsio eta finantzaketa iraunkorreko eragiketen kontabilitate balorazioa aurkezten da.

Finantza Egoerak, kontabilitate ereduaren bidez prozesatutako informazio osoaren laburpen agiriak izanik, xehetasunez ikasi behar dira, Finantza Kontabilitatea ikasgaiaren helburu nagusi bilakatuz.

Ikasleak enpresaren inbertsio ez korronteko eragiketen balorazio eta antzemate arauak ulertu behar ditu, bai ibilgetu materialarentzat, ukiezinarentzat, edo ustiapen jarduerarekin zerikusia ez duen aktibo finkoarentzat. Halaber, barneko zein kanpoko finantzaketa ez korronteko eragiketen balorazioa eta antzematea ikasi beharko ditu.

Ikasgai hau ez da Kontabilitate Plan Orokorraren azalpen eta jarraipen batera mugatuko. Ez da fenomeno ekonomiko desberdinen kontabilitate tratamenduaren ikasketa soilik izan behar, nahiz eta fenomeno hauek konplexuak izan. Harago joan behar da, zeren eta behatutako objektuak aldatu, egite eta antzemate-modu berriak sortu eta berezko kontabilitate arautegia aldatzen baita. Hau guztiagatik ikasgai honek fenomeno berriak antzemateko eta egoki islatzeko gaitasuna eta abilezia eman behar dizkio ikasleari. Beti, behatutako egiteak islatzeko dauden aukera desberdinen kritika eta analisia sustatuz.



GAITASUN OROKORRAK



* Arazoen diagnostikoa eta erabaki-hartzea egiteko ezagutza teoriko eta praktikoak aplikatzea egokiak diren tresnak erabiliz.

* Informazio iturri desberdinetatik jasotako informazioa bilatzen, identifikatzen , analizatzen eta laburtzen jakitea. Hau guztia gaitasun kritikoz, enpresaren egoerari eta bilakaerari buruz arrazoitutako iritziak emanaz eta izaera desberdinetako erabakiak hartzeko gaitasuna izanik.

* Ikasteko autonomia maila altu bat garatzea, bai ondorengo ikasketei begira, baita aldaketa ingurune batean autoformazio bezala ere.

* Informazio eta komunikazio teknologiak erabiltzea ikasketen eremuan.

* Erraztasunez idazteko eta hitz egiteko gaitasuna.

* Taldean lan egiteko gaitasuna, errespetuz eta erantzukizunez, baita jarrera aktiboa eta lidergoa.

LEHEN ATALA: INBERTSIO ERAGIKETAK



1.Gaia: Enpresaren egitura finkoa, ustiapeneko jardueran euskarria

1. Kontzeptu-esparrua: elementuak, erregistratzeko eta balorazio-irizpideak.

2. Ibilgetua: Kontzeptua eta klasifikapena.

3. Ibilgetuaren balorazio zuzenketak.



2.Gaia: Ibilgetu materiala

1. Ibilgetua baloratzeko arauak.

2. Ibilgetua eskuratzeko moduak.

2.1. Erosketa.

2.2. Norberak eraikitzea.

2.3. Inbertsioari laguntzak.

2.4. Dohaintza.

2.5. Trukaketa.

2.6. Finantza-errentamendua.



3. Gaia: Ibilgetu materiala: funtzionamenduan jarri osteko eragiketak

1. Ikuskapenak, konponketa eta kontserbazioa.

2. Berriztatzea.

3. Zabalkuntza eta hobekuntzak.

4. Ingurugiro-betebeharrak: birgaitzea, guneren berreskuratzea eta instalazioren deuseztapena



4.Gaia: Ibilgetu ukiezina

1. Kontzeptua eta ibilgetu ukiezinaren balorazioa.

2. Ikerketa eta garapen jarduerak.

3. Kontzesio administratiboak.

4. Jabetza industriala.

5. Merkataritza fondoa eta traspasatze-eskubideak.

6. Beste zenbait ukiezin.



5.Gaia: Enpresaren egitura finkoa. Ustiapeneko jarduerarekin zerikusia ez duen ibilgetua

1. Inbertsio higiezinak.

2. Saltzeko mantendutako aktibo ez korronteak



BIGARREN ATALA: FINANTZAKETA ERAGIKETAK



6.Gaia: Enpresaren finantzaketa. Pasiboa.

1. Kontzeptu-esparrua: elementuak, erregistratzeko eta balorazio-irizpideak.

2. Hornidurak.

3. Kanpo finantzaketa.



7.Gaia: Enpresaren finantzaketa. Ondare Garbia.

1. Kontzeptu-esparrua: elementuak, erregistratzeko eta balorazio-irizpideak.

2. Fondo propioak.

a) Gogapen orokorrak

b) Kapital zabalkuntza

c) Auto-zorroa

3. Diru-laguntzak, dohaintzak eta legatuak



8.Gaia: Emaitzaren aplikazioa

1. Emaitza aplikatzeko betekizun legalak

2. Emaitza positiboren (mozkinaren) aplikazioa

3. Galerak, emaitzaren aplikazioan



9.Gaia: Enpresa-informazioa landu eta aurkeztu

1. Urteko kontuak prestatu: urteko kontuen ereduak eta epe legalak.

2. Kudeaketa txostena.

3. Giza erantzukizun korporatiboren Txostena

4. Jasangarritasun Txostena

Honako hauek izango dira 2017/2018 ikasturtean ikasgai honen irakasleak:



1. Amiano, Iratxe

2. Corral, Javier

3. Herrero, Amaya

4. Ibarloza, Ander

5. Martínez-Churiaque, J. Ignacio

6. Maseda, Amaia

7. Zaitegi, Itxaso

Argibideak:

Ezarritako hezkuntza sistema ebaluazio jarraian oinarritua dago. Honek ikaslearen mailakako ikaskuntza eta ikaskuntza jarraitua bultzatzen du eta klaseetara erregulartasunez etortzearen garrantzia azpimarratzen du han ematen baitira aditzera ohiz testu eta esku liburuetan azaltzen ez diren kontu ezberdinak.



Era berean, lantaldean lanak egiteak ikaskuntza eta ikasitako eduki eta kontzeptu ezberdinak praktikan gauzatzeko balio du eta profesionalek beraien ohiko lanean aurkitzen dituzten antzeko zailtasunei aurre egin behar izango diete. Honetarako nahitaezkoa izango da besteei elkartearen informazio ekonomiko-finantzarioaren garapenean aurkitutako zantzu garrantzitsuenak behar bezala helaraztea.



Ebaluazioa:



Ikaslea egin beharreko idatzizko azterketa eta zereginen (praktikak, lanak, aurkezpenak …) bidez ebaluatuko da.



Zereginak irakasgaia garatzen den heinean egingo dira eta data ezberdinak irakasgaiaren irakasleak ezarriko ditu



Idatzizko azterketa/k azken notaren %70a izango da/ira eta gainontzeko %30a zereginen bidez ebaluatuko da. Irakasgaia gainditzeko idatzizko azterketak gainditu behar dira eta proposatutako zereginak egin behar dira ere.



EZOHIKO DEIALDIA soilik idatzizko azterketaren bidez burutuko da eta idatzizko azterketa honen emaitza izango da ikaslearen nota.



2017/18 ikasturteko gestio arautegiarekin bat:ERABAKIA, 2016ko abenduaren 15ekoa, Universidad del País Vasco / Euskal Herriko Unibertsitatekoaren Gobernu Kontseiluarena, Graduko Titulazio Ofizialetako Ikasleen Ebaluaziorako Arautegia onartzeko.



Ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du, ikastegiko eskola egutegian zehaztutakoarekin bat lauhilekoa hasten denetik kontatzen hasita.



Etengabeko ebaluazioaren kasuan, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari.

1. Irakasleak helaraziko dituen materialak, bai teoria eta bai ariketak.

2. PLAN GENERAL DE CONTABILIDAD 2007 (REAL DECRETO 1514/2007, de 16 de noviembre, por el que se aprueba el Plan General de Contabilidad.)

3. KONTABILITATE PLAN OROKORRA.Enpresa Txiki eta Ertainen Kontabilitate Plan Orokorra. Euskal Herriko Unibertsitateko Argitalpen Zerbitzua. 2010.

4. Resolución de 18 de septiembre de 2013, del Instituto de Contabilidad y Auditoría de Cuentas, por la que se dictan normas de registro y valoración e información a incluir en la memoria de las cuentas anuales sobre el deterioro del valor de los activos.

5. Resolución de 18 de octubre de 2013, del Instituto de Contabilidad y Auditoría de Cuentas, sobre el marco de información financiera cuando no resulta adecuada la aplicación del principio de empresa en funcionamiento.

6. Resolución de 28 de mayo de 2013, del Instituto de Contabilidad y Auditoría de Cuentas, por la que se dictan normas de registro, valoración e información a incluir en la memoria del inmovilizado intangible.

7. Resolución de 1 de marzo de 2013, del Instituto de Contabilidad y Auditoría de Cuentas, por la que se dictan normas de registro y valoración del inmovilizado material y de las inversiones inmobiliarias.

8. Real Decreto Legislativo 1/2010, de 2 de julio, por el que se aprueba el texto refundido de la Ley de Sociedades de Capital (modificado el 15 de noviembre de 2012)

Oinarrizko bibliografia

Bibliografia osagarria:



ARQUERO, J.L. Y OTROS AUTORES, Introducción a la Contabilidad Financiera. Ed. Pirámide, 2008



CARRASCO, A. Y OTROS AUTORES Estados Financieros¿ Ed. Pirámide, 2009



CASTRILLO LARA, L.A. (coordinador) (2008): Plan General Contable 2007. Aplicación de las normas de valoración. (Comentarios y casos prácticos). Ed. Delta. Publicaciones Universitarias.



WANDEN-BERGHE LOZANO, J.L. Y OTROS AUTORES, Contabilidad Financiera, Ed. Pirámide,2008