GAITASUNAK:

1.) Finantza Eragiketei dagozkien kontzeptuak, ereduak eta finantza-legeak aztertu eta azaldu.

2.) Kapitalen fluxuak balioesteko eta ordezkatzeko behar diren finantza-adierazpenak garatu eta erabili.

3.) Aurrezki-planak edo kapitalak eratzeko planak diseinatu erakundeek, enpresaburuek zein partikularrek dituzten beharrak asetzeko.

4.) Finantzazio- edo amortizazio-planak diseinatu erakundeek, enpresa-buruek zein kontsumitzaile partikularrek dituzten beharrak asetzeko.



Gaitasun espezifiko hauek lotuta daude moduluko gaitasun hauei: M02CM01, M02CM03, M02CM04 eta M02CM05.



IKASKUNTZAREN EMAITZAK:

- Finantza-eragiketekin lotuta dauden kontzeptuen, ereduen eta finantza-legeen analisia eta interpretazioa.

- Finantza-formulazioen garapena eta aplikazio praktikoa kapitalen fluxuak balioesterakoan eta ordezkatzerakoan.

- Aurrezki-planen edo kapital-eraketen diseinua erakundeek, enpresaburuek zein partikularrek dituzten beharrak asetzeko.

- Finantzazio- edo amortizazio-planen diseinua erakundeek, enpresa-buruek zein kontsumitzaile partikularrek dituzten beharrak asetzeko.

1.) Finantza Eragiketen Oinarriak.

a. Kapitalizazioaren eta deskontuaren analisia.

b. Finantza-baliokidetasun erlazioak finantza-kapitalen eta parametroen artean.

2.) Kapitalen fluxuak aztertzea eta balioztatzea.

3.) Kapital-eraketak.

4.) Finantzazioa: mailegu-eragiketak eta errenta finkoko eragiketak.

Modalitate magistralean gai teorikoen azalpen klaseak ematen dira, benetako kasuekin osatuta hobeto ulertzeko.



Ordenagailuko praktikak. Ikasleen parte-hartze aktiboarekin, gaitasun bakoitzari dagozkion ariketak edo buruketak ebazten.

Ebaluazio sistemak:



a) Ebaluazio mistoa:



Bi zati ditu. Guztira lau gaitasun. 1. eta 2. gaitasunek batera %50eko pisua dute gaitasun guztien gain; eta, 3. eta 4. gaitasunek batera %50eko pisua dute gaitasun guztien gain.



Lehen zatia. Lehen bi gaitasunak ditu barne. Lehen zati hau gainditzeko ikasleak 5 puntu atera beharko du 10en gain. Kasu horretan ikasleak liberatu egingo du lehen zatia azkeneko azterketan. Proba idatzia izango da. Lehen kontrola (lehen bi gaitasunak barne dituena) kalifikatzeko, bi tresna erabiliko da: bata, test kanporatzailea motakoa (penalizazioarekin) gaitasun biak barne dituena; eta bestea, ebazteko ariketak. Testa gainditzeko galderen heren bat gutxienez erantzun behar da zuzen.



Bigarren zatia. Azken bi gaitasunak ditu barne.. Bigarren zati hau gainditzeko ikasleak 5 puntu atera beharko du 10en gain. Kasu horretan ikasleak liberatu egingo du bigarren zatia azkeneko azterketan. Azken bi gaitasunen Proba idatzia izango da, ebazteko ariketak dituena.



Ikasleak bi zatiak gainditu baditu, irakasgaia gainditu du. Ordea, zatiren bat edo zati biak gainditu ez baditu, gainditu ez duen zatiarekin joango da azken azterketa bakarrera (garatu beharreko azterketa idatzira) azken ebaluazioko azterketarekin zati horretan (datan zein edukian) batera datorrena.



Ebaluazio mistotik datorren ikaslea azken azterketara zati bakarrarekin aurkeztu bada, azken azterketan (10en gain) 5eko kalifikazioa atera beharko du aurkezten den zati horretan; eta, aurkeztutako zati horretan kalifikazioa 5 baino gutxiago ateratzen badu, kalifikazio hori Suspentso izango da urtarrileko deialdian idatziko dena.



Ebaluazio mistotik datorren ikaslea azken azterketara bi zatiekin aurkeztu bada, azken azterketan osotara (10en gain) 5eko kalifikazioa atera beharko du; eta, kalifikazio hori izango da urtarrileko deialdian idatziko dena.



Ebaluazio mistotik datorren ikaslea azken azterketan ez bada gaindituta ez duen zatira aurkeztu, izango duen azken kalifikazioa Ez Aurkeztua izango da.





EBALUAZIO MISTOAREN SISTEMARI UKO EGITEA:



Ikasleak eskubidea izango du azken ebaluazioaren bidez ebaluatua izateko, ebaluazio mistoan parte hartu zein ez hartu. Eskubide horretaz baliatzeko, ikasleak ebaluazio mistoari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, 12 asteko epea izango du, ikastegiko egutegi akademikoaren arabera lauhilekoa hasi denetik kontatzen hasita.



b) Azken ebaluazioa:



Azken azterketa bakarra egingo da (garatu beharreko azterketa idatzia), irakasgai osoa barnean duena. Deialdi honetan ez da kontuan hartuko ebaluazio mistoan egindakoa.



Ikasleak, justifikatutako arrazoiengatik, ezinezkoa badu ebaluazio mistoaren sisteman parte hartu, ahal izango du irakasgaiari dagozkion ezagutzak eta gaitasunak kreditatu azken azterketa bakarraren bidez. Arrazoi horiek ikasturte akademikoan indarrean dagoen Araudian datoz zehaztuta.



Kalifikazioa notaren %100aren gain izango da.

Oinarrizko bibliografia

Oinarrizko bibliografía (euskaraz):



BETZUEN ZALBIDEGOITIA, Amancio. Euskaratzailea: BILBAO GARZON, Alberto(1990): Matematika Finantzariozko Kurtsoa. Oinarrizko finantz analisia. Errentak. Kapitalen eraketaren eragiketak. Instituto de Estudios Financiero Actuariales. Bilbao.



BETZUEN ZALBIDEGOITIA, Amancio. Euskaratzailea: BILBAO GARZON, Alberto (1993): Matematika Finantzariozko Kurtsoa. Mailegu-eragiketak. Obligazio-jesapenen eragiketak. Instituto de Estudios Financiero Actuariales. Bilbao.



Oinarrizko bibliografía (gaztelaniaz):



BETZUEN ZALBIDEGOITIA, Amancio (2001): "Curso de Matemáticas Financieras: Fundamentos, Rentas y constitución de capitales". Instituto de Estudios Financiero-Actuariales. Bilbao.



BETZUEN ZALBIDEGOITIA, Amancio (1992): "Curso de Matemáticas Financieras: Operaciones de Préstamos, Operaciones de Empréstitos". Instituto de Estudios Financiero Actuariales. Bilbao.



BETZUEN, Amancio; GOMEZ, Rosalía; BILBAO, Alberto; DE LA PEÑA, J.Iñaki (1994): "Matemática Financiera: Ejercicios resueltos". Instituto de Estudios Financiero Actuariales. Bilbao.

Gehiago sakontzeko bibliografia

GIL PELAEZ, L. (1989): "Matemática de las Operaciones Financieras", Editorial AC, Madrid.

BIBLIOGRAFIA OSAGARRIA

ALEGRE ESCOLANO, P y OTROS (1995): "Ejercicios resueltos de Matemáticas de las Operaciones Financieras". Ed. AC, Madrid.

GIL PELAEZ, L. y OTROS (1993): "Matemática de las Operaciones Financieras. Problemas resueltos". Editorial AC, Madrid.

LEVI, E. (1973), "Curso de Matemática Financiera y Actuarial". Volumen I, Ed. Bosch. Barcelona.