Ingurumen Politika/EKOSCAN

Fakultateak ingurumen-kudeaketa egokiaren Ekoscan egiaztapena lortzeko konpromisoa hartu zuen 2011/12 ikasturteari begira; horretarako, Gizarte Erantzukizuneko eta Unibertsitate Hedakuntzako Errektoreordetzaren deialdi bat baliatu dugu, Ikastegiaren ingurumen-kudeaketaren diagnostikoa finantzatzeko aukera eman diguna. Gure ustez, ikastegi publiko ororen betebehar morala da gure eguneroko kudeaketan ingurumenarekiko begirunea aintzat hartzea eta arduraz erabiltzea eskura ditugun baliabideak; betebehar morala ez ezik, bide egokia da baliabideen erabilera eraginkorragoa egiteko eta soberako gastuak murrizteko, ingurumenari kalte gutxiago eginez, gainera.

EKOSCANen xedea da ingurumen-jokamoldea hobetzeko prozesua modu sinplifikatuan kudeatzeko aukera emango duen lan-molde bat finkatzea; lan-molde horren bidez, epe laburrean lortu nahi dira emaitzak isuri eta igorpenen murrizketan eta baliabideen erabileraren optimizazioan (lehengaiak, gai osagarriak, ura, energia, etab.).

 

Hasierako diagnostikoa egin ondoren, hobekuntza planak definitzen joan dira urteetan zehar, emaitza onak lortuz eta horretarako talde guztiek parte hartu dute: ikasleak, administrazio eta zerbitzuetako langileak eta irakasle-ikertzaileak.

Hobekuntzarako Planak/Emaitzak

Esteka