Ikasgaia M02 moduluan kokatzen da (Modulu Bateratua Industria Adarrean), eta modulu horren barruan egokitzen zaion gaitasuna M02R11 da (Ezagutzak edukitzea enpresen antolakuntzan). Gainera, ikasgaiak titulazioko hainbat gaitasun garatzen laguntzen du, ondoren adierazten den bezala:



1. Gaitasuna industria-ingeniaritzaren arloan arazoak nork bere ekimenez konpontzeko, erabakiak hartzeko, irudimena garatzeko, arrazoibide kritikoa erabiltzeko eta jakintzak, gaitasunak eta trebetasunak transmititzeko.

2. Ezagutzak edukitzea oinarrizko gaietan eta gai teknologikoetan, metodo eta teoria berriak ikasteko eta egoera berrietara egokitzeko gaitasuna garatzeko.

3. Antolatzeko eta planifikatzeko gaitasuna enpresan eta beste erakunde eta antolakuntza batzuetan.



Ikaste emaitzak:



IE1. Ekoizpen sistema, biltegi eta ekoizpenaren plangintza eta kontrolaren inguruko ariketak ebazten dira.

IE2. Sintesi eta komunikazio ahalmena garatzen da.

IE3. Taldean lan egiteko gaitasuna garatzen da.

IE4. Taldearen barruan banakako komunikazio eta esposizio gaitasuna hobetzen da.

IE5. Modu egokian enpresa kudeaketarako teknikak aztertzen eta erabiltzen dira.

IE6. Produktibitate eta lehiakortasun kontzeptuak barneratu.

IE7. Enpresa lehiakortasunaren gain globalizazioaren eraginari buruzko kontzientzia eskuratu.

IE8. Zuzenean produktuarekin erlazionatutako metodologiak ezagutu: Balioaren analisia, balio ingeniaritza, AMFE, QFD.

IE9. Ekoizpen-sistemen diseinurako ezagutza eskuratu: Prozesuak, prozesu motak, planta banaketa.

IE10. Ekoizpenaren plangintza eta kontrolean asko erabilitako teknikak ezagutu eta aplikatu: M.R.P. eta M.R.P.II sistemak.

IE11. Ekoizpenaren kudeaketarako sistemak ezagutu eta aplikatu: JIT, TOC.

IE12. Biltegien kudeaketarako oinarriak ezagutu.

IE13. Azpikontratazio eta deslokalizazioa bezalako estrategien inguruko ezagutzak eskuratu.

IE14. Erabakitze sisteman sormena eta motibazioa bezalako ukiezinek duten garrantziaren kontzientzia eskuratu.

IE15. Enpresaren know-how-a zaintzearen eta elikatzearen garrantzia aztertu: Core Competences.

1. Enpresari sarrera

1.1. Enpresa kontzeptuaren bilakaera

1.2. Enpresaren helburua

1.3. Enpresaren definizioa

1.4. Enpresen sailkapena

1.4.1. Sarrera

1.4.2. Euskal Autonomia Erkidegoko enpresen sailkapena

1.5. Enpresa sistema gisa

1.5.1. Sistema fisikoa

1.5.2. Erabakitze sistema

1.5.3. Informazio sistema



2. Produktibitatea eta lehiakortasuna

2.1. Produktibitatea

2.2. Lehiakortasuna

2.3. Globalizazioa

2.4. Lehiakortasuna existitzen den maila desberdinak

2.5. Lehiakortasuna neurtzen duten nazioarteko erakundeak

2.6. Enpresen lehiakortasuna beharrezkoa egiten duten zergaitiak

2.7. Lehiakortasuna lortzeko estrategia orokorrak

2.8. Nola lortu gaur egun lehiakorra izatea

2.9. Enpresa lehiakortasunari buruzko zenbait adibide

2.10. Enpresaren gizarte-erantzukizuna



3. Produktuarekin erlazionatutako teknikak

3.1. Balioaren analisia

3.2. HEAM / hutsegite eta efektuen analisi modala

3.3. QFD / kalitate funtzioaren zehaztapena



4. Ekoizpen-sistemen diseinua

4.1. Planta banaketa

4.2. Lerroen orekatzea

4.3. Fabrikazio-zelulak

4.4. Metodoen hobekuntza. Lanaren azterketa.



5. Enpresa-sistemari aplika dakizkion beste teknika batzuk

5.1. Zuzendaritzarekin erlazionatutako teknikak

5.2. GGBB-ekin erlazionatutako teknikak



6. Ekoizpenaren planifikazioa eta kontrola

6.1. MRP

6.2. MRP II



7. Ekoizpenaren kudeaketarako sistemak

7.1. JIT

7.2. TOC



8. Stocken kudeaketa



9. Lehiakortasunarekin erlazionatutako beste faktore batzuk

9.1. Azpikontratazioa eta deslokalizazioa

9.2. Sormena. Berrikuntza

9.3. Core competences

9.4. Lidergoa eta motibazioa

Bi modalitate izango dira:

Klase teoriko praktikoak. Azalpen klaseak ohiko irakaste teknikak erabiliz. Konplexutasun handieneko gaiak eta alderdi garrantzitsuenak azpimarratuko dira. Era berean, ariketak ebatziko dira eta kasu praktikoak analizatuko dira, ebazpen metodoen planteamendua azpimarratuz. Antzerako ariketak planteatuko dira, ondoren ikasleek bakarka edo taldean ebatz ditzaten.

Mintegiak. Irakasgaian zehar 10 saio izango dira mintegientzako. Mintegietara joatea, mintegietan parte-hartzea eta mintegietako jarduerak gainditzea nahitaezkoa izango da irakasgaia gainditu ahal izateko. Sesio horien emaitza bezala talde bakoitzeko 4 entregagai izango dira. Entregagai horien kalitatea islatuko da aurkezpenen oinarri fisikoetan (ppt edo dena delako formatua) eta ahozko aurkezpenetan.

Metodologiako atalean adierazi den bezala, irakasgaiaren edukia klase teoriko eta praktikoen bidez, eta mintegien bidez garatuko da. Ondorioz, ebaluazio-sistema adierazitako metodologiekin bat etorriko da.

IDATZIZKO AZTERKETA. Irakasgaian jorratutako eduki teoriko eta praktikoen inguruan bakarkako idatzizko proba bat egingo da (azterketen data ofizialen barruan), landutako gaitasunen erdiespen maila ezagutze aldera. Irakasgaia gainditzeko idatzizko azterketa gainditzea ezinbestekoa izango da, eta horretarako nahitaezkoa izango da bai kontzeptu teorikoei dagokion zatia gainditzea (azterketan eskatzen dena oinarri hartuta % 50eko gutxieneko puntuazioa lortu beharko da), eta baita ariketei dagokion zatia gainditzea (azterketan eskatzen dena oinarri hartuta % 50eko gutxieneko puntuazioa lortu beharko da). Era berean, ez da onartuko 0-ko puntuaziorik jartzen diren galdera eta ariketa batean ere ez. Ikasgaiko irakasleek erabakiko dute zein izango den galdera edo/eta ariketen atal eta azpiatal bakoitzari esleituko zaion puntuazioa, eta zein izango den egindako akatsek izango duten penalizazioa. Behin gainditu ondoren, azterketa horrek azken notan izango duen pisua % 75 izango da. % 100era heltzeko geratzen den tartea mintegietan garatutako lanak eginez osatuko da.

MINTEGIAK. Mintegietara joatea, mintegietan parte-hartzea ,mintegietako jarduerak aurrera eramatea, eta taldeka egingo diren lau lan garatzea nahitaezkoa izango da irakasgaia gainditu ahal izateko. Taldeka egingo diren lau lan horietako bakoitzak ahozko aurkezpen bat izango du, eta aurkezpenean erabilitako ppt-a (edo dena delako formatua) irakasleari entregatu beharko zaio (guztia irakasleak aurrez ezarritako datetan). Aurkeztutako lanen kalitatearen arabera, baliteke talderen bateko partaideek mintegietako edukiari buruz proba gehigarri bat egin behar izatea (aurrerago aipatutako idatzizko azterketan). Kasu horretan, mintegiei dagokien probako zatia gainditzea nahitaezkoa izango da; alegia, idatzizko azterketan mintegien atala, teoriaren atala, eta atal praktikoa, guztiak gainditu beharko dira banan-banan.

Bestalde, ikasleren batek azken ebaluazio-sistema aukeratzen badu, ikasleak etengabeko ebaluazioari uko egiten diola jasotzen duen idatzi bat (sinatuta) aurkeztu beharko dio irakasleari. Horretarako, bederatzi asteko epea izango du, ikastegiko eskola egutegian zehaztutakoarekin bat lauhilekoa hasten denetik kontatzen hasita. Denbora tarte hori pasatu ondoren, ez da onartuko aipatutako helburua duen idatzi edo eskaerarik.

Etengabeko ebaluazio-sistemari uko egiten dion ikasleak idatzizko azterketa egiteaz gain proba gehigarri batzuk egin beharko ditu. Proba gehigarri horiek noiz eta nola entregatuko diren, eta noiz eta nola aurkeztuko diren, irakasleak zehaztuko du. Irakasgaia gainditzeko nahitaezkoa izango da 5 puntu lortzea 10etik azken probaren atal teorikoan, 5 puntu lortzea 10etik azken probaren atal praktikoan (ariketak), eta 5 puntu lortzea 10etik proba gehigarrietan. Azken probaren atal teoriko eta praktikoa nota totalaren % 75 izango dira eta proba gehigarriak % 25 izango dira.

Azterketaren gauzatzeari dagokionez (bai ebaluzio-jarraituaren kasuan, bai azken ebaluazio-sistemaren kasuan), ikasleek ondorengo materialak bakarrik erabili ahalko dituzte: boligrafo, arkatz, borragoma, tipex eta kalkulagailua (ez programagarria); ez da onartzen dispositibo mugikorrik (sakelakorik, smartwach, tablet eta abarrik).

Kasu guztietan (bai ebaluzio-jarraituaren kasuan, bai azken ebaluazio-sistemaren kasuan) azken probaren pisua irakasgaiko kalifikazioaren % 40 baino handiagoa denez, nahikoa izango da proba horretara ez aurkeztea azken kalifikazioa “aurkezteke” izan dadin.

Irakasleak emandako materiala.

Oinarrizko bibliografia

Distribución en Planta Pierre Michel. Edit. Deusto

Dirección de Operaciones. D. Machuca y otros. Edit. Graw Hill

El Just in Time hoy en Toyota. Moden.Edit.Deusto

Técnicas de Programación y Control de Proyectos.Romero. Edit. Pirámide.

Apuntes Organización de la Producción I y II. F. J. Zubillaga. Dpto. Organización de Empresas ESI. de Bilbao

La dirección estratégica de la empresa. Teoría y aplicaciones. J.E.Navas López, L.A.Guerras Martín

La dirección eficiente. E.Bueno y P.Morcillo. Ediciones Pirámide

Gehiago sakontzeko bibliografia

Compitiendo por el futuro. G.Hamel y C.K.Prahalad. Ariel Sociedad Económica
The Learning Organization. B.Garratt. Harper Collins Publishers
El talento TOYOTA. J.Liker y D.Meier. MacGraw Hill
El Liderazgo centrado en principios. S.Covey. Ediciones Paidós