GAITASUNAK:

• Talde-lanean aritzeko gaitasuna; lan-taldean modu eraginkorrean aritzeko gaitasunak garatzea: komunikazioa, enpatia eta negoziazioa.

• Talde-lanean rol ezberdinak jokatzeko gaitasuna.

• Lan-arautegia ulertzeko gaitasuna izatea, bereziki, kontratazioekin zerikusia duena.

• Enpresa-alorrean motibazio-faktoreak ulertzea.

• Postuen balorazio eta azterketa teknikak ulertu, aztertu eta ezartzeko gaitasuna izatea.

• Lidergotza-mota ezberdinak identifikatzeko gaitasuna





IRAKASGAIA IKASTEAREN EMAITZAK:



- Erakunde ezberdinetan pertsona/langileak duen garrantziaz jabetzea.

- Lan zuzenbidearen inguruko oinarrizko ezagutzak.

- Motibazioa sustatzeko ekintzan martxan jartzen jakitea.

- Soldata, ordainsari politika eta nominen inguruko ezagutzak izatea.

- Egungo ekonomi beharren ezagutza izatea.

- Lidergo jarrerak garatzea.

- Lanpostuen analisia eta berauen beharrezko perfila zehazten jakitea.

- Curriculum vitae-a egiten jakitea.

- Lan elkarrizketa bati aurre egiteko beharrezko jarrerak garatzea.

- Enpresa eta langilearen psikologiaren arteko erlazioa ulertzea.

- Gai batekiko ikuspuntu kritikoa lantzen jakitea.

1.gaia: Giza Baliabideei sarrera.

Empresa munduan Giza Baliabideen gaiak duen garrantzia landuko da, eta beronek azken urteetan izan duen aldaketa eta ikuspuntua jorratuko da.

2.gaia: lan zuzenbidea: oinarrizko lan eskubide eta betebeharrak.

Lan zuzenbideko oinarrizko kontzeptuak aztertuko dira, oinarrizko lan eskubideak eta betebeharrak langile eta enpresariari dagokionez zehaztuta.

3.gaia: ordainsari politika.

Gaiaren inguruko kontzeptu nagusiak landuko dira material teoriko eta praktikoaren bidez.

4.gaia: motibazioa.

Metodologia praktikoago baten bidez, motibazioaren inguruko teoría ezberdinak landuko dira, bere garrantziaz jabetzeko eta berau nola landu jakiteko.

5.gaia: lidergoa.

Lan praktikoak eta material teorikoa konbinatuz lidergoaren gaia landuko da, bere garrantzi, garapen, teoría ezberdin eta beharrezko jarrerak ikusita.

6.gaia: lanpostuen analisia eta balorazioa.

Graduko perfil profesionalekin lotutako lanpostuen analisia jarriko da praktikan, eta honekin loturiko perfil profesionalak zehaztuko dira.

7.gaia: hautaketa prozesua.

Lanpostuen analisiarekin eta balorazioarekin zuzenean lotuta, hautaketa prozesuen puntu garrantzitsuenak jorratuko dira, prozesua modu praktikoan ezagutuz eta etodologia praktiko eta dinamikoan landuta.

Alde batetik, ikasleek 30 orduz gelan lan egingo dute, irakasleak emandako material terikoarekin. Gai guztiak modu praktikoan landuko dira, talde lanak burutuz, prentsako egungo artikuluak landuz edota gai ezberdinen inguruko eztabaidak burutuz.



Lauhilekoan zehar, ordenagailuko praktiketan 30 orduko lana burutuko da. Jorraturiko gai bakoitzaren ariketa bat egin eta entregatuko da. Honako puntuak jorratzeko burutuko dira praktikak:



- Alderdi teorikoetan landutako gaiak praktikotasunean jartzea.

- Lan taldean lan egitea, etorkizunean lan munduan oso garrantzitsua izango dutena.



Mota ezberdinetako lanak egingo dira, batzuk norbanakoak burutuko ditu eta beste batzuk lan taldean egingo dira. Lan taldean burutuko diren lanen artean, batzuk momentuko taldeetan burutuko dira eta beste batzuk talde egonkorretan. Azken hauek izango dira ordenagailuko praktiketan entregatuko diren lanetan mantenduko direnak, eta irakasleak zehazturiko datetan entregatuko dira.

Ohiko deialdia



Ebaluazio jarraia:



1.-Lan indibidualak eta talde-lanak: azken notaren %40a izango da (%20a lan indibiduala eta %20a talde lana). Lan guztiak entregatu beharko dira eta ikasgaiaren azken notan batazbestekoa ateratzeko 10etik 5 puntu ateratzea beharrezkoa izango da.



2.-Idatzizko froga: azken notaren %60a izango da eta 10etik 5 puntu atera beharko dira gainditu ahal izateko.



Bi alderdiak burutu ostean, bien batazbestekoa aterako da, eta hemen ere, beharrezkoa izango da 10etik 5 puntu lortzea gainditu ahal izateko.



Amaierako ebaluazioa:



Amaierako ebaluazioari dagokionez, azken notaren %100ª balioko du, eta kasu honetan ere 10etik 5 puntu lortu beharko dira gainditu ahal izateko. Ikasleak aukera hau egiten badu, ez du zertan jakinarazi behar, kasu honetan izan ezik:



-Ikaslea ebaluazio jarraian hasia badago, bederatzi aste izango ditu bere aukera jakinarazteko eta ebaluazio sistema aldatzeko.





Idatzizko azterketara aurkeztu ezean, uko egiten diola ulertuko da eta “Ez aurkeztua” kontsideratuko da.

Oinarrizko bibliografia

- Un timón en la tormenta; Ángel Baguer Alcalá, Ediciones Díaz de Santos, 2001



- Las relaciones humanas en la empresa; Elvira Santos, Editorial Paraninfo, 2008



- Los 10 mandamientos para la dirección de personas, Shimon Dolan, Grupo Planeta (GBS), 2004



- Gestión de personas: Manual para la gestión del capital humano en las organizaciones. Porret Gelabert, Miquel. Editorial ESIC. ISBN: 9788415986492

Gehiago sakontzeko bibliografia

- Inteligencia emocional, J.M. Acosta, Ed. ESIC

- Gestión por competencias y talento, Palomo Vadillo, María Teresa , Ed. ESIC

- Erakundeen soziologia, Lucas Marín, Antonio; García Ruiz, Pablo, Ed. Euskal Herriko Unibertsitatea

- Reinventando Recursos Humanos, Margaret Butteriss , Gestión 2000, 2001

- La organización del futuro, F. Hesselbein, M. Goldsmith y R. Beckhard, Ediciones Deusto, 1997

- La nueva gestión de los Recursos Humanos, Miguel Ordoñez , Ediciones Gestión 2000, 1997