XSLaren edukia

Enpresen Lehiakortasuna eta Berrikuntza

Ikastegia
Bilboko Ingeniaritza Eskola
Titulazioa
Industria Antolakuntzaren Ingeniaritzako Gradua
Ikasturtea
2020/21
Maila
3
Kreditu kopurua
6
Hizkuntzak
Gaztelania
Euskara

IrakaskuntzaToggle Navigation

Orduen banaketa irakaskuntza motaren arabera
Irakaskuntza motaIkasgelako eskola-orduakIkaslearen ikasgelaz kanpoko jardueren orduak
Magistrala22.533.8
Mintegia22.533.8
Gelako p.1522.5

Irakaskuntza-gidaToggle Navigation

HelburuakToggle Navigation

Irakasgaiarekin zerikusia duten Graduko gaitasun orokorrak:



1. Ezagutzak edukitzea oinarrizko gaietan eta gai teknologikoetan, metodo eta teoria berriak ikasteko eta egoera berrietara egokitzeko gaitasuna garatzeko.

2. Gaitasuna industria-antolakuntzako ingeniaritzaren arloan arazoak nork bere ekimenez konpontzeko, erabakiak hartzeko, irudimena garatzeko, arrazoibide kritikoa erabiltzeko eta jakintzak, gaitasunak eta trebetasunak transmititzeko.

3. Antolatzeko eta planifikatzeko gaitasuna enpresan eta beste erakunde eta antolakuntza batzuetan.





Irakasgaiak ondorengo gaitasun espezifikoak garatzen laguntzen du:



4 - Gaitasuna industria-antolakuntzako problemak modelatzeko. Ebazteko eta erabakiak hartzeko laguntza-teknikak: arriskuen analisia, sistemen modelatua, optimizazio- eta simulazio-teknikak.

5. Teknika eta tresna berriak identifikatzea enpresak antolatzeko eta kudeatzeko

6. Enpresa-ekimenei ekitea eta ekimen horiek sustatzea.

7. Antolakuntzetako kideen esperientzia eta ezagutza kudeatzea funtzionamenduan hobekuntzak egiteko.







Helburuak:



a) Ikasleari azaltzea berrikuntza kontzeptuak eta berrikuntzak gaur egun enpresa lehiakortasuna lortzeko duen garrantzia. Berrikuntza-prozesua eta berau baldintzatzen duten kontzeptuak: sormena, motibazioa, lidergoa eta abar azaltzea. Enpresa lehiakorren inguruko kasuekin lan egitea. Zehaztasun akademikoa adibide didaktikoekin konbinatuz irakasgaian zehar garatuko diren gai desberdinak azaltzea.



b) Globalizazioarekin batera, berrikuntzaren kudeaketa eta lehiakortasunarekin erlazionatutako gaiek garrantzia handia heureganatu dute. Enpresaren lehiakortasuna mantendu eta hobetzeko berrikuntzak daukan garrantzia ezinbestekoa da. Alegia, lehiakortasuna eta berrikuntza batera joan behar dira, eta berauekiko interesa eta horiek barneratzea ezinbestekoa izango da Industria Antolakuntzaren Inginiaritzako graduatu batentzako bere egunerokotasunean.





Ikaste emaitzak:



IE1. Berrikuntza kontzeptuak denboran zehar izan duen garrantziari buruz kontzientzia lortu.

IE2. Industria enpresa merkatuan lehiakorra izan dadin zein kontzeptutan zentratzen den ezagutu historian zehar: ekoizpena – produktibitatea – lehiakortasuna.

IE3. Lehiakortasun kontzeptua modu argian definitzen jakin.

IE4. Lehiakortasuna neurtzen duten nazioarteko erakundeak identifikatu.

IE5. Lehiakortasun terminoetan Espainia eta EAEren posizio erlatiboa zein den definitu.

IE6. Espainian industria sektorea baldintzatu duten ezaugarri garrantzitsuenak ezagutu.

IE7. Azpikontratazioaren eta deslokalizazioaren esanahia barneratu.

IE8. Berrikuntzaren definizioa argia ezagutu. Berrikuntza motak desberdindu.

IE9. Ziklo-teknologiko kontzeptua definitu eta deskribatu.

IE10. Berrikuntza-prozesua azaltzen duen irudi-diagrama irudikatu eta azaldu.

IE11. Berrikuntzaren kudeaketarako elementu gakoak irudikatu eta azaldu, klasean ikusitakoaren arabera.

IE12. Funtsezko gaitasunei buruzko definizioa eta azalpena eskaini.

RA13. Berrikuntza estrategikoari buruz klasean ikusitako eskema irudikatzen eta azaltzen jakin.

IE14. AMIA analisiak nola funtzionatzen duen definitu eta azaldu.

IE15. Porter-en bost indarren modeloaren zentzua eta funtzionatzeko modua azaldu.

IE16. Prospektiba teknikak zer diren, zertan datzan, eta zertarako erabiltzen diren definitu eta azaldu.

IE17. Gaien adituak direnek sormenari buruz emandako definizioak ezagutu. Sormen prozesua. Sormen teknikak.

IE18. Lidergoa zer den, zertan datzan, eta nola aplikatzen den definitu eta azaldu.

Irakasgai-zerrendaToggle Navigation

1. Sarrera.

1.1. Historian zehar berrikuntzak izan duen garrantzia.

1.2. Garapen historikoa. Enpresa.



2. Lehiakortasun kontzeptua.

2.1. Ekoizpena. Produktibitatea. Lehiakortasuna.

2.2. Kostu estrategiak vs lehiakortasun estrategiak. Enpresaren lekualdatzea.



3. Berrikuntza.

3.1. Berrikuntza kontzeptua.

3.2. Berrikuntzari buruzko zenbait datu Espainian.



4. Lehiakortasuna eta berrikuntza.

4.1. Nola bilakatu berrikuntza lehiatzeko abantailan: Langilea, pertsona nukleo zentral bezala.

4.2. Funtsezko gaitasunak.



5. Berrikuntza-prozesua.

5.1. Berrikuntza eragiten duen planteamendu estrategikoa: Diseinu estrategiako.

5.2. Ideien sorrera. Sormena.

5.3. Ideien aukeraketa.

5.4. Langileen ideiak jasotzea.

5.5. Lidergoa.

5.6. Motibazioa.

5.7. Adimen emozionala.



6. Berrikuntzaren kudeaketa.



7. Enpresa berritzaileak.

MetodologiaToggle Navigation

Klaseak irakasleak eginiko gardenkiak oinarri hartuta emango dira. Ikasleek gardenki horiek eskura izango dituzte. Hala ere, gardenkietan datorren informazioa ez da nahikoa izango irakasgaia gainditzeko. Izan ere, gardenki horiek klase magistraletan zehar garatutako behaketa edo/eta azalpenekin osatu beharko dira.

Irakasgaia klase magistralen, ikasgelako praktiken eta mintegien bidez garatuko da. Mintegietan garatuko diren lanak taldeka egingo dira, hala ere, banakako entregagairen bat edo beste ere izango da. Beraz, mintegietan taldeka egingo denez lan, mintegietara joatea eta parte-hartzea nahitaezkoa da.



Osasun egoerak ezinezkoa egiten badu hezkuntza jarduera bat edo/eta ebaluazioa presentziala izatea, modalitate ez presentziala aktibatuko da. Hala balitz, ikasleek dagokion momentuan jasoko dute informazioa.

Ebaluazio-sistemakToggle Navigation

Azterketa deialdirako ezarritako data ofizialean egingo den idatzizko azterketa bat egingo da, eta nahitaezkoa izango da irakasgaia gainditzeko azterketa horretan 10 puntutik 5 lortzea. Ikasgaiko irakasleek erabakiko dute zein izango den galdera edo/eta ariketen atal eta azpiatal bakoitzari esleituko zaion puntuazioa, eta zein izango den egindako akatsek izango duten penalizazioa. Azterketa hori, amaierako notaren %75 izango da.

Mintegietara joatea, mintegietan parte-hartzea, eta mintegietan garatutako jarduerak gainditzea nahitaezkoa izango da irakasgaia gainditzeko. Mintegi horietan burututako lana amaierako notaren %25 izango da. Saio desberdinetatik banaka zein taldeka garatu beharko diren lanak aterako dira. Taldeka egingo diren lan guztiek idatzizko entregagai bat eta ahozko aurkezpen bat izango dute (datak irakasleak aurrez ezarriko ditu). Banakako lanen kasuan idatzizko entregagai bat izango da.

Azken probaren pisua irakasgaiko kalifikazioaren %40 baino handiagoa denez, nahikoa izango da proba horretara ez aurkeztea azken kalifikazioa “aurkezteke” izan dadin.

Bestalde, ikasleren batek azken ebaluazio-sistema aukeratzen badu, ikasleak etengabeko ebaluazioari uko egiten diola jasotzen duen idatzi bat (sinatuta) aurkeztu beharko dio irakasleari. Horretarako, bederatzi asteko epea izango du, ikastegiko eskola egutegian zehaztutakoarekin bat lauhilekoa hasten denetik kontatzen hasita. Denbora tarte hori pasatu ondoren, ez da onartuko aipatutako helburua duen idatzi edo eskaerarik.

Etengabeko ebaluazio-sistemari uko egiten dion ikasleak azken idatzizko azken azterketa osagarria egiteaz gain proba gehigarri batzuk egin beharko ditu kurtsoan zehar. Proba gehigarri horiek noiz eta nola entregatuko diren, eta noiz eta nola aurkeztuko diren, irakasleak zehaztuko du. Irakasgaia gainditzeko nahitaezkoa izango da 5 puntu lortzea 10etik idatzizko azken azterketan, eta 5 puntu lortzea 10etik proba gehigarrietan. Azken idatzizko azterketaren nota totalaren %75 izango da eta proba gehigarriak %25 izango dira.

Kasu honetan ere, azken probaren pisua irakasgaiko kalifikazioaren %40 baino handiagoa denez, nahikoa izango da proba horretara ez aurkeztea azken kalifikazioa “aurkezteke” izan dadin.



IAIG-DUAL prestakuntza-ibilbidearen aldeko hautua egiten duten ikasleek, hurrengo dokumentuak prestatu beharko dituzte irakasgaiaren ebaluazio jarraitua egin ahal izateko:

Jarraipen koadernoa, txostenak, memoria. Hezkuntza Planaren parte izango den dokumentua da, non enpresako instruktorearekin egin diren batzarrak zein enpresan egindako jarduerak jasoko diren (irakasgaiaren gaitasunekin zerikusia dutenak). Dokumentua hilero beteko da eta BIEko tutoreari helaraziko zaio. Txosten horien batuketaren emaitza izango da azken memoria, eta horren gainean egingo da azken ebaluazioa. Dokumentu horrek izango duen balioa %25 izango da, hain zuzen, eredu duala jarraituko ez duten ikasleen ebaluazio jarraituaren berdina. Nota instruktoreak proposatuko du eta tutorearekin adostuko da.

Era berean, instruktoreak enpresan egindako jardueren inguruko idatzizko froga bat diseinatuko du, irakasgaiaren atal gakoa izango ez delarik. Froga horren helburua izango da ikasleak enpresan egin dituen jardueren kontzeptu gakoak barneratu dituela frogatzea. Horrek azken notaren %35 balioko du. Nota instruktoreak proposatuko du eta tutorearekin adostuko da.

Irakasgaiko tutoreak ebaluazioa osotuko du idatzizko azken froga bat eginez, zeinak azken notaren %40 balioko duen. Idatzizko froga hori berezia izango da ikasle dualentzat eta irakasgaian gakoak diren edukien inguruan izango da bereziki. Irakasgaiko eduki gakoak e-gela plataformaren bitartez partekatu den dokumentu batean jasoko dira (irakasgaian, klasean erabilitako gardenki multzoan adierazten denarekin bat egiten du). Irakasgaia gainditzeko ezinbestekoa da idatzizko azken froga horretan 10 puntutik 5 lortzea gutxienez eta eredu ez duala jarraitzen duten ikasleekin batera egingo da, horretarako adieraziko den ohiko deialdi ofizialean. Ikasle dualek aterako duten azken nota aipatutako frogen arabera izango da. Irakasgaia gainditzeko aipatutako atal guztiak gainditu beharko dira, hau da, gutxienez 5 puntu lortu beharko dira 10etik, aipatu diren 3 ataletan. Azken probaren pisua irakasgaiko kalifikazioaren %40a denez, deialdiari uko egin nahi dioten ikasleek irakasgaiaren irakaskuntza aldia bukatu baino, gutxienez, hilabete lehenago egin beharko dute eskaera. Eskari hori idatziz aurkeztu beharko zaio irakasgaiaren ardura duen irakasleari. Irakasgaia gainditzen ez dutenei hurrengo deialdietan eredu duala jarraitzen ez dutenen irizpide berdinak aplikatuko zaizkie.

Azterketa egiteari dagokionean, jarraitzen den eredua dena delako dela, ikasleek hurrengo materiala soilik erabili ahalko dute: boligrafoa, arkatza, borragoma, tipex-a eta programatu ezin daitekeen kalkulagailua; ezin daiteke honelako gailu mugikorrik erabili: sakeleko telefonoa, smartwacheak, tabletak, eta abar.

Nahitaez erabili beharreko materialaToggle Navigation

Irakasleak emandako materiala.

BibliografiaToggle Navigation

Oinarrizko bibliografia

PORTER, MICHAEL E. (Varias obras)

GUNS BOBO. Aprendizaje organizacional: Como ganar y mantener la competitividad. Edit. Prentice Hall

HAMEL Y PRAHALAD. Compitiendo por el futuro. Ariel Sociedad Económica

COVEY. El liderazgo centrado en principios. Ediciones Paidós

MOLINA MANCHÓN, H. y CONCA FLOR, F.J., (2000), Innovación tecnológica y competitividad empresarial, Universidad de Alicante, Alicante.



Gehiago sakontzeko bibliografia

ETKIN JORGE. La empresa competitiva. Edit. McGraw Hill
WALL S.J.; RYE WALL, S. Estrategias innovadoras en su negocio. Edit. Marcial Pons
NAVAS LOPEZ, J.E., GUERRAS MARTIN, L.A..La dirección estratégica de la empresa. Teoría y aplicaciones. Ed.Civitas, S.A.
PAPIN R.. El Libro del dirigente profesional Conciencias de la Dirección
THOMAS J., WATERMAN R.. En busca de la excelencia. Ediciones Folio
ESCORSA CASTELLS P., VALLS PASOLA, J.. Tecnología e innovación en la empresa. Dirección y Gestión. Ediciones UPC
DALE TIMPE. Motivación del personal. P & J Editores
HIDALGO NUCHERA, A. et al (2002): La gestión de la innovación y la tecnología en las organizaciones, Ediciones Pirámide, Madrid.
GARCÍA OLALLA, M. y VÁZQUEZ ORDÁS, C.J. (Dir.)(2002): Estrategias y operaciones empresariales en los nuevos mercados. 20 casos a estudio. Editorial Civitas, Madrid.
GHEMAWAT, P. (2000): La estrategia en el panorama del negocio. Texto y casos. Pearson Educación, México.
GRANT, R.M. (2002): Contemporary Strategy Analysis, 4ª edición. Blackwell Publishers, Cambridge, Massachusetts.
JOHNSON, G. y SCHOLES, K. (2000): Dirección Estratégica, 5ª edición. Prentice Hall, Madrid.
MINTZBERG, H., QUINN, J.B. y GHOSHAL, S. (1999): El proceso estratégico. Edición europea revisada. Prentice Hall Iberia, Madrid.
CHAN KIM, W. y MAUBORGNE, R. (2005): La estrategia del Océano azúl, Editorial Norma S.A., Bogotá, Colombia.

5., 6. eta salbuespenezko deialdien epaimahaiaToggle Navigation

  • CILLERUELO CARRASCO, ERNESTO JESUS
  • ECHEVARRIA ROBLEDO, MARIA BEGOÑA
  • ZARRABEITIA BILBAO, ENARA

TaldeakToggle Navigation

01A Teoriakoa (Gaztelania - Goizez)Erakutsi/izkutatu azpiorriak

Egutegia
AsteakAstelehenaAstearteaAsteazkenaOstegunaOstirala
18-32

09:30-11:00

Irakasleak

01A Mintegia-1 (Gaztelania - Goizez)Erakutsi/izkutatu azpiorriak

Egutegia
AsteakAstelehenaAstearteaAsteazkenaOstegunaOstirala
18-32

11:00-12:30

Irakasleak

01A Gelako p.-1 (Gaztelania - Goizez)Erakutsi/izkutatu azpiorriak

Egutegia
AsteakAstelehenaAstearteaAsteazkenaOstegunaOstirala
18-32

10:00-11:00

Irakasleak

01B (Gaztelania - Goizez)Erakutsi/izkutatu azpiorriak

Egutegia
AsteakAstelehenaAstearteaAsteazkenaOstegunaOstirala

31A Teoriakoa (Euskara - Goizez)Erakutsi/izkutatu azpiorriak

Egutegia
AsteakAstelehenaAstearteaAsteazkenaOstegunaOstirala
18-22

09:00-10:30

23-32

09:00-10:30

Irakasleak

31A Mintegia-1 (Euskara - Goizez)Erakutsi/izkutatu azpiorriak

Egutegia
AsteakAstelehenaAstearteaAsteazkenaOstegunaOstirala
18-22

10:30-12:00

23-32

10:30-12:00

Irakasleak

31A Gelako p.-1 (Euskara - Goizez)Erakutsi/izkutatu azpiorriak

Egutegia
AsteakAstelehenaAstearteaAsteazkenaOstegunaOstirala
18-22

09:00-10:00

23-32

09:00-10:00

Irakasleak

31B (Euskara - Goizez)Erakutsi/izkutatu azpiorriak

Egutegia
AsteakAstelehenaAstearteaAsteazkenaOstegunaOstirala