Ekonomia eta Enpresa Fakultatearekin (Sarriko, Elkano, Donostia eta Gasteiz) hitzarmena duten Latinoamerikako unibertsitateak fakultatetik esleituko dira, eta, horretarako, kontuan hartuko dira ikaslearen batez besteko nota eta ikasleak bere eskaeran ezarritako lehentasunak.

Nahiz eta Latinoamerikarako UPV/EHUko Nazioarteko Harremanen arloko Errektoreordetzak gogoan duen unibertsitateen eskaintza zabalagoa izan, fakultateko ikasleek webgune honetako tauletan agertzen diren unibertsitateetarako bakarrik eska dezakete mugikortasuna.

Gogoan izan behar da GAUR aplikazioan hautatutako lauhilekoa UPV/EHUren egutegi akademikoarekin bat datorrela. Hala ere, ez da ahaztu behar hainbat herrialdetan (Txile, Argentina, Brasil, Uruguai, …) bestelako egutegi akademikoa dagoela; izan ere,  haien lehen lauhilekoa otsailean/martxoan hasten da eta bigarren lauhilekoa abuztuaren hasieran.

Latinoamerikako, Kazakhstango eta Singapurreko mugikortasunaren iraupena 5 hilabetekoa da (lauhileko bat), eta ezin da luzapenik eskatu.

Unibertsitateak Kupoa Fakultatea Latinoamerika

Unibertsitateak Kupoa Fakultatea Beste norakoak

UPV/EHUko hainbat fakultatek partekatzen dituzten plazen unibertsitateak dira.

Nazioarteko Harremanen bulegoak, Leioakoak, kudeatzen ditu plaza horiek eta plazak UPV/EHUren irizpide orokorren arabera esleitzen dira, eta ez Ekonomia eta Enpresa Fakultatearen irizpideekin.

Hainbat herrialdetako unibertsitateak eskaintzen dira: Estatu Batuak, Kanada, Japonia, Hego Korea, Maroko, …

Garrantzitsua da egiaztatzea unibertsitateak "business" ikasketak eskaintzen dituela.

KIMEP (Kazakhstan) eta NANGYANG (Singapur) unibertsitateek Ekonomia eta Enpresa Fakultatearekin (Sarriko, Elkano, Donostia eta Gasteiz) dute hitzarmena eta fakultatetik esleituko dira. Horretarako, kontuan hartuko dira ikaslearen batez besteko nota eta ikasleak bere eskaeran ezarritako lehentasunak.

Taulan agertzen diren hizkuntza eskakizunak nahitaezkoak dira. Ikastegiko idazkaritzan entregatu beharko dira (jatorrizkoa eta kopia), eta, ondoren, helbide elektroniko honetara bidali: certiidiomas.internacional@ehu.eus

Dokumentua:

Beste Norako Batzuk programako unibertsitateen taula

Suitzako unibertsitateak "Beste Norako Batzuk" mugikortasun programan agertzen diren arren, Ekonomia eta Enpresa Fakultateak kudeatu eta esleitzen ditu, Europako gainerako unibertsitateetarako irizpide berberekin.

Suitzako unibertsitate batera joateko hautatutako ikasleek zuzenean jasoko dute mugikortasun beka Suitzako erakundeetatik, eta ez Europar Batasunetik.