EKONOMIA ETA ENPRESA FAKULTATEA

GIPUZKOAKO ATALA

Ekonomia eta Enpresa Fakultatea sortu berria den zentro bat da. Gipuzkoa, Araba eta Elkanoko (Bilbo) atalak ditu eta bere egoitza Sarrikon (Bilbo) kokatuta dago. Donostiako atala lehen Enpresa Ikasketen Unibertsitate Eskola zen eta Gipuzkoako Campusean dago kokaturik (Ibaetan). 2010-2011 ikasturtean  Enpresen Administrazio eta Zuzendaritzako (EAZ) Gradua eskaintzeari ekin dio eta 2019-2020 ikastutetik aurrera EAZ eta Zuzenbidean gradu bikoitza ere eskainiko du; Goi Mailako Hezkuntzaren Europar Esparrura (Boloniako Plana) egokitutako tituluak.

Albisteak

Ekonomia eta Enpresa Fakultateak Unibasq-ek NVAO eta MUrekin lankidetzan antolatutako “lanean oinarritutako ikaskuntzari buruzko” (WBL) nazioarteko tailer batean parte hartu du.

Lehenengo argitaratze data: 2019/06/13

 

Lanean oinarritutako ikaskuntzaren kontzeptua

Goi-mailako hezkuntzan gaitasunetan oinarritutako hezkuntzaren gorakada eman zen laurogeita hamarreko hamarkadan; era honetara, hezkuntza erakundeen eta ikasketa-programen arteko lankidetza areagotu zen, alde batetik, eta bestetik, lanbide praktika. Lanbide heziketa edo lantokiko ikaskuntza egoeretan gaitasunen garapena oso arrakastatsua dela frogatu da. Ondorioz, “enpresa egonaldiak” goi mailako hezkuntzako ikasketa programetan ezinbesteko elementu bihurtu dira. Gaur egun, lanean oinarritutako ikasketen interpretazioa zabalagoa bilakatzen ari da, laneko ikaskuntza (WBL) edo formakuntza duala barne.

 

Ekitaldiaren helburu nagusia lanean oinarritutako ikaskuntzaren kontzeptuari buruzko eztabaida abiaraztea eta sustatzea izan da, goi mailako ikasketetan konfiantza nola eraiki daitekeen hausnartuz. Ekitaldiak lanean oinarritutako hezkuntzak dituen erronkak ikertzeko bidea zabaldu behar du, lan inguruneko kalitatezko hezkuntza eskainiz:

1. Egoeraren analisia - Laneko ikaskuntzaren kontzeptualizazioa eta interes taldeen ikuspegiak aztertzea. Lanean oinarritutako ikaskuntza modu askotan ulertzen da, eragile desberdinen pertzepzio eta itxaropenen arabera. Testuinguru honetan laneko praktikak, formakuntza duala, hezkuntza kooperatiboa eta ikastaro konbinatuak maiz erabiltzen diren terminologiak dira. Garrantzitsua da terminologia honekin zer esan nahi den ulertzea.

2. Praktika onak partekatzea laneko ikaskuntzako esperientzietan. WBLren esparrua nazioarteko ikuspegitik definitzea, egungo praktikak mapatzea eta jardunbide egokiak trukatzea.

 

Aurrekoaren arabera, ekitaldia partaideen elkarreragina erraztuko du eta etorkizuneko lankidetzak sustatuko ditu.

+INFO: https://www.unibasq.eus/en/unibasq-hosts-an-international-workshop-on-work-based-learning-in-cooperation-with-nvao-and-mondragon-unibertsitatea/