Irakasgaiaren helburuak, ikasketa-planaren arabera:

1. Latinak, latindar gramatikak eta latindar idazkerak euskaran eta euskararen inguruko hizkuntza erromantzeetan, gramatikan eta idazkeran izandako eragina ezagutzea.

2. Latinaren ezaugarri fonetiko, morfologiko eta sintaktiko nagusien ezagutza eta hainbat genero eta garaitako testu esanguratsuen gaineko lan praktikoa.

3. Latinezko testuen analisi morfologiko eta sintaktikoa egiteko gaitasuna eskuratzea.

4. Perpaus konposatuaren joskera teorian eta praktikan menderatzea.

5. Hiztegiak erabiltzen trebatzea.



Moduluko gaitasunak (Modulua: M13 – Bigarren hizkuntza: Hizkuntza Klasikoa):



M13CM01: Hizkuntza klasikoak ezagutzea eta idatzizko ulermen maila ona eskuratzea



M13CM02: Literatura eta kultura klasikoa ezagutzea, ulertzea eta interpretatzea, konparaziozko lanak egin ahal izateko.



M13CM03: Hizkuntza klasikoen gramatika-egitura ezagutzea eta aztertzeko gai izatea, ikertu beharreko hizkuntzen ezaugarri kontrastiboak ulertu ahal izateko.



Tituluko gaitasunak (Titulua: Euskal Ikasketen Gradua):



G003: Literaturako, filologiako edo hizkuntzalaritzako arazo bat lantzeko, aztertzeko eta azaltzeko beharrezkoa den argudiatzea modu egituratuan eta zehatzean eraikitzea, eta, horretarako, filologiako, literatura-kritikako eta hizkuntzalaritza teorikoko eta aplikatuko berezko teorietan, metodoetan eta baliabideetan oinarritzea.



G006: Bigarren hizkuntza bat erabiltzea hainbat jarduera-testuingurutan, eta bigarren hizkuntza horretako literaturaren eta kulturaren ezaugarri nagusiak ezagutzea.



G007: Banaka nahiz diziplina bereko edo diziplina anitzeko taldeekin modu kooperatiboan lan egitea.



G008: Hizkuntzarekin, literaturarekin eta kulturarekin lotutako mota guztietako dokumentazioa eta informazioa aurkitzea, erabiltzea, aztertzea, sintetizatzea eta ebaluatzea modu kritikoan.



MECen oinarrizko gaitasunak:



MEC1: Ikasleek bigarren hezkuntzaren oinarri orokorreko ikasketa arlo bateko jakintzak izatea eta ulertzea erakutsi izana, eta testuliburu aurreratuak erabiltzeko maila eta ikasketa arloko abangoardiatik etorritako jakintzek inplikatzen dituzten zenbait alderdi ezagutzeko maila erakutsi izana.

MEC2: Jakintzak lanari edo bokazioari modu profesionalean aplikatzen jakitea, eta argumentuak defendatuz eta ikasketa arloko arazoak ebatziz frogatzen diren gaitasunak izatea.

MEC3: Datu garrantzitsuak biltzeko eta interpretatzeko gaitasuna izatea (normalean, ikasketa-arloaren barruan); hartara, gizarteko, zientziako edo etikako gai garrantzitsuei buruzko gogoetak barneratzen dituzten iritziak emateko.

MEC4: Informazioa, ideiak, arazoak eta irtenbideak publiko espezializatuari edo ez-espezializatuari transmititzeko gai izatea.

MEC5: Etorkizunean autonomia handiko ikasketak hasteko beharrezkoak diren ikasteko gaitasunak garatuta izatea.



Ikasketaren emaitzak:



Ikasleak latinezko zailtasun ertaineko testuak itzuli eta interpretatzeko teknika espezifikoak ezagutu eta menderatzen ditu, eta gai da latin hizkuntza eta haren historiaren alderdi nagusiak ezagutu eta azaltzeko.

PROGRAMA TEORIKOA:

1. Latina munduko hizkuntzen artean.

2. Latinaren aldiak.

3. Latin arrunta: kontzeptua eta ezaugarriak.

4. Latinaren sistema fonetiko-fonologikoa.

Prosodiako elementuak.

5. Latinaren maileguak euskaran.

6. Latina eta euskararen hurbileko erromantzeak: gaskoia, frantsesa, gaztelania eta nafar erromantzea.

7. Latinaren gramatika:

7.1. Izenaren morfologia eta sintaxia.

7.2. Izenordainaren morfologia eta sintaxia.

7.3. Aditzaren morfologia eta sintaxia.

7.4. Mendeko perpausak latinez.

8. Latindar literaturako zenbait autore.



PROGRAMA PRAKTIKOA:

- Latinezko testuen bertsio erraztuak aztertzea eta hiztegirik gabe euskaratzea.

- Latinezko esaldi eta testu hautatuak hiztegiaren laguntzaz euskaratzea.

- Gramatika-ariketak, euskaratuko diren testuetan landuko den gramatika lantzeko.

Alde teorikoa:

Irakasleak eskolan aurkeztuko ditu gaiak, askotan praktikarekin batera.

Alde praktikoa:

Eskolan landuko diren testuak irakasgaiaren Moodle-gunean izango dira; hor izango dira ariketak ere.

Aldiro-aldiro, etxean egiteko ariketak proposatuko dira. Ariketa horiek beti eskatu eta jasoko dira Moodle bidez.

Ebaluazioa:

Idatzizko azterketak: %80 (Azken azterketa orokorra, %50; zati azterketek, %30)

Ariketa praktikoak lauhilekoan zehar: %20



Ebaluazio-irizpideak idatzizko azterketarako:

-Eduki teorikoak ondo jasotzea, azaltzea eta erlazionatzea.

-Eduki teorikoak testuetan aplikatzea, testuak ulertzea eta sakontasun maila testuen analisian.

-Itzulpenaren egokitasuna eta zuzentasuna.

-Euskararen erabilera jaso eta zuzena.



Ebaluazio-irizpideak ariketa praktikoetarako:

–Eduki teorikoen aplikazioa.

-Testuen analisi eta ulermena.

-Gramatika-ariketen zuzentasuna.



Graduko titulazio ofizialetako ikasleen ebaluaziorako arautegiaren arabera -2. kapitulua, 8.3 artikulua-,ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoko irakasgaien kasuan

. Graduaren Kudeaketa Arautegiaren arabera -4. kapitulua, 39. artikulua, azken azterketa probara ez aurkezteak ebaluazio deialdiari uko egitea ekarriko du eta hori egiten duen ikaslea "Ez aurkeztu" bezala agertuko da aktan. Gainera, ikasleek uko egin ahalko diote ebaluazio deialdiari irakasleari hori eskatzeko idazki baten bidez azterketen aldiaren hasiera ofiziala baino hamar egun aurretik edo lehenago aurkeztuz gero. Proposaturiko ebaluazio sistematik salbuetsita geratu daitezkeen ikasleak zein diren aurretik aipaturiko arautegian agertzen da,-4. kapitulua, 43.artikulua, Ebaluazio metodoak. Ikus:

https://www.euskadi.eus/y22-bopv/es/p43aBOPVWebWar/VerParalelo.do?cd2017001311

Ikasleak azken proba bakar bat egin beharko du.

-Oinarrizko bibliografia.
-Eskolan emandako azalpenak.
-Moodle-n utzitako materiala.

Oinarrizko bibliografia

Irakasleak eskolan eta irakasgaiaren Moodle gunean emango dituen azalpen eta materialez gain, liburu bakarra izan behar du ikasleak ezinbestean: latin-hiztegi on bat. Latin-euskara hiztegi osorik ez dagoenez, gaztelaniazko hau aholkatzen da bereziki:



"Diccionario ilustrado: Latino-Español, Español-Latino". Vox-Spes argitaletxea.



Hiztegi horrek eranskin gisa dakarren Resumen de gramática latina ere zinez baliagarria da.

Gehiago sakontzeko bibliografia

F. Gaffiot, Dictionnaire latin-français, Paris 2000.
Ch. T. Lewis - Ch. Short, A Latin dictionary, Oxford 1997.
P. G. W. Glare, ed., Oxford Latin dictionary, Oxford 1968-1982.
A. Blánquez Fraile, Diccionario latino-español, Barcelona 1975, 2 vols.
A. Ernout - A. Meillet, Dictionnaire étymologique de la langue latine. Histoire des mots, Paris 1979.
L. R. Palmer, Introducción al latín, Barcelona 1984.
A. Traina - G. Bernardi Perini, Propedeutica al latino universitario, Bolonia 1998.
J. M. Baños Baños, Sintaxis del latín clásico, Madrid 2009.
J.A.Beltrán,Introducción a la morfología latina, Zaragoza, 1999.
S. Segura Munguía, Gramática latina, Madrid 1961 [y reimpr. posteriores]
L. Rubio Fernández- T. González Rolán, Nueva Gramática Latina, Madrid: Coloquio 19852.
J.A. Enríquez y A.López Fonseca, Resumen de Gramática latina, Madrid: Ediciones Clásicas, 1993.

Aldizkariak

Ez dago maila honetarako aldizkari berezirik.