Izen ematea, onarpena eta matrikula – Unibertsitako Masterrak Latinoamérikan

Izen ematea

Zer egin behar dut master batean izena emateko?

Masterraren web orri bakoitzean "Masterraren gaineko informazioa" atala aurkituko dute ikasleek. Bertan agertuko diren telefonoetan eta helbide elektronikoetan argituko dituzte ikastaroei buruzko kontsultak (edukiak, eskolen egunak eta tokiak), bai eta izena emateko eta ikasleak onartzeko tramiteei buruzkoak ere.

Izena ematea ez da benetakoa izango egingo duzun masterraren idazkaritzara behar den dokumentazioa bidali arte.

Dokumentazioa:

Ikasle guztiek aurkeztu beharreko dokumentuak:

  • NANaren fotokopia edo pasaportea.
  • Tituluaren fotokopia.
  • Ikaslearen ziurtagiri akademikoaren fotokopia, karrerako irakasgai guztietako kalifikazioak eta deialdiak adierazita.
  • Ikasleak egindako lanak, artikuluak edo argitalpenak.
  • Bestelako merezimenduak.

Homologatu gabeko atzerriko titulazio bat duten ikasleek, lehenago aipatutakoaz gainera, beste dokumentu hau ere aurkeztu beharko dute:

  • Tituluaren eta ziurtagiri akademikoaren zinpeko itzulpena, EAEko hizkuntza ofizialetako batean, beste hizkuntza batean egotekotan.

Onarpena

Master bakoitzeko Batzorde Akademikoak edo, hala badagokio, Graduondoko Batzordeak, izen emateak ebaluatuko ditu eta izena eman duen ikasle bakoitzari onartua izan den edo ez jakinaraziko dio.

Ikaslea onartua izan bada, idatziz berretsi beharko du onartua izan den titulazioa egin nahi duela. Kasu horretan, titulazioa egin nahi dutela berresten duten ikasle onartuek aurrematrikula egiteko prozesua hasiko dute unibertsitateak agintzen duena betez. Horretarako, tutore bat izendatuko zaie, ikasle bakoitzaren ikasketa plana definitu eta jarraipena egin dezan.

Harremanetarako

Graduondoko ikasketen zerbitzua

masteresoficiales@ehu.es

Master eta Doktorego Eskola

doctoradosenlatinoamerica@ehu.es