Masterren izen ematea eta onarpena

Izena ematea

Epeak:

  • Ohiko epea: 2021eko martxoaren 29tik maiatzaren 14ra.
  • Ezohiko epea: 2021eko ekainaren 28tik uztailaren 23ra.

Izena ONLINE eman behar duzu GAUR aplikazioa erabilita, edo izena eman duzun masterraren idazkaritzan. Idazkaritza horien helbide, email eta telefonoak master bakoitzaren web orrian ageri dira.

Pertsona bakoitzak 3 masterretan eman dezake izena, gehienez.

Ezohiko epean, astelehenero plaza libreak dituzten masterren eskaintza eguneratuko da: ekainaren 28an, uztailaren 5ean, 12an eta 19an. Eskaera hasierako aldian aurkeztu ez duten pertsonek izena eman dezakete ONLINE ezohiko epean.

Hasierako aldian masterretan onartuak izan ez diren pertsonek izen ematea alda dezakete, eta beste master bat egiteko aukera izan dezakete, baldin eta master berriaren webgunean agertzen den idazkariarekin harremanetan jartzen badira, horrek aldaketa egin dezan.

Dokumentazioa:

Ikasleek online erantsi beharko dute aplikazioan bertan eskatutako dokumentazioa.

Ikasle guztiek aurkeztu beharreko dokumentazioa:

  • NANaren fotokopia, egoitza txartela, nortasun zedula edo pasaportea (UPV/EHUko ikasleek ez dute horrelakorik aurkeztu behar).
  • Ikaslearen ziurtagiri akademikoaren fotokopia, karrerako irakasgai guztietako kalifikazioak eta deialdiak adierazita (UPV/EHUko ikasleek ez dute horrelakorik aurkeztu behar).
  • Ikasleak egindako lanak, artikuluak edo argitalpenak.
  • Hizkuntza ziurtagiriak.
  • Bestelako merezimenduak (gomendiozko gutuna…)

Homologatu gabeko atzerriko titulazio bat duten ikasleek, lehenago aipatutakoez gainera, beste dokumentu hauek ere aurkeztu beharko dituzte:

  • Tituluaren eta ziurtagiri akademikoaren zinpeko itzulpena, EAEko hizkuntza ofizialetako batean. Ikasleak egin nahi duen masterra ingelesez emango bada, nahikoa izango da titulua eta ziurtagiri akademikoa ingelesez egonda.
  • Ziurtagiri akademikoko Batez besteko Notaren Baliokidetasun Adierazpena batez besteko notaren baliokidea.
  • Europar Batasuneko unibertsitateetatik kanpoko atzerriko titulazioa duten ikasleek, arestian aipatutakoaz gain, bide diplomatikoz legeztatutako titulua aurkeztu beharko dute.

Masterra egin nahi duten eta oraindik titulua eskatzeko moduan ez dauden graduko azken mailako ikasleek izena eman beharko dute, eta onartuak izango dira baldin eta matrikula egiteko unean titulu hori badute.

Sarrera nota kalkulatzeko, kontuan hartuko da aurkeztutako espedienteko batez besteko nota. Ziurtagiri akademikoa aurkezten ez bada, kontuan hartuko den nota 5 izango da. UPV/EHUko ikasleen kasuan, 2021eko maiatzaren 14ko nota hartuko da kontuan.

Beheko masterretako nahitaezko irakasgaiak gaztelaniaz eta euskaraz irakasten dira, beraz, ikasleek hizkuntza aukeratzeko dokumentua (doc, 216 Kb)bete beharko dute aukeratutako hizkuntza adieraziz, eta dokumentu hori gainerako dokumentazioarekin batera igorri beharko dute izena ematekorakoan:

  • Abokatutza
  • Arkitektura
  • Osasun Psikologia Orokorra

Arazorik izanez gero, izena eman nahi duzun masterreko idazkaritzara jo dezakezu. Kontaktua master horren web  orrian ageri da.

Onarpena

Hautatutako ikasleek mezu elektroniko bat jasoko dute onartuak izan diren master bakoitzeko.

Komunikazioa jasotzeko azken egunak:

  • Ohiko epea: ekainak 11
  • Ezohiko lehen epea: uztailak 30

Hemen jakin ahal izango da izen emateari buruzko egoera (onartua, baztertua, edo itxaron zerrenda): izena emateko prozesuaren egoera.

Plaza berretsi / erreserbatu

Behin onartuta, ikasleak, jasotako mezu elektronikoaren jarraibideak betez, GAUR programaren bidez masterra egiteko asmoa berretsi beharko du ekainaren 14tik 18ra (ohiko epea), abuztuaren 2tik 31ra (ezohiko epea). Berrespen tasa ordaindu behar den masterren kasuan, hura ordaindu beharko da berrespena behar bezala amaitzeko. Hala egiten ez bada, onarpena baliogabetu egingo da.

Berrespentasa gisa ordaindutako zenbatekoa matrikularen zenbatekotik kenduko da. Ikaslea matrikulatzen ez bada, tasa hori ez da itzuliko.

Onartutako ikasleek onarpena berresten badute, matrikula prozesuari ekingo diote. Jatorrizko dokumentazioa eta fotokopia aurkeztu beharko dira, erkatzeko, edo, bestela, fotokopia konpultsatuak. Matrikulaz arduratzen den masterreko idazkaritzari kontsultatu beharko zaio dokumentazio hori aurkezteko prozeduraz.