Gaitasun espezifikoak

1. Zuzen interpretatu prozesu naturalak deskribatzeko Fisikaren oinarrizko teoriak.

2. Behar bezala identifikatu egoera fisiko ezberdinak izan arren antzeko puntuak ere badituztenak, problema berriei lehendik ezagutzen ditugun ebazpideak aplikatzeko.

3. Banaka nahiz taldean, problemak ebatzi eta emaitzak analizatu, horien magnitude maila ondo zenbatetsiz.

4. Banaka nahiz taldean, laborategian lortutako datu esperimentalak deskribatu, analizatu eta kritikoki ebaluatu.

5. Edonolako neurketa zein kalkulu fisikoren ziurgabetasuna zenbatesten jakin, eta datu esperimentalak tratatzen jakin haien artean eragin-ondorio erlazio kuantitatiboak lortzeko, betiere irakasgaiaren arloan.

Eduki teorikoak

1. Gaia. Fisikarako sarrera.

2. Gaia. Aljebra eta Kalkulu bektoriala.

3. Gaia. Partikularen zinematika.

4. Gaia. Mekanika Klasikoaren oinarriak.

5. Gaia. Partikularen dinamika orokorra.

6. Gaia. Higidura oszilakorra.

7. Gaia. Partikula-sistemen dinamika.

8. Gaia. Solido zurrunaren dinamika.

9. Gaia. Elastikotasuna.

10. Gaia. Jariakinak.

11. Gaia. Termodinamika I. Kontzeptu orokorrak: Lehen printzipioa.

12. Gaia. Termodinamika II. Bigarren printzipioa.

13. Gaia. Grabitazioa.

14. Gaia. Eremu elektrikoa hutsean.

15. Gaia. Eremu elektrikoa eta materia.

16. Gaia. Korronte elektrikoa.

17. Gaia. Eremu magnetikoa hutsean.

18. Gaia. Eremu magnetikoa eta materia.

19. Gaia. Indukzio elektromagnetikoa.

20. Gaia. Uhin-higidura.

21. Gaia. Optika geometrikoa.

22. Gaia. Fisika kuantikoa.



Eduki praktikoak

1. Erroreak eta neurriaren teoria

2. Ohmen legea

3. Marruskadura koefizienteen neurketa

4. Pendulu sinplea

5. Hookeren legea: malgukien konstante elastikoa

Irakasgai honetan erabilitako metodologia erabat aktiboa da eta honako elementuez osatuta dago:

1. Ikasgai magistralak:

Irakasleak ikasleari lagunduko dio ematen zaion informazio garrantzitsuena egituratzen (gai bakoitzaren laburpena antolatzeko, adibidez). Halaber, orientatu egingo du informazio gehigarria non aurki dezakeen azalduz

2. Problemen ebazpena (Ikasgela praktikak):

Lan honen garapenak ikuspegi ezberdinak ditu: talde osoaren testuinguruan, irakasleak hurrengo eskola-egunean egingo diren problemen berri emango die ikasleei eskolatik kanpo landu ditzaten eta eskola-egunean arbelean ebatziko ditu . Talde txikien testuinguruan, bi astero, irakasleak lau bat problemako zerrenda emango die ikasleei eta hauek, biko taldetan, hurrengo astean ebatzita izan beharko dituzte. Orduan irakasleak arbelean ebatziko ditu.

3. Laborategiko praktikak:

Ikasleek laborategiko praktikak egingo dituzte, taldeka, horretarako esleitutako denboran. Ikasleei gidoi bat emango zaie egin beharreko praktika bakoitzarentzat, bertan, praktika planteatzeaz gain, zein urratsi jarraitu beharko dieten ere azalduko zaie.

4. Azterketak:

Horien barruan kontuan hartzen dira idatzizko proba, bera, egitea zein ikasleak hura gertatzeko egin behar duen ahalegina.

5. Tutoretza:

Tutoretza lana ohiko moduan uler daiteke, ikaslea, bakarka edo talde txikian, irakaslearen bulegora joaten denekoa, zein modu orokorragoan, on-line egin daitezkeenak ere kontuan hartuz.

6. Hezkuntzarako plataforma birtualak (CMS, ingelesezko Content Management System):

Sistema hauek ikastaroaren garapenerako garrantzizkoak diren edukien kudeaketa ahalbidetuko dute.

Defektuz ebaluazio jarraituko eredua erabiliko da, segidan aipatzen diren ebaluazio tresnak erabiliz. Ebaluazio jarraiaren bitartez irakasgaia gainditzeko kontrolak guztiak egin, laborategiko txosten guztiak entregatu eta proposatutako zereginen %70 entregatu behar da gutxienez. Aurrekoetakoren bat arrazoi justifikaturen bategatik bete ezean behar bezala akreditatu beharko da. Ikasleren batek ez badu nahi edo ezin badu metodo honekin jarraitu, eduki eta konpetentzia guztiak ebaluatuko dituen azken proba bat egiteko aukera izango du. Horretarako, ebaluazioa jarraiari uko egin beharko dio idatziz azken proba baino aste bete lehenago gutxienez. Ebaluazio jarraia eta proba bakarraren bidezko ebaluazioak bateraezinak dira.



- Kontrolak: Ikasturtean zehar 4 azterketa partzial egingo dira eta irakasgairi dagokio kalifikazioaren %65-a balioko dute ondoren azaltzen den bezala banatuta. Lehenengoak %9.5, bigarrenak, hirugarrenak eta laugarrenak %18.5 bakoitzak. Laugarren kontrolaren egun eta ordu berdinean ebaluaketa jarraituari uko egin dutenen ohiko azterketa egingo da. Irakasgaia ebaluazio jarraiaren bitartez gainditzeko nahitaezkoa izango da kontrol guztietara aurkeztea eta azkeneko kontrolean gutxienez 10etik 2.5-eko kalifikazioa lortzea.



- Zereginen entrega: Ikasturtean zehar talde eta banakako zereginak proposatuko dira. Guztira azken kalifikazioaren %20-a balioko dute. Ebaluaketa jarraituaren bidez gainditzeko proposatutako ariketen %70-a entregatu behar da gutxienez.



- Laborategiko txostenak: Laborategian ikasleek izandako errendimendua ebaluatzeko balio dute. Azken kalifikazioaren %15-a balioko dute eta laborategiko txostenetan lortutako kalifikazioen batez bestekoa eginez lortzen da. Atal honetan lortutako nota ez da 2024-2025 kurtsorako gordeko. Era berean, mundu guztiak berriro egin beharko ditu laborategiko praktikak, nahiz eta aurreko ikastaroetan egin.



- Azken proba idatzia: Emandako epeen barruan eskatzen duten ikasleak, 5 konpetentzia espezifikoak ebaluatuko dituen idatzizko azken azterketara aurkeztu ahal izango dira. Bi atal izango ditu: problemen edo galdera zati bat eta laborategiko jarduerekin erlazionatutako zati bat.



Batez besteko nota, zehazten den bezala kalkulatuta, 5.0 edo handiagoa denean gaindituko da irakasgaia. Nolanahi ere, ezinbestekoa izango da 4. eta 5. gaitasunak eskuratzea, gainerako gaitasunak ebaluatu ahal izateko.



Dokumentu normalizatu bidez ebaluazio jarraituari esplizituki uko egiten ez bazaio, ikaslea kalifikatzeko, ebaluazio jarraituko probetan lortutako kalifikazioak erabiliko dira, proba horietakoren bat egin ez badu ere. Ebaluazio jarraituari uko egiten bazaio eta azken azterketa idatzira aurkezten ez bada, Ez Aurkeztutzat kalifikatuko da.



Ikasgaiaren ebaluazio presentziala ezin bada egin modalitateren batean edo guztietan (kontrolak, azken azterketak, etab.), dagozkion aldaketak egingo dira ebaluazioa beste data edo ordu batzuetan egiteko.

Apunteak
1. E. Apiñaniz et al., Fisika, Bilboko Ingeniaritza Goi Eskola Teknikoko argitalpen zerbitzua, 2015.
2. E. Apiñaniz et al., Fisika Aurreratua, Bilboko Ingeniaritza Goi Eskola Teknikoko argitalpen zerbitzua, 2015.

Oinarrizko bibliografia

1. Fishbane P. M., Gasiorowicz S., Thornton S. T. Fisika zientzialari eta ingeniarientzat, 2008. UPV-EHU, Argitalpen zerbitzua.

2. Tipler P.A., Mosca G. Física para la ciencia y la tecnología. 6ª edición, 2010. Ed. Reverté.

3. Sears F.W., Zemansky M.W., Young H.D., Freedman R.A. Física Universitaria. 12ª edición, 2009. Ed. Addison Wesley .

Gehiago sakontzeko bibliografia

1. Etxebarria J. R. (arg.). Fisika Orokorra. 2. argitalpena, 2003. UEUko Fisika Saila.
2. Eisberg R.M., Lerner L.S. Física: fundamentos y aplicaciones, 1983. Mc Graw Hill.
3. Feynman, Leighton y Sands. Física (The Feynman Lectures on Physics). Addison-Wesley Iberoamericana.
4. Serway R.A., Jewett J.W.. Física. 3ª edición, 2003. Ed. Thomson.

Aldizkariak

Dibulgazio-aldizkariak
1. Invesigación y Ciencia. Edición española de Scientific American, Prensa Científica.
2. Mundo Científico, Versión en castellano de La Recherche, Fontalba.
3. Revista Española de Física, Real Sociedad Española de Física.
4. Physics Today, American Institute of Physics, http://physicstoday.com *
5. The New Scientist online, http://www.newscientist.com *