Irakasgai honek Fisikarekin zerikusia duen oinarrizko irakasgaien moduluko gaitasuna betetzen du:



- Fisikaren, mekanikaren, termodinamikaren, eremu eta uhinen, elektromagnetismoaren eta bero-transferentziaren lege orokorrak ulertzea.

1. gaia: Higidura oszilakorra eta uhin mekanikoak



2. gaia: Eremu elektrostatikoa

3. gaia: Korronte elektrikoa

4. gaia: Eremu magnetikoa



5. gaia: Termodinamikara sarrera

6. gaia: Termodinamikaren lehen printzipioa gas idealentzat

7. gaia: Termodinamikaren bigarren printzipioa

- Klase magistraletan irakasleak irakasgaiko zati teorikoa azaltzen du, powerpoint-az, bideoez, arbeleko garapenez edota esperimentuez baliatuz. Gai bakoitzari egokitutako problema ereduak ere ebazten ditu.

- Irakasgaian zehar ikasleek hainbat laborategi-praktika egiten dituzte, binaka edo hirunaka. Ikasleek eskura izango dute, laborategian sartu aurretik, jarraitu beharreko pausuak eta betebeharreko txostena biltzen dituen gidoia. Uneko osasun egoeraren arabera lana laborategian egingo da osorik (neurketen hartzea eta txostena betetzea), edo laborategian (neurketak hartu) eta klasetik kanpo (txostena bete) egingo da.

- Ikasleak lauhilekoan zehar bidalitako problemak ebazten ditu.



Ikasleek eskura dute eGela plataforman klase magistraletan zein laborategi praktiketan erabilitako material guztia. Ikasleek proposatutako bibliografia (liburutegian topatu dezaketena) erabili dezaten nahi da. Horretarako irakurketa zehatzak bidaltzen dira, hauen ulermena klasean baliosten delarik.

Irakasgaia ohiko deialdian gainditzeko bi aukera daude; ebaluazio jarraituaren bitartez edo azken ebaluazioaren bitartez.



1.- Ebaluazio jarraitua azterketa partzialez eta laborategi-praktikez osatuta dago. Azken nota honela kalkulatzen da: proba idatzien nota (%80) + praktiketako nota (%20).



Irakasgaian zehar hiru proba idatzi burutzen dira: kontrol bat eta bi azterketa partzial. Kontrola lehen gaia amaitzean burutzen da eta irakasgaiaren azken notaren %5a balio du. Lehen partziala lauhilekoaren erdian burutzen da, eta bigarrena lauhilekoaren amaieran. Bi partzialek ez dute pisu bera, pisu banaketa 40-60 delarik, hau da, elektromagnetismoaren blokeak irakasgaiaren azken notaren %30 balio du, eta termodinamikaren blokeak %45. Azterketa partzial bakoitzean 10etik 4 atera behar da, gutxienez, irakasgaia ebaluazio jarraituaren bidez gainditu ahal izateko.



Lauhilekoan zehar bost praktika burutzen dira laborategian. Laborategi praktika guztietara bertaratzea eta praktiketako notan 10etik gutxienez 4a lortzea beharrezkoa da irakasgaia ebaluazio jarraituaren bidez gainditu ahal izateko. Praktiketako azken nota, taldekako txostenen noten batezbestekoa (%85) eta norbanakoaren notaren (%15) batura da. Norbanakoaren notak ikasle bakoitzak laborategian izandako jarrera eta lan maila ebaluatzen du.



Lauhilekoaren amaieran, ebaluazio jarraitu bidez irakasgaia gainditzeko baldintza guztiak betetzen ez badira, ikasleen azken kalifikazioa gehienez 4-koa izango da.



Ebaluazio jarraituari uko egiteko, nahikoa da bi azterketa partzialetako batera ez aurkeztea.



2.- Azken ebaluazioa irakasgaiaren idatzizko proba batez (azken notaren %80) eta laborategiko proba praktiko batez (azken notaren %20) osatzen da. Proba praktiko hau idatzizko azterketaren egun berean baina ordu ezberdinean burutzen da. Azken ebaluazioaren bidez irakasgaia gainditu ahal izateko, 10etik gutxienez 4 atera behar da bai idatzizko azterketan eta bai proba praktikoan ere.

Oinarrizko bibliografia

- "Fisika zientzialari eta ingeniarientzat", P. Fishbane. EHU Argitalpen zerbitzua, 2008.

- "Física", Vol.s 1 y 2, Tipler y Mosca. Reverté.

- "Física Universitaria", Sears, Zemansky y Young. Ed. Fondo Educativo Interamericano.

Gehiago sakontzeko bibliografia

- "Mécanica de Fluidos; Fundamentos y Aplicaciones", Y. A. Çengel y J. M. Cimala. McGrawHill Interamericana.
- "Termodinámica", Y. A. Çengel y M. A. Boles. McGrawHill Interamericana.
- "Física", Alonso y Finn. Addison-Wesley Iberoamericana, 1995.
- "Física conceptual", P.G. Hewitt. Pearson Mexico,2013.
- Problemas de Física", Burbano. Ed. Zaragoza.
- "La Física en Problemas", González. Ed. Tebar Flores.
- "Lectures on Physics", Vol.s 1 y 2, Feynman, Leighton y Sands. Addison.-Wesley Iberoamericana, 1989.
- "Calor y termodinámica", Zemansky, Waldo y Dittman. McGraw-Hill, 1990.
- "Campos Electromagnéticos", Wangsness. Ed. Limusa (Méjico), 2006.