Gaitasunak:

1. Giza gorputzaren egitura eta funtzioa ezagutzea eta interpretatzea, maila molekularra, zelularra, tisularra, eta organo eta sistema mailetan, bizitzaren aro desberdinetan.

2. Odontologia oinarritzen den zientzia biomedikoak ezagutzea, aho-hortzetako laguntza egokia bermatzeko.

3. Aparato estomatognatikoaren egitura eta funtzioa ezagutzea, dagozkien enbriologia, anatomia, histologia eta fisiologiako eduki zehatzak barneratzen.

4. Osasun arloan informazio zientifikoa lortzeko, interpretatzeko, laburtzeko, hedatzeko eta aplikatzeko, informazio iturriak eta komunikaziorako teknologiak era kritikoan erabili.

Ikasteko Emaitzak (IE)

IE 1.- Osasun egoeran, giza gorputzaren organo, aparatu, eta sistema desberdinen funtzionamenduari buruzko kontzeptuak, prozedurak, oinarriak eta teoriak azaltzea, bereziki digestio aparatua, bihotz-zirkulazioa, arnas aparatua, lokomoziorako eta nerbio-sistema azpimarratuz.

Irakasgaiaren ikaskuntzako emaitzak (IE)

IE 2.- Kanpoko (ingurumena) eta barneko (gaixotasunak) aldaketara egokitzeko, homeostasia lortzeko asmoz, mekanismo erregulatzaileen bidez giza gorputzaren ekintza fisiologikoetan, izaten diren aldaketak aurreikusi eta argudiatu. Homeostasia deritzon prozesu fisiologikoa, giza gorputzak funtzionamendu ohikoa eta egonkorra izateko egiten duen lan koordinatua da.

IE 3.- Odontologian erabiltzen diren oinarrizko proba funtzionalak landu eta ulertu, erabileraren prozedura eta interpretazioaren oinarrietan enfasi berezia jarriz.

IE 4.- Funtsezko egoera fisiopatologikoetan inplikatzen diren mekanismo fisiologikoak, era kritikoan, ulertzen eta baloratzen ikasi, kasu kliniko sinpleak aztertzearen bidez, azaldutako parametroak identifikatuz, beste sistemetan egon daitezkeen ondorioak aurreikusiz, konpentsazio mekanismoak ulertzen eta zuzentzeko zein prebenitzeko neurriak ezagutuz.

Fisiologia eta Nutrizioa irakasgaia bloke tematikoetan antolatzen da, hurrengoak izanik:

- Bloke tematiko 1: Nerbio eta muskuluaren fisiologia orokorra. Gaiak: LM1-6. Saio praktikoak: M1-2, PL1, GP1. Giza Fisiologiarako sarrera. Orokortasunak. Mintz- eta ekintza-potentzialaren oinarri fisiko-kimikoak. Nerbio seinaleen integrazioa eta modulazioa. Muskuluaren uzkurketa.

- Bloke tematiko 2: Nerbio-sistemaren fisiologia. Gaiak: LM 7-12. Saio praktikoak: M3, PL3, PL4, OP1-2. Gorputzeko funtzionamenduaren erregulazioa, koordinazioa eta homeostasia. Nerbio-sistemaren antolaketa funtzionala eta estrukturala. Nerbio-sistema autonomoa, somatikoa eta zentralaren fisiologia.

- Bloke tematiko 3: Sistema Endokrinoaren fisiologia. Gaiak: LM 13-16. Saio praktikoak: GP4. Hemen gorputzaren funtzionamenduaren erregulazio eta koordinazioarako bigarren sistema aztertzen dugu. Hormonen ezaugarriak eta ekintza-mekanismoak berrikusiko ditugu. Ondoren hipotalamo-hipofisi ardatza eta guruin endokrino nagusiak, hau da, tiroidea, paratiroidea, giltzurrun gaineko guruinak, are endokrinoa eta gonadak ikasiko ditugu.

- Bloke tematiko 4: Odola eta organo hematopoietikoak. Gaia: LM 17. Saio praktikoak: PL2, GP3. Gorputzeko barrunbe likidoak eta disoluzio biologikoak. Plasma eta odoleko zelulak. Gasen garraioa, hemostasia eta sistema immunitarioa.

- Bloke tematiko 5: Aparatu kardiobaskularraren fisiologia. Gaiak: LM 18-20. Saio praktikoak: PL5-7, GP5. Bihotzaren ekintza-potentzialak. Bihotz-zikloa eta gastua. Sistema zirkulatorioa; erregulazio autonomoa eta intrintsekoa eta tentsio arteriala.

- Bloke tematiko 6: Giltzurrun-sistemaren fisiologia. Gaiak: LM 21 eta 22. Saio praktikoak:GP2

Iraitz-aparatua.Gorputzeko homeostasian duen papera. Gernua eta oreka azido-basea.

- Bloke tematiko 7: Arnas aparatuaren fisiologia. Gaiak: LM 23-25. Saio praktikoak: PL8, GP5

Birika-aireztapena, birika-bolumen eta ahalmenak, erregulazio autonomoa eta berezkoa. Gasen barreiadura. Gasen garraioa.

- Bloke tematiko 8: Digestio-aparatuaren fisiologia. Gaiak: LM 26-29. Saio praktikoak:M5.

Digestio aparatua eta giza nutrizioaren arteko erlazioa . Elikagaien digestioa, erregulazioa Ahoa. Urdaila, heste mehea eta lodia, guruinak, are exokrinoa, gibela, behazuna eta behazun ziztua,

- Bloke tematiko 9: Nutrizioa. Gaiak: LM 30-44. Saio praktikoak: M4-6,Pl9-10,GP6,OP3-4.

Elikadura, nutrizioa eta dieta osasuntsuaren ezaugarriak. Behar energetiko, nutrizio beharrak, gomendio dietetikoak. Aparatu estomatognatikoa , nutrizioa eta jateko portaerako arazoak.



- Mintegiak: M1- Zelulen arteko komunikazioa (1 h)M2- Muskulu-uzkurketaren dinamika eta kimika (1 h) M3- Nerbio-sistemaren funtzioa. Bideoa (2 h) M4- Giza Elikadura bizitza zikloetan eta ahoan duen eragina (2 h )M5- Ahoaren azterketa nutrizionala (1 h). M6- Tutoretzapeko lanen aurkezpena (2h)

- Laborategiko praktikak: PL1- Mintz-potentzialaren neurketa (2 h ) PL2- Gertaera osmotikoaren behaketa (2 h ) PL3- Sentikortasunaren azterketa (2 h ) PL4- Elektromiograma (2 h ) PL5- Elektrokardiografia (2 h ) PL6- Fonokardiograma (2 h ) PL 7- Tentsio arteriala (2 h ) PL 8- Espirometria (2 h ) PL 9- Antropometria I : neurriak hartzea (2 h ) PL 10- Antropometria II: egoera nutrizionala aztertzea (2 h )

-Ikasgelako praktikak.GP1- Ekintza-potentzialaren oinarri fisikokimikoak. Nernst eta Goldman-Hodgkin-Katz ekuazioak (2 h )GP2- Gorputzeko barrunbe likidoak eta homeostasia (2 h )GP3- Odolari buruzko ariketak (2 h ). GP4- Sistema endokrinoa: ariketak (2 h)GP5- Aparatu zirkulatorioa eta Arnasketa: ariketak (2 h )GP6- Inkesta dietetikoen metodologia (2 h)

- Ordenagailuko praktikak. OP1- Neuronen fisiologiaren simulagailuak: NeuroSim I (2 h )OP2- Neuronen fisiologiaren simulagailuak: NeuroSim II (2 h )OP3- Dietaren azterketa nutrizionala (2 h )OP4- Dietaren optimizazioa nutrizionala (2 h )

Irakasgai honetan irakaskuntza-ikaskuntzarako metodologia desberdinak erabiltzen dira.

- Lezio magistraletan, batez ere irakasgaiaren kontzeptu teorikoak aurkezten dira, ikasgaiaren ikuspegi orokorra emanez. Aspektu konplexuetan bereziki erreparatuz , ikasgelan sortu daitezken zalantzak planteatzeko aukera eskaintzen zaie ikasleei.

- Mintegietan eta gela praktiketan kontzeptu teorikoen aplikazio praktikoa burutzen da: Lortutako eduki teorikoen sakontze prozesua bermatzen da; gaitzen sintomatologia eta laborategiko proba funtzionalen balioa eta emaitzak aztertzen dira; egoera fisiopatologiko desberdinetan inplikatuta ohi diren mekanismo fisiologiko era kritikoan aztertzea erakusten zaie. Irakaskuntza aktiboa eta partehartzea sustatzen da, kasu kliniko edota problemen ebazpenaren bidez. Indibidualki zein grupalki bideratuko dira, saioaren bukaeran lortutako emaitzak elkarrekin konpartituz eta hala badagokio irakasleari eginiko lanaren ebidentzia edo txostena entregatuz.

- Laborategi praktiketan giza gorputzaren funtzionamendua erabiltzen diren oinarrizko proba funtzionalak aztertzen dira eta ikasleek praktikan jartzen dute, azpitaldetan. Azpimarratuko da teknika, prozedura eta interpretazioaren oinarri fisiologikoa eta aplikazio klinikoa.

Ebaluazio sistema etengabeko edo jarraitua da. Kurtsoan zehar, ikasleek idatzizko probak egingo dituzte, galdera mota desberdinekin: galdera laburrak eta test galderak, problemak ebaztekoak eta kasu kliniko laburrak bideratzekoak. Ikasitako kontzeptu teorikoen zein praktikoen menperatze maila islatuko dituzte, programatutako ikasketa emaitzen arabera(IE). Proba hauek osatuko dira hurrengo jarduera multorekin: -idatzizko lanak, txostenak eta test probak (praktiektan). Saio praktiko desberdinetan emandako kontzeptu eta prozedurak ulertze maila, aplikatzeko habilezia eta erlazionatzeko gaitasuna baloratzeko.

Kalifikazio finala: gainditutako idatzizko proben gehiketa (gehienez lortzen da nota osoaren %75) eta proba osagarrietan lortutako puntuazioa (gehienez nota osoaren %25) Idatzizko proba bakoitza gainditzeko, proba horri emandakako puntuazioaren gutxienez %50a lortu behar da.

Ebaluazio hezigarria sustatuko da. Horretarako ikasleei orientabideak eskainiko zaizkie, eginiko probak eta txostenak hobetzeko.



Azken ebaluazioa. Arrazoi justifikatua izanda (arautegia ikusi) etengabeko ebaluazioaren sisteman parte hartu ezin duten ikasleek amaierako proba bakarra egin ahal izango dute, irakasgaiari edo gaiari dagozkion gaitasunak eta ezagutzak egiaztatzeko, eta proba hori irakasgaiari edo gaiari dagokion notaren % 100 biltzeko moduan eratuko da.



DEIALDIARI UKO EGITEA

Graduko Titulazio Ofizialetako ikasleen Ebaluaziorako arautegiaren 12 artikuluaren arabera:

1.- Deialdiari uko egiten dioten ikasleek «aurkezteke» kalifikazioa jasoko dute.

2.- Etengabeko ebaluazioaren kasuan, azken probaren pisua bada irakasgaiko kalifikazioaren %40 baino handiagoa, nahikoa izango da proba horretara ez aurkeztea azken kalifikazioa "aurkezteke" izan dadin. Aldiz, azken probaren pisua bada irakasgaiko kalifikazioaren % 40 edo hori baino txikiagoa, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari, horretarako agiria aurkeztuz (eranskina). Uko ez egitekotan, probara ez aurkezteak «suspentso» kalifikazioa jasoko du

.3.- Azken ebaluazioaren kasuan, azterketa egun ofizialean egin beharreko probara ez aurkezte hutsak ekarriko du automatikoki kasuan kasuko deialdiari uko egitea.





ETIKA AKADEMIKOA

UPV/EHUko ebaluazio probetan ikasleek debekatuta izango dute tresna edo gailu telefoniko, elektroniko, informatiko edo bestelakoak erabiltzea. Behar izanez gero, proba egiteko unean izendatu ahal izango dira debekatutako materialak uzteko tokiak, ikasleen eskueratik kanpoko.

Gogoratu nahi dizuegu bizitza akademikoan etikaz eta zintzotasunez jokatu behar dela, eta, UPV/EHUko ebaluazio probetan eta lan akademikoetan iruzur, kopia edo plagioak guztiz debekatuta daudela. Lan akademiko bat zuzentzean irakasleari agerikoa iruditzen bazaio notan eragin nabarmena izango lukeen iruzurren bat egin dela, suspentsoa jarri ahal izango dio, behar bezala arrazoituta (“PROTOKOLOA, UPV/EHUko EBALUAZIO PROBETAN ETA LAN AKADEMIKOETAN JOKABIDE MAKUR ETA IRUZURREZKOAK ERAGOZTEARI ETA ETIKA AKADEMIKOARI BURUZKOA”).

ERABILTZEKO DERRIGORREZKO IKASMATERIALA

Ikasleek gela birtualean (eGelan) klasean aurkeztutako ikasmateriala eskura izango dute (klaseko aurkezpenak, artikuluak, lan-fitxak eta abar)

Derrigorrezkoa izango da laborategi praktiketara berezko batarekin joatea. Eta ezinbestekoa izango da ere bai, edozein praktiketara, beharrezko ikasmateriala eskuratzeko eta lantzeko dagozkien baliabideak eramatea: liburuak, testuak, apunteak, kopiak, tableta, ordenagailua eta abar).

Oinarrizko bibliografia

Testu liburuak bezala hurrengoak erabiliko dira:

- Fisiologia (4ª Ed) Linda Costanzo. Ed.Elsevier.2011

- Fisiología Humana Integrada, Dee Unglaub Silverthorn. 4. Ed. Panamericana, 2008.

- Fisiología Humana, Stuart Ira Fox. 10. Ed McGraw-Hill Interamericana, 2008.

- Giza nutrizioaren eta dietetikaren oinarriak.Edurne Simon-Bittor Rodriguez. Ed ELHUYAR. 2006

- Giza-Fisiologia, M. Asier Garro. Elhuyar, 2000

Gehiago sakontzeko bibliografia

- Biokimikaren oinarriak. Albert M. Leningher, David L. Nexon, Michel M. Cox. Ed Euskal Herriko Unibertsitatea, 2008.
- Bromatologia. Edurne Simon-Bittor Rodriguez. Ed ELHUYAR. 2006
- Fisiología Humana. William F. Ganong. 19. Ed. Manual moderno, 2005.
- Fisiología Humana. Jesús Tresguerres. 3. Ed. McGraw-Hill Interamericana, 2005.
- Fisiología Humana. Gilian Pocock, Christopher D. Richards. 2. Ed. Masson, 2005.-
- Nutrición y Alimentación Humana. Tomo I y II. José Mataix. Ed. Ergón. Madrid.2002
Tratado de Fisiología Médica. Arthur C. Guyton. 12. Ed. McGraw-Hill/Interamericana, 2011

Aldizkariak

http://www.osagaiz.eus/

https://www.elhuyar.eus/es

http://www.ehu.eus/ojs/index.php/ekaia

https://zientzia.info/