Prozesu sedimentario fisiko, kimiko eta biologiko nagusien eta berauen produktuen (fazie sedimentarioen) ezagutza. Kontinenteko, kostaldeko eta itsasoko sistema sedimentarioetan eragiten duten prozesuetarako eta sorrarazten dituzten ezaugarrietarako (fazie-elkarketa eta sekuentzietarako)sarrera.

GAITASUN ESPEZIFIKOAK:

MO4.GM4.1. Prozesu eta ingurune sedimentario nagusiak ezagutzea eta horien produktuak (emaitzak) identifikatzea.

MO4.GM4.6. Arroka sedimentarioak, beren ezaugarriak eta beren testuinguru geodinamikoa ezagutzea.

MO4.GM4.8. Landako fosil eta arroka exogeno ohikoenak behatzea eta landa-koadernoa egitea.

GAITASUN TRANSBERTSALAK:

GO01. Analisi eta sintesi gaitasuna.

GO03. Informazioa bilatzeko eta kudeatzeko gaitasuna.

GO04. Ezagutzak praktikan aplikatzeko gaitasuna.

1. Sarrera: definizioak eta helburuak.

2. Sedimentuen higadura, garraioa eta garraioa.

3. Korronteek sorrarazitako ohe-formak eta egitura sedimentarioak: norantza bakarreko ur-korronteak, norabide anitzeko ur-korronteak (olatuak eta mareak), haize-korronteak, eta bigarren mailako jarioak.

4. Higaduraz eratutako egitura sedimentarioak: korrasioarekin, oztopoekin eta objektuekin erlazionatutakoak.

5. Deformaziozko egitura sedimentarioak.

6. Grabitazko sedimentu-jarioak eta hauen metakinak.

7. Bioeraikuntzak, biohigadura eta bioturbazioa.

8. Sistema sedimentarioak: kontzeptuak eta funtsezko printizipioak.

9. Kontinenteko sistemak.

10. Kostaldeko eta sakonera txikiko itsasoko sistemak.

11. Sakonera handiko itsasoko sistemak.

Hau izanik Geologiako Graduko ikasleek Sedimentologiarekin daukaten lehen harreman zehatza, irakaskuntza eskola magistraletan oinarritu behar da nahitaez, bertan oinarrizko eduki teorikoak azaltzen direlarik. Eduki horiek finkatzeko, ikasleak lan osagarria egin behar du beren kaxa, teorian sakonduz eta berariazko ariketak ebatziz. Horretaz gain, teoriaren eta errealitate naturalaren arteko erlazioaz jabetzeko, eskola magistralen osagarri diren laborategiko eta landako praktikak egiten dira, non eduki teorikoak kasu praktikoetan aplikatzen diren.

EBALUAZIO JARRAIA:

- Ikasgelako eta laborategiko ariketak eta txostenak: %20.

- Landako ariketak eta txostenak: %20 (kurtsoan parte hartutako landa-praktikei dagozkienak bakarrik aurkeztu ahal izango dira; gainontzekoetako puntuazioa 0 izango da).

- Azterketa: %60.

OHARRAK:

Ebaluazioa jarraiaren lehen bi atalak aintzat hartzeko beharrezkoa da azken atalean (azterketan) gutxienez 4 puntu (10etik) lortzea.

Azterketak bi zati izango ditu: teoria eta praktika, zati bakoitzak azterketako azken emaitzaren %50 balioko duelarik. Hala ere, derrigorrezkoa da teoriako zatian 5 puntutik gutxienez 2 lortzea.

Teoriako azterketa idatzizkoa edo test motakoa izan daiteke, kasu honetan galdera bakoitzari buruzko erantzun oker guztien baturaren balio negatiboa eta erantzun zuzen bakarraren balio positiboa zenbaki absolutu berbera izan behar direlarik. Azterketa praktikoan sartuko dira ikasturtean zehar ikasgelan eta laborategian egindako bezalako ariketak (bloke diagramak, laginen behaketak eta neurketak, argazkien interpretazioak) eta landa-praktiketako edukiak.

Ikasleren batek ezingo balu parte hartu ebaluazio jarrairako kurtsoan zehar egingo diren jardueretan (ariketak, laborategia, landa), irakasgaiaren ebaluazioa azterketa bakarraren bidez egiteko aukera izango luke. Azterketa honetan ikasgaiaren atal guztiak sartuko lirateke (teoriako edukiak, ariketak, laborategiko praktikak eta landa-praktikak). Aukera honetaz baliatu ahal izateko, ikasleei eskatzen zaie kurtso hasierako lehen bi asteetan irakasleei idatzi bat helaraz diezaietela. Kurtsoan zehar ariketak entregatu edota praktiketan parte hartu duten ikasleek ez dute izango azterketa bakarraz ebaluatzeko aukerarik.

Oinarrizko bibliografia

Boggs, S.Jr. (2012). Principles of sedimentology and stratigraphy. Prentice-Hall, New Jersey.

Collinson, J.D. & Thompson, D.B. (1982). Sedimentary structures. Allen & Unwin.

Dabrio, C., y Santiago (2003). Estratigrafía. Colección Geociencias Universidad Complutense Madrid.

Nichols, G. (2009). Sedimentology & Stratigraphy. Wiley-Blackwell, Oxford.

Ponce, J.J., Carmona, N., Montagna, A.O. (2018). Atlas de estructuras sedimentarias inorgánicas y biogénicas. Fundación YPF, Buenos Aires.

Stow, A.V. (2005). Sedimentary rocks in the field: a color guide. Elsevier.

Gehiago sakontzeko bibliografia

Allen, J.R.L. (1982). Sedimentary structures: their character and physical basis. Elsevier.
Leeder, M. (2010). Sedimentology and sedimentary basins: from turbulence to tectonics. Wiley-Blackwell, Oxford.
Reading, H.G. (1996). Sedimentary environments and facies. Blackwell science.

Aldizkariak

Sedimentology
Sedimentary Geology
Journal of Sedimentary Research
Facies
The Depositional Record
The Sedimentary Record
Basin Research