Ingurumenaren arloko kudeaketa

Fakultateko Ingurumena Hobetzeko Taldea 2011tik dabil lanean ingurumenaren jasangarritasunaren aldeko ekimenetan, hala nola baliabideen erabilera eraginkorragoaren aldeko programetan, zentroko jarduerek planetan duten inpaktu txarra arintzeko programetan, eta gure planetaren osasuna zaintze aldera ohiturak aldatzeko programetan.

Denbora guzti honetan, urtero buruturiko Ingurumena Hobetzeko Planen bitartez, alor ezberdinak landu ditugu, eta ondorengoak azpimarratu daitezke:

  • Papera eta plastikoaren kontsumoa gutxitzea
  • Hondakinen segregazioa bultzatu eta garbiguneak ipintzea
  • Energia elektrikoaren kontsumoa gutxitzea
  • Ur-kontsumoaren optimizazioa
  • Kontzientziazio /sentsibilizazio kanpainak bultzatzea

 

Lorturiko ingurumen hobetzeak

 

BerrAktibatu+ Unibertsitateak

Fakultateak, 18-19 ikasturtean zehar, BerrAktibatu+ programan parte hartu du. Programa hori Global Action Plan (GAP) Ekintza Globalerako Plana sareak sustatzen du. Erakundeek osatutako nazioarteko sare horrek, aurreztea sustatuaz gain, baliabideak eraginkortasun handiagoaz baliatu eta planetaren gainean eragindako inpaktu negatiboa gutxitzeko programak martxan jartzen ditu.

18-19 ikasturtean, unibertsitateko lau zentrok parte hartu dute, tartean gureak. “Elikadura” eta “hondakinak” atalak landu dira eta ondorengo estekan Fakultatean landutako programaren informazio gehiago aurkitu daiteke:

https://www.ehu.eus/eu/web/iraunkortasuna/berraktibatu-gizarte-eta-komunikazio-zientzien-fakultatea

 

Hautazko kredituak lortzeko aukera Fakultateko Ingurumena Hobetzeko Taldean parte hartzeagatik

Gure taldeko ateak zabalik daude, bertan parte hartu nahi duen ikasle, IIP edo AZP guztientzat. Gainera, UPV/EHUko Berrikuntzaren, Gizarte Konpromisoaren eta Kulturgintzaren arloko Errektoreordetzak ikasleak bultzatu gura ditu talde hauetan parte hartzera eta ekarpenak egitera unibertsitateko ikastegien kudeaketa jasangarrirako ekimenetan. Hori dela eta, hautazko kredituak aitortuko dizkie Ingurumena Hobetzeko Taldeetan parte hartzen duten graduko ikasleei. Informazio guztia:

https://www.ehu.eus/eu/web/iraunkortasuna/ingurumena-hobetzeko-taldeak

Gkz berdea: hiru hileroko aldizkaria

Kontaktua

Iradokizun, ideia edo proposamenen bat baldin badaukazu, jar zaitez gurekin harremanetan honako helbide elektroniko honetara zuzenduta: gkz.berdea@ehu.eus