Egutegiak 2020-2021

Egutegiak 2020-2021

Egutegiak 2020-2021

Gestio akademikorako egutegia, 2020/21. Epeak eta prozedura

1. LEHENENGO MAILATIK GORAKO MAILETAKO MATRIKULA (AUTOMATRIKULA)

Matrikula online egingo da (Fakultatean edo edozein lekutik), 2020ko abuztuaren 31tik irailaren 4era (biak barne), unibertsitatearen web orrian aurretik emandako hitzorduetan (egun eta ordu jakinetan) – www.ehu.es


2. 2019/2020an MATRIKULATUTA EGON EZ DIREN IKASLEEN MATRIKULA

Fakultateko Idazkaritzan egin beharko dute matrikula 2020ko irailaren 7tik 11ra bitartean (biak barne).

3. LEKU ALDAKETAK

Beste titulazio edo unibertsitate batzuetatik datozen ikasleek espedientea lekuz aldatzeko eskaria eginda eduki beharko dute 2020ko ekainaren 24tik uztailaren 3ra, (biak barne), fakultateko Idazkaritzan idatzia aurkezturik. Eskaria onartzen bazaie, matrikula egin ahal izango dute 2020ko irailaren 7tik 11ra.

4. TALDE ALDAKETAK

Maila/titulazio beraren barruan taldez aldatzeko eskariak 2020ko irailaren 7tik 11ra aurkez daitezke fakultateko Idazkaritzan. Eskarien ebazpena fakultateko iragarki oholetan argitaratuko da 2020ko irailaren 15ean.

5. MATRIKULA ALDAKETAK

Ikasturte osorako (1. eta 2. Lauhilekoa) matrikularen aldaketa eskaera 2020ko irailaren 7tik 11ra egin daiteke. Irakaskuntza taldea ixten duten hautazko irakasgaien matrikula ez da inola ere ez aldatuko.

6. BIGARREN MATRIKULALDIA

Bigarren matrikulaldi bat dago bigarren lauhilekokoak diren adarraren oinarrizko, nahitaezko eta hautazkoetarako. Hautazko irakasgaietan plazarik geratzen bada baino ez dira onartuko eskariak. Irakasgai hauetako matrikula Fakultateko Idazkaritzan egin behar da 2021eko urtarrilaren 25etik 29ra​​​​​​​ (biak barne). EPE HONETAN EZ DA INOLAKO ALDAKETARIK ONARTUKO, SOILIK IKASGAIAK GEHITZEA.

7. GRALaren MATRIKULA ETA ESLEIPENA

2020/21 ikasturterako GRALaren matrikula, automatrikula garaian egin daiteke baldin eta gradua amaitzeko falta zaizkizun irakasgai guztiak matrikulatzen badituzu. Ez da derrigorrezkoa automatrikulan GRALa matrikulatzea. Aurrerago, hobekien dagokizunean egin dezakezu (batez ere kredituak baliozkotu nahi badituzu). Era honetan, GRALa matrikulatzeko epea irekia egongo da ikasturte osoan zehar, 2021eko maiatzaren 19ra arte (ekaineko defentsarako) edo 2021eko ekainaren 25era arte (iraileko defentsarako).

GRALa soilik geratzen zaion eta 20/21 ikasturtean defendatu nahi duen ikasleak, Automatrikula epean matrikulatu beharko du (GRALa) derrigorrez.

​​​​​​​GRALaren gaiaren eta zuzendariaren esleipen eskaera egiteko lehengo txanda 2020ko urriaren 5etik 16ra egingo da. Lana esleitu ez zaien ikasleek edo esleitutako lanari uko egin dioten ikasleek esleipen eskaera egiteko bigarren txanda izango dute, 2020ko azaroaren 9tik 13ra.

8. HAUTAZKO KREDITUEN BALIOKIDETZA

Ikasleek ikasturtean zehar praktiken, kirol aktibitatearen eta abarren bitartez hautazko kredituen baliokidetza eska dezakete.

9. BALIOZKOTZEAK

Irakasgaiak baliozkotzeko eskariak fakultateko Idazkaritzan aurkeztu beharko dira ikasturtea ofizialki hasten denetik hilabeteko epean.

a) Baliozkotu beharreko ikasketak fakultate honetakoak badira, nahikoa izango da eskaera egitea.
b) Baliozkotu beharreko ikasketak EHUko beste ikastegi batekoak edo beste unibertsitate batekoak badira, eskaerarekin batera irakasgaien programa zigilatuak, ikasketa planaren kopia eta kalifikazioen ziurtagiri akademikoa aurkeztu beharko dira.


10. DEIALDIA AURRERATZEA

Titulazioa lortzeko gehienez 30 kreditu geratzen zaizkien graduko ikasleek urtarrilerako deialdia aurreratzea eskatu ahal izango dute bigarren lauhilerako eta lehenengo matrikula ez diren irakasgaietarako.
Eskaerak egiteko epea 2020ko azaroaren 9tik 19ra bitartekoa izango da. 2020ko abenduaren 18an dekanotzak azterketa horien data ofizialak argitaratuko ditu, eta azterketak 2021ko urtarrilaren 25etik 29ra egingo dira.

11. EBALUAZIO BEREZIA

Ebaluazio berezirako eskaerak fakultateko idazkaritzan aurkeztu behar dira irailan eta martxoan. Irailan, azken eguna 2020ko irailaren 5a izango da eta martxoan, azken eguna 2021eko martxoaren 5a.
Epaimahai Bereziak 2020ko irailaren 15 baino lehen edo 2021eko martxoaren 15 baino lehen ebatziko ditu eskaerak.

Graduko Titulazio Ofizialetako Ikasleen Ebaluaziorako Arautegiko 29 eta 30 artikuluetan ezartzen diren baldintzez gain, Fakultateko Epaimahai Bereziak 2018ko apirilaren 25ean onartutako baldintzak bete behar dira:

1) Zentroko baldintzak, graduko araudiaren gehigarriak dira, edonola ere.
2) Eskaera egiten duen ikaslearen espedientearen nota orokorra gutxienez 6,5ekoa izan behar du.
3) Ikasleak ezin izango du bi irakasgai oinarrizkoren edo bi irakasgai nahitaezkoen ebaluazio berezia eskatu, ez eta, oinarrizko eta nahitaezko bi irakasgaien ebaluazio berezia ere ez.
4) Ikasleak gutxienez ebaluaketa berezia eskatzen duen irakasgaiaren lau deialdietara aurkeztu behar izan da eta haietako batean gutxienez 4ko nota lortu.