Ingurunearen Oinarri Fisikoen irakasgaia M01 moduluaren (propedeutikoa: oinarrizko zientziak eta marrazketa) barnean irakasten da. Irakasgai honetan fisikaren oinarrizko printzipioak irakasten dira. Ardatz nagusia energiaren kontserbazioaren printzipioa da eta honekin lotuta hidraulikaren, soinuaren, beroaren transmisioaren, argiaren eta elektrizitatearen oinarriak ikusiko dira. Gai guztietan printzipioen oinarrien deskribapenetik hasi eta aplikazio praktikoekin bukatuko da. Aplikazio praktiko horiek konfortaren eta arkitekturaren egokitzapenarekin lotuak egongo dira.

Irakasgai honetan landuko diren printzipioak laugarren mailan ikusiko den Girotze Sistemak I eta II gaietan aplikatu ahal izango dira.

Irakasgaiaren konpetentzia orokorrak honakoak dira:

C.1.- Hidraulikaren , akustikaren, beroaren transmisioaren, argiaren eta elektrizitatearen oinarri teorikoak ezagutu.

C.2.- Ikasitako gaiekin lotutako ariketen ebazpenak egiten jakin.

C.3.- Lortzen diren emaitzen interpretazio zuzena egiten jakin.



Halaber zeharkako honako konpetentziak landuko dira:



O.1 Talde txikitan lan egiten jakin.

O.2 Ahozko aurkezpen laburrak egiten jakin.

O.3- Fisikako oinarrizko kontzeptuak arkitekturarekin erlazionatzen jakin. Bai arkitektura historikoarekin bai norberaren proiektuekin.

1.- Sarrera. Energiaren kontserbazioa. Aplikazioak mekanikan eta hidraulikan

2.- Soinua. Egokitzapen akustikoaren oinarriak

3.- Beroa eta bere hedapena. Bero galerak. Isolamendu térmikoa.

4.- Argia eta Kolorea. Argiztapena barneko egoeratan eta kanpoko egoeratan.

5.- Elektrizitatearen oinarriak. Oinarrizko etxe-instalazio elektrikoak.

Klase magistrala:

Klase magistraletan printzipio teorikoen argibideak emango dira eta ondoren aplikazio praktikoak egin eta ariketak ebatzi. Ariketen ebazpenean irakaslegoak eta ikaslegoak parte hartuko du. Irakaslegoak behar diren argibideak emango ditu.



Gela-praktikak:

Hiru astetik behin talde txikiagoetan egingo dira gela-praktikak. Gela praktiketan ariketen ebazpenean sakonduko da, taldeka eta banaka. Halaber, printzipio teorikoak hobeto ulertzen lagunduko duten tresnak erabiltzen ikasiko da eta adibideak garatu.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 70
  • Praktikak egitea (ariketak, kasuak edo buruketak) (%): 30

Irakasgaia gainditzeko bi ebaluazio posible daude:



1.- Azterketa finala:

Lau ariketaz osatutako froga izango da. Atal bakoitzari dagokion ariketa bat, alegia. Irakasgaiaren azken kalifikazioa azterketan lortutako nota izango da. Irakasgaia gaindituko da 10etik 5 puntu lortzen badira, eta atal bakoitzari dagokion ariketan gutxienez 5 puntu lortu badira.



2.-EBALUAZIO JARRAITUA



Ikaslegoak aukera izango du ebaluazio jarraitua egiteko:

Ebaluazio jarraituan kurtsoan zehar lau proba egingo dira. Proba hauek materia Irakasgaia gainditu daiteke lau proba hauek gaindituz, eta lortuko den azken nota lortzen diren noten batez bestekoa gehi puntu bat izango da. Froga bakoitzak irakasgaiaren %25eko balioa izango du. Atalak honakoak dira (1.- Energia, fluidoak eta soinua; 2.- Beroa; 3.- Argia eta Iluminazioa; 4.- Zirkuitu elektrikoak)



Irakasgaia gainditu ahal izango da ere, ikasle batek lau probetatik hiru gaindituko balitu, eta batez besteko nota sei baino gehiago bada, eta ez gainditutako atalean 3,5 lortu badu gutxienez.



Frogetako bat suspendituz gero, azterketa finalean atal hori bakarrik egin beharko da. Aprobatutako atalak gordeko dira.

Irakasgaia aporbatuko da froga guztiak aprobatu ezgero, edota atal bat suspenditu bada, atal horren nota 3,5 baina gehiago bada eta batura totala 20 puntukoa edo gehiagokoa bada.



Ikasle batek deialdiari uko egiten diola ulertuko da baldin eta azkeneko azterketara aurkezten ez bada.

Ez-ohiko deialdira aurkezten den ikasleak irakasgai osoari dagokion froga idatzi bat egin beharko du eta 5 baino gehiago atera azterketa osatzen duten atal bakoitzean.

Froga horretan lau ariketa egin beharko dira, bat irakasgaiaren atal bakoitzeko.



Ez-ohiko deialdirako ez dira gordeko ohiko deialdietan ateratako notak.

Ikasle batek ez-ohiko deialdiari uko egiten diola ulertuko da baldin eta azken azterketara aurkezten ez bada.

Ez dago derrigorrez erabili beharko den materialik.

Oinarrizko bibliografia

Gai honentzako euskarazko material gutxi dago, beraz, gaztelerazko zein ingelerazko liburuak erabili ahal izango dira, edota irakasleak berak emandako materiala.



Fisika Orokorra. J.R. Etxebarria (arg). UEUko Fisika Saila



Bero- eta masa- transferentzia. Hurbilketa praktikoa. Yunus A.Cengel. Ed. UPV/EHU argitalpen zerbitzua.



Física para la ciencia y la tecnología. vol 1 y 2. Tipler, Mosca. Editorial Reverté



Física Conceptual. Paul G. Hewitt. Ed. Pearson



Acondicionamiento ambiental y habitabilidad del espacio arquitectónico. F. Javier Neila González. Ed. munilla-lería



Lighting interior and exterior. Robert Bean. Ed. Elsevier. Architectural Press.



Transmisión del calor. V. Isachenco, V. Osipova, A. Sukomel. Boixareu Editores Marcombo.



ABECÉ de las Instalaciones 1 y 2 . Federico de Isidro Gordejuela et al. Ed. munilla-lería