Arkitektura gradua modulutan banatua dago. Lehenengo modulua M01 propedeutikoa edo oinarrizkoa da. “Egonkortasuna eta isostatikotasuna” irakasgaia modulu propedeutikoaren barnean dago, eta bigarren mailan ematen da. Izenak berak adierazten duen bezala egituren egonkortasuna aztertuko da, bereziki egitura isostatikoena: Zertxak, habeak, portikoak, euste-hormak, habedun egiturak etab. Berez, irakasgai honetan ikusiko dena egituren analisiaren oinarria da. Horrek esan nahi du, hurrengo kurtsoetan Egiturak I, II III eta IV irakasgaietan ikusiko denaren oinarri dela.



Egitura isostatikoak aztertzeko estatikaren oinarri fisikoak azalduko ditugu. Tresna matematiko bezala bektore analisia erabiliz. Baina, irakasgaiaren helburu nagusia eraikuntzako zein obra zibilaren elementuen analisia egitea denez, aplikazio praktikoa lehenetsiko da. Printzipio teorikoen azalpenak egin ondoren, aplikazio erreal praktikoak eginaz. Estatikaren egoerak metodo grafikoak zein analitikoak erabiliz azalduko dira.

Irakasgaiaren konpetentzia orokorrak hauek dira:

1.- Mekanika orokorraren, estatikaren, masen geometriaren eta bektore eta tentsore eremuen ezagutza.

2.- Eraikuntzan zein obra zibilean erabiltzen diren euskarri garrantzitsuenen (euskarri sinplea, artikulazioa eta euskarri landatua) ezagutza.

3.- Egitura isostatikoen egonkortasun problemak ebazten jakitea, metodo analitikok zein grafikoak erabiliz.

4.- Emaitzen analisi egokia egiten jakitea.

5.- Egitura sinpleen kargapeko funtzionamendua ulertzea.

Halaber, honako zeharkako konpetentziak landuko dira:

6.- Problemen ebazpena. Problemak ebazteko prozedura egokiak eskuratzea. Zientzi metodologia aplikatzen jakitea: Egoeraren analisi kualitatiboak egin, hipotesiak landu, ebazpen estrategiak aukeratu, problema ebatzi eta emaitzak lortu. Kreatibitatez lan egin. Emaitzen irakurketa eta analisia egin eta gero erabakiak hartzen jakin.

7.- Taldean lan egiten ikastea. Lana aztertu eta banatzen ikastea. Norberari dagokiona besteekin konpartitzea eta eztabaidatzen jakitea. Eztabaidetan talde erabakiak hartzen ikastea.

8.- Egindako lana komunikatzen ikastea. Banaka zein taldetan egindakoa azaltzen jakitea. Horretarako ideiak era argi batean antolatu eta informazioa taulak, grafikoak eta irudiak erabiliz, azaltzen jakitea.

9.- Gizartean arkitekturak dituen aplikazioen eraginen ardura izatea, alegia, begirunez eta arduraz erabakiak hartzea.

1.- Sarrera. Analisi bektoriala: ardatz zentrala, puntu zentrala, karga-banaketak. Aplikazioak: euste-hormak, egiturak.

2.- Egonkortasuna planoan eta espazioan. Solidoari planoan zein espazioan eusteko eran. Askatasun-graduak

3.- Oinarrizko estatika grafikoa

4.- Egitura triangeluar isostatikoak

5.- Esfortzu ebakitzaileak eta flexio-momentuak habeetan eta portikoetan



Eduki praktikoak:

Irakasgai honetan eduki praktikoak eta teorikoak nahasten dira erabat. Hala ere Gela praktiketan honako egitura errealak landuko dira, hala nola, euste-hormak, pasarelak, estalkiak, zertxak, arkuak, garabiak, portikoak, industria-pabiloiak,...

Klase magistrala:

Klase magistraletan printzipio teorikoen argibideak emango dira, eta ondoren, aplikazio praktikoak egin eta ariketak ebatzi. Ariketen ebazpenean irakaslegoak eta ikaslegoak parte hartuko du. Irakaslegoak behar diren argibideak emango ditu.



Dokumentu-zorroa (portfolioa):

Klase magistraleko aste bakoitzean, gelan zein gelaz kanpo ebaztuko den ariketa bat entregatu beharko du ikasleak. Guztira gehienez 10 lauhileko bakoitzean. Ariketa horiek dokumentu-zorroa osatuko dute, zeina zuzenduta eta ebaluatuta ikasleari itzuliko zaion feedbacka izan dezan.



Gela-praktikak:

Lauhileko bakoitzean bost egingo dira gehienez, talde txikiagotan. Gela-praktiketan ariketen ebazpenean sakonduko da, taldeka eta banaka.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 40
  • Praktikak egitea (ariketak, kasuak edo buruketak) (%): 40
  • Dokumentu-zorroa (portfolioa) (%): 20

Irakasgai honetan,bi ebaluazio-sistema dira posible:

1.- Ebaluazio jarraituaren sistema. Ebaluazio sistema hau lehenetsiko da. Ebaluazio-sistema honetan klasera etortzea eta parte-hartzea oinarrizkoa da



Ebaluazio jarraituan baloratua izateko ikasleak honako gutxiengo baldintzak bete beharko ditu:

- klaseko ariketen %80a dagokion egunean entregatu

- gelen ariketen (dokumentu-zorroaren) bataz-besteko nota gainditua izan

- praktiken ematea garaiz egin, eta praktikak gaindituak izan

- Azterketa partzial bakoitzean 4 bat atera



Halaber, lau azterketa partzial egingo dira irakasgaiaren zati nagusiak bukatzean egingo direnak. Lehenengo lauhilekoan 2 azterketa: 1 gaia bukatzean eta 2. gaia bukatzean hurrenez hurren

Bigarren lauhilekoan 2 azterketa: 3 eta 4 gaiak bukatzean eta 5. gaia bukatzean, hurrenez hurren





EBALUAZIO JARRAITUAREN BALDINTZAK:

1.- IRAKASGAIA GAINDITZEKO BALDINTZAK: Irakasgaia gainditzeko ikasleak egunean aurkeztu beharko ditu praktikak eta dokumentu-zorroa; eta hauetan 5 baino gehiago atera. Halaber, kurtsoan zehar egindako azterketa partzialetan 4 baino gehiago atera behar da praktika zein dokumentu zorroarekin bataz bestekoa egin ahal izateko, honela egingo da nota finalaren kalkulua

Azterketa partzialen nota %40

Praktiken nota %40

Dokumentu-zorroaren nota %20



2.- EZ AURKEZTUA EDO UKO EGITEA: Ikasle batek ebaluazioa jarraituari uko egiten diola ulertuko da, eskatutako lan guztiak ez baditu garaiz entregatu. Kasu horretan aktan Ez Aurkeztua agertuko da, azterketa finalera aurkeztu ezean.



3.- ESKAERAK ETA KOMUNIKAZIOA: Salbuespen egoerak idatziz eskatu beharko dira. Horretarako posta elektronikoa edo egela erabili ahal izango dira. Idatziz aurkezten ez diren eskaerarik ez da kontuan hartuko.







2.-Azterketa finalaren ebaluazio-sistema

Ebaluazio jarraituari uko egin dion ikasleak azken ebaluazioa egiteko aukera izango du ohiko deialdian.



Azken ebaluazioak bi atal izango ditu

Azterketa finala (teoriko eta praktikoa) %60

Praktiken ematea (banakakoak) %40. Kurtsoan zehar egindako praktika guztiak azterketa egunean entregatuak izango dira



Azken ebaluazio sistemarekin irakasgaia gainditu ahal izateko bi ataletan 5 puntu baina gehiago atera beharko dira, eta ondoren bi nota horien bataz-besteko ponderatua egingo da

Ez ohiko deialdira aurkezten den ikaslea, irakasgaiaren gai guztien azterketa final bat egin beharko du. Azterketa horretan hiru proba egin beharko dira, atal bakoitzeko bat, eta hirurak gainditu behar dira.

1- GAINDITZEKO BALDINTZAK: Ez ohiko deialdian irakasgaia gainditzeko 5 puntu lortu beharko dira azterketako proba bakoitzean.

2.- EZ AURKEZTUA EDO UKO EGITEA: Ez ohiko deialdira aurkezten ez den ikasleak deialdiari uko egiten diola ulertuko da. Kasu horretan aktan Ez Aurkeztua azalduko da.

Marrazketarako behar den oinarrizko materiala. Erregelak, eskuaira eta kartaboia, angelu graduatzailea, eskalimetroa eta margoak.

Oinarrizko bibliografia

1.- Estabilidad e Isostaticidad en la Arquitectura. S. Sánchez Beitia. Ed. Díaz de Santos, Madrid 2021

Euskarako bertsioa eskuragai:

Egonkortasuna eta isostatikotasuna. Arkitekturako egituren analisirako oinarriak. S. Sanchez Beitia. E. Gomez Genua. ed. UPV/EHU. Testubiltegia



2.- Estática. Mecánica Bectorial para Ingenieros. Beer & Jhonston. Ed. Mc Graw Hill, 2013

3.- Estructuras de Edificación. José Zubiaur. Ed. UPV/EHU.

4.- Teoría elemental de estructuras. Y. Hsieh. Ed. Prentice-Hall Hispanoamericana.

5.- ABECE de las estructuras/6. VV.AA. Ed. Munilla_Leria

6.- Estructuras para arquitectos. Robert Heller, Mario Salvadori. Ed. Nobuco

Gehiago sakontzeko bibliografia

• José Zubiaur. Estructuras de Edificación., Ed. UPV/EHU
• Santiago Huerta. Arcos, bóvedas y cúpulas. Ed. Instituto Juan de Herrera. ETSAM.
• Jacques Heyman. Teoría básica de estructuras. Ed. Instituto Juan de Herrera. ETSAM
• Y. Hsieh Teoría elemental de estructuras. Ed. Prentice-Hall Hispanoamericana.
• ABECE de las estructuras/6. VV.AA. Ed. Munilla_Leria
• Estructuras para arquitectos. Robert Heller, Mario Salvadori. Ed. Nobuco.