IRAKASGAIAREN DESKRIBAPENA

Hirigintza-plangintzaren oinarri legalak eta metodologiak ezagutzea. Egungo hiriak hobetzeko eta eraldatzeko proiektuak garatzea, birgaitzeari eta hiri-berroneratze eta -berrikuntzari bideratuak. Hirigintza-plan xehatuak eta zehaztuak gauzatzea.



IRAKASGAIAREN TESTUINGURUA

Ikasgai hau Arkitekturaren Oinarrietako Graduaren 4. mailan kokatzen da.



IRAKASKUNTZAREN HELBURUAK

Egungo hiriak eskala xehatuan planifikatzeko eta bere eraldaketa antolatzeko gauza izan dadin ikaslea ezaguera-maila sakonaz hornitzen eta lege-teknikan eta -tresnerian trebatzen ahaleginduko da irakasgaia.

Irakasgaiak ondoko edukien ezaguera finkatuko du:

- Egungo hirien hobekuntza eta eraldaketa prozesuen analisia eta plangintza xehatuko metodologien erabilera.

- Birgaitzeari eta hiri-berroneratze eta -berrikuntzari buruzko gaur egungo prozesuen ezaguera eta hausnarketa.

- Sistema eta paisai urbanoa proiektatzeko eta hautemateko modu desberdinetako tekniken trebakuntza.

- Gaur egungo hiriak dituen erronken gaineko hausnarketa.

GAITASUNAK

Hirigintzaren, plangintzaren eta prozesu horietan erabiltzen diren tekniken ezaguera aproposa.

Ondare arkitektonikoa eta urbanoa katalogatzeko eta bere babesa planifikatzeko trebakuntza.

Jarduera profesionalaren arlo zibil, administratibo, hirigintzako, eraikuntzako eta industriako araudiaren ezaguera.

- Hirigintza-metodoen ulermena.

- Lege-oinarriak.

Plangintza-metodologia baliatzeko gaitasuna, eskala xehatuan eta zehaztuan.

Hiriak birgaitzeko eta hiri-berroneratze eta -berrikuntzako gaur egungo prozesuak hirigintza-plan moduan gauzatzeko tekniken garapena.

GAI ZERRENDA

Irakasgaiak eskola teorikoen eta ariketa praktikoen bidez garatzen ditu azaldutako helburuak eta gaitasunak

Programa teorikoa:

1 GAIA: ESKU-HARTZEA HIRI FINKATUAN: PROZESU HISTORIKOAK. ESPARRU KONTZEPTUALA.

2 GAIA: LEGEDI OROKORRA. HIRI-BERRIKUNTZAKO PLAN BEREZIAK

3 GAIA: BIRGAITZEARI ETA HIRI-BERRONERATZE ETA -BERRIKUNTZARI BURUZKO GAUR EGUNGO POLITIKAK

4 GAIA: LURZORU KALIFIKATUEN PARTZELAZIOA. ONUREN ETA KARGEN BANAKETA.

5 GAIA: HIRIGINTZA BER-KALIFIKAZIOAK ETA BER-TRINKOTZEAK. EREDUAK ETA ESTRATEGIAK.

6 GAIA: HIRIA ETA ONDAREA: BIRGAITZE ETA ZAINTZE PLANAK.

7 GAIA: XEHETASUN AZTERLANAK, ORDENANTZAK, ETA URBANIZAZIO PROIEKTUAK.



Arlo teorikoa ebaluatzeko azterketak eginen dira. Horretaz gainera, klaseetan azalduko diren edukiak oinarri hartuz, ikasleek lan teoriko bat garatuko dute aginduko zaien gai jakin baten gain.

Aldi berean ikasleek bakarkako ariketaren bat eginen dute, iraupen laburrekoa, eskola teorikoetan azalduko diren edukiekin zerikusia izanen duena.

Programa praktikoa:

Irakaspen teorikoak eta praktikoak harreman estua dute irakasgai honen irakaskuntzan eta heziketa, funtsean, lan praktikoetan eduki teorikoak landuz gauzatzen da. Eginen diren plangintza eta proiektuetako ariketen eremua udalerria izanen da, baina barruti edo auzo eskalara mugatuko dira eta egungo hirian esku-hartzea izanen da bere planteamendua.

Irizpide horren arabera gauzatuko dira, elkarren segidan, bi ariketa praktiko, ondoko eduki hauek garatzeko:

- Gure hirietako baten hirigune historikoaren "Hirigunea Birgaitzeko Plan Bereziaren" analisi kritikoa eta aldaketa edo berrikuspen proposamena.

- "Hiri-Jarduketarako Plan Berezi" moduan gauzatzeko aproposa izan daitekeen egungo hiriko eremu baten esku-hartze proposamenaren garapena..

Arlo teorikoa bakarka eginen da. Arlo praktikoa, berriz, bakarka egitea hobetsiko da, baina bi lanetako bat -edo biak- taldeka egitea planteatu dezake irakasleak.

1. METODOLOGIA: Eskola teorikoak

XX eskola teoriko, zeinetan irakasleak eduki teorikoa azaltzen duen, ikus-entzunezko baliabideen laguntzarekin eta ikasleen parte-hartzearekin.

JARDUERAK: Kasu zehatzen azterketa; arazoen azterketan oinarritutako irakaskuntza; taldean garatutako eztabaidak.

2. METODOLOGIA: Ohiko eskola praktikoak

XX ohiko eskola praktiko, zeinetan ikasleek eskola teorikoetan jasotako irakaspenak aplikatuko dituzten.

JARDUERAK: Tailerrean egiten diren lan-saioak dira. Bertan ariketen bilakaeraren jarraipena, eztabaida eta zuzenketa baita lanen ebazpena ere eginen dira; eta landa-lanen ebazpena.

3. METODOLOGIA: Bisitaldiak eta ikasbidaiak

Tokia behar bezala ulertu eta antzemateko -batez ere lan praktikoetan- interesgarri irizten diren bisitaldi eta ikasbidaiak eginen dituzte ikasleek irakasleekin.

4. METODOLOGIA: Ikasgelaz kanpoko irakaskuntza

Ikasleek beren kabuz sakontzen dute irakasgaiaren edukietan.

JARDUERAK: Irakaskuntza autonomoa; artikulu aukeratuen irakurketa.

5. METODOLOGIA: Tutoretzak

Ikasgelaz kanpoko irakaskuntzaren osagarria, non ikasleen lana, banaka zein taldeka, modu pertsonalizatuan bideratzen den, ohiko gelan edo irakaslearen bulegoan.

JARDUERA: Lanen ikuskapen pertsonalizatua.



IRAKASKUNTZA EZ PRESENTZIALA

Irakaskuntza presentziala eten behar bada, osasun larritasuna dela kausa edo antzeko arrazoien ondorioz, eGelaren bitarteko BlackBoard Collaborate plataformaren bidez, modu ez presentzialean, eginen da.

Holakorik gertatzen bada irakasleak jakinaraziko die ikasleei gertatutakoa eta egin beharrekoa, eGelaren foroaren bidez, emailez, edo beste jakinarazpen baten bitartez.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 25
  • Banakako lanak (%): 10
  • alde lanak (arazoen ebazpenak, proiektuen diseinuak) (%): 50
  • Lan teoriko baten garapena (%): 15

IRAKASGAIAREN EBALUAZIOA

Ikasleek eginen dituzten lan praktikoak ebaluazio jarraitua izanen dute eta entregaz entrega edo zatiz zati gauzatuko da. Horren ondorioa kurtso amaierako lan praktikoen ebaluazio-nota izanen da.

Horretaz gainera azterketa eta lan teorikoak ere eginen dira eta kurtsoaren ebaluazioa arlo praktikoaren eta arlo teorikoaren artean erdibana eginez zehaztuko da.

IRAKASKUNTZA EZ PRESENTZIALA

Irakaskuntza presentziala eten behar bada -osasun larritasuna dela kausa edo antzeko arrazoien ondorioz- ebaluazioa egokituko da "ebaluazio-sistemak" atalean zehatzen den moduan.

EBALUAKETA JARRAITUARI UKO EGITEKO AUKERA ADIERAZTEKO EREDUA

Justikatutako arrazoi batengatik ebaluaketa jarraitua izaterik ez duen ikasleak azken ebaluaketa batetarako eskubidea izango du, non kurtsoan zehar eskatu diren lanak aurkezteaz gain, azken froga idatzi bat egingo duen. Horrelako egoerak kurtsoko lehenengo 9 asteetan zehar jakinarazi beharko zaizkie irakasleei idatziz.



EBALUAKETARI UKO EGITEKO AUKERA ADIERAZTEKO EREDUA (EZ AURKEZTUA):

Lanen bat egin arren "ez aurkeztu" gisa agertu nahi duen ikasleak idatziz jakinaraziko dio irakasleari, gutxienez azterketaren data ofiziala baino astebete lehenago.

EZ OHIKO DEILADIAREN EPEAK ETA BALDINTZAK ADIERAZTEKO EREDUA:

Kurtsoz ez gainditzekotan, ikasleak ezohiko deialdira aurkezteko eskubidea izango du, bertan kurtsoan zehar egindako lanen osaketa edota lan berri baten garapena egin beharko duelarik.

- Eskuz eta ordenagailuz marrazteko oinarrizko tresnak.

Oinarrizko bibliografia

ESTEBAN I NOGUERA, Julio : "Elementos de Ordenación Urbana", Barcelona/ETSAB-COAC/1981

SOLÀ-MORALES, Manuel: "Hiri-hazkunde motak", Bilbo/EHUko Argitalpen Zerbitzua/2008

BANDARIN, Francesco & VAN OERS, Ron: "El paisaje urbano histórico - La gestión del patrimonio en un siglo histórico", Madrid/Abada Editores/2014

POL, Francisco: “La recuperación de los centros históricos en España”, en “Arquitectura y Urbanismo en las ciudades históricas”, Madrid/UIMP & MOPU/1988

HERNANDEZ AJA, Agustín: “La ciudad de los ciudadanos”, Madrid/Ministerio de Fomento/1997

PRINZ, Dieter: "Planificación y configuración urbana", México/Gustavo Gili/1983

PARCERISA, Josep & RUBERT DE VENTÓS, María: “La ciudad no es una hoja en blanco”, Barcelona/Ediciones ARQ/2000

GATÓN PÉREZ DE ALBÉNIZ, J., TEJERINA GONZÁLEZ J.I., y HEREDERO BERZOSA, I.: “Manual de Ordenación Urbanística de la Comunidad Autónoma del País Vasco”, IVAP/Oñati/2013

Gehiago sakontzeko bibliografia

CHOAY, Françoise: "Alegoría del patrimonio", Barcelona/Gustavo Gili/2007
CHOAY, Françoise: "El Urbanismo. Utopías y Realidades", Barcelona/Ed. Lumen/1970
MORRIS, Anthony E. J.: "Hiri-formaren historia. Industria Iraultza arte". Bilbo/EHUko Argitalpen Zerbitzua/2010
GALARRAGA, I. eta TABERNA, B.: "Hirien Euskal Herria", Bilbo/1997
UNZURRUNZAGA X., GALARRAGA I., LOPEZ DE ABERASTURI, A., AZPIRI, A. eta ALKORTA, JM.: "Hiri zabalguneak Euskal Herrian", Gasteiz/Eusko Jaurlaritza/2002.
BOHIGAS, Oriol: "Contra la incontinencia urbana - Reconsideración moral de la arquitectura y la ciudad", Barcelona/Electa/2004
DALDA ESCUDERO, Juan Luis: "Documentos de reflexión urbanística 6 (DRU6)", A Coruña/ETSAC/2011
BUSQUETS, Joan & CASARIEGO, Joaquín (et al.): “La reconstrucción de los centros urbanos. La experiencia europea. La experiencia europea sobre la rehabilitación de la ciudad histórica”, Barcelona/Casariego-Guerra, Arquitectos/2002
CERASI, Maurice: “Lo spazio colletivo della cittá”, Milano/Mazzotta/1976
RODRIGUEZ-TARDUCHY, María José: "Forma y ciudad", Madrid/Cinter Divulgación Técnica/2008
SOLÀ-MORALES, Manuel: "Diez lecciones sobre Barcelona", Barcelona/COAC/2008
SOLÀ-MORALES, Manuel: "De cosas urbanas", Barcelona/Gustavo Gili/2008

Aldizkariak

Ciudad y Territorio
Town Planning Review
Urban (revista de la ETSAM)
Quaderns d'Arquitectura i Urbanisme
Journal of Urban Design

Web helbideak

www.ec.europa.eu/eurostat
www.espon.eu
www.esa.int
www.ine.es
www.eustat.es
www.ihobe.net
www.eudel.net
www.wwf.org
www.epa.org
www.ipcc.ch