Irudigintza I ikaslegoa marrazketa garaikidearen berezko zertzeladetan hasteko ikasgai moduan dago planteatuta. Haren atariko izaerak, sorkuntzaren berezko dinamikak, oinarrizko nozio teorikoen ezagutza eta esperimentazio praktikoaren hasiera proposatzen du.

Harreman horizontala mantentzen du ondorengo ikasgaiekin: Arte eta Teknologia I, Eskultura I, Irudi Laborategia, Materialen Laborategia, Pintura I eta XX. Mendeko Artearen Historiarako Sarrera. Oinarrizko formakuntzan ditugu ikasgai hauek guztiak hiru graduetan: Artea, Sorkuntza eta Diseinua, Kultura Ondareen Zaintza eta Zaharberritzea.

Irudigintza I ikasgaiko edukiei jarraitzen die Irudigintza II-k (2.mailan), errealitatearen behaketa kontrastatuz artearen erreferenteekin, eta proiektu, gogoeta eta prozesu metodologien nozioen bidez eredu grafikoak garatzeko.

Irudigintza III-k, 3.mailako ikasgaiak, Arte Graduan soilik, Irudigintza I eta II-n izandako formakuntzan sakonduko du, eredu ideologiko eta bizipenekoetan hausnartuz, heuren teknika eta prozeduretan.

Irudigintza I irudigintza, bere teknika eta prozeduretara sarrera da. Ikasgai hau modelu espazial eta objektualen errepresentazioaz arduratzen da, somakor-ikusizkotik hasita, analítiko-egiturala arte. Errealitatearen behaketa erreflexiboaren errepresentazioaren bidez abiatzen gara.

Honela, prozesuak, prozedurak eta materialak experimentatzen eta ezagutzen hasiko gara, artearen eremuan aplikazio esparru zehatza dutenak. Ikuskera zehatza garatuko dugu, oinarrizkoa azalekotik bereiztea ahalmenduko duena. Era honetara materia, irudi eta artearen zentzuaz ditugun ideia aurrez sortuak antzeman eta berraztertzeko gaitasunetara helduko gara.



Lantzen diren ikasgaiaren GAITASUNAK:

1. Objektu eta espazio xumeak aztertzeko eta errepresentatzeko gai izatea, errepresentazio sistemen irizpide bisualak eta errekurtso konstruktiboak bereganatuz.

2. Gizaki gorputza zirrimarratzea bere proportzioetan, enkajea, konposizioa eta formatu-euskarria menperatzeko.

3. Oroimena garatzeko eskema edo formula kontzeptua erabiltzea, modelu bezala izanik bai gizaki gorputza, bai beste modeluak, bizidunak eta bizigabeak.

4. Irudigintzak berezkoak dituen material eta prozedurak ezagutzea, baita ere lanabes eta erreminta laguntzaileak bereganatu eta erabiltzen jakiteko.

5. Historiako erreferenteak ezagutzea materialei, prozedurei eta estiloei dagokionez, marrazketaren praktikan erabiltzeko.

Ikaskuntzaren EMAITZAK(ikaslea gai izango da):

1. Modelo organiko eta inorganikoen errepresentaziotik sortutako arazo formalak sintetizatzea, hartara, errepresentazio prozesuan, esperimentatzeko eta baloratzeko ohiko operazio grafiko anitzak, alegia, egituratzea, eskematizatzea eta enkaxatzea.

2. Argi eta itzalez osatutako modeloak analizatzea, tonukera eta argilunaren ikuspegitik osatutako errepresentazioaren burutzea balioetsiz, orban eta zetakak erabiliz marrazkiaren izaera plastikoa lortzeko.

3. Irizpide bisualak eta konstruktiboak elkartuz, objektuak eta espazio soilak analizatu eta errepresentatu, hartara errepresentazio sistemen erabilgarritasuna esperimentatzeko eta balioesteko

4. Marrazketaren praktikan, material, prozedura eta estiloei dagokienez historiako erreferenteak ezagutzea, hartara maisu artistak izan direnen esan-eginak, emaitza estetikoak eta lan moduak ulertu eta estrapolatzeko.

5. Praktika mailan marrazketak berezkoak dituen materialak, lanabesak, erramintak eta prozedurak ezagutzea, hartara proiektu bisual baten aukera espresiboak eta komunikatiboak aztertzeko eta balioesteko.

1. Gaia. Irudigintza: errepresentatu ahal izateko, inguratzen gaituen mundu tridimentsionalaren behaketa.

1.1. Marrazteko erabiltzen diren lanabes eta erramintak

1.2. Objektu eta espazio soilen analisi eta errepresentazioa

1.3. Eredu organiko eta inorganikoetara aplikatutako marrazteko eragiketa sintetiko arruntak



2. Gaia. Irudigintza: marrazketaren ezagutza sistematizatuak bideratzen digun errealitatearen ikerketa, hartara marrazterakoan aplikatzeko

2.1. Gramatika grafiko eta bisuala

2.2. Neurrien sistematizazioa

2.3. Espazialtasuna, alderdi plastikoak



3. Gaia. Irudigintza: Artearen Historiak erakutsitako errealitateak imitatu ikuspuntu berritzaile batetik

3.1. Gizaki figura marraztuz praktika artistikoa

3.2. Gizaki figura lantzeko historiako erreferenteak

3.3. Gizaki figura behatzeko aukera ezberdinak

Ikasgai honen ikas-irakas prozesuak praktikaren bidez egituratuko dira gehienbat, non ezagutza teorikoak ere esperimentatuko diren. Irakaskuntza modu honen arabera teoria eta praktikaren arteko muga zehatzak lausotu egiten dira. Burutu beharreko lanen gida eta sarrera gisa, oinarrizko kontzeptuak azalpen teorikoetan aurkeztuko diren arren, batez ere praktikaren bidez aberastuko eta azalduko ditu bere ñabardurak, enpirikoki arazoak konpontzerakoan, ikaslegoaren esperientziarekin bat eginez.



Ikasgaiaren helburu eta gaitasunak teoria eta praktika banaezinean uztartzen dituen irakaskuntza metodologiaren bidez lortzen dira, horretarako ikaslegoaren lan pertsonalaren jarraipen indibiduala egingo delarik.



Mintegia (0,5 ordu/astean x 30 aste): irakaskuntza mota honek bakarkako prozesuaren jarraipena errazten du, ikaslegoaren curriculum ibilbideko edukiak eta trebetasunak bereganatuz. Mintegiak aproposak izango dira lanen emaitzak komunean jartzeko, kurtsoko dinamikan sortzen diren arazoak eztabaidatzeko, talde txikietan bidalitako lanei buruz hausnartzeko eta lan prozesuei buruz ondorioak ateratzeko.



Tailerra (2,5 ordu/astean x 30 aste): gai bakoitzaren hasieran dagozkion oinarrizko eduki teorikoak azalduko dira, egin beharreko lanak adierazi eta ikasleen zalantzak argituko dira. Horren ondoren, ikasle bakoitzak bere kontura lan egingo du eta irakaslea izango du laguntzaile bidalitako proposamenera egokitu dadin, zalantzak eta zailtasun pertsonaletan argia jarriz. Ikaslegoak tailerretan egingo dituen lanak saio ezberdinetan zehar luzatuko dira.

Tutoretza (6 ordu /astean x 30 aste): ikaslegoari bidaliko zaizkion lan ez presentzialei buruzko argibideak jaso eta emaitzak egiaztatzeko izango dira ordu hauek. Laguntza eta aholku pertsonalizatuaren bidez ikaslegoak aukera izango du ariketa eta proiektuen lanen egoerari buruz hitz egiteko, informazioa behar badu jasotzeko eta hauek ikertzeko.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Praktikak egitea (ariketak, kasuak edo buruketak) (%): 100

Irakaskuntza metodologiak etengabeko ebaluazioan ditu sustraiak eta sistema hau indartzeko izpiritua du, bai klasean eginiko lanaren bidez, bai bertatik kanpo. Bakarkako lana baloratuko da, motibazioa, interesa eta irakasleak planteatutako ekintzetan parte hartzea, klase-taldean eginiko ekarpenak, talde laneko kolaborazioa, bidalitako lanen epeak betetzea. Hau guztia ikasgaika eta kurtsoka jaso beharreko gaitasunak ikasleak bereganatzen dituen arabera.

Oinarrizko eduki teorikoak tailerrean eta mintegian emango dira, tailerreko praktikan izango delarik hauek garatu eta barneratzeko modua, ondoren ebaluatuak izango direlarik ariketa, lan eta burututako proiektuen zuzenketaz, eta baita ere, tarteka, marrazketako eta idatzizko frogen bidez.

Teoriaz gain, praktikek osatzen dute etengaeko ebaluazioa, klaseko eta tailerretako jarraipenaren bidez. Gaitasun praktikoak, bai irakaslearen zuzendaritzapean, bai bere kasa eginikoen bidez, klase-tailerrean burututako proiektu eta ariketen bidez bereganatzen ditu ikaslegoak.

Ikaslegoak gaitasunak aurrerabide egokiz bereganatzen dituen ala ez, ikasturtean zehar aurkeztutako lan eta ariketa praktikoen jarraipenaren bidez ebaluatuko da.

Ikasturteko lehenengo deialdiko ebaluazioa etengabea izango da, beti ere klasera bertaratzea %80 baino gehiago izan beharko duelarik. Azken zenbakizko kalifikazioa, 0tik 10era, honela banatuko da:

• Klaseko lana, jarrera eta ekarpenak (presentziala): %40 = 4 puntu

• Ebaluazio frogak, lan ez presentziala eta praktiko-teorikoak, emaitzen garapen eta eztabaida: %60 = 6 puntu



Ikaslegoak uko egin diezaioke deialdiari, azterketa sasoi ofiziala hasi baino gutxienez hilabete lehenagoko epean, irakasleari zuzendutako idatzi baten bidez



Ikasleak uko egin diezaioke ebaluazio sistemari eta ondorioz azterketa finalaren sistemaren bidez ebaluatua izateko eskubidea izango du. Horretarako idatzia aurkeztu beharko du 18.astea baino lehen.

2.deialdiko ebaluazioan marrazketa froga eta ikasleak dakarren karpeta hartuko dira kontutan. Azterketa hau egin ahal izateko irakasleak ikastaroan zehar eginiko proposamen guztiak eskatu ditzake. Azterketara ez etortzearekin ikasleak Ez Aurkeztua izango du kalifikazioan.

Eragile anitzak: ikatziria, grafitozko arkatza, tinta, errotuladoreak, etab.
Paper mota ezberdinak: ingres, kraft, arraindegikoa...

Oinarrizko bibliografia

BARGUEÑO, E. y SANCHEZ, M.: Dibujo artístico 1, Bachillerato. MacGraw Hill, Madrid,2006. ISBN: 84-481-4681-6

CABEZAS, Lino y ORTEGA, Luis,F.: Análisis gráfico y representación geométrica. Universidad de Barcelona, 2002. ISBN: 84-8338-294-6

CHING, Francis D.K.: Dibujo y proyecto. Gustavo Gili, Barcelona, 1999. ISBN: 978-84-252-2081-4

DIAZ, Ramón: El dibujo del natural en la época de la postacademia, Akal, Madrid, 2007. ISBN: 978-84-460-2152-0

GUASCH, Pedro: Dibujo y sistemas de representación. DYS. UPV/EHU, Bilbao, 2007. ISBN: 978-84-9860-005-6

NICOLAIDES, Kimon: The Natural Way to Draw - a working plan for art study. Houghton Mifflin Company Boston, U.S.A., 1969. ISBN: 0395530075

VARELA, Juan M.: Dibujar la naturaleza. Ediciones del Serbal. Barcelona, 1997. ISBN: 978-84.7628.207-6

RAYNES, John: Curso completo para dibujar la figura humana. Blume, Barcelona, 2008. ISBN: 978-848076-741-5

SIMBLET, Sarah: Cuaderno de dibujo. Blume, Barcelona, 2006. ISBN: 84-8076-584-4

Gehiago sakontzeko bibliografia

BAMMES, Gottfried: Dibujo de animales, Ceac, Barcelona, 1994. ISBN: 84-329-7162-6
BARCSAY, Jeno: Anatomía artística del cuerpo humano, Idea Books, Barcelona, 1996. ISBN: 978-84-8086743-6
DANTZIC, Cynthia M.: Cómo dibujar. Guía completa de sus técnicas e interpretación. Blume, Barcelona, 2004. ISBN: 978-84-89840232
GOMEZ, Juan J.(coord.): Las lecciones del dibujo. Cátedra, Madrid, 1995. ISBN: 84-376-1376-0
GOMEZ, J.J., CABEZAS, L. y BORDES, J.: El manual de dibujo. Estrategia de su enseñanza en el siglo XX. Cátedra, Madrid, 2001. ISBN: 84-376-1924-6
GOMEZ, J.J., CABEZAS, L. y COPÓN, M.: Los nombres del dibujo. Cátedra, Madrid, 2005. ISBN: 978-84-3762-271-2
PIPES, Alan: Dibujo par diseñadores. Blume, Barcelona, 2008. ISBN: 978-84-980-250-7
VV.AA.: Dibujo Técnico II. Bachillerato. Edebé, Barcelona, 2009. ISBN: 978-84-236-9510-2
VV.AA: Diccionario visual de términos arquitectónicos. Cátedra, Madrid, 2008. ISBN: 978-84-236-2506-5

Aldizkariak

Lapiz. – Arte y Parte.-

Web helbideak

WEBGUNEAK

http://www.sketchup.com/es/download/all#es
www.rtve.es/television/metropolis
www.rtve.es/programas/aventuradelsaber
http://divulgamat.ehu.es
www.artcyclopedia.com/
www.revistasculturales.com