- Materia, prozesu eta baliabideak esperimentakuntza bezela.

- Somakuntza eta ezaugarri fisikoen adierazgarritasun potentziala helburu dituen esperientzia ikuspegia. Material/prozesu eta aplikazio aurretiko asoziazio desmuntaian oinarritutako operazioak.

- Materialak sentikor bihurtzea helburu duen operazio artistiko eta sortzailearen ezaugarri performatiboa azpimarratzen du.

- Irakasgaiko proposamenen bitartez sinbolizatzearekin topo egitea bultzatzen duten eta material eta baliabideetatik hasita forma-eraikuntza eta irudi-errepresentaziora jotzen duten egintza operazioak.

GAITASUN ESPEZIFIKOAK

E1. Mundua bere material ezaugarrietatik behatu haren balorazio eta interpretazio sentikorra egiteko.

E2. Antzeman, artelanen behaketaren bitartez, materiaren potentziala arte eta sormen ekoizpenaren baldintza beharrezko gisa.

E3. Materiarekin aritzea sormen artistikorako bide bezela hartu.

E4. Materialaren esparruan esperimentaziorako gai izan adimen eta sentikor lotura berriak ekoizteko.

E5. Sormen prozesuei dagozkien (bakarkako ala taldeko) lan metodologiak sortu proiektu autonomo bati aurre egin ahal izateko.



ZEHARKAKO GAITASUNAK

Z1. Arte jakintza jakintza tekniko bezala hartu.

Z2. Bilakuntza baliabide, gogoeta kritiko eta sormen edo/eta zientzi metodologi erabilera, erabakiak hartzeko ekimen gaitasuna, bakarka nahiz taldean.

Z3. Artearen historia, teoria eta ideia esanguratsuen ezaguera, baita artelan eta idazki bitartezko artisten pentsamoldea ere.



MAILAKO GAITASUNAK

M1. Errealitatearen behakuntzan aurkitu sormen plastikoen bitartezko berau berpentsatzeko aukera.

M2. Materia, irudia eta artearen zentzuarekiko aurriritziak bilatu eta errebisatu.

M3. Materialaren potentziala artelanaren oinarri lez antzeman.

M4. Materialaren eta irudiaren esparruan esperimentaziorako gai izan adimen eta sentikor lotura berriak ekoizteko arte garaikideko disziplina-artekotasunak kontutan hartuaz.

M5. Antzeman arte jarduera eta emaitzen izaera eta balio antropologiko eta sozialak.



IKASKETA EMAITZAK

- Antzematea ezaugarri materialetan balio fisiko, sentsorial, emoziolan, kultural, eraikitzaile eta sinbolikoak.

- Materia eta materialak azpimarragarriak dituzten artelan eta sormen bisual eta objetuzkoak ezagutzea.

- Esperimentakuntza materialaren bitartez forma-eraikuntza eta irudi-errepresentaziorakiko hurbil diren artikulazio sentikor eta intelektibo ekoizpenerako gaitasuna izatea.

- Proiektu bilakerak ahalbidetuko ditzaketen metodologiak bilatu eta talde lana norbanakoaren lan prozesurako aportazioa dela antzematea.

1. MUNDUAREN MATERIALTASUNAREN MAPA

Sormen bide bezala materiarekin tratua hasteko mundua bere material ezaugarrietatik behatzea. Inguruko munduaren materialtasuna hauteman, pentsatu, eragiteak materialak identifikatu eta sentikorra izatea suposatzen du hainbat propietate anitzen aurrean: fisikoak, sentikorrak, emoziozkoak, kulturalak, sinbolikoak…



2. INPRESIOA / SENTIPENA / FIGURA

Sentipen gaitasunak, material eta materiek subjektuarengan eragiten dituzten inpresio sinpleak antolatu eta konplexutasun gehiago duen figura edo ikur bilakatzeko marko kontzeptual bezala.



3. AKZIOA / KONFIGURAZIOA

Konfigurazio oro agente edo tresnen eragin(ar)en bitartez materia edo materialaren bilakaera bat da. Ekintza eta materialen arteko erlazioetatik hauteman artikulazio berriak sortzen dira zentzu bideak zabaltzen diren artean.



4. EGUNEROKO OBJEKTUAK

Eguneroko objektuak memoria kulturalen eratzailetzat hartzean oinarritutako esperimentazioa, non sentsualitate eta sentikortasun modu berriak agertzen diren, halaber eratzen dituen material aniztasunarekin erlazionatutako sistema teknologikoak.



5. IRUDIMEN MATERIALA

Giza gorputzean barrena bidai irudikatu baten bitartez materiaren poetikara hurbiltzea, gorputza sentipen eta ezaugarriez bustitako paisaia bailitzan adierazita, prozesu biologikoen egoera fisiko propioak deskribatuz.

Irakasgaiaren eduki eta konpetentziak ariketen bidez lantzen dira (proiektu bidezko lanak, eragiketetan oinarritutako ikasketa) ikasleak prozesualki erantzunaz eta inplikazio subjektiboa medio dalarik. Erritmo ezberdinetan lan egiten da, luzeak diren proposamenak gauzatuz non aipaturiko inplikazio subjetiboa garrantzitsua dan eta burutuz baita, hala balitz, egun bakarrean egin beharreko ariketaren batzuk non leudeken materialaren lanketari dagozkion konpetentzia jakinak.

Teoria ikasketa saio kolektiboak irakasgaiko oinarrizko edukiak abian jartzeko esparru dira. Beraietan, eskola magistraletaz gain, irudiak, testuak, filmak (kasu azterketak) aztertzen dira eta eztabaida eta talde irakurketak burutu.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Praktikak egitea (ariketak, kasuak edo buruketak) (%): 100

Irakasgaiko edukien ebaluaketa ikasgelan egindako lanaren bitartez egingo da, bertan burututako lanen zuzenketa eta, izanez gero, idatzizko azterketa baten bitartez.

Azken nota jasotako konpetentzien ondorio izango da eta, etorrera maiztasuna eta ardura oinarrizkoak direnez, %80ko etorrera minimo batetik baino ezingo da lortu.

Irakasgaian erabiltzen den ebaluaketa metodoa jarraia da. Ebaluaketa horretan jasotako kalifikazioa da irakasgaiko nota. Ebaluaketara heldu ezin izana arautegian azaltzen diren zergatiekin justifikatu izanak bakarra emango du froga, azterketa ala errekuperaketarako aukera. Froga hau irakasgaian egindako lan guztien aurkezpenean oinarrituko da, eta irakaslearen irizpideen harabera, azken froga batean.

Irakasgaian zehar aldizkako agertzea izandako edo lan gutxi egindako ikasleak ebaluaketa jarraiaren notarekin bakarra izango dira kalifikatuak.

Behar izanez gero, ikasleak deialdiari uko egin dezaioke. Horretarako, ikasleak idatzia aurkeztu beharko dio irakasgaiko ardura daukan irakasleari azterketa egiteko data ofiziala baino hilabete lehenago.

Ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, hemezortzi asteko epea izango du ikasturtea hasten denetik kontatzen hasita.

Ezohizko deialdian ebaluaketak irakasgaian zehar eginiko ariketa guztien gauzatzea eskatuko du eta baita, behar izanez gero, azterketa bat ere. Guzti horretarako baldintza izango da deialdi arrunteko nota publikazio eta deialdi ezohizkoko azterketa bitartean dauden asteetako tutoritza guztietara aurkeztea. Nolanahi ere, ikastaroaren zenbait unetan irakasgaiaren nolabaiteko jarraipena eta berarekin harremanen bat izatea gomendatzen da aurkeztu eta, hala badagokio, zeinetaz azterketa egin beharreko lanak osatzen dituzten funtsezko diran praktika haietan trebatzeko.

Lan proposamen bakoitzean adierazitakoak.

Oinarrizko bibliografia

Ackerman, Diane, Una historia natural de los sentidos, Anagrama, Barcelona, 2000

Bachelard, La tierra y los ensueños de la voluntad, Fondo de Cultura Económica, México, 1994

Dubuffet, Jean, El hombre de la calle ante la obra de arte, Editorial Debate, Madrid, 1992

Merleau-Ponty, Maurice, El mundo de la percepción. Siete conferencias, Fondo de Cultura Económica, Buenos Aires, 2002

Rilke, Rainer Maria, Auguste Rodin, Editorial Nortesur, Barcelona, 2009

Gehiago sakontzeko bibliografia

AAVV. Materials/materiales/material. Ed. Viction:workshop ltd. 2007
Baudrillard, Jean, El sistema de los objetos, Siglo XXI Editores, 1988
Bois y Krauss, L¿Informe. Mode d¿emploi, Centre George Pompidou, Paris, 1996
Ponge, Francis, La soñadora materia, Galaxia Gutenberg, Barcelona, 2007
Szeemann, Harald (curator), When attitudes become form, Kunsthalle Berne and The Institute of Contemporary Arts, London, 1969

Web helbideak

Arte irudiak: http://www.artcyclopedia.com
Arte irudiak: http://www.artchive.com
Arte irudiak: http://www.artnet.com