Arte Graduaren azkenengo kurtsoko ikasgai hau hezkuntza eta bitartekaritzaren inguruko edukiak eskaintzen dituen bakarra da. Ikasgai honen bitartez bai zuen praktika artistikoetan baita besteenetan ere bitartekaritza lanak aurrera eramateko orduan agertzen diren aukeren eta egoeren inguruan hausnartzeko kontzeptu eta tresnak landuko dira.

Ikasgaiko lanak garatzeko, garrantzitsua da norberak bere alde kritikoena berreskuratzea, eremu bai formal eta bai informalen barne ikusizko arteen hezkuntzan ematen diren praktikak ikertu eta horien inguruko eztabaidak burutu ahal izateko.

Ikasgai honen bitartez, hezkuntza inguruetan edota bitartekaritza alorrean landu daitezkeen hezkuntza proiektuen diseinurako beharrezko diren hainbat erreminta eskuratuko dira.

Ikasgaian zehar artearen hezkuntzari eta ikaskuntzari helduko diegu, hauek zentzu zabal batean ulertuz; gizabanakoen sentsibilitatearen hezkuntzatik eta esperientzia erregistroen hedatze eta biziagotzetik, praktika artistikoen eta hezkuntza artistikoaren inguruko eta beraien bitartekaritzaren gain begirada sakon eta kritiko baten eraiketara.

Alde batetik, arte hezkuntzaren eremu ezberdinetara hurbilduko gara (formak eta, batez ere, ez formalak), beraien diskurtsoak, praktikak eta aukerak aztertzeko kritikoki aztertuz. Beste alde batetik, hezkuntza esku-hartzeak diseinatzea eta praktikara eramatea proposatzen da. Guzti honekin batera, arte-bitartekaritza kontzeptua landuko da, sorkuntza artistikoen gakoetako bat bezala ulerturik, kulturalki kritikoagoa den gizarte baten eraiketa ahalbidetzen duena.

1. Arte hezkuntzak egun kudeatu behar dituen arazoen inguruko hausnarketan laguntzen gaituzten oinarri kontzeptualak erabiltzeko gaitasuna, ikuspegi pedagogiko, artistiko, sozial eta kulturaletatik.

2. Arte hezkuntzaren ingurune formal eta informal konkretuen diskurtso eta praktikak kritikoki aztertzeko gaitasuna, arlo honetan existitzen diren hainbat proiektu eta esperientzietara hurbilduz.

3. Hezkuntza bitartekaritzako proiektuak indibidualki edota kolektiboki garatzeko gaitasuna, hala nola proiektu horiek antolatzeko eta garatzeko gai izatea.

4. Gaiaren inguruko oinarrizko bibliografia eta sareko eta aldizkari espezializatuetako beste iturri dokumentalak maneiatzeko gaitasuna.

1. Gure kulturaren historian zehar emandako artearen eta hezkuntzaren narratibak. XXI. mendeko narratiba berrien bila.

2. Hezkuntza artistikoaren lan esparruak: artisten eta arte profesionalen formakuntzatik hezkuntza artistiko unibertsalizatura, bitartekaritza eta artearen parte-hartze performatiboa gizartean. Ikusizko kultura eta arte hezkuntza.

3. Egungo arte hezkuntzako ingurune formal eta informalen diskurtsoak eta praktikak. Hausnarketa kritikoa, arazoak eta aukerak.

4. Bitartekaritza hezitzaileko proiektuak eta eskuhartze artistikoa.

Ebaluazio sistema jarraia da, beraz, asistentzia ezinbestekoa da klasean derrigorrez eginbeharreko praktika eta lanak burutu ahal izateko eta dinamiketan partehartzea baloratuko da. Ikasgaiaren eduki propioak landuko dituzten metodologia aktiboak eta parte-hartzaileak burutuko dira (proiektuak, ahozko eta idatzizko aurkezpenak, eztabaidak, etab.) eta aldi berean zeharkako konpetentziak garatuko dira (ahozko komunikazioa, multimedia, etab.)

Horretaz gain, ikaslegoa unibertsitatetik kanpo dagoen errealitatera hurbiltzeko, arte-hezkuntza eta -bitartekaritzarekin harremanean dauden pertsonak eta kolektiboak klaseetara etorriko dira haien esperientziak konpartitzeko.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Praktikak egitea (ariketak, kasuak edo buruketak) (%): 15
  • Banakako lanak (%): 35
  • alde lanak (arazoen ebazpenak, proiektuen diseinuak) (%): 50

Ikasgaiaren ebaluazioa jarraia da eta azken kalifikazioa aurretik derrigorrez eginbeharreko lanen kalifikazioen batezbestekoa izango da. Lan hauekin ikasgaiaren konpetentziak zein zeharkakoak eskuratuko dira. Beraz, ikasleek ikasturtean zehar eta esandako epeen barruan honakoak entregatu beharko dituzte:

· Banakako lanak, gelakoak zein gelaz kanpokoak.

· Talde lanak, gelakoak zein gelaz kanpokoak.

*Lan bakoitzaren ehuneko zehatza, hala nola ebaluazio irizpideak, bakoitzari dagokion txostenean agertuko dira e-gelan.

Lan hauen berri e-gelan izanen duzue eta bakoitzak bere zehaztapenak izanen du: notaren porzentai zehatza zein ebaluazio irizpideak.

Ikasgaiaren gaitasunak eskuratzeko ezarritako minimoak betetzen ez badira, ikasleria ezohiko deialdira aurkeztu beharko da.

Ebaluazio sistemari uko egitea

Ikasleak eskubidea izango du azken ebaluazio bidez ebaluatua izateko. Eskubide horretaz baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, 9 asteko epea izango du ikasturtea hasten denetik aurrera.

Azken ebaluazioa

Idatzizko froga bat izango da (%60) eta lan ezberdinak aurkeztu beharko dira (%40); azken hauek, kurtsoan zehar egin diren eta e-gelan eskuragarri egongo diren antzeko lanak izango dira. Azterketen data ofizialean zehaztutako frogara ez aurkezteak automatikoki dagokion deialdiari uko egitea dakar eta, beraz, kasu horretan «ez-aurkeztua» izango da kalifikazioa.

Deialdiari uko egitea

Ebaluazio jarraiaren kasuan, azken frogaren balioa %40 baino altuagoa denez azken frogara ez aurkeztea aski izango da azken kalifikazioa «ez-aurkeztua» izan dadin.

Irakasgaia ohiko deialdian gainditu ez duten ikasleek, aukeratutako ebaluazio sistema edozein izanda ere, deialdi honetan lan batzuk eta idatzizko froga bat gainditu beharko dituzte. Lanak ikasturtean zehar egindakoak izanen dira, aldaketa txiki batzuekin bere momentuan zehaztuko direnak. Beraz, deialdi honen azterketa data ikasleak:

1. Eskatu zaizkion lanak entregatu beharko ditu (%40)

2. Idatzizko froga bat burutu beharko du, garatzeko galderak eta ebatzi beharreko arazoak izango dituena (%60)

Ezohiko deialdiari uko egiteko nahiko izango da bertara ez aurkeztea.

E-gelan kurtsoan zehar eskegitzen joango diren artikuluak, bideoak eta webguneak, bai irakasleak zein ikasleek proposaturikoak.

Oinarrizko bibliografia

AGUIRRE, I. (2000). Teorías y Prácticas en Educación Artística. Ideas para una revisión pragmatista de la experiencia estética. Iruña: Nafarroako Unibertsitate Publikoa.

DUNCUM, P. (2002). Visual Culture Art Education. Why, What and How. The International Journal of Art and design Education, 21, 14-23.

EFLAND, A. D., FREEDMAN K. eta STUHR, P. (1996). La educación en el arte postmoderno. Bartzelona: Paidós, 2003.

FONTDEVILLA, O. (2018). El arte de la mediación. Bilbo: Consonni.

HERNÁNDEZ, F. (2007). Espigador@s de la Cultura Visual. Otra narrativa para la educación de las artes visuales. Bartzelona: Octaedro.

MARIN VIADEL, R. (Koord.) (2003). Didáctica de la Educación Artística. Madril: Pearson Education.

PADRO, C. (2006). Museos y educación Artística: redes de paso, encrucijadas difusas, zonas de conflicto. Hemen: MARIN VIADEL, R. Investigación en educación artística. Granada: Universidad de Granada.

SÁNCHEZ DE SERDIO, A. (2021). Una educación imperfecta. Apuntes críticos sobre pedagogías del arte. Madril: Exit media.

Web helbideak

https://cartografiasarteducadores.com/#colectivo