ERDI MAILAKO MIKROEKONOMIA irakasgaiaren helburua EKONOMIARAKO SARRERA I: MIKROEKONOMIAKO PRINTZIPIOAK irakasgaian landutako ekoizlearen hautapenaren teorian oinarrizkoak diren aspektuak errepasatzea eta sakontzea da. Lehenengo lau gaietan, ekoizleak ekoizpen mailaren hautapena nola egiten duen eta ekoizpen hori nola burutzen den aztertzen da. Hasiera batean oreka partziala aztertzeko eredu bat garatzen da zeinetan ondasunen eta faktoreen prezioak emanak dauden. Aurrerago, bostgarren gaian ekoizpena barneratzen duen oreka orokorra aztertzen da. Oreka bietarako ongizate sozialaren azterketa ere burutzen da. Azkenik, seigarren gaian ondasun publiko eta kanpo eraginekin lotutako merkatuaren akatsak aztertzen dira.

Irakasgai hau egiteko gomendagarria da MATEMATIKA I, MATEMATIKA II eta MIKROEKONOMIA irakasgaietako ezaguerak barneratuta izatea, irakasgai hauetan analisirako beharrezko tresnak irakasten direlako.



ERDI MAILAKO MIKROEKONOMIA irakasgaia Ekonomia Graduan eduki mikroekonomikoa duten irakasgaien sekuentzia baten zati bat da. Lehenengo mailan EKONOMIARAKO SARRERA I: MIKROEKONOMIAKO PRINTZIPIOAK irakasgaian, analisi mikroekonomikoaren sarrera egiten da. Bigarren mailako lehenengo lauhilekoan, aurreko urtean ikusitakoa osatu egiten da MIKROEKONOMIA irakasgaian ikusitako kontsumitzailearen hautapenaren teoriarekin. Ondoren, hirugarren mailan mikroekonomiaren oinarriak aztertuko dituzten irakasgai bi dira: MERKATU BOTEREA ETA ESTRATEGIA (lehenengo lauhilekoan) eta ZIURTASUN EZA ETA KONTRATUAK (bigarren lauhilekoan). Bost irakasgai hauek Ekonomia Graduan ikusten diren mikroekonomiaren sekuentzia osatzen dute.

Aipatutako irakasgaietan lortutako ezaguerak graduan eduki mikroekonomikoa duten irakasgaietarako beharrezkoak dira. Hauen artean badira: EKONOMIA PUBLIKOA: GASTUA, EKONOMIA PUBLIKOA: SARRERAK, EKONOMIA ESPERIMENTALA, NAZIOARTEKO MERKATARITZA, PROGRAMAZIO MATEMATIKOA ETA JOKOEN TEORIA, INGURUMENAREN EKONOMIA ETA BALIABIDE NATURALAK eta INFORMAZIOAREN EKONOMIA.

ERDI MAILAKO MIKROEKONOMIA irakasgaiak etorkizuneko graduondokoari ekoizlearen jokabidea eta hautapena egiteko modua ulertzeko tresnak eskaintzen dizkio, aurrerago bere eginkizun profesionalean baliagarri gerta dakizkiokeenak.

Enpresaren teoriaren alde garrantzitsuenak aztertu. Enpresek ekoizpen maila nola aukeratzen duten eta hautapen honetan zeintzuk diren kontuan izateko ezaugarriak aztertu eta ulertu. Hasieran oreka partzialaren lehia-eredua aztertzen da, zeinetan ekoiztutako ondasunen eta ekoizpen faktoreen prezioak emanak daude. Ondoren, ekoizpenakin oreka orokorreko eredua aztertzen da, eta kasu bietan ongizate analisia egiten da. Azkenik, ondasun publiko eta kanpo-eraginekin erlazionaturiko merkatu akatsak aztertzen dira.



Gaitasun espezifikoak



1.- Hoberenatzearen printzipioan oinarritzen diren eredu matematikoen bitartez enpresaren jokaeraren ezaugarriak zehaztu, enpresak mozkina maximizatzen duen ekoizpen maila aukeratzen duela suposatzen delarik, enpresak dituen murriztapenak, teknologikoak zein merkatukoak, kontuan hartuta.

2.- Teknologi murriztapenak kontuan izanik, mozkina maximizatzearen emaitzatik eskaintza funtzioak lortu.

3.- Emaitzak formalizatu eta ekonomikoki azaltzen jakin, halaber estatika konparatiboaren bidezko azterketa bat burutu, aldagai ekonomiko garrantzitsuenen aldakuntzek emaitzetan izango dituzten eraginak aztertzeko asmoz.

4.- Eraginkortasuna, oreka orokorra eta merkatuen akatsekin erlazionatutako aspektu ekonomikoak identifikatzea, aztertzea eta ereduak eratzea.



Zeharkako gaitasunak



1.- G3: Arrazoi bidez balorazioak egin eta gaitasun kritikoaz garrantzizko auzietan erabakiak hartzea. Informazioa perspektiba ezberdinetatik aztertu: ahozko arrazoibidea, analitikoa eta grafikoa.

2.- G6: Idatzizko komunikaziorako gaitasuna, bereziki txosten argi eta koherenteen elaborazioan.

3.- G8: Taldean lan egiteko gaitasuna, arduraz eta errespetuz, ekimenaz eta lidergoaz. Lantalde prozesuetan ikasleen partaidetza landu.



Irakasgaiaren ikaskuntzaren emaitzak:



1.- Hoberenatzearen printzipioan oinarritzen diren eredu matematikoen bitartez ekoizlearen jokaeraren ezaugarriak zehazten jakitea. Horretarako, ekoizpen funtziotik abiatuta, ekoizpen faktoreen prezioak emanik enpresaren kostu funtzioak lortzen ikasiko dute.

2.- Teknologi murriztapenak kontuan izanik, mozkina maximizatzearen emaitzatik eskaintza funtzioak lortzen jakingo dute.

3.- Emaitzak formalizatu eta ekonomikoki azaltzen jakingo dute, halaber estatika konparatiboaren bidezko azterketa bat burutzen, aldagai ekonomiko garrantzitsuenen aldakuntzek emaitzetan izango dituzten eraginak aztertu ahal izateko.

4.- Eraginkortasuna, oreka orokorra eta merkatuen akatsekin erlazionatutako aspektu ekonomikoak identifikatzen, aztertzen eta ereduak eratzen ikasiko dute.

1 Gaia. Ekoizpena.

1.1. Produktu marjinala eta Ordezte Erlazio Teknikoa.

1.2. Eskalako etekinak.

1.3. Ordezte elastikotasuna.

1.4. Adibideak.

1.5. Aurrerapen teknologikoa.



2 Gaia. Ekoizpenaren kostua.

2.1. Kostu ekonomikoak.

2.2. Kostuak minimizatzen dituzten faktoreen hautapenak.

2.3. Enpresaren hedapen bidea.

2.4. Kostu funtzioak.

2.5. Epe laburra eta epe luzea.





3 Gaia. Lehia-enpresa baten eskaintza.

3.1. Mozkinaren maximizatzea.

3.2. Enpresa lehiakorraren eskaintza epe laburrera.

3.3. Mozkinaren maximizatzea eta faktoreen eskaria.

3.4. Enpresa lehiakorraren eskaintza epe luzera.

3.5. Ekoizlearen soberakina.



4 Gaia. Industriaren eskaintza eta merkatuaren oreka.

4.1. Merkatuaren eskaintza epe laburrera.

4.2. Oreka epe laburrera.

4.3. Merkatuaren eskaintza epe luzera.

4.4. Oreka epe luzera.

4.5. Efizientzia ekonomikoa eta ongizate analisia.



5 Gaia. Oreka Orokorra eta ongizatearen ekonomia.

5.1. Ongizatearen ekonomia: Efizientzia Paretoren zentzuan.

5.2. Lehia oreka orokorra ekoizpena barneratzen duen ekonomia batean.

5.3. Ongizatearen Lehenengo Teorema.

5.4. Ongizatearen Bigarren Teorema.



6 Gaia. Kanpo-eraginak eta ondasun publikoak. (24. kapitulua)

6.1. Kanpo-eraginak eta esleipen lehiakorraren efizientzia eza.

6.2. Kanpo-eraginen arazoaren soluzioak.

6.3. Ondasun publikoak eta esleipen lehiakorraren efizientzia eza.

6.4. Ondasun publikoentzat Lindahl prezioen ezarpena.

Atal nagusia azalpenerako klaseak dira; hauetan irakasgaia osatzen duten gaiak garatuko dira. Praktika eskoletan irakasleak ikasgaiari buruzko ariketak egingo ditu. Mintegietan ikasleek klase magistraletan eta praktiketan aztertutako gaiei buruzko zenbait galdera laburrei banaka erantzungo diete eta, talde lanean, galdera teorikoak eta kasu praktikoak ebatziko dituzte. Osasun-baldintzek aurrez aurreko irakaskuntza eragozten badu, on-line irakaskuntzara egokituko da, eGela irakaskuntza-plataforma erabiliz.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 70
  • Praktikak egitea (ariketak, kasuak edo buruketak) (%): 30

Ebaluazioa jarraitua da. Dekanotzak jarritako datan, ikasleak azken azterketa bat egingo du. Idatzizko proba honetan ariketa teoriko zein praktikoak ebatziko ditu eta emaitza, notaren % 70 izango da. Horretaz gain, ikasleek zenbait mintegitan egindako lana ere ebaluatuko da eta emaitza, notaren % 30 izango da. Ebaluazio partzial honen data eGela plataformaren bitartez aditzera emango da ikasturtearen hasieran.

Ebaluazio jarraian parte hartu ezin edo nahi ez duen ikasleak irakasgaiaren notaren % 100 balio duen azken azterketa bat egin dezake Dekanotzak jarritako datan. Azterketa hau ez da zertan ebaluazio jarraitua duten ikasleek egingo duten azken azterketaren berdina izan behar. Ikasleek 9 aste dituzte ebaluazio jarraituari uko egiteko (Ebaluazio Arautegiaren 8. artikuluaren, 3. puntuan).



Osasun baldintzak direla eta, probak aurrez aurre egitea ezinezkoa balitz, probak online egingo lirateke.

Bigarren deialdian (Dekanotzak jarritako datan), azken azterketak % 100 balioko du.



Osasun baldintzak direla eta, probak aurrez aurre egitea ezinezkoa balitz, probak online egingo lirateke.

Oinarrizko bibliografia eta irakasleek banatutako ariketa bilduma (gai bakoitzari dagozkion ariketak Moodle plataforman argitaratuko dira).

Oinarrizko bibliografia

Varian, H. (2015): Microeconomía Intermedia: Un enfoque actual. Ed. Antoni Bosch, 9ª edición.

Gehiago sakontzeko bibliografia

Nicholson, W. (2006): Teoría Microeconómica. Principios Básicos y Ampliaciones. Thomson, 8ª edición.Pindyck, R. S. eta D. L. Rubinfeld (2009): Microeconomía. Prentice Hall, 7. edizioa.
Rosen, H.S., Katz, M. L. eta Morgan W. (2007): Microeconomía Intermedia. Mc Graw Hill, 2. edizioa.