AZALPENA



Makroekonomia modernoak portaera makroekonomikoa aztertzeko beste aukera metodologiko bat proposatzen du. Hain zuzen ere, murrizketak kontuan hartzen dituzten eta ongizatea maximizatzen duten agente ekonomikoek egindako aukerak agregatuz irudikatzen da portaera makroekonomikoa. Agente ekonomikoek testuinguru dinamiko batean egiten dituzte erabakiak. Hau da, iraganean gertatutakoa eta etorkizunean gertatzea espero dutena kontuan hartzen dituzte erabakitzean. Bestalde, agente ekonomikoen aukeren arteko loturak eta elkarreraginak izan behar ditu kontuan eredu makroekonomikoak errealitate ekonomikoaren deskribapen egokia lortzeko.



HELBURUAK

Irakasgaiaren lehenengo helburua da aldagai makroekonomikoen arteko erlazioak irudikatzea oinarri mikroekonomikoa duen oreka orokorreko eredu dinamiko baten bidez. Bigarren helburua da eredu teorikoak erabiltzea politika makroekonomikoen eraginak aztertzeko. Bestalde, hirugarren helburua da eredu teorikoak eratzea errealitate ekonomikoaren zenbait alderi buruz modu ordenatu batean pentsatzeko; eta, azken helburua da eredu eta teorien indar eta ahaltasunei buruzko balorazio kritikoak egitea.

GAITASUNAK



Oinarri mikroekonomikoa duten eredu dinamikoak erabiltzea, epe luzeko portaera makroekonomikoa deskribatzeko eta ongizatean eragina duten gaiak aztertzeko.



Moneta-politika eta politika fiskalaren epe luzeko eragina aztertzea, aukera ezberdinen abantailak eta desabantailak ebaluatzeko.



Ekonomia baten portaera dinamikoaren zenbakizko simulazioa egitea, agente ekonomikoen portaeraren modelizazio teoriko batetik abiatuz.



Irakasleak proposatutako kasuen helburua, metodologia, emaitza eta ondorioak formalki idaztea.

1.- Sarrera



2.- Oreka Orokorreko Eredu Dinamiko bat



3.- Hazkunde Ekonomikoa



4.- Politika Fiskala: Zergak eta Gizarte Segurantza



5.- Moneta-Politika

Mintegietan irakasleek ariketak edo galderak proposatuko dituzte. Ikasleek indibidualki edo taldeka egingo dituzte ariketa horiek.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 70
  • Irakasleek proposatutako eginkizunak (ariketak, lanak, partzialak), eskola magistraletan, gelako praktiketan eta mintegietan. (%): 30

EBALUAZIO JARRAITUAREN SISTEMA

Ebaluazio jarraitua egongo da irakasgai honetan ohiko deialdian. Nota kalkulatzeko, honako aktibitate hauetan izandako partehartzea izango da kontuan:



* Irakasleek proposatutako eginkizunak (ariketak, lanak, partzialak), eskola magistraletan, gelako praktiketan eta mintegietan. Parte honek %30a balio izango du.



* Azterketa finala. Azterketa horrek %70a balio izango du.





AZKEN EBALUAZIOAREN SISTEMA

%100a balioko duen proba finala egiteko aukera izango dute ikasle guztiek maiatzean/ekainean. Aurrez-aurreko proba izango da azterketa finala. UPV/EHUk aurrez-aurreko azterketak egitea ezinezkoa dela erabakiko balu, irakasgaia ebaluatzeko era alda liteke. Irakaslegoak ahalik eta lasterren jakinaraziko dizkie aldaketak ikaslei.





OHIKO DEIALDIAREN NOTA

Nota finala kalkulatzeko, ebaluazio jarraituan eta azken ebaluazioren sisteman lortutako notak hartuko dira kontuan. Nota hauen arteko maximoa izango da nota finala.

Ezohiko deialdian, irakasgaiaren notaren %100a balioko duen azterketa finala egingo dute ikasleek. Aurrez-aurreko proba izango da azterketa finala bigarren deialdian. UPV/EHUk aurrez-aurreko azterketak egitea ezinezkoa dela erabakiko balu, irakasgaia ebaluatzeko era alda liteke. Irakaslegoak ahalik eta lasterren jakinaraziko dizkie aldaketak ikaslei.

eGelan agertutako klaseko apunteak eta ariketa-orriak eta ikasgai bakoitzean gomendatzen den bibliografia. Irakasgaiaren materialak eGelan plataforman eskuragarri izango ditu ikasleak. Ikasleak irakasgaiaren web orria eGelan erregularki bisitatu beharko du.

Oinarrizko bibliografia

Klaseko apunteak.



Champ, B, S. Freeman y J Haslag (2011): Modeling Monetary Economics, 3rd edition.Cambridge University Press.



Doepke, M., A. Lehnert y Andrew Sellgren (1999): "Macroeconomics", mimeo.



Krueger, D. (2007): Dynamic Fiscal Policy, mimeo.



Sala-i-Martín, X (2000), Apuntes de Crecimiento Económico, 2ª Edición, Antoni Bosch.



Williamson, S. (2012): Macroeconomía, 4 edición. Pearson.Addison Weasley.

Gehiago sakontzeko bibliografia

Diamond, Peter A. (1965): "National Debt in a Neoclassical Growth Model". American Economic Review, 55, pp. 1126-1150.

Lord, W. (2002): Household Dynamics: Economic Growth and Policy, ed. Oxford University Press.

McCandless G.T. and N. Wallace (1995): Introduction to Dynamic Macroeconomic Theory: An overlapping Generations Approach, ed. Harvard University Press.

Romer D.: Macroeconomía Avanzada, ed. McGraw-Hill, 2ª edición, capítulo 2.B.

Wickens, M. (2008): Macroeconomic Theory: A Dynamic General Equilibrium Approach, Priceton University Press.

Web helbideak

INE: http://www.ine.es/

Eurostat: http://europa.eu.int/comm/eurostat/

Eustat: http://www.eustat.es/

Bureau for Economic Analysis: http://www.bea.gov

Banco Central Europeo: http://www.ecb.int/

Banco de España: http://www.bde.es/

Banco Mundial: http://www.worldbank.org/

Fondo Monetario Internacional: http://www.imf.org/

OCDE: http://www.oecd.org/home/

Economics for College Students: http://www.aeaweb.org/students/index.php

Fedea (pensiones): http://www.fedea.net/propuestas/pensiones/

Nada es Gratis(blog): http://www.nadaesgratis.es

Random Thoughts (blog): http://salaimartin.com/randomthoughts.html