Merkatu boterea eta Estrategia (Goi-mailako Mikroekonomia I) irakasgaiak merkatu egituraketak non merkatu boterea dagoen aztertzen ditu. Lehia perfektutik urruntzen diren merkatuetan dauden enpresen portaera azterketan ezartzen da ikasgaiaren arreta nagusia. Egoera hauetan intereragiketa estrategikoa funtsezko osagaia da.



Lehenik eta behin, Jokoen Teoria (ez kooperatiboak) aztertzen da. Tresna honen erabilgarritasuna zenbait egoera ekonomiko aztertzeko azpimarratzen da. Ondoren, zenbait eredu oligopolistiko aztertzen dira eta enpresen arteko balizko akordioen egonkortasuna. Azkenik, monopolioa ikertzen da eta bereziki prezio diskriminazio aukera desberdinak.



Irakasgaia ondo ulertzeko ikasleek beharrezkoa dute ondorengo ikasgaien edukiak ezagutzea: Matematika I, Matematika II, Mikroekonomia eta Erdi mailako Mikroekonomia. Ikasleak optimizazio-problemak (aldagai batekoak edo bikoak) ebazten baita deribatzen eta integratzen ondo jakin behar du kurtsoa probetxuz jarraitu ahal izateko.



Merkatu boterea eta Estrategia goi-mailako mikroekonomia irakasgaia da. Ekonomia graduan, beste ikasgai batzuekin eduki mikroekonomikoa duten ikasgaien zerrenda osatzen du. Lehen mailan, Mikroekonomiaren sarrera bat estudiatzen da Ekonomiaren Sarrera I: Oinarri Mikroekonomikoak delako ikasgaian. Bigarren mailako lehen lauhilabetekoan, Mikroekonomia ikasgaian kontsumitzailearen teorian sakontzen da eta elkartruke ekonomien eraginkortasuna aztertzen da. Bigarren lauhilabetekoan, Erdi Mailako Mikroekonomian ekoizlearen teoria, oreka orokorra produkzioarekin eta egoera ekonomikoak non ondasun publikoak eta kampoeraginak dauden aztertzen dira. Aipatutako aurreko bi ikasgaietan eragile ekonomikoek lehia perfektua dagoen merkatuetan jarduten dute. Aldiz, Merkatu boterea eta Estrategia ikasgaiak lehia ez perfektua duten merkatuak ditu aztergai. Hirugarren mailako bigarren lauhilabetekoan, Ziurgabetasuna eta Kontratuak (Goi-mailako Mikroekonomia II) dago zeinarekin nagusiki eduki mikroekonomikoa duten ikasgaien zerrenda osatua geratzen den. Azken ikasgai honetan ziurgabetasunarekin hartu beharreko erabakiak eta informazioaren ekonomia aztertzen dira.



Ikasgai hauetan lortutako ezagutzak beharrezkoak dira beste ikasgai batzuk ulertzeko. Horien artean ondorengoak leudeke: Ekonomia Publikoa: Gastua, Ekonomia Publikoa: Sarrera, Nazioarteko Merkataritza, Ekonomia Experimentala, Programazio Matematikoa eta Jokoen Teoria, Ingurumenaren Ekonomia eta Baliabide Naturalak eta Informazioaren Ekonomia.



Merkatu Boterea eta Estrategia ikasgaiak Ekonomia Graduko ikasleari lehia ez perfektua duten merkatuak eta enpresen portaera estrategikoa ulertzeko behar dituen tresnak ematen dizkio. Ekonomilari baten jarduera profesionalean funtsezkoak diren zenbait ezagutza ikasgai honetan aurki daitezke.

Irakasgaiaren helburuak



Botere merkatua duten egituraketak aztertu. Jokoen Teoria (ez kooperatiboak) ikertu eta erakutsi bere egokitasuna intereragiketa estrategikoa duten zenbait egoera ekonomiko ulertzeko. Ikasitakoa aplikatu lehia ez perfektuko zenbait eredu oligopolistiko aztertuz. Sakontasunez estudiatu monopolioa, prezio bereizketa ereduak ikertuz.





Irakasgaiaren berezko konpetentziak



1.- Identifikatu, eredukatu eta aztertu egoera ekonomikoak non merkatu egituraketek merkatu boterea duten.

2.- Jokoen Teoria baliatuz intereragiketa estrategikoa duten egoeretan dauden eragileen erabakiak aztertu. Egoera hauetan irtenbideak proposatu eta ezagutza hau merkatu oligopolistikoetan aplikatu.





Ikaste prozesuaren emaitzak



1.- Gaitasuna egoera ekonomikoak non merkatu egituraketek merkatu boterea duten identifikatzeko, eredukatzeko eta aztertzeko.

2.- Gaitasuna Jokoen Teoria baliatuz intereragiketa estrategikoa duten egoeretan dauden eragillen erabakiak aztertzeko. Gaitasun egoera hauetan irtenbideak proposatzeko eta ezagutza hau merkatu oligopolistikoetan aplikatzeko.

3.- Analisi marjinala gertaera ekonomikoko ikerketan erabiltzeko ahalmena.





Kurtsoaren zeharkako konpetentziak



1.- C3 Iritzi arrazoituak eman eta kritikoki garrantzia duten egoeretan erabakiak hartu. Informazioa aztertu ikuspuntu desberdinetatik. Arrazoiketa ahozkoak, irudizkoak eta analitikoak.

2.- C6 Gaitasuna idatzizko komunikazioan, bereziki txosten argiak eta ulergarriak egiterakoan.

3.- C8 Gaitsuna taldeetan lan egiteko arduraz eta errespetuz, iniziatiba eta lidergo jarrerak sustatuz. Ikasleen lan taldeetan parte hartzea bultzatzen da.



Irakasgaiak Garapen Iraunkorreko Helburuei egiten dien ekarpena.



12. helbururako ekarpena



Ikasgaiak ekoizpen-prozesuak eta merkatu-boterearen kontzentrazioaren ondorioz sor daitezkeen eraginkortasunik ezak hobeto ulertzen laguntzen du. Analisi hori baliagarria da ekoizpen- eta kontsumo-prozesu iraunkorrak diseinatzeko.



13. helbururako ekarpena



Jokoen teoriak ematen dituen tresnen bidez, herrialdeek klima-aldaketa arintzeko egiten dituzten ekarpenek ondasun publikoko joko-egitura aztertzen dugu. Egitura horrek agerian uzten ditu arazoa konpontzeko pizgarri indibidualak eta lankidetzaren irabaziak arazo global honetan.



17. helbururako ekarpena



Jokoen teoriak ematen dituen tresnen bidez, aliantzak eta lankidetza eratzeko banakako pizgarriak aztertzen dira, epe laburreko zein epe luzeko ikuspegiarekin. Pizgarri indibidual horiek aztertzea funtsezkoa da aliantzak egonkorrak izango diren eta nazioarteko lankidetza sendoa ahalbidetuko duten baldintzak ulertzeko.

1. gaia. Jokoen teoria eta lehia-estrategia.

2. gaia. Oligopolioa.

3. gaia. Monopolioa eta prezio-diskriminazioa.

Azalpenerako atal nagusia klase magistralak dira, bertan irakasgaia osatzen duten gaiak garatuko dira. Praktiketan irakasleak ikasgaiari buruzko ariketak egingo ditu. Mintegietan ikasleek, banaka, klase magistraletan eta praktiketan jorratutako gaiei buruzko ariketak landuko dituzte.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 49
  • Test motatako proba (%): 21
  • Praktikak egitea (ariketak, kasuak edo buruketak) (%): 30

Ebaluazioa jarraia da. Dekanotzak jarritako datan, ikasleak azken azterketa bat egingo du. Idatzizko proba honetan ariketa teoriko zein praktikoak ebatziko ditu eta emaitza notaren % 70 izango da. Ebaluazioaren barruan, aukera anitzeko galdetegiak eta zenbakizko ariketak sartuko dira. Honez gainera, ikasleak mintegietan egindako lana ere ebaluatuko da eta emaitza notaren % 30 izango da, baldin eta azken azterketaren nota gutxienez 4 bada (10tik 4). Ikasle bakoitzak bakarka eta/edo taldeka egin behar izango duen lana mintegietan hau da: irakasleak planteatutako ariketa eta galdera teorikoak erantzun beharko ditu. Hiru aldiz, irakasleak ariketa hauek jasoko ditu ebaluazioaren parte izateko.



Edozein kasutan, nahi duen ikasleak azken azterketa egin ahal izango du, notaren % 100 izango dena. Azken azterketara aurkezten ez diren ikasleen nota EZ AURKEZTUA izango da.



Ez ohizko deialdian, Dekanotzak jarritako datan egingo da azken azterketa bakar bat eta notaren % 100 balioko du.





Osasun-baldintzek aurrez aurreko irakaskuntza eta/edo aurrez aurreko ebaluazioa eragozten badute, bi jarduerak irakaskuntzara eta on-line ebaluaziora egokituko dira, eGela irakaskuntza-plataforma erabiliz.

Ebaluazioa azken azterketa bat izango da notaren % 100 balioko duena.

Oinarrizko bibliografia eta irakasleek prestatutako ariketa bilduma.

Oinarrizko bibliografia

Irakasgairako prestatutako notak.

Varian, H. (2011): Microeconomía Intermedia: un enfoque actual. Ed. Antoni Bosch, 8ª edición

Varian, H. (1998): Análisis micreoconómico. Ed. Antoni Bosch, 3ª edición

Gehiago sakontzeko bibliografia

- R. H. Frank (1992): Microeconomía y conducta, McGraw-Hill.
- D. Kreps (1995): Curso de Teoría Microeconómica, McGraw-Hill.