Ekonomia graduan Mikroekonomia hainbat irakasgaitan banatuta ikasten da. Lehenengo mailan mikroekonomiarako sarrera bat ikusten da Ekonomiarako Sarrera I: Mikroekonomiaren Oinarriak irakasgaian. Bigarren mailako lehen lauhilabetean, kontsumitzailearen teorian sakontzen da eta elkartrukeko ekonomietako efizientzian. Kurtso horretako bigarren lauhilekoan, Erdi-mailako Mikroekonomia irakasgaian, ekoizpenaren aldea, oreka orokorra produkzioa sartu eta gero, gizarte-ongizatearen analisia eta ondasun publikoek eta kanpo-eraginek sortzen dituzten merkatu-akatsak dira aztertutako gaiak. Ondoren goi-mailako mikroekonomia irakasgaiak datoz. Horrela, Merkatu Boterea eta Estrategia (Goi-mailako Mikroekonomia I) irakasgaian, hirugarren mailako lehen lauhilabetean ematen dena, joko teoriaren lehen kontzeptuak azaltzen dira eta konkurrentzia ez osoko merkatuak aztertu. Azkenik, hirugarren mailako bigarren lauhilekoan, Ziurgabetasuna eta Kontratuak (Goi-mailako Mikroekonomia II) irakasgaian ziurgabetasunari eta informazio asimetrikoari lotutako zenbait egoera ikusten dira, erabaki ekonomiko gehienetan kontuan hartzekoak izaten direnak .

Programaren lehenengo zatian, 1, 2 eta 3 gaiak, jokoen teorian sakontzen da, aurreko kurtsoetan eman ez den partean: ziurgabetasuna joko estatiko eta dinamikoetan sartuz, eta estrategia mistoak ikasiz. Adibidez, Cournot-en eredua aztertzen da ziurgabetasun egoeran, nola informazio gehiago eukitzea kaltegarria izan daitekeen, seinalizazio jokoak ... 4. gaian ziurgabetasun egoeretako hautapen problemak aztertzen dira, horretarako von Neumann-Morgenstern-en itxarondako baliagarritasun-funtzioa erabiliz. Horrela, arriskuarekiko jarrera desberdinak ikusten dira eta horren ondorioak. Kurtsoa 5. gaiak bukatzen du eta bertan aurkako hautapena eta arrisku morala azaltzen dira.

Ikasgaiaren helburua zera da, informazio asimetrikodun erabaki interaktiboetako egoerak aztertzea, bereziki industria-ekonomia, enpresa-antolakuntza eta ekonomia publiko alorretan.

Ikasgaiaren gaitasun bereziak:

1. Ziurgabetasunari buruzko oinarrizko literaturaren ezagutza.

2. Informazio-ekonomiari buruzko oinarrizko ereduen ezagutza.

3. Informazio ezaren erabilpena Jokoen Teorian.

1. Gaia: Joko Bayesiarrak era normalean

2. Gaia: Estrategia mistoak

3. Gaia: Joko Bayesiarrak era luzatuan.

4. Gaia: Itxarondako baliagarritasuna eta arriskuaren aurkakotasuna.

5. Gaia: Informazioaren ekonomia.

Azalpenetarako atal nagusia klase magistralak dira, bertan irakasgaia osatzen duten gaiak garatuko dira. Praktiketan irakasleak ikasgaiari buruzko ariketak egingo ditu. Mintegietan ikasleek, bai taldetan zein banaka, klase magistraletan eta praktiketan jorratutako gaiei buruzko ariketak landuko dituzte.

Osasun egoera dela-eta aurrez aurreko klaseak ezinezkoak suertatzen badira, presentziala izan beharrean irakaskuntza online egingo da, eGela plataformaren bidez antolatuta.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 70
  • Praktikak egitea (ariketak, kasuak edo buruketak) (%): 30

- Ebaluazioa jarraitua da.



1) Ikasleak mintegietan egindako lana ebaluatuko da eta emaitza notaren % 30 izango da. Horretarako bi proba egingo dira, ikasleak bere kontura ebatzi beharko dituenak klasean. Lehenengoaren pisua azken notan % 20 izanik eta bigarrenarena % 10.



2) Dekanotzak jarritako datan, ikasleak azken azterketa bat egingo du. Idatzizko proba honetan ariketa teoriko zein praktikoak ebatziko ditu eta emaitza notaren % 70 izango da.





Azken nota hauen arteko maximoa izango da: a) azken azterketaren % 100, b) azken azterketaren % 70 + lehen probaren % 20 + bigarren probaren % 10



- Nahi izanez gero, ikasleak azken azterketa egin dezake zuzenean eta bertan lortutakoa izango da notaren % 100.



Oharra: egoera dela-eta aurrez aurreko proba eta azterketak egitea ezinezkoa baldin bada, eGela plataformaren bidez online motakoengatik ordezkatuko dira.

Azken azterketa.

Serrano, R. and Feldman, A.M. (2013): Microeconomía Intermedia con cálculo. Garceta grupo editorial.

Osborne, M. J., (2004): An Introduction to Game Theory, New York:Oxford University Press. New York, USA.

Oinarrizko bibliografia

Serrano, R. and Feldman, A.M. (2013): Microeconomía Intermedia con cálculo. Garceta grupo editorial.



Osborne, M. J., (2004): An Introduction to Game Theory, New York: Oxford University Press. New York, USA.

Gehiago sakontzeko bibliografia

Jehle, Geoffrey A., and Philip J. Reny (2001). Advanced Microeconomic Theory, 2nd edition. Amsterdam: Addison-Wesley.

Gibbons, R.: Un primer curso de Teoría de Juegos. Antoni Bosch, 1992

Macho, I. y D. Pérez-Castrillo: Introducción a la Economía de la Información. Ariel Economía, 1994