Nazioarteko Merkataritza irakasgaiaren helburua nazioartean elkartrukeak izatearen oinarrizko arrazoi nagusi bi azaltzea da: abantaila konparatiboa eta ekoizpenean eskala ekonomiak izatea. Abantaila konparatiboaren zergatia nazioartean izan daitezkeen ezberdintasunek azaldu dezakete, nazio bakoitzean lanaren produktibitatea, baliabideen zuzkidura eta ekoizpen faktoreen erabilpen erlatiboa ezberdinak izan baitaitezke.

Lehenengo hiru gaiek nazioarteko merkataritzaren sorrera azaltzeko abantaila konparatiboa dute ardatz nagusi, eta bide batez elkartruke hauek sortutako irabaziak eta nazio bakoitzean eragindako errentaren birbanaketa aztertzen dira. Laugarren gaian, aurreko gaietan aztertutako ereduak biltzen dituen eredu orokorragoa garatzen da eta merkatal neurri ezberdinen ondoriak aztertzeko erabiltzen da.

Irakasgai hau egiteko gomendagarria da MATEMATIKA I, MATEMATIKA II, MIKROEKONOMIA eta ERDI MAILAKO MIKROEKONOMIA irakasgaietako ezaguerak barneratuta izatea, irakasgai hauetan analisirako beharrezko tresnak irakasten direlako.



Nazioarteko Merkataritza hautazko irakasgaia da laugarren mailako lehen lauhilekoan. Irakasgai honetan, Ekonomia Graduan bigarren mailan nahitaezko diren Mikroekonomia eta Erdi Mailako Mikroekonomia irakasgaietan landutako kontsumitzaile eta ekoizlearen jokabidearen teoriaren eduki mikroekonomikoak nazioarteko testuinguruan erabiltzen dira.

Nazioarteko Merkataritza irakasgaiak etorkizuneko graduondokoari herrialde ezberdinetan behatutako elkartruke fluxuak ulertzeko tresnak eskaintzen dizkio, aurrerago bere eginkizun profesionalean baliagarri gerta dakizkiokeenak.

HELBURUAK

Nazioarteko merkataritzaren eredu teoriko nagusiak aztertzea merkataritzaren bitartez lor daitezkeen irabaziak ardatz izanik. Lehenik, lanaren produktibitatea, ekoizpen faktore espezifikoak eta faktoreen zuzkiduren arteko ezberdintasunak erabilita, abantaila konparatiboan oinarritutako ereduak eraiki. Ondoren, merkataritzak sor ditzakeen errentaren banaketaren gaineko eraginak ikusi eta azkenik, eskala ekonomietan oinarritutako ereduak aztertu.





GAITASUN ESPEZIFIKOAK

1. Nazioarteko merkataritzaren zergatia eta ondorioekin erlazionatutako aztergaiak eredu baten bitartez aztertu eta matematikoki zein grafikoki adieraztea.

2. Nazioarteko merkataritza abantaila konparatiboa eta baliabideen kantitateetan existitzen diren ezberdintasunen ondorioz sortzen dela azaltzea.

3. Nazioarteko merkataritzak errentaren banaketan izango duen eragina ulertzea.

4. Nazioarteko merkataritza lehia ez-osoaren eta eskalako etekinen ondorioz nola sortaraz daitekeen ulertzea, industria-arteko merkataritza eta barne-industria merkataritza motak bereizirik.





ZEHARKAKO GAITASUNAK

1. Hainbat iturri erabiliz informazioa bilatzen, laburbiltzen eta aztertzen jakin.

2. Txosten argi eta koherenteak lantzearen gaitasuna garatu.

3. Norberaren prestakuntzarako beharrezkoak diren trebetasun autonomoarekin lotuta dauden gaitasunak landu.



Irakasgaiaren ikaskuntzaren emaitzak:



1. Abantaila konparatiboa oinarri duen merkataritzaren egituraketa nola determinatzen den ezagutzea, abantaila horren arrazoia lanaren produktibitatean dagoen ezberdintasuna denean. Horrela, nazio ezberdinetako sektore ezberdinetan lanaren produktibitatea emanik, ondasun baten mundu mailako eskaintza erlatiboa lortzen ikasten da.

2. Abantaila konparatiboa oinarri duen merkataritzaren egituraketa nola determinatzen den ezagutzea, abantaila horren arrazoia erabilitako teknologia eta baliabideen zuzkiduretan dagoen ezberdintasuna denean. Horrela, mundu mailako eskaintza erlatiboa eta autarkia kasuari dagozkionak bereizten ikasten da, eta baita orekako prezio erlatiboak determinatzen ere.

3. Nazioarteko elkartrukeetatik nazio bakoitzaren irabaziak lortzen jakitea eta nazio bakoitzean errentaren birbanaketaren eragina eta ondorioak azaltzen jakitea.

4. Emaitzak formalizatu eta ekonomikoki azaltzen jakingo dute, halaber estatika konparatiboaren bidezko azterketa bat burutzen, aldagai ekonomiko garrantzitsuenen aldakuntzek emaitzetan izango dituzten eraginak aztertu ahal izateko.

5. Nazioarteko Merkataritzaren zergatia azaltzeko eskala ekonomiekin erlazionatutako aspektu ekonomikoak identifikatu, aztertu eta eredua osatzen jakitea.

1. Lanaren produktibitatea eta abantaila konparatiboa: Ricardoren eredua

2. Faktore espezifikoak eta errentaren banaketa

3. Baliabideen dotazioa eta merkataritza: Heckscher-Ohlinen eredua

4. Merkataritzaren eredu estandarra

5. Kanpo eskala-ekonomiak eta ekoizpenaren nazioarteko kokapena

6. Enpresak mundu mailako ekonomian: esportazio erabakiak, kanpoko kontratazioak eta enpresa multinazionalak.

Atal nagusia klase magistralak dira; hauetan irakasgaia osatzen duten gaiak garatuko dira. Praktika eskoletan irakasleak ikasgaiari buruzko ariketak egingo ditu. Mintegietan ikasleek klase magistraletan eta praktiketan aztertutako gaiei buruzko galdera teorikoak, kasu praktikoak eta zenbakizko ariketak ebatziko dituzte. Hau dena, bai banaka eta baita talde lanean ere.



Osasun egoera dela-eta aurrez aurreko irakaskuntza eta ebaluazioa ezinezkoak balira, hurrengo ataletan azaldutako metodologia eta ebaluazioa aldatzeko eskubidean egongo lirateke irakasgaiko irakasleak.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Test motatako proba (%): 33
  • Praktikak egitea (ariketak, kasuak edo buruketak) (%): 33
  • alde lanak (arazoen ebazpenak, proiektuen diseinuak) (%): 33
  • Besteak (%): 1

Ebaluazioa jarraitua izango da. Zenbait proba egingo dira eta hauen data eta pisua kurtsoaren hasieran zehaztuko dira. Ebaluazio jarraituan mantentzeko gai guztietako nota gainditua izan beharko da. Ikasleek egindako lana ebaluatuko da eta emaitza, notaren % 100 izango da.



Ebaluazio jarraituan parte hartzen EZ duten ikasleen kasuan, aurrez aurreko proba bat egitea posible bada, ebaluazioa azken azterketa baten bitartez egingo da. Proba ezin bada aurrez aurre egin, orduan ebaluazioa ariketa bilduma pertsonalizatu baten bidez burutuko da, jasotako datatik bi egunetara entregatu beharko da eta kalifikazioaren % 100 izango da.



Ebaluazioko Arautegiaren 12. artikuluan 2. puntua kontuan izanik, ikasleak ebaluazio jarraitua aukeratu badu ere deialdiari uko egin diezaioke. Horretarako klaseak amaitu aurretik gutxienez hilabete lehenago uko egiteko idazki bat eman beharko dio irakasleari. Uko egitean automatikoki EZ Aurkeztua nota jasoko du.

Aurrez aurreko proba bat egitea posible bada, ebaluazioa azken azterketa baten bitartez egingo da. Proba ezin bada aurrez aurre egin, orduan ebaluazioa ariketa bilduma pertsonalizatu baten bidez burutuko da, jasotako datatik bi egunetara entregatu beharko da eta kalifikazioaren % 100 izango da.

Oinarrizko bibliografia

Krugman P.,Obstfeld M. y Melitz M. "Economía Internacional. Teoría y política, 10ª edición, 2016,Pearson Educación S.A.

Gehiago sakontzeko bibliografia

Feenstra C. y Taylor A. "Comercio internacional", 2011, Editorial Reverté, S.A.

Aldizkariak

http://www.revistasice.com/

Web helbideak

http://conten.pearson.es
http://www.ehu.es/servicios/CDE
http://www.europarl.europa.es/