Irakasgaiak Ingeniaritza Kimikoaren oinarrizko eragiketak ulertu eta erabili ahal izateko ezagutzak ematen ditu. Horretarako kalkulu-metodoak eta diseinu-ekuazioak behar dira. Oinarrizko eragiketak energia- eta materia-transferentziazko fenomenoetan eta kontserbazio-legeetan oinarritzen dira. Ezagutza hauek, garapen matematiko egokiarekin batera, elikagaiak ekoizteko eta manipulatzeko prozesuak diseinatzeko baliagarriak dira.

Arrazoibide teorikoak minimizatu dira. Izan ere, helburua ez da garapen teorikoan sakontzea, baizik eta industria kimikoan erabili ohi diren prozesuak (elikagaigintzarekin lotutakoak, batez ere) ulertzea eta diseinatzeko gai izatea.

Irakasgai hau, hurrengo lauhilekoetan irakatsiko diren Oinarrizko Eragiketak I eta Oinarrizko Eragiketak II irakasgaietarako sarrerako irakasgaia da. Bertan, lehenengo mailako zenbait irakasgaietako ezagutzak erabiltzen dira, hala nola Fisika, Kimika Fisikoa eta Matematika.

Irakasgaiaren berezko gaitasunak:

CE1. Magnitude fisikoen unitate-sistemak ezagutzea. Ingeniaritzako zenbakizko kalkuluetan trebetasuna hartzea.

CE2. Eragiketa sinpleetan materia-balantze makroskopikoak planteatzen eta ebazten jakitea.

CE3. Beroa trukatzeko sistemetan energia-balantze entalpikoak planteatzen eta ebazten jakitea.

CE4. Tutuerian zeharreko jarioetan energia-balantze mekanikoa planteatzen eta ebazten jakitea.

CE5. Erreakzio kimikoaren ingeniaritzari buruzko oinarrizko ezagutzak erakustea.

1. Gaia. Ingeniaritzako kalkuluen oinarrizko printzipioak

2. Gaia. Kontzeptu orokorrak Ingeniaritza Kimikoan

3. Gaia. Jariakinen zirkulazioaren oinarrizko printzipioak

4. Gaia. Materia-balantzeak

5. Gaia. Energia-balantzeak

6. Gaia. Erreakzio kimikoaren ingeniaritzarako sarrera



- Laborategiko praktikak:

1. praktika: Karga-galera teoriko eta errealaren kalkulua instalazio hidrauliko batean.

2. praktika: Nahasketa-prozesu jarraitu baten materia balantzearen ebazpena.

3. praktika: Lurrungailu baten materia- eta energia-balantzeen ebazpena.

4. praktika: Etanolaren oxidazioaren azterketa zinetikoa.

- Eskola teorikoak: irakasleak gai bakoitzari dagozkion oinarrizko ezagutzak aurkeztuko ditu.

- Ariketak ebazteko eskolak: irakasleak edo ikasleek ariketak ebatziko dituzte.

- Laborategiko praktikak: klase teorikoetan azaldutako ezagutzak lantzeko saiakuntza esperimentalak egingo ditu ikasleak laborategian.

- Ariketen mintegiak: irakasleak proposatutako ariketa bat ebatziko dute ikasleek taldeka.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 65
  • Praktikak egitea (ariketak, kasuak edo buruketak) (%): 20
  • alde lanak (arazoen ebazpenak, proiektuen diseinuak) (%): 15

- Kalifikazio-ehunekoak:

Laborategiko praktiken nota: % 20. Laborategiko nota jartzeko bi azterketa egingo dira ordenagailu gelan.

Azken azterketa teoriko-praktikoa: % 80.

Ariketak ebazteko mintegiak: nota aurrekoekiko gehigarria (% 10 gehienez)

Besterik adierazi ezean, ebaluazio probetan ikasleek debekatuta izango dute liburuak, oharrak edo apunteak erabiltzea, bai eta tresna edo gailu telefoniko, elektroniko, informatiko edo bestelakoak erabiltzea ere.

- Deialdiari uko egitea

Deialdiari uko egiteko nahikoa izango da azken azterketara ez aurkeztea, azken kalifikazioa “aurkezteke” izan dadin.

Irakasgaia ohiko deialdian gainditzen ez duten ikasleek, hautatutako ebaluazio sistema gorabehera, eskubidea izango dute ezohiko deialdiko azken ebaluazioko proba osatzen duten azterketa eta jardueretara aurkezteko. Ezohiko deialdian irakasgaiak ebaluatzeko sistema bakarra azken ebaluazioa izango da. Ezohiko deialdiko azken ebaluazioko probak ikaskuntzaren emaitzak ebaluatzeko eta neurtzeko behar beste azterketa eta ebaluazio jarduera izango ditu, emaitzok ohiko deialdiaren pareko baldintzetan ebaluatu ahal izateko. Ikasleek ikasturtean zehar eskuratutako emaitza positiboak (hala nola, praktiken eta mintegien nota) gordeko dira. Aldiz, ikasturtean zehar egindako etengabeko ebaluazioaren emaitzak negatiboak badira, deialdi horretan ikasleek kalifikazioaren %100 eskuratu ahal izango dute.

Azken proban ikasleek debekatuta izango dute liburuak, oharrak edo apunteak erabiltzea, bai eta tresna edo gailu telefoniko, elektroniko, informatiko edo bestelakoak erabiltzea ere.

Klaseko apunteak, ariketen zerrendak, taulak eta irudiak, kalkulagailua, laborategiko praktiken gidoiak.
Laborategiko praktikak egiteko, derrigorrezkoa da bata erabiltzea. Halaber, ordenagailua ekartzea nahitaezkoa da (gutxienez bat talde bakoitzeko).

Oinarrizko bibliografia

Aguado, J., “Ingeniería de la Industria Alimentaria Volumen I. Conceptos Básicos”, Síntesis, Madrid, 1999.



Calleja Pardo, G., García Herruzo, F., De Lucas Martínez, A., Prats Rico, D., Rodríguez Maroto, J. M., “Introducción a la Ingeniería Química”, Síntesis, Madrid, 1999.



Felder, R. M., Rousseau, R. W., “Principios Básicos de los Procesos Químicos”, El Manual Moderno, México, 1981.



Himmelblau, D. M., “Principios Básicos y Cálculos en Ingeniería Química”, Prentice-Hall, México, 1997.



Reklaitis, G. V., “Balances de Materia y Energía”, Nueva Editorial Interamericana, México, 1986.



Singh, R. P., Heldman, D. R., “Introducción a la Ingeniería de los Alimentos”, Acribia, Zaragoza, 2009.



Valiente Barderas, A., Tlacatzin Stivalet, R. P., “Problemas de Balances de Materia y Energía”, Alhambra Mexicana, México, 1997.