nireEHU Enpresen Administrazio eta Zuzendaritzako eta Zuzenbideko Gradu Bikoitzak prestakuntza erabatekoa eta osoa emango dizu, arlo juridikoan nahiz ekonomikoan. Jarduera juridikoak eta enpresarialak garatzeko aukerak identifikatzen eta aurreikusten ikasiko duzu, enpresa edo erakunde bat administratzen, antolatzen eta zuzentzen, eta zalantza egoeretan erabakiak hartzen. Gainera, zeure burua prestatuko duzu berrikuntza kudeatzeko eta zuzendaritzako trebetasunak aplikatzeko, baita arlo juridikoko jarduera profesionaletarako ere.
Gradu bikoitzaren bidez, ikuspegi kualifikatu bat eskuratuko duzu, gaitasun kritiko handiagoarekin. Titulu bikoitz honek gaitasuna emango dizu zeregin espezifikoak egiteko enpresetan eta erakundeetan, zeure burua egokituta egoera juridiko, ekonomiko, soziopolitiko eta teknologiko konplexu eta aldakorretara, estatuko nahiz nazioarteko ikuspegi batetik.
Gainera, seigarren mailan, ikasitako guztia praktikan jartzeko, nahitaezko tutoretzapeko praktikak egingo dituzu, erakunde publikoetan edo pribatuetan.
Gradu Bikoitz hau 2 Campusetan eskaintzen da:
- Bizkaiko Campusa: Ekonomia eta Enpresa Fakultatean (Sarriko), Bilbon.
- Gipuzkoako Campusa: Donostian, Zuzenbide Fakultatean eta Ekonomia eta Enpresa Fakultatean.
Ezagutza arloa
Gizarte eta Lege Zientziak
Ikastegia
Campusa
Gipuzkoa
Harremanetarako
Iraupena
6 ikasturte
Kreditu kopurua
390 ECTS kreditu
Hizkuntzak
Euskara, Gaztelania, Ingelesa
Irakaskuntza mota
Ikasgelako gradua
Kredituaren prezioa 1. matrikulan
13,72 €
Gutxieneko nota
11,345 ohiko deialdian (2023/24)
Eskainitako plazak
30 plaza
4 arrazoi gradu hau aukeratzeko
- Prest eta prestu egongo zara zuzendaritzan, gestioan eta administrazioan jarduteko, bai enpresetan nola erakunde publiko eta pribatuetan.
- Gai izango zara problema juridikoak ebazteko, gizarte harremanen alor ezberdinetan planteatzen diren problemak.
- Praktikak egingo dituzu antolakunde ezberdinetan, zeure ibilbide profesionaleko lehendabiziko urratsak emanez.
- Hezkuntza osatzeko aukera izango duzu Europa, Kanada, Latinoamerika, AEB, Asia eta besteko unibertsitateetan egonaldiak eginez.
Sarrera-profila
Enpresa mundua eta errealitate ekonomikoa, soziala eta politikoa interesatzen bazaizkizu, jakin-nahia baduzu, pertsona ekintzailea eta dinamikoa bazara, taldean aritzea atsegin baduzu, analisirako, gogoetarako, sintesirako eta kritikarako gaitasuna baduzu, eta gizarte gaiekiko sentikortasuna, argudiatzeko gaitasuna eta gatazkak konpontzen laguntzeko bokazioa, Enpresen Administrazio eta Zuzendaritzako eta Zuzenbideko Gradu Bikoitza duzu aukerarik onena.
Irteera profesionalak
Enpresa arloan eta arlo juridikoan, hainbat erantzukizun zereginetan:
- Enpresetako edo erakundeetako zerbitzu juridikoak
- Bulegoko abokatua edo estatuaren abokatua
- Enpresa aholkularitza
- Aholkularitza
- Notariotza eta erregistroa
- Estrategia zuzendaritza
- Ekonomia-finantza kudeaketa eta kudeaketa fiskala
- Giza baliabideen kudeaketa
- Kontabilitatea eta ikuskaritza
- Nazioarteko marketinaren eta merkataritza marketinaren kudeaketa
- Analisi ekonomikoa
- Banka eta finantza zerbitzuak
Gainera, zure enpresa proiektua martxan jartzeko tresnak eta ezagutzak izango dituzu.