"Enpresaren Ekonomiarako Sarrera" irakasgaia Enpresen Administrazio eta Zuzendaritzako Graduko 1. mailako oinarrizko irakasgaien moduloan kokatzen da. Irakasgai honek ikasleak enpresaren arlo funtzional nagusiei lotutako kontzeptuetara gerturatuko ditu. "Enpresaren Ekonomia: Antolakuntza eta Zuzendaritza" irakasgaiarekin osatzen da, azken honek enpresako antolakuntzarekin zerikusia duten gaiak barneratzen dituelarik.

Irakasgai honetan enpresaren kudeaketa aztertuko da ikuspegi orokor batetatik, ikasleak arlo desberdinetako ezagutzara gerturatuaz, beraien funtzionamendua eta guztien arteko harremanak ezagutzeko.

Irakasgaiaren izaera orokorra eta sarrerakoa denez, aurreragoko irakasgaiak jorratzeko oinarrizko ezagutza eta gaitasunak lantzen dira, hala nola merkatal zuzendaritza edo finantza zuzendaritzarekin lotura daukatenak, edota enpresaren antolakuntza eta zuzendaritzarekin zerikusia daukatenak ere.

"Enpresaren Ekonomiarako Sarrera" burutu ahal izateko ez da beharrezkoa enpresari buruzko aurretiko ezagutzak edukitzea, baina izanez gero errazagoa izango da irakas-gida honetan deskribatzen diren gaitasunak barneratzea.

A.- ESKUMENAK/ HELBURUAK

Ikasgai honen helburu nagusia enpresaren gestioa ikuspegi orokor batetik aztertzea da. Horretarako azpihelburu batzuk planteatzen dira:

-Enpresa kontzeptua ulertzeko oinarrizko elementuak eta ingurunearekiko harremanak ezagutu.

-Enpresaren gestioa sistemen ikuspegitik aztertu eta berau osatzen duten azpisistema ezberdinak bereizi eta banan-banan aztertu (zuzendaritza, giza baliabideak, komertzializazioa, finantzak eta produkzioa).

-Azpisistema ezberdinen arteko harremanak ezarri.



 

B.- IRAKASGAIAREN GAITASUN ESPEZIFIKOAK

• Enpresa sistema ireki bat bezala ulertu. Enpresa bateko azpisistema guztiak euren artean loturik daude. Azpsisitema batean edo ingurunean gertatzen den zerbaitek eragina izan dezake beste azpisistemetan eta enpresaren funtzionamenduan.

• Enpresa baten egoera aztertu: zer egiten du, nola garatzen du bere aktibitatea, nola betetzen ditu bere helburuak… Irakasgaiak enpresa kudeaketa eredu bat errazten du, eta ikasleek, berau erabilita, enpresa erreal baten egoera aztertu ahal izango dute.

• Enpresa baten barnean erabakiak hartzeko gaitasuna. Ikasleek erabaki aproposak hartzeko gaitasuna landuko dute, enpresaren funtzionamendua eta kudeaketa tresna batzuk ezagutu eta gero. Gaitasun hau enpresaren azpisistema guztietan garatuko da: zuzendaritza, giza baliabideak, marketina edo azpisistema komertziala, finantzak eta ekoizpena.



C.- TITULAZIOKO ZEHARKAKO GAITASUNAK



Irakasgain honetan ondorengo gaitasunak gela praktiken bitartez landu eta ebaluatuko dira (ikus ebaluaketa sistema):



+ Ikasleak gai izatea idatziz nahiz ahoz erraztasunez komunikatzeko (zeharkakoa).

+ Iturri desberdinak dituen informazioa bilatu, identifikatu, aztertu eta laburtzea enpresaren egoera eta hark izan dezakeen bilakaera baloratzeko gaitasun kritikoarekin; arrazoitutako iritziak ematea eta ekonomia, enpresa, gizartea eta etikarekin zerikusia duten gai garrantzitsuei buruzko erabakiak hartzea (orokorra).



D.- IKASKUNTZA EMAITZAK



- Enpresaren azpisistema desberdinen funtzioak eta ardurak identifikatu..

- Erakundeko antolakuntza diseinuak eta euren ondorioak ulertu.

- Pertsonen kudeaketarekin harremana daukaten erabakien ikasketa teoriko eta praktikoa.

I. ATALA: HASTAPENAK

1. Ikasgaia: Enpresa

2. Ikasgaia: Enpresa eta haren ingurunea

3. Ikasgaia: Enpresaburua



II. ATALA: ZUZENDARITZA-AZPISISTEMA

4. Ikasgaia: Enpresaren helburuak

5. Ikasgaia: Zuzendaritza-prozesua



III. ATALA: MERKATARITZA-AZPISISTEMA

6. Ikasgaia: Merkataritza-azpisistema



IV. ATALA: GIZA BALIABIDEAK

7. Ikasgaia: Giza baliabideak



V. ATALA: FINANTZAKETA

8. Ikasgaia: Finantza-funtzioa

9. Ikasgaia:Enpresaren finantzaketa-iturriak

10. Ikasgaia:Enpresaren ekonomia eta finantza egitura eta haren analisia

11. Ikasgaia: Inbertsio-prozesua



VI. ATALA: PRODUKZIO-AZPISISTEMA

12. Ikasgaia: Produkzio-azpisistema

Ikasgaian garatu beharreko metodologiak proposatutako helburuei eta gaitasunei lotuta egon behar du. Horretarako, honako irakaskuntza metodologia hau ezartzen da:

• Eskola magistrala: proposaturiko helburuak lor ditzan ikasleak ezagutu behar dituen oinarrizko kontzeptuak eta teknikak eta tresnak aurkeztuko dira.

• Ariketen eta kasuen ebazpena. Ikasleak ariketa eta kasu batzuk izango ditu bere eskura: batzuk irakasleak klasean ebatziko ditu; beste batzuk garatu eta eztabaidatu egingo dituzte ikasleek taldeka klase orduetan, eta azkenean ikasleek eurek aurkeztuko dute ebazpena; azkenik, ariketa eta kasu zehatz batzuk ikasleek bakarka eskola orduetatik kanpo landuko dituzte.

• Egoera gatazkatsuen analisia eta eztabaida. Ikasturtean zehar hainbat enpresa-arazo eztabaidatuko eta landuko dira. Ikuspegia praktikoa izango da, horrela ikasturtean zehar garatutako kontzeptuak aplikatzeko gaitasuna erakutsiko da. Zeregin hori irakasleak tutorizatuko du.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • alde lanak (arazoen ebazpenak, proiektuen diseinuak) (%): 30
  • Azken proba, zati teorikoa eta praktikoarekin. Hala ere, guzti honi buruzko azalpenak ondoren zehazten direnak izango dira. (%): 70

I. Azken froga edo azterketa (7 puntu)

Azken azterketaren bitartez ikasleek lortutako ezagutza teoriko zein praktikoak baloratuko dira. Azterketa mistoa izango da, non test moduko zatia (penalizazioa barneratu lezake) eta ariketa praktikoak edo/eta garapenekoak barneratzen dituen zatiaz osatua dagoen. Azken frogaren 7 puntuetatik, testak 5 puntu balio du eta ariketek, berriz, 2 puntu. Zati bakoitzean gutxieneko ezagutzak lortu behar dira, hau da, kanporatzaile izaera dute eta ikasgaia gainditzeko zati bakoitzean gutxienez bere balioaren %35a lortu behar da.



OHARRA: Ebaluaketa ez-jarraiaren kasuan, 7 puntuko azken frogan lortutako emaitza 10ekiko neurrira egokituko da (gutxieneko baldintzak berdin mantenduz).



II. Talde lana (3 puntu)

Talde lanaren bidez (lan presentziala eta ez presentziala), ikasleek, taldeka, landutako materialekin loturiko arazoak landuko dituzte. “Informazioaren bilaketa eta kudeaketa” zeharkako gaitasuna landu eta baloratuko da.



G2.- Argibideak eta baldintzak:

1. Azken froga edo azterketa gainditzeko zati bakoitzean (testa eta ariketa/garapena) dagokion balioaren %35a lortu behar da gutxienez.

2. Atal bien batura burutu ahal izateko (I eta II), azterketaren nota maximoaren %50 lortu beharko da, 7tik 3.5 puntu, alegia.

3. Lege-aginduz (Art. 8.3. de la Normativa Reguladora de la Evaluación del Alumnado de las Titulaciones de Grado –BOPV nº50, 13 de marzo de 2017), edozein ikaslek etengabeko ebaluaketari uko egin diezaioke eta azken ebaluaketa eskatu. Kasu honetan, 10ekiko baloratuko den azken froga bat egin dezakete, non irakasleak praktiken bidez landu diren gaitasunak ebaluatu ahal izateko proba gehigarriak erantsi diezaiokeen.

PROZEDURA:

Bide hau gauzatu nahi duten ikasleek lauhilekoaren lehenengo astetik hasita 9 asteko epean idatziz eskaera entregatu beharko dute. Horretarako, eGelan eskaera igo ahal izateko atal bat egokituko da. Inongo kasutan ez dira epez kanpoko edo beste bide batez entregatutako eskaerak onartuko. Eskaerak, etengabeko ebaluaketari uko egiten diola adierazteaz gain, eskatzailearen datu osoak jaso behar ditu, kontaktuzko posta elektronikoaz gain, non azken frogari buruzko informazioa helarazteko erabili daitekeen.

4. Azken frogaren data, bai etengabeko ebaluaketaren kasuan eta baita azken frogaren kasuan, eta bai lehenengo deialdian eta baita bigarrengo deialdian, zentroak erabakitakoa da. Beraz, inongo kasutan ez da data aldatuko bakarkakoen egoeretara egokitzeko.

Edozein kasutan, irakasgaia gainditzeko 5 puntuko gutxieneko kalifikazioa lortu behar da. 

Ezohiko deialdiaren ebaluazioa azken ebaluazioaren sistema bidez gauzatuko da. Hala ere, ikasturtean zehar ebaluaketa jarraituan ikasleak lortutako emaitza positiboak gorde egin daitezke, hurrengoa betetzen baldin bada:

-Talde-lana gaindituta izatea (gutxienez puntuen %50a lortzen bada), eta

-Ikasleak kontrakorik ez jakinaraztea.

Kasu honetan, azken probaren balioa 7 puntukoa izango da. Gainerako gutxienekoen baldintzak ohiko deialdian bezala mantentzen dira.

Ezohiko deialdiari uko egiteko nahikoa da azken frogara ez aurkeztea.



G2.- Argibideak eta baldintzak:

1. Azken froga edo azterketa gainditzeko zati bakoitzean (testa eta ariketa/garapena) dagokion balioaren %35a lortu behar da gutxienez.

2. Atal bien batura burutu ahal izateko (I eta II), azterketaren nota maximoaren %50 lortu beharko da, 7tik 3.5 puntu, alegia.

3. Lege-aginduz (Art. 8.3. de la Normativa Reguladora de la Evaluación del Alumnado de las Titulaciones de Grado –BOPV nº50, 13 de marzo de 2017), edozein ikaslek etengabeko ebaluaketari uko egin diezaioke eta azken ebaluaketa eskatu. Kasu honetan, 10ekiko baloratuko den azken froga bat egin dezakete, non irakasleak praktiken bidez landu diren gaitasunak ebaluatu ahal izateko proba gehigarriak erantsi diezaiokeen.

PROZEDURA:

Bide hau gauzatu nahi duten ikasleek lauhilekoaren lehenengo astetik hasita 9 asteko epean idatziz eskaera entregatu beharko dute. Horretarako, eGelan eskaera igo ahal izateko atal bat egokituko da. Inongo kasutan ez dira epez kanpoko edo beste bide batez entregatutako eskaerak onartuko. Eskaerak, etengabeko ebaluaketari uko egiten diola adierazteaz gain, eskatzailearen datu osoak jaso behar ditu, kontaktuzko posta elektronikoaz gain, non azken frogari buruzko informazioa helarazteko erabili daitekeen.

4. Azken frogaren data, bai etengabeko ebaluaketaren kasuan eta baita azken frogaren kasuan, eta bai lehenengo deialdian eta baita bigarrengo deialdian, zentroak erabakitakoa da. Beraz, inongo kasutan ez da data aldatuko bakarkakoen egoeretara egokitzeko.

Edozein kasutan, irakasgaia gainditzeko 5 puntuko gutxieneko kalifikazioa lortu behar da. 

Irakasgaia jarraitu ahal izateko oinarrizko materiala eGela eta erreprografia zentroaren bitartez lortu ahal izango dira. Izenak beraz azaltzen duenez, oinarrizko materiala zera da, oinarrizkoa. Beraz, ikasleriaren ardura esklusiboa da osatzea eta bere ikaskuntza beharretara moldatzea. Klasean lantzen den edozein material, kasu, praktika, aktibitate, kontzeptu etab. Irakasgaia baloratzeko erabiltzen den edukien artean sar daiteke.
Ikasgaiaren garapenean erabiliko den material osagarria ikasleei eGela bitartez, erreprografia zentroaren bitartez edo eskuz erraztuko zaie, momentu bakoitzean aproposena suertatzen dena.

Oinarrizko bibliografia

URIONABARRENETXEA, S.; TEJADA, S.; CHICA, Y. (2009): Cuadernillo de apuntes de la asignatura de Economía de la Empresa: Introducción. UPV/EHU.

SÁNCHEZ, R. y GONZÁLEZ, J. (2012): Administración de empresas: Objetivos y decisiones. McGraw Hill, Madrid.

Gehiago sakontzeko bibliografia

AGUIRRE SADABA, A.; D. TOUS ZAMORA y A.M. CASTILLO CLAVERO (2003): Administración de organizaciones en el entorno actual. Pirámide, Madrid.
CUERVO, A. (Coord.) (2005): Introducción a la Administración de empresas. Thomson-Civitas.
DÍEZ DE CASTRO, E.; GALÁN, J.L. y MARTÍN, E. (1996): Introducción a la Economía de la Empresa. Pirámide, Madrid.
FERNÁNDEZ GAGO, R. (2005): Administración de la responsabilidad social corporativa. Paraninfo-Thomson Learning, Madrid.
GONZÁLEZ, F.J. y J.D. GANAZA (2007): Principios y fundamentos de gestión de empresas. Pirámide, Madrid.
IBORRA, M.; A. DASÍ, C. DOLZ y C. FERRER (2007): Fundamentos de dirección de empresas. Thomson, Madrid.
JOHNSON, G.S. y R. WHITTINGTON (2006): Dirección estratégica. Prentice-Hall.
PÉREZ GOROSTEGUI, E. (2002): Introducción a la Economía de la empresa. Centro de Estudios Ramón Areces, Madrid.
RODRÍGUEZ, J.M. y V. SALAS (2006): Responsabilidad social corporativa. FUNCAS, Madrid.
ROJÍ FERRARI, S. (2000): Introducción a la economía de la empresa. Mileto, Madrid.
SUÁREZ SUÁREZ, A. (1991): Curso de introducción a la Economía de la Empresa. Pirámide, Madrid.

Aldizkariak

Aldizkari ekonomikoak:
Emprendedores
Capital

Argitalpen zientifikoak:
Harvard Deusto Business Review
Harvard Deusto Marketing&Ventas
Universia Business Review

Web helbideak

www.finanzas.com
www.expansión.com
www.clusterconocimiento.com
www.casosinnobasque.com
www.camaras.org
www.confebask.es
www.adegi.es
www.spri.es