Ikasgai hau, aztergai dugun erakunde ororen jarduera nagusia diren zerbitzu eto produktuek barneratzen dituzten kostu, eta sortzen dituzten marjin eta emaitzen kudeaketaz arduratzen den kontabilitatearen zatia da.

Bere ezagutza teoriko-praktikoa erakunde ezberdinak kudeatzen dituzte arduradunek beren egunerokoan erabili ohi dute.

Zentruko web atarian aurki daitekeen graduaren egiaztatze memorian ikus daitekeen moduan, dagokion oinarrizko materien artean barneratua dago.

GAITASUNAK:

o Orri analitikoetako kostuak modu koherentean birsailkatzea.

o Marjin eta emaitzak kalkulatzea maila estimatu zein errealean.

o Erabakiak hartu ahal izateko datu analitikoak lortzea.



IKASKETA PROZESUAREN EMAITZA:

*Produktu eta zerbitzuen kostuak definitu, identifikatu eta sailkatzen ditu

* Produktu eta zerbitzuen marjin eta emaitzek kalkulatzen ditu

*Jarduera, produktu eta zerbitzuen inguruko kudeaketa erabakiak hartzen ditu

EGITARAUA

1. Gaia. Kostuen kontabilitatearen oinarrizko kontzeptuak Garapen Iraunkorrerako Helburuen (ODS) esparruan

2. Gaia Kostuen tratamendu polifazetikoa

3. Gaia Inbentarioen kudeaketa

4. Gaia Kostu eramaileak

5. Gaia Outputaren kostu industriala eta marjinak

6. Gaia Kostu Historikoen eredua

7. Gaia Kostu Estandarren eredua

8. Gaia. Aukera kostuen eredua

9. Gaia. Beste metodo batzuk

Gure unibertsitateko IKD filosofiari jarraituz, metodologia aktibo bat ezartzen dugu. Honela, banakako zein talde lana konbinatzen dira mintegi, praktika eta saio majistraletan, ikaslegoaren artean zein ikasle eta irakaslearen artean etengabeko feedback-a sortuz.

• Azken Ebaluazioaren Sistema
• Kalifikazioko tresnak eta ehunekoak:
  • Test motatako proba (%): 30
  • Praktikak egitea (ariketak, kasuak edo buruketak) (%): 70

FROGEN KALIFIKAZIOA ATERA LITEKEEN MAXIMOA GAINDITZEKO BEHARREZKO MINIMOA.

T1 Froga Teorikoa (denbora: 15 minutu) 1,5 puntu 0,9 puntu

P1 Froga Praktikoa (denbora: 45 minutu) 3,5 puntu 2 puntu

T2 Froga Teorikoa (denbora: 15 minutu) 1,5 puntu 0,9 puntu

P2 Froga Praktikoa (denbora: 45 minutu) 3,5 puntu 2 puntu



Ohorezko matrikula lortu ahal izateko borondatezko lana. Lan hau egiteko aukera aurreko frogetan 10a lortu duten ikasleek soilik izango dute eta posta elektronikoz entregatu beharko da, urtarrileko azterketa egun ofiziala (edo uztailekoa, urtarrilean aurkezten ez direnentzat) aurretik.

Aurreko froga hauek ikasturtean zehar burutzen joango gara. Honela, ikasleak ebaluazio jarraituaren bidez ikasgaia gainditu ahal izango du notaren %100a lortuz, urtarrileko azterketara (OHIKO deialdia) edo ekain(uztail)ekora (EZ-OHIKO deialdia) joan beharrik izan gabe.



Ikasgaia gainditu ahal izateko, lehenik eta behin, ezinbestekoa izango da T1, T2, P1, P2 frogak gainditzea, hauetako froga bakoitzean gutxienez aipatu ditugun minimoak lortuz. Aipaturiko froga hauetakoren bat ez bada gainditu, kalifikazioa EZ-GAINDITUA izango da. Konkretuki, ikasgaiaren azken nota froga guztietan lorturiko kalifikazioen batura izango da. Batura 5 puntu baina handiagoa izango balitz, ikasgaia gainditu gabe dagoenez, kalifikazioa EZ-GAINDITUA 4,9 izango da.



Ikasleek urtarrileko azken azterketan (ohiko deialdia) gainditu gabe dituzten zatiak soilik burutu beharko dituzte, beste zati guztietan lortu duten puntuazioa gordeko zaielarik. Laburbilduz, froga batzuk/guztiak ikasturtean zehar gainditu ahal izango dira eta urtarrilean aurkezten direnek, ordu arte gainditu ez dituzten zatiak soilik burutu beharko dituzte. Eta urtarrileko deialdian zerbait gainditu gabe geratuko balitz, ekaineko ez-ohiko deialdian gainditu ahal izango dira. Azken aukera honetan, urtarrilean ez-gainditua izango litzateke kalifikazioa, baina ekainean ordu arte gainditu gabeko frogak soilik egin beharko lirateke.



Ebaluazio jarraian zehar zerbait gainditu gabe izanez gero eta urtarrileko azterketara ez aurkeztea erabakiz gero, urtarrileko deialdian Ez-aurkeztua izango da kalifikazioa, baina kasu honetan EZ DA GORDEKO ekain(uztail)eko ez-ohiko deialdirako gaindituak izan diren frogen puntuaziorik. Hau da, ekaineko deialdian T1,P1,T2 eta P2 berregitea beharrezkoa izango da.



Hala eta guztiz ere, edozein ikaslek, hala nahi izanez gero, urtarrileko eta ekain(uztail)eko deialdi ofizialetan edozein zereginetan lortutako notari uko egin diezaioke eta zeregina berriz burutu nota igotzeko xedearekin. Hala ere, kontuan izan beharko du zeregin hori ez gainditzeko arriskua beregain hartzen duela, aurretik lortua zuen puntuazioari uko egin baitio.



A adibidea:

Ikasturtean zehar ondorengo kalifikazioak lortu ditut:

T1 (0,9 puntu), P1 (2 puntu), T2 (0,9 puntu), P2 (2 puntu). Nire azken kalifikazioa momentuz gainditua 5,8 izango da. Ez badut urtarrileko azterketara joan nahi nota hobetu ahal izateko, aktan kalifikazio hori agertuko da.



B adibidea:

Ikasturtean zehar ondorengo kalifikazioak lortu ditut:

T1 (0,6 puntu), P1 (3,5 puntu), T2 (1,5 puntu), P2 (3,5 puntu). T1ean ez naizenez gainditzeko lortu beharreko minimora iritsi (0,3 falta baitzait), azken kalifikazioa gutxiegi 4,9 izango litzateke. Urtarrileko azterketan ez badut gutxienez T1 = 0,9 lortzen, aktan 4,9 kalifikazio hori agertuko litzateke. Lortuz gero, aldiz, Bikain 9,4 agertuko litzateke.

AURREKO ATALEAN ARGI GERATU DA GUZTIA







Ikasgelan irakaskeak esango du

Ikasgelan irakaskeak esango du

Oinarrizko bibliografia

Ikasgelan irakaskeak esango du

Gehiago sakontzeko bibliografia

Ikasgelan irakaskeak esango du

• Felipe Blanco Ibarraren “Contabilidad de Costes 2020-2021”, ISBN: 978-84-09-33236-6
• Sáez Torrecilla; Férnandez Férnandez eta Gutiérrez Díazen “Contabilidad de Costes y Contabilidad de Gestión. Volumen I” ISBN- 978-84-697-5631-7

Aldizkariak

Ikasgelan irakaskeak esango du

Web helbideak

www.intercostos.org (Kostuen Nazioarteko Institutuaren dokumentuak)
www.aeca.es (Kudeaketa kontabilitate dokumentuak).