Ekonomiarako Sarrera I: Mikroekonomiaren Oinarriak irakasgaiaren helburua ikasleari produktugilearen erabakien eta kontsumitzailearen teoriaren oinarriak erakustea da.

Hasiera emateko lehia perfektuko oreka partziala ikusten da, non ondasunen prezioak eta produkzio faktoreenak emanak dauden.

Ondoren, irakasgaiaren helburua enpresaren hautapenak aztertzea da, nola erabakitzen duen zenbat produzitu eta horrela hasieran ikusitako merkatuaren eskaintza lortuko da.

Azkenik, kontsumitzaileen jokaera aztertzen da. Errenta eta ondasunen prezioak emanik nola maximotzen duen baliagarritasuna ondasunen eskaria lortu ahal izateko.

Ekonomiarako Sarrera I: Mikroekonomiaren Oinarriak irakasgaiak etorkizunean graduatua izango denari tresnak ematen dizkio enpresen eta kontsumitzaileen jokaerak ulertu ahal izateko, bere jarduera profesionalean oso baliagarria izango zaiona.

Irakasgaiko irakasleek eskubidea izango dute irakaskuntzako metodologia eta ebaluazioa aldatzeko (hurrengo ataletan deskribatuko dira), baldin eta aurrez-aurreko irakaskuntza eta/edo ebaluazioa ezinezkoa bada gerora sortutako arrazoiengatik.

Kurtsoak ondorengo gaitasun espezifioak lortzen lagunduko du:

- Hoberenatzearen printzipioan oinarritzen diren eredu matematikoen bitartez kontsumitzailearen eta lehia enpresaren jokaeraren ezaugarriak zehaztu.

- Eskari eta eskaintza funtzioak lortu baliagarritasun eta mozkin funtzioen maximizazioaren ondorioz.

- Emaitzak formalizatu eta ekonomikoki azaltzen jakin.

- Aldagai ekonomiko garrantzitsuenek emaitzetan dituzten eraginak aztertu estatika konparatiboaren analisiaren bitartez.



Honetaz gain ondorengo zeharkako gaitasunak landuko dira:

- Taldean lan egiteko gaitasuna.

- Idatzizko komunikaziorako gaitasuna.

- Pentsamendu analitiko eta hausnarketa kritikorako gaitasuna.

1. Sarrera: mikroekonomia eta eredu ekonomikoak.

2. Ekoizpena.

- Teknologia.

- Produkzioa faktore aldakor bakarraz.

- Produkzioa bi faktore aldakor erabiliz.

- Eskala etekinak.

3. Ekoizpen kostua.

- Kostuen neurketa.

- Epe laburreko kostua.

- Epe luzeko kostua.

- Epe luzeko eta epe laburreko kostu kurbak.

4. Mozkinen maximizazioa eta eskaintza lehiakorra.

- Konkurrentzia osoko merkatuak.

- Mozkinen maximizazioa.

- Sarrera marjinala, kostu marjinala eta mozkinen maximizazioa.

- Ekoizpen mailaren erabakia epe laburrean.

- Lehia enpresaren epe laburreko eskaintza kurba.

- Merkatuko eskaintza epe laburrean.

- Ekoizpen mailaren erabakia epe luzean.

- Industriaren eskaintza kurba epe luzean.

5. Kontsumitzaileen jokaera.

- Kontsumitzaileen lehentasunak..

- Aurrekontu murriztapenak.

- Kontsumitzaileen hautapena.

- Baliagarritasun marjinala eta kontsumitzaileen hautapena.

6. Gizabanakoaren eta merkatu eskariak.

- Gizabanakoaren eskaria.

- Ordezte eragina eta errenta eragina.

- Merkatu eskaria.

- Kontsumitzailearen soberakina.

7. Merkatu lehiakorren azterketa.

- Politika ekonomikoak sortutako irabazien eta galeren azterketa: kontsumitzailearen eta ekoizlearen soberakina.

- Merkatu lehiakor baten efizientzia.

- Gutxieneko prezioak.

- Prezioei eusteko programak eta ekoizpen-kuotak.

- Inportazioen gaineko kuotak eta muga-zergak.

- Zerga baten edota diru-laguntza baten eragina.

Elementurik garrantzitsuena klase magistrala dugu, zeinetan irakasgaia osatzen duten gai ezberdinak azalduko diren. Klase praktikoetan, irakasleak planteatutako ariketak ebatziko ditu. Jarduera ez presentzialei dagokienez, ikasleek materia landuko dute eta, zein banaka zein taldean, klase magistraletan analizatutako gaiekin erlazionatuta diren ariketak eta galdera teoriko-praktikoak ebatziko dituzte, hauek irakasleak ebaluatuko ditu.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 70
  • Test motatako proba (%): 10
  • Banakako lanak (%): 5
  • alde lanak (arazoen ebazpenak, proiektuen diseinuak) (%): 15

Lehenengo deialdian ebaluazioa mistoa izango da. Ikasturtean idatzizko azterketa bat egingo da zentroak ezarritako datan, zeinetan ikasleak ariketa teoriko nahiz praktikoak ebatziko dituen, honek azken ebaluazioaren % 70a osatuko du.

Idatzizko azterketa honetaz gain, kurtsoan zehar egindako lana ere kalifikatuko da, honek azken ebaluazioaren % 30a osatuko du:



1. Ikasleak 2 praktika-bloke egin beharko ditu, bat enpresaren teoriari buruzkoa eta bestea kontsumitzailearen teoriari buruzkoa, saio praktikoetan banatuta.

2.Talde-saioetan, talde bakoitzeko kideek proposatutako ariketak ebatziko dituzte. Saio bakoitzaren azken zatian, tarte bat utziko da orri zurietan erantzuteko (testu-liburua bakarrik erabili ahal izango da), proposatutako ariketekin lotutako hainbat gairi idatziz erantzuteko (talde bakoitzeko bat). Taldeak egindako dokumentua irakasleari emango zaio saioa amaitzean. Bloke bakoitzaren ondorengo saioetan, proposatutako ariketekin lotutako banakako test bat eta banakako lan bat ere egingo dira.

3. Banaka egindako test bietako bakoitzak azkeneko kalifikazioaren % 5 ekarriko du, bi lan indibidualetako bakoitzak azkeneko kalifikazioaren % 2,5 ekarriko du eta bi talde-lanetako bakoitzak azkeneko kalifikazioaren % 7,5 ekarriko du. Guztiak irakasgaiaren azkeneko kalifikazioaren % 30 gehitzen du.

4. Bloke bakoitza garatzen den bi saioetako baten batera ikaslea justifikaziorik gabe aurkezten ez bada, bloke horretan ebaluatzen den ariketan zero puntuko kalifikazioa lortuko du.



Egindako ariketa guztietan, idatzizko komunikaziorako gaitasuna eta pentsamendu analitiko eta hausnarketa kritikorako gaitasuna ebaluatuko dira.

Honetaz gain, taldean egindako lanen kasuan, irakasleak taldearen funtzionamendua ebaluatuko du.

Ikasle bakoitzaren kalifikazioa aipaturiko ebaluazioan haztatzeko galdeketa bat praktika-taldeetako pertsonei pasatuko zaie bere parte-hartzeak eta taldeko gainerako pertsonenak ebaluatzeko.

Ebaluazio jarraiko sisteman parte hartzen duen ikasleak edonoiz ebaluazio honi uko egin ahal izango dio eta azkeneko ebaluazioko sistemari heldu.



Azkeneko ebaluazioko sistemari heltzen dion ikasleak idatzitako azkeneko azterketa (Zentroak jarritako datan) egingo du. Azterketa honetan ikasleak ariketa bai teoriko bai praktikoak ebatziko dituen proba bakarra egingo du. Aipaturiko proba bi zatiz osatuta egongo da:

• Lehen zatia: ebaluazio jarraiko sistemari heltzen dioten ikasleek egindakoaren berdina izango da, eta azkeneko kalifikazioaren % 70 izango da.

• Bigarren zatia: ebaluazio jarraituko sistemari heltzen ez dioten ikasleentzat da bakarrik, eta azkeneko kalifikazioaren % 30 izango da.

Bigarren deialdian azken azterketa bat egongo da eta ebaluazioaren % 100 osatuko du.

Transparentziak eta ariketak interneteko Moodle plataforman eskuragarriak.

Oinarrizko bibliografia

Gaztelaniaz:

- Microeconomía, 9ª edición. Robert S. Pindyck, Daniel L. Rubinfeld. Pearson Prentice Hall.

Ingelesez:

- Microeconomics, 9th Edition. Robert S. Pindyck, Daniel L. Rubinfeld. Pearson Prentice Hall.

Gehiago sakontzeko bibliografia

Gaztelaniaz:
- Microeconomía intermedia, un enfoque actual, 8ª edición. Hal R. Varian. Antoni Bosch Editor.
- Introducción a la Economía. Microeconomía, 1ª edición. Paul Krugman, Robin Wells. Reverté.
Ingelesez:
- Intermediate microeconomics: a modern approach, 8th Edition. Hal R. Varian. W. W. Norton & Company.
- Economics, 2nd Edition. Paul Krugman, Robin Wells. Worth Publishers.

Aldizkariak

Irakaskuntza honen arduraduna den irakasleak zehaztuko du

Web helbideak

Irakaskuntza honen arduraduna den irakasleak zehaztuko du