UPV/EHU-ko Ekonomia eta Enpresa Fakultatean (Gasteizko sekzioan) irakatsitako Enpresen Administrazio eta Zuzendaritza Gradurako Titulu Ofizialaren Memorian islatzen den bezala, Merkataritza Zuzendaritzarako Sarrera irakasgaia, titulazioaren bigarren mailan irakasten den derrigorrezko irakasgaia da, Enpresa Hastapenak izeneko M02 moduluaren barnean kokatuz. Irakasgaiaren helburu printzipala, ikasleek, enpresa baten komertzializazio funtzioaren inguruan oinarrizko formakuntza eta ikuspegi orokorra bereganatzea litzateke.

Gainera, ikasleak pentsamendu kritikoan oinarritutako erabakiak hartzen trebatzen dira, enpresa-helburuak lortzen laguntzeaz gain, planetak aurre egin behar dien erronka handiak lortzen ere lagun dezaten – Une honetan, Nazio Batuen Erakundeak (2015) ezarritako Garapen Iraunkorreko Helburuen (GIH) forma hartzen dute erronka horiek –.



Merkataritza Zuzendaritzarako Sarrera irakasgaian, merkatua erakarri eta konkistatzeko asmoz eskaintza bat diseinatzeko tresnak eta marketinaren ekintzak planifikatzeko faseak aurkezten dira. Aipatutako formakuntzak, esparru horren arduradun bezala jarduteko edo aholkularitza komertzial mailan profesionala izateko, gaitzea du helburu. Helburu hori osotzeko, irakasgai honez gain, bigarren mailako Merkataritza Zuzendaritzarako Politikak irakasgaia eta Marketin Minorea (3. eta 4. mailan irakasten direnak) osotzen duten ikasgaiak gainditu beharko lirateke.

Merkataritza Zuzendaritzarako Sarrera, Merkatuen Komertzializazio eta Ikerketa esparrura osorik dedikaturiko ikasleek ikasiko duten lehenengo ikasgaia da. Alegia, lehenengo mailan, Enpresa Ekonomiarako Sarrera irakasgaian, marketinarekin erlazionaturiko zenbait atal ikasi badituzte ere, lehen lauhileko bigarren mailako irakasgai hau, marketinean oinarrizkoak izan daitezkeen hastapenak bereganatzera bideratuta egongo da, geroxeago, Marketin minorea osatzen duten irakasgaiak arrakastaz gainditu ahal izateko lagungarriak izango direnak.

IRAKASGAIAREN GAITASUN ESPEZIFIKOAK

Titulazioaren Memorian esaten den moduan, Merkataritza Zuzendaritzarako Sarrera irakasgaiaren gaitasun espezifikoak ondokoak dira:

- Marketing hastapenak eta enpresazko estrategiarekin erlazioa ulertu.

- Marketing ingurunea eta kontsumitzailearen jokabidea baldintzatzen duten faktoreak identifikatu, ulertu eta ikertu.

- Segmentazio eta posizionamenduaren oinarrizko tresna eta metodoak erabiltzeko gai izan.



ZEHARKAKO GAITASUNAK

Aurreko atalean zerrendatutako gaitasun espezifikoen garapena, marketin esparruan aritzen den profesional batek, erabakiak hartu eta enpresakoak diren egoerak arrakasta handiarekin ebatzi ahal izateko ezinbestekoa da. Halaber, erabakiak hartu eta arazoak ebazteko gaitasun hau, irakasgai honen testuinguruan trebatzen saiatzen da. Hortaz, Merkataritza Zuzendaritzarako Sarrera irakasgaian lantzen den zeharkako gaitasuna honako hau izanen da:

- Idatziz komunikatzeko gaitasuna.

Gaitasun honen bidez, ikaslea, pentsatzen eta/edo sentitzen dena idatziz eta laguntza grafikoaren bidez argi eta zuzen adierazita beste pertsona batzuekin eraginkortasunez erlazionatzeko gai izan behar da.

Gaitasun honetan exijituko den menderatze maila, 2 edo bigarrena litzateke, hau da, idazki akademiko laburrek zuzen idaztea.

- Erabakiak hartzea eta arazoen ebazpena.

Gaitasun honen bidez, ikaslea, existitzen diren aukeren norainoko eta ondorioen analisian oinarrituz, aukera posible ezberdinen artean jarduteko bide bat hautatu eta egoera bat ebazteko gai izan behar da.

Gaitasun honetan exijituko den menderatze maila, 1 edo oinarrizkoa litzateke, hau da, arazoari ebazpideak proposatzen dizkio ezarritako prozesuaren baitan.



IKASKUNTZAKO EMAITZAK

Graduaren Titulazioaren Memorian Merkataritza Zuzendaritzarako Sarrera irakasgairako aurreikusten diren ikaskuntzako emaitzak ondokoak dira:

R1. Marketinaren oinarrizko kontzeptu eta modeloak identifikatu eta ulertu.

R2. Bezeroen jokabidearen prozesu eta emaitzan eragiten duten faktoreen ulermena.

R3. Segmentazio eta posizionamenduan erabilitako oinarrizko tekniken hautaketa eta erabilera.

I ATALA: MARKETINAREN HASTAPENAK

1. GAIA. Sarrera eta oinarrizko kontzeptuak

2. GAIA Marketinaren kudeaketa enpresan



II ATALA: MARKETINAREN PLANGINTZA ESTRATEGIKOA

3. GAIA. Marketin jardueren plangintza enpresan



III ATALA: KONTSUMITZAILE JOKABIDEAREN IKASKETA

4. GAIA. Bukaerako kontsumitzailearen erosketa jokabidea

5. GAIA. Industri kontsumitzailearen erosketa jokabidea



IV ATALA: MERKATU XEDEEN HAUTAKETA ETA POSIZIONAMENDUA

6. GAIA. Merkatuaren segmentazioa

7. GAIA. Produktu eta marken posizionamendua eta irudia merkatuan

Irakasgai honetan erabiliko den metodologia, ikasleak garatu beharko dituen gaitasun espezifiko eta zeharkakoekin lotuta dago. Horrela, irakasgaia osatzen duten lau zatien kontzeptu teorikoak azaltzeko, klase magistral parte-hartzailea erabiliko da, zenbait gaitan Alderantzizko Ikasgela gisa ezagutzen den eredu pedagogikoarekin konbinatuta (sistema horren bidez ikasleek, ikasgelan landu baino lehen prestatzen dituzte gaiak, irakasleek emandako materialetatik abiatuta). Kontzeptu teorikoak azaltzeko, beraien ulermenean laguntzen duten eta ikaslea motibatzen duten adibide errealak aurkeztu eta euren enpresako aplikazio erreala aditzera emango da. Halaber, azaldutako arazoen inguruan, ikasleei, hausnarketa batera eramango dituzten galderak planteatuko zaizkie.



Atal praktikoari dagokionez, ikaskuntza aktiboa eta lankidetzakoa bideratzen duten zenbait jarduera erabiliko dira, hala nola, materiarekin erlazionatutako zenbait artikuluen irakurketa eta eztabaida, kasu errealen inguruko solasaldiak eta gutxienez, kudeaketan aritutako profesionalen aldetik hitzaldi bat. Honez gain, ikasleek, erabakiak hartzen eta arazoen ebazpenean trebakuntza lor dezaten, Kasuaren Metodoa erabiliko da.



Kasuaren Metodoa, irakaskuntza-ikaskuntza alorreko metodologia aktiboa da eta honen bidez, ikasleak, enpresazko egoera erreal bati buruzko informazioa jasoko luke, indibidualki edo taldeka, kasuaren inguruko egoera edo egoera desberdinak analizatuz eta, ondoren, existitu daitezkeen aukera anitzen artean erabakiak hartuz. Erabakiak hartu ahal izateko, kasuan agertzen den protagonista baten rolean sartu behar dira eta honako arazoa ebatzi: "Zer egingo nuke nik protagonista banintz?" Planteatutako arazoari soluzio bat proposatu ondoren, irakasleak, ikasleek jarraitutako prozedura eta egindako hausnarketak ebaluatuko ditu.



2022/2023 ikasturtean, irakasgai honetan zenbait irakaskuntza-kasu landuko dira, eta lauhilekoaren hasieran emango zaizkie enuntziatuak ikasleei. Saio batzuk kasuen ebazpenean aurrera egitera bideratuko badira ere, metodologia horri lotutako prestakuntza-jarduera batzuk ez dira modu presentzialean egingo.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 10
  • Test motatako proba (%): 50
  • Praktikak egitea (ariketak, kasuak edo buruketak) (%): 40

OHIKO DEIALDIA



Lauhilekoa amaitzean, ikasleek, irakasgaiaren gaitasun espezifikoak eta planteatutako ikaskuntza emaitzen trebakuntza maila ebaluatzea ahalbidetzen duen froga-azterketa bat egingo dute. Froga honen bidez, ikasleek, irakasgaiaren kontzeptuak ze mailatan ezagutu, ulertu eta menderatzen dituzten erakutsi ahal izango dute. Frogak, irakasgaiaren ebaluazio osoaren %60a adieraziko du eta test teoriko-praktiko (10tik 5 puntu balio duena) eta enpresa batek aurre egin behar duen egoera erreal batetik abiatuz, garatzekoak diren zenbait galdera irekiz (10tik puntu 1 balio duena) osatuta egongo da.



Bestalde, aurreko ataletan islatu den bezala, ikasleak, lauhilekoan zehar eta etengabeko ebaluazio baten testuinguruan, kontzeptu eta prozeduren, ulermena, jakituria eta aplikazioa finkatzeko asmoz diseinaturiko zenbait jarduera edo zeregin eramango ditu aurrera. Jarduera edo zeregin horiek lotuta daude ikasgai hau emateko erabiliko diren Alderantzizko ikasgela eta Kasuaren Metodoa irakaskuntza-metodologiekin.



Ikasturtean zehar, irakasleak, ikasleei, feedback-a emango die, hortaz, ikasleek uneoro jakingo dute ze arlotan hobekuntzak barneratu behar dituzten exijituriko menperatze maila lortu ahal izateko. Jarduera guzti hauek bai gaitasun espezifikoak zein zeharkakoak ebaluatu ahal izateko diseinatuta daude. Indibidualki zein taldeka eginiko jarduerak irakasgaiko ebaluazioaren %40a balioko dute (10tik 4 puntu). Jarduera edo zeregin ezberdinetan lortutako puntuazioa, irakasgaiaren azken notari gaineratuko zaio, soilik baldin eta azterketa-frogan 6 puntutik 2,7ko puntuaketa lortuko balitz.



Ikasgelan, egin beharreko jarduera guztiei buruzko informazioa emango zaie ikasleei, baita horiek ebaluatzeko erabiliko diren irizpideei buruzko informazioa ere.



Ebaluazio jarraiari uko egin nahi dion ikasleak, lehen lauhileko hasierako bederatzi asteak amaitu baino lehen (Zentroko web orrialdean "Azterketak" estekan eskura dagoen dokumentuaren bitartez) irakasleari idatziz komunikatu beharko dio.



Ebaluazio jarraiari uko egiten dion ikasleak, irakasgaiaren %100agatik ebaluatua izatea ahalbidetzen dion azterketa-froga baten bidez ebaluatzeko eskubidea izango du. Azterketa-froga bi atalez osatuta legoke, aurreko paragrafoan aipatutakoa (irakasgaiaren ebaluazio osoaren %70a adieraziko duena) eta goian aipatutako zeharkako gaitasuna menderatu izana erakusten duen idatzizko lan baten prestakuntza (irakasgaiaren ebaluazio osoaren %30a adieraziko duena). Idatzizko lan hau, beranduz jota, azterketa egunean entregatu beharko da eta haren prestaketarako jarraibideak jasotzeko gomendagarria da irakaslearekin azterketa eguna baino hile bat lehenago harremanetan jartzea. Halaber, kasu hauetan ere, lanean lortutako puntuaketa azken puntuaketari gaineratzeko, azterketa-frogan 10tik 4,5ko gutxieneko kalifikazioa lortu izanari baldintzatuta dago.



Ohiko deialdiari uko egiteko, azterketa egutegi ofizialean finkatutako azterketa-frogan ez aurkeztearekin nahikoa izango da. Deialdiari uko egitean, aktan Ez Aurkeztuta bezala islatuko da.

Ez-ohiko deialdian, edozein ikaslek erabaki dezake ebaluazio jarraiari uko egin (ez litzateke ebaluazio jarraiko nota gordeko), eta %100 suposatzen duen froga baten bitartez ebaluatua izatea. Azken froga honetan, goian komentaturiko azterketa mota (notaren %70a suposatuko duena), zein aipaturiko zeharkako gaitasunak ebaluatzea ahalbideratzen duen idatzizko lan bat (notaren %30a suposatuko duena) egin beharko dute. Idatzizko lana entregatzeko azken data azterketa eguna izango da eta bere prestakuntzarako, hilabete bat lehenago irakasleari jarraibideak eta argibideak eskatzea gomendagarria da. Azken kasu hauetan ere, lanaren nota azken notari gaineratzeko baldintza, azterketaren notan gutxieneko 4,5ko puntuazioa litzateke.

Ikasleek irakasgai honen edukiaren azalpenak jarraitu ahal izateko, irakasleek prestaturiko apunteen eskuliburua eta material osagarria izango ditu eskuragarri egelan.
Lauhilekoan zehar landuko diren irakaskuntza-kasuen enuntziatuari dagokienez, ikasturte hasieran emango zaizkie ikasleei.

Oinarrizko bibliografia

- ARMSTRONG, G., KOTLER, P., MERINO, M.J., PINTADO, T. eta JUAN, J.M. (2011): Introducción al marketing, 3. edizioa, Pearson, Madrid.

- CASADO, A.B. eta SELLERS, R. (2010): Introducción al marketing. Teoría y práctica, ECU, Alicante.

- KOTLER, P., eta ARMSTRONG, G. (2011): Marketinaren Oinarriak, 12. edizioa, DeustoDigital, Bilbao.

- KOTLER, P. eta KELLER, K.L. (2016): Dirección de marketing, 15. edizioa, Pearson, Madrid.

- KOTLER, P. eta ARMSTRONG, G. (2017): Fundamentos de marketing, 13. edizioa, Pearson, México.

- KOTLER, P. eta ARMSTRONG, G. (2017): Marketing, 16. edizioa, Pearson, México.

- SANTESMASES, M., MERINO, M.J., SÁNCHEZ, J. eta PINTADO, T. (2018). Fundamentos de marketing, 2. edizioa, Pirámide, Madrid.

Gehiago sakontzeko bibliografia

eGelan deskargatu daitekeen Ikaslearen Gidan zehazten da.

Aldizkariak

- Distribución y consumo
- El publicista
- Harvard-Deusto Marketing & Ventas
- IPMARK
- MK Marketing + Ventas
- Spanish Journal of Marketing (ESIC)

Web helbideak

- FIM, foro internacional de marketing: http://www.foromarketing.com
- IPMARK, información sobre marketing y publicidad: http://www.ipmark.com
- MK. Marketing + Ventas, revista electrónica: http://www.marketingmasventas.com/
- Portal de marketing y publicidad: http://www.marketingdirecto.com
- Marketalia, información especializada de marketing en Internet: http://www.marketalia.com
- American Marketing Association: http://www.ama.org
- AEDEMO, Asociación Española de Estudios de Mercado, Marketing y Opinión: http://www.aedemo.es
- Objetivos de Desarrollo Sostenible (ONU, 2015). https://www.un.org/sustainabledevelopment/es/objetivos-de-desarrollo-sostenible/