AURKEZPENA:

Enpresaren Sistema Fiskala izeneko irakasgaiaren edukia Fiskal Erregimenaren azterketa eta ikasketa da, zergen arabera hain zuzen. Zergak dira, alde batetik, Sektore Publikoaren finantzaketaren funtsezko tresna bat eta, beste aldetik, enpresaren kudeaketaren atal garrantzitsu bat.

Bere helburua bikoitza da. Lehenik saiatzen da Zerga Sistema batean zergen diseinua osotzen duten oinarrizko irizpide eta printzipioak ezagutu eta ulertzen. Bigarrenik, enpresen kudeaketa fiskalean agertzen diren zergarik garrantzitsuenak aztertzen ditu.

Enpresen Administrazio eta Zuzendaritzako Graduaren barruan "Enpresaren Oinarriak" izeneko M02 Moduluan dago barnesartuta, eta enpresaren ekonomi jarduera ulertu eta baloratzeko gaitasuna lantzen du, beti ere fiskalitatearen ikuspegitik.

Ikasleari eskaintzen dizkio lanbide ibilbidean garatu ahal dituen gaitasun batzuk, zeinak gauzatu ahal bait dira erakunde pribatuetan (aholkularitza fiskala, banku eta aseguruak, enpresen finantza sailak...) eta administrazio publikoetan (diputazioak, udalak...).

GAITASUNAK:

C1. Zerga sistema batean zergen diseinua osotzen duten oinarrizko printzipio eta kontzeptuak ulertu eta antolatzea (Gaitasun espezifikoa, Moduluko M02CM05 eta Graduko G004 gaitasunei loturikoa).

C2. Enpresaren kudeaketa fiskalean agertzen diren zergen inportateen egitura aztertu eta ulertzea (Gaitasun espezifikoa, Moduluko M02CM01 eta Graduko G001 gaitasunei loturikoa).

C3. Justizia eta kitatea direlako printzipio etikoen araberako balorazio-irizpideak lortzea, gogoeta pertsonala eta taldekako hausnarketaren bitartez (Zeharkako gaitasuna Moduluko M02CM08 eta Graduko G011 gaitasunei loturikoa).



IKASKUNTZAREN EMAITZAK:

I. Zerga sistema batean zergen diseinua osotzen duten oinarrizko printzipio eta kontzeptuak ulertzea.

II. Enpresaren kudeaketa fiskalean agertzen diren zergen inportateen egitura ulertzea.

III. Justizia eta ekitatea izeneko printzipio etikoen araberako egoera eta proposamen desberdinak, ikuspegi kritiko batetik, aztertzea.

1. Gaia: Zerga Sistemen baloraziorako irizpideak.

2. Gaia: Zergapena eta eraginkortasuna.

3. Gaia: Zergapenaren banaketa eragina.

4. Gaia: Persona Fisikoen Errentaren gaineko Zerga.

5. Gaia: Sozietateen gaineko Zerga.

6. Gaia: Balio Erantsiaren gaineko Zerga.

1. JARDUERA PRESENTZIALAK (BBC) (60 ordu)

1.1. Klase magistralak (47): Gai desberdinen kontzeptu-azalpena.

1.2. Ikasgelako Praktikak (6): Ariketa eta balizko praktikoen burutzapena.

1.3. Ordenagailuko Praktikak (3): BEZako eta PFEZako likidazioen burutzapena.

1.4. Mintegiak (4): Zerga izaerazko gaien araberako hausnarketa eta partekartzea.



2. JARDUERA EZ PRESENTZIALAK (90 ordu)

2.1. Klase magistraletan eta ikasgelako eta ordenagailuko praktiketan garatutako edukiak Ikasi eta sakontzea.

2.2. Aholkatutako irakurgaiak.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 80
  • Praktikak egitea (ariketak, kasuak edo buruketak) (%): 20

Irakasgaia ebaluatzeko bi modalitate egon ahal dira:



a) EBALUAKETA JARRAIA



Ondorengo bi frogetan lortutako kalifikazioen batura izango da:



1.- Ohiko ebaluaketaren datan ebatzi beharreko froga idatzia: gutxienez azken emaitzaren %80 balio izango du.



2.- Kurtsoan zehar garatu beharreko praktika ebaluagarriak: gehienez azken emaitzaren %20 balio izango dute.



Ebaluaketa jarraia modalitatean irakasgaia gainditu ahal izateko, aurreko lehen frogan (Ohiko ebaluaketaren datan ebatzi beharreko froga idatzia) 10 punturen gainean gutxienez 4 puntu lortu behar izango dira. Horretaz gain, 1 eta 2 frogetan lortutako kalifikazioen baturak 10 punturen gainean gutxienez 5 bat suposatu beharko du.



- Baldintza hau betetzen duten ikasleei ezarritako nota, ohiko ebaluaketaren froga idatzian (8 puntu) eta praktiketan (2 puntu) lortutako puntuazioen batura izango da.



- Baldintza hau betetzen ez duten ikasleei ezarritako nota, ohiko ebaluaketaren froga idatzian lortutako puntuazioa izango da (10 punturen gainean).



b) AZKEN AZTERKETA (ohiko deialdiaren egunean)



Puntuazioaren %100 balio izango duen froga bat.



Ebaluaketa ez-presentziala izatekotan, egelako "Zeregina" edota "Galdetegia" tresnen bidez egingo da.

Azken froga bat izango da, puntuazioaren %100 balio izango duena.



Ebaluaketa ez-presentziala izatekotan, egelako "Zeregina" edota "Galdetegia" tresnen bidez egingo da.

Oinarrizko bibliografia eta bibliografia osagarria.

Oinarrizko bibliografia

Albi E., González Páramo J.M. y Zubiri I, “Economía Pública II: Teoría de la Imposición. Sistema Impositivo. Otros Ingresos Públicos. Economía Pública Internacional” Edit. Ariel Economía.

Gehiago sakontzeko bibliografia

- Rosen H., "Hazienda Publikoa" Argitarapen zentrua. Euskal Herriko Unibertsitatea.
- Rosen H., "Hacienda Pública" Editorial McGraw-Hill.
- Musgrave R. y P. Musgrave.,“Hacienda Pública: Teórica y Aplicada” Editorial McGraw-Hill. 5ª Edición.1992

Aldizkariak

Hacienda Pública Española / Revista de Economía Pública http://www.ief.es/
Ekonomiaz: Revista Vasca de Economía http://www1.euskadi.net/ekonomiaz/
Zergak: Gaceta Tributaria del País Vasco http://www.ivap.euskadi.net/

Web helbideak

Ekonomia eta Hazienda Ministerioa: http://www.meh.es/
Agentzia Tributarioa: http://www.aeat.es/
Arabako Foru Aldundia: http://www.alava.net/
INE: http://www.ine.es
Eustat: http://www.eustat.es
Kooperazio eta garapen ekonomikorako erakundea (OCDE): http://www.oecd.org/home/
EUROSTAT: http://europa.eu.int/comm/eurostat/
Mugagabeko Ekonomilariak: http:www.ecosfron.org