Merkataritza Ikerketa irakasgaiaren helburu nagusia, ikaslea, enpresaren erabaki komertzialetara zuzendurik dagoen merkatu ikerketa oso baten diseinua eta garapena aurrera eramateko gai izatea da.

Irakasgai hau, Marketing Minorreko hautazko irakasgai bat da.

GAITASUN ESPEZIFIKOAK

• Enpresako marketing erabakietan, merkataritza ikerketako tresnek duten ahalmenaz jabetzea.

• Informazio komertzialaren gestiorako prozesuak identifikatu, ulertu eta antolatu, enpresako aktibo bat gehiago izango balira bezala.

• Ikerkuntza komertzialeko prozesu integral bat antolatu eta garatu.



ZEHARKAKO GAITASUNAK

• Informazioaren bilaketa eta kudeaketa.

• Analisi eta laburtze gaitasuna.

I.Atala: Ikerkuntza komertzialaren oinarriak

1.Gaia: Ikerkuntza komertzialaren kontzeptua eta antolakuntza.

2.Gaia: Ikerkuntza komertzialaren prozesua.



II.Atala: Informazio jasotzearen prozesua

3.Gaia: Informazioa jasotzeko teknika kualitatiboak.

4.Gaia: Informazioa jasotzeko teknika kuantitatiboak.

5.Gaia: Galdetegien diseinua.

6.Gaia: Lagina aukeratzeko teknikak eta landa lana.



III.Atala: Informazioaren analisia eta emaitzen aurkezpena

7.Gaia: Informazioaren analisia eta datuen esplotazioa.

8.Gaia: Emaitzen txostenaren lanketa eta aurkezpena.



IV.Atala: Joera berriak ikerkuntza komertzialean

9.Gaia: Tresna berriak eta beraien aplikazioa ikerkuntza komertzialean.

Kontzeptu teorikoak azaltzeko, ikaskuntza aktibo eta kooperatiboa bultzatuko duen metodologia erabiliko da: parte hartzea bultzatuko duen lezio magistrala. Konkretuki, errealitatearekin bat datozen adibideak erabiliko dira, ulermena eta motibazioa bultzatuz. Azalpenak powerpoint bitartez lagunduko dira ikasleen arreta erakartzeko eta ikasleei etengabe galderak luzatuko zaizkie hausnarketa bultzatzeko.

Klase praktikoetan beharrezko azalpenak emango dira ikasgaia gainditu ahal izateko burutu beharreko merkatu ikerketa lana aurrera eraman ahal izateko. Gainera, ordu batzuk online galdetegiak egiteko programen inguruan xahutuko dira eta beste zenbait datuen tratamendu estatistikoen programen inguruko azalpenak emateko erabiliko dira, hala nola, SPSS edo R.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Test motatako proba (%): 70
  • alde lanak (arazoen ebazpenak, proiektuen diseinuak) (%): 30

Ebaluazio jarraituaren sistema erabiliko duen ikasleak derrigorrez izaera praktikoko lan bat burutu beharko du. Lan hau taldean burutuko da eta irakasgaiaren programan azaldutako merkatu ikerketa batetako etapa guztiak islatu beharko dira, gutxienez ondorengoa jorratuz: ikertu beharreko problematika, ikerkuntzaren helburuak, laginaren hautaketa, galdetegiaren diseinu eta kodifikazioa, datuen bilketa, informazioaren analisia, ondorioak eta gestiorako inplikazioak. Laguntza gida klasean banatuko da eta entrega-data bertan jakinaraziko da. Lanik ez bada entregatu, ezingo da azterketarik egin.

Azken nota, lauhileko bukaeran egindako test teoriko-praktikoaren (totalaren %70a) eta aipaturiko derrigorrezko lanaren (totalaren %30a) batura izango da. Batura hau egin ahal izateko, test teoriko-praktikoan gutxienez gehienezko notaren %45a lortu beharko da.



Ebaluazio jarraituari uko egin nahi dion ikasleak, irakasleari idatzizko dokumentu baten bidez jakin arazi beharko dio lauhilekoaren lehenengo bederatzi asteen barruan. Kasu honetan, notaren %100a suposatuko duen azken froga bat egingo zaio ikasleari: notaren %70a test teoriko-praktiko baten bidez eta notaren %30a azterketa egunean entregatuko den idatzizko lan baten bidez. Kasu honetan azterketa eguna baino gutxienez hilabete lehenago irakaslearekin kontaktuan jarri beharko du ikasleak lanean jarraitu beharreko argibideak jasotzeko. Lanaren nota kontuan hartua izan dadin, beharrezkoa izango da test teoriko-praktikoan gehienezko notaren %45a lortzea.



Ohiko deialdiari uko egiteko, nahikoa izango da azterketen egutegi ofizialean argitaratutako test probara ez aurkeztearekin.

Azterketa ez egiteak, EZ AURKEZTU kalifikazioa edukitzea suposatuko du.

Ohiko deialdira aurkeztu ez diren ikasleak edo ez-ohiko deialdian ohiko deialdian burututako lanaren nota mantentzea nahi ez duten ikasleak, eskubidea izango dute %100-eko balioa izango duen azken proba baten bidez ebaluatuak izateko. Azken proba honek atal bi izango ditu: test teoriko-praktiko bat (ikasgaiaren notaren %70-a suposatuko du) eta aurreko atalean azaldu bezalako lan bat (nota osoaren %30 suposatuko duena). Egoera honetan dauden ikasleak, irakaslearekin kontaktuan jarri beharko dira, azterketa eguna baino gutxienez hilabete lehenago, idatzizko lanean jarraitu beharreko argibideak jasotzeko. Lanaren nota kontuan hartua izan dadin, beharrezkoa izango da test teoriko-praktikoan gehienezko notaren %45-a lortzea.

Ohiko deialdian aurkeztu ez diren ikasleak eskubidea izango dute test teoriko-praktiko baten bidez ebaluatuak izateko (ikasgaiaren notaren %70-a). Test hau gorago aipatutako zeharkako konpetentziak ebaluatzeko proba batekin osatua izango da (%30).

Irakasleak sortutako materiala.

Oinarrizko bibliografia

Esteban, Á. (2014): Investigación de Mercados. Madrid: ESIC.

García Ferrer, G. (2012): Investigación comercial. Madrid: ESIC.

Grande, I. y Abascal, E. (2014): Fundamentos y técnicas de investigación comercial (12ª edición), Madrid: ESIC.

Luque, T. (2017): Investigación de marketing 3.0. Madrid: Pirámide.

Gehiago sakontzeko bibliografia

Aaker, D. A., Kumar, V. y Day, G. S. (2001): Investigación de mercados (4ª ed.). México: Limusa Wiley.
Luque, T. (2012): Técnicas de análisis de datos en investigación de mercados (2ª ed.). Madrid: Pirámide.
Malhotra, N. K., Dávila, F. J. y Treviño, M. E. (2004): Investigación de mercados. Un enfoque aplicado (4ª ed.). México: Pearson Educación.
Martínez, P. (2008): Cualitativa-mente. Los secretos de la investigación cualitativa, Madrid: ESIC.
Mas Ruiz, F. J. (2012): Temas de investigación comercial (6ª edición), Alicante: Editorial Club Universitario.
Merino, M.J., Pintado, T., Sánchez Herrera, J., Grande, I. y Estévez, M. (2010): Introducción a la investigación de mercados, Madrid: ESIC.
Trespalacios, J. A., Váquez Casielles, R. y Bello, L. (2005): Investigación de mercados: métodos de recogida y análisis de la información para la toma de decisiones en marketing. Madrid: Thomson.
Zikmund, W. G. (2003): Fundamentos de investigación de mercados (2ª ed.). Madrid: Thomson.

Web helbideak

Asociación de Empresas de Investigación de Mercados y Opinión: www.aneimo.com
AEDEMO, Asociación Española de Estudios de Mercado, Marketing y Opinión: www.aedemo.es
AC Nielsen, empresa de investigación de mercados: www.acnielsen.es
INE, Instituto Nacional de Estadística: www.ine.es
EUSTAT, Instituto Vasco de Estadística: www.eustat.es
Instituto Dym, compañía que ofrece servicios plenos en investigación de mercados y opinión: http://www.institutodym.es