nireEHU Titulazio honek prestakuntza dualeko ibilbidea eskaintzen du. EHUduala Ereduaren irizpideak betetzen ditu, baita 822/2021 Errege Dekretuak Aipamen Duala lortzeko eskatzen dituenak ere. Horrek esan nahi du aldi berean tartekatu ahal izango dituzula unibertsitateko prestakuntza akademikoa eta zure prestakuntzarekin lotura zuzena duen ordaindutako lan jarduera. Ibilbide horretan sartzen bazara, banakako prestakuntza proiektu bati esker, eta unibertsitateko eta enpresako tutoreen laguntzaz, albait etekinik handiena aterako diezu bi mundu horietan izandako esperientziari.
Enpresen Administrazio eta Zuzendaritzako Graduan, zure enpresa proiektua martxan jartzen ikasiko duzu, enpresa edo erakunde bat kudeatzen, antolatzen eta zuzentzen. Prestakuntza osoa jasoko duzu, hainbat alorretan: ekoizpena, marketina, giza baliabideak, finantzak, kontabilitatea, etab. Den-denak funtsezkoak egungo ingurune ekonomiko, sozio-politiko eta teknologiko konplexu eta aldakorrera egokitzeko.
Garapen aukerak identifikatzen eta aurreikusten ikasiko duzu, zalantza egoeretan erabakiak hartzen, berrikuntza kudeatzen, pertsonak hautatzen eta motibatzen, eta emaitzak ebaluatzen.
Sarrikon aukera izango duzu aipamen edo ibilbide hauetan espezializatzeko: Merkataritza Zuzendaritza, Finantza Zuzendaritza, Zuzendaritza Orokorra eta Giza Baliabideak, Zerga Sistema, Kontabilitate Kudeaketa eta Finantza Arloko Informazioa, eta Enpresen Berrikuntza.
Gipuzkoan, aipamen hauen artean aukeratu ahal izango duzu: Kontabilitatea eta bestelako Informazio Sistemak, Finantzak, Merkataritza Zuzendaritza, eta Pertsonak eta Berrikuntza.
Azkenik, Araban, hiru aipamenak daude: Finantzak, Gizarte Arloko Kudeaketa Enpresan, eta Marketina.
Eta gainera, titulazio bikoitza lor daiteke.
Ezagutza arloa
Gizarte eta Lege Zientziak
Ikastegia
Ekonomia eta Enpresa Fakultatea
Campusa
Bizkaia
Harremanetarako
Iraupena
4 ikasturte
Kreditu kopurua
240 ECTS kreditu
Hizkuntzak
Euskara, Gaztelania, Ingelesa
Irakaskuntza mota
Ikasgelako gradua
Kredituaren prezioa 1. matrikulan
13,72 €
Gutxieneko nota
8,938 ohiko deialdian (2023/24)
Eskainitako plazak
265 plaza
4 arrazoi gradu hau aukeratzeko
- Gai izango zara zuzendaritzan, gestioan eta administrazioan jarduteko, bai enpresetan nola erakunde publiko eta pribatuetan.
- Sei aipamen dituzu eskura, gehien interesatzen zaituen eremuan espezializa zaitezen.
- Kanpoko praktikak erakunde eta antolakunde garrantzitsuetan.
- Hezkuntza osatzeko aukera izango duzu Europa, Kanada, AEB, Asia eta besteko unibertsitateetan egonaldiak eginez.
Sarrera-profila
Enpresaren mundua eta errealitate ekonomikoa, soziala eta politikoa interesatzen bazaizkizu, jakin-nahia baduzu, pertsona ekintzailea eta dinamikoa bazara, analisirako, gogoetarako, sintesirako eta kritikarako gaitasuna baduzu, eta ulermenerako eta abstrakziorako erraztasuna, Enpresen Administrazio eta Zuzendaritzako Gradua duzu aukerarik onena.
Irteera profesionalak
Enpresa arloan, erantzukizuneko zereginetan:
- Analisi ekonomikoa
- Banka eta finantza zerbitzuak
- Kontabilitatea eta ikuskaritza
- Estrategia zuzendaritza
- Giza baliabideen kudeaketa
- Nazioarteko marketinaren eta merkataritza marketinaren kudeaketa
- Ekonomia-finantza kudeaketa eta zerga arlokoa
- Nazioarteratzea eta kanpoko merkataritza
Gainera, zure enpresa proiektua martxan jartzeko tresnak eta ezagutzak eskuratuko dituzu.
Administrazio publikoetan, tokikoetan zein estatumailakoetan (ogasuna, udaletxeak, eta abar).
Baita hezkuntza eta ikerketaren arloan ere.