Metafisika I eta Metafisika II ikasgaiak modu bakar batean daude osatuak. Bere xedea, metafisikak, (lehenengo filosofia -"filosofia prima"- gisa ulertuz), dituen arazo nagusien ulermen sistematikoa laguntzea izango da. Baita ere, bere historia kontzeptuala, historia eta kulturaren artean osatu dituen loturak eta, aldi berean, kulturaren barne betetzen duen legea. Metafisika I-ek, metafisikaren nozio eta bere arazo nagusienetara sarrera eskeintzen du. Era berean, arazo filosofiko klasikoak landuko dira, zientzia eta arte garaikideetatik sortutako gogoeten argitan.

Kontrapartida gisa, ariketa zientifiko eta artistikoaren kontzeptu nagusiek metafisikaren historian zehar sortutako gogoeta metafisikoetan euskarri bat aurkituko dute. Metafisika I.ak gizaki garaikidearen mundu-ikuskeraren jatorria azpimarratuko du, eta gizarte modernoen jarraibide nagusiak greziar pentsamenduaren garapena eta bilakaera direla frogatuko du.

Metafisika I-eko ikasketen ondorioz, ikasleak tresna kontzeptualak eskuratuko ditu, filosofiaren historian zehar sortu diren beste eskola eta korronteetarako sarbide logikoa eta panoramikoa izateko. Era berean, gizateriaren egungo garapenari eragiten dioten funtsezko berme problematiko handiagoekin ekin ahal izango dio. Hain zuzen ere, gaur egun iraunkortasun arazo larriak, identitate pertsonaleko arazoak eta teknologia aurreratuaren erabilerak sor ditzakeen arazo etikoak planteatzen dituzten gai askok hausnarketarako eta eztabaidarako leku askoz interesgarriagoa aurkitzen dute metafisikaren tresna kontzeptualekin lantzen badira. Gai horiek jorratzen dituzten foro sozial eta politiko asko Metafisikak egindako ekarpenez baliatuko dira.



Metafisikako egile ezagunen testuak, arlo horretako oinarri kontzeptualak eta historia islatzen direnak, modu aktiboan ulertzea eta modu kritikoan interpretatzea, gutxienez EBko bi hizkuntza ofizialetan.

Sistema metafisikoak historiari eta horiek oinarritzeko arazoei buruzko gaiak ahoz azaltzea, eztabaidatzea, modu kritikoan baloratzea, eta horiei buruzko hitzaldi ongi egituratuak modu arrazoituan idaztea, eta horretarako, terminologia tradizional eta garaikide ezaguna erabiltzea.

Taldean nahiz modu autonomoan lan egitea, eta Metafisikako arazo errepikariak identifikatzea eta aztertzea, eta filosofia praktikoaren arloan agindu behar duten baloreei eta printzipioei gogoeta metafisikoa aplikatzea.

Hainbat prozeduraren bitartez, historian zehar proposatutako argumentu metafisikoen balizkotasuna edo onargarritasuna identifikatzea eta ebaluatzea, eta horretarako, horien puntu ahulak, falaziak eta paralogismoen menpe dauden alderdiak nabarmentzea.

Sistema metafisiko tradizionalak eta garaikideak ikertzeko asmoz informazioaren teknologiak erabiltzea datuak biltzeko eta trukatzeko, eta iturri bibliografikoak eskuratzeko.

OHARRA: Ondoren agertzen den gai-zerrenda orientagarria da eta ikasturte hasieran zehaztuko da.



1)Metafisikaren historizitatea. Zientzia lehena eta beste zientzien oinarri gisa agertzen den zientzia baten historizitateak, ze ondorio kontzeptualak ditu?

2)Aintzeneko eta erdi aroko metafisika. Sortutako arazo eta emandako erantzun proposamen aintzinako eta erdi aroko testu garrantzitsuenetan.

3)Bira kartesiarra eta metafisikaren krisialdi modernoa.: metafisikaren aldakuntza modernoa.Filosofia modernoen testuetan agertzen diren arazo eta erantzun proposamenak.

4)Bira linguistikoa eta metafisikaren krisialdi garaikidea. Bira kinguistikoaren ondorioak proiektu metafisikoarekiko eta metafisikaren garaiko krisialdiaren inguruan hainbat bertsio.

5) Matafisika, Fisika garaikideak aurkeztutako arazoen aurrean.

6)Egoeraren laburpena: metafisika, zientzia eta kultura garaikidea. Zientziaren aroan posible al da metafisika? Zer esan nahi du "aro post-metafisikoa" adierazpenak, garaiko kulturara deskribatzerakoan erabiltzen denean?

* Kurtsoaren hasieran, irakasleak egitarauak izan ditzekeen aldaketa eta xehatasunen berri argituko ditu

Eskola magistralak konbinatuko dira, non irakasleak ibilbide historikoak eta azalpen orokorrak egingo dituen, iruzkinak egiteko eta nahitaez irakurri beharreko testuak eztabaidatzeko eskola praktikoekin batera.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 40
  • Banakako lanak (%): 30
  • Lanen, irakurketen... aurkezpena (%): 30

MARTÍNEZ, F. J.: Metafísica, UNED, Madrid, 1988.
-ARRIETA, A..., Filosofiaren historia, Elkar,2008

Oinarrizko bibliografia

DESCARTES, R.: Metodoari buruzko diskurtsoa- Meditazio metafisikoak. Klasikoak, 1997

KANT, I.: Arrazoimen hutsaren kritika. Klasikoak 1999.

HEGEL, G.W.F., Gogoaren fenomenologia. Klasikoak, 2005

- Ciencia de la Lógica. Solar Buenos aires, 1968.



HABERMAS, J.: Pensamiento postmetafísico, Taurus, Madrid, 1990

Gehiago sakontzeko bibliografia

CONILL, J: El crepúsculo de la metafísica, Anthropos, Barceleona 1988
GÓMEZ PIN, V: Tras la física. Abada 2019.
LOVEJOY, A. O.: La gran cadena del ser, Barcelona 1983
QUINE, W. V: Relatividad ontológica y otros ensayos, Alianza, Madrid, 1986
RORTY, R.: La filosofía en el espejo, Madrid 1983
STEGMÜLLER, W.: Metafísica, escepticismo y ciencia, Alianza, Madrid, 1986