Ikasleak informatikarekin topo egingo duen lehenengo aldia izango da irakasgai hau, informatikaren "software" alderdian. Irakasgaiaren ezaugarri nagusitzat oinarrizko heziketa hartzen den aldetik, esleitutako gaitasunak software tresnak ulertzea eta menperatzea izango dira, arazoei irtenbidea bilatzeko baliabide bezala kontsideratuz. Zentzu horretan, ez da programazio edota datuen kudeaketa automatikoaren arloko aurreko ezagupenik eskatuko. Hala ere, ikasleak informatikaren erabiltzaile mailako ezagupenak eduki beharko ditu, eskola praktikoetatik etekin on bat lor dezan.



Irakasgai honetara ekarritako adibideak, ariketak eta proiektuak oinarrizko moduluaren gainontzeko irakasgaietatik hartuak dira (aljebra lineala, kalkulua, fisika, e.a.). Dena dela, irakasgai honetan ikasitako kontzeptuak titulazioaren beste irakasgai batzuetan aplikatuko dira.

Ikaskuntza-irakaskuntza eredu berrietan ikasleak, berak, eraikitako ikaskuntzaren jarraipena egitea garrantzitsua da. Horrekin lotuta, ikaskuntza helburuak formulatzean zehaztu behar dira bai ikasiko denaren emaitzak eta bai jasoko diren gaitasunak.



* Jasoko diren gaitasunak



M01 (Oinarrizko Prestakuntza) modulua definiturik dagoen CM03 gaitasuna garatzen du irakasgai honek. M01CM03 gaitasuna honelaxe enuntziaturik dator: “Oinarrizko ezagutzak edukitzea ingeniaritzan erabiltzen diren ordenagailuen, sistema eragileen, datu-baseen eta informatika-programen erabileran eta programazioan”.





* Ikasitakoaren emaitzak



Irakasgai honetan ondkoak ikasten ditu ikasleak:

- Prozesatzaile baten hardwarearen deskriban funtzionala ezagutu

- Bitarteko informatikoak erabiltzean softwarearen maila desberdinak ezagutu

- Programazio lengoaiak ezagutu eta programazioaren funtsezko kontzeptuak eta egiturak erabili

- Kodetze sistema arruntenak ezagutu

- Pascal lengoaia erabiliz programa xumeak kodetu, findu eta exekutatu

- Programazioaren ondoko lementuak erabili: datu-motak, control egiturak, datu egituratuak, azpiprogramak eta fitxategiak

- Norberaren lana ebaluatzeko gai izatea

- Programazioan erabiltzen den oinarrizko algoritmika ezagutu

- Informazioa era egoki eta ziurrean ikaskidekin trukatu eta partekatu

- Ikaskide talde batean lan bat egiterakoan zereginak adostu, zatitu, banatu eta emaitzak integratu

Eskola magistralen edukia:



1. gaia. Sarrera

1.1. Informatikako kontzeptu orokorrak

2. gaia. Konputazio sistema baten software eta hardware eskemak

2.1. Hardware eskema. Hardware osagaien deskribapen funtzionala

2.2. Software eskema. Sistemaren softwarea eta aplikazioen softwarea

3. gaia. Programazio lengoaiak

3.1. Makinen lengoaiatik goi mailako lengoaietara

3.2. Lengoaiak: konpilatzea eta interpretatzea

3.3. Programazio ingurunea: lotzailea eta araztailea

4. gaia. Programak garatzeko metodologia

4.1. Programazio modularra

4.2. Programazio egituratua

5. gaia. Programazioa

5.1. Programa baten egitura orokorra

5.2. Oinarrizko datu-motak

5.3. Adierazpenak eta aginduak

5.4. Datuak irakurtzeko eta idazteko eragiketak

6. gaia. Kontrol sententziak

6.1. Sekuentzialak

6.2. Baldintzazkoak

6.3. Iteratiboak

7. gaia. Azpiprogramak

7.1. Azpiprogramaren kontzeptua

7.2. Parametro pasatzea

7.3. Azpiprograma motak: prozedurak eta funtzioak

7.4. Aldagaien iraupena eta aldagaien esparrua

7.5. Errekurtsibitatea

8. gaia. Datu egiturak

8.1. Homogeneoak: bektoreak eta karaktere kateak

8.2. Heterogeneoak: erregistroak

8.3. Definizioak eta elementu osagarriak eskuratu

8.4. Algoritmoak: prozesaketa, bilaketa, ezabaketa, txertaketa eta ordenazioa

9. gaia. Datuen biltegiratze iraunkorra

9.1. Fitxategien motak

9.2. Fitxategi bitarren definizioa eta testu-fitxategien definizioa

9.3. Algoritmoak: prozesaketa, aldaketa, bilaketa, ezabaketa eta txertaketa



Eskola praktikoen edukia (mintegiak eta ordenagailu praktikak):



Laborategia:



- Ikasgaian zehar erabiliko den garapen ingurumenaren aurkezpena.



- Ariketen diseinu eta kodifikazioa zenbaki motako aldagai eta konstante bakunak erabiliz eta Sarrera/Irteera eragiketak.



- Ariketa sinpleen diseinu eta kodifikazioa. Aldagaien eguneraketa, funtzio aritmetikoak, mota bihurketak. Zenbaki eta boolean datu-moten erabilpena baldintzazko sententzietan eta sententzia errepikakorretan.



- Ariketa sinpleen diseinu eta kodifikazioa azpiprogramak erabiliz.



- Ariketen diseinu eta kodifikazioa. Erabiltzaileak definitutako datu motak: karaktere kateak, egitura linealak eta erregistroak.



- Ariketen diseinua eta kodifikazioa erabiltzaileak definitutako fitxategi motako egiturak erabiliz.





Mintegia:



- Ariketa konplexuen diseinu eta kodifikazioa. Zenbaki, boolean eta karaktere datu moten erabilpena sententzia baldintzazkoetan.



- Ariketa konplexuen diseinu eta kodifikazioa. Zenbaki, boolean eta karaktere datu moten erabilpena sententzia errepikakor.



- Ariketa konplexuen diseinu eta kodifikazioa azpiprogramak erabiliz.



- Ariketa konplexuen diseinua, erabiltzaileak definitutako fitxategiak erabiliz.



- Ariketa konplexuen diseinu eta kodifikazioa, ariketak kurtsoan zehar ikasitako programazio elementu guztiak eduki beharko ditu: datu motak, kontrol egiturak, datu egiturak, azpiprogramak eta fitxategiak.



Kodifikazioa ikasgelaz kanpoko orduetan egingo da nagusiki.

Irakaskuntza motak hiru izango dira: eskola magistralak, mintegiak eta laborategiak. Eskola magistraletan kontzeptu teorikoak ematen dira, adibide praktikoak erakustea ahaztu gabe. Mintegiak eta laborategiak kontzeptu teorikoak finkatzeko erabiltzen dira, mintegietan taldeka lan eginez eta bakarka laborategian.



Programa teorikoa astero garatzen da ordu bateko bi saio magistraletan. Laborategi eta mintegiko saioak eskola magistralekin koordinatzen dira, guztira 6 asteetan mintegiak egiten dira gainerako 9 asteteetan laborategiak egiten direlarik.



Irakasgai honetan, kurtsoan zehar sei mintegi saio daude, bi ordukoak. Mintegietan ikasleek programak diseinatzeko metodologiekin lotuta dauden hainbat kontzeptu praktikan jartzen dute (top-down metodologia eta abstrakzio funtzionala). Halaber, taldeek proposatutako ebazpenak eztabaidatzen dira. Saio hauetan, osasun egoerak usten badu, ikasleek hirunaka lan egingo dute.



Bi orduko laborategi saioetan, konputagailuaren aurreko praktikak egiten dira, bakarkako lana izanik. Hain zuzen ere, irakasleak klasea baino lehen proposatutako ariketen programazioa burutzen da goi-mailako lengoaia baten bitartez, eta lan egiteko etapak aplikatuz: soluzioaren diseinua, kodifikazioa goi-mailako lengoaian, arazketa eta emaitzaren azterketa.



Ataza hauetarako konputagailuak erabiltzeaz gain web zerbitzuak erabiltzen eta horrela ikasleak Informazioaren eta Komunikazioaren Teknologiekin (IKT) kontaktua izango du.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie





BALIABIDEAK



Kalkulu zentroak ordenagailuaren aurreko praktikak egiteko. Ikasgela birtuala dokumentuak (bibliografia, programa, tresnak, ...) eta lan egiteko materialak partekatzeko, baita ikasleak egin beharreko lanaren jarraipena egiteko.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 70
  • Test motatako proba (%): 15
  • Banakako lanak (%): 15

Irakasgaiaren ebaluazioa bi eratara egingo da: %30a ikastaroan zehar egindako ebaluazio jarraituaren bitartez, eta %70a amaierako azterketa baten bitartez.



Ebaluazio jarraitua (%30a):

* Mintegiei dagozkien kontrolak eta txostenak (%15a)

* Laborategian egindako kontrolak (%15a)



Azken Azterketa (%70a):

* Idatzizko froga izango da:

- Galdera objektiboak (test modukoak) edo erantzun irekiko galderak (%21a)

- Programen garapena (%49a)

* Irakasgaia gainditzeko ezinbestekoa da Amaierako Azterketan gutxienez %50a lortzea, Amaierako Azterketan %50a lortu ezean kalifikaziorik handiena 4.5 izango da



*Ebaluazio jarraituari uko egitea:

- Kurtosaren lehenengo 9 asteetan ikasleek irakasgaiaren dagokion irakasleari idazkia bidali behar diote ebaluazio jarraituari uko egiteko.



* Ordenadorean aurrean azterketa praktikoa egingo da:

- Azterketa horren %50a lortu behar da irakasgaia gainditzeko

- Azterketa horren %50a lortu ezean kalifikaziorik handiena 4.5 izango da



Uko egitea: Amaierako Azterketara bere burua aurkezten ez duen ikasleari "Ez aurkeztua" kalifikazioa jarriko zaio

Azken Azterketa (%100a):

* Idatzizko froga izango da:

- Galdera objektiboak (test modukoak) edo erantzun irekiko galderak (%30a)

- Programen garapena (%70a)

* Irakasgaia gainditzeko ezinbestekoa da "Programen garapena" izeneko atalean gutxienez %50a lortzea, eta %50a lortu ezean kalifikaziorik handiena 4.5 izango da.



Uko egitea: Amaierako Azterketara bere burua aurkezten ez duen ikasleari "Ez aurkeztua" kalifikazioa jarriko zaio

Irakasgaiaren teoria-apunteak
Irakasgaiaren praktika-eskuliburua


PROGRAMA INFORMATIKOAK:

Goi mailako lengoaia baten programazio ingurunea. eGela plataforma birtuala.

Oinarrizko bibliografia

"Introducción a la informática", Alberto Prieto, Antonio Lloris Ruiz, Juan Carlos Torres Cantero, McGraw-Hill

"Fundamentos de programación. Algoritmos y estructuras de datos y Objetos", Luis Joyanes Aguilar. McGraw-Hill.

"Algoritmos + Estructuras de Datos = Programas", Niklaus Wirth, Editorial Castillo

Gehiago sakontzeko bibliografia

"Fundamentos de los computadores. Estructura, funcionamiento interno, software de sistemas", Pedro de Miguel Anasagasti, Editorial McGraw-Hill
"Programación avanzada y resolución de problemas en Pascal. Estructuras de datos, metodología de la programación e Ingeniería de Software", G. M. Schneider y Steve C. Bruell, Editorial Anaya Multimedia
"C/C++ Curso de programación", Francisco Javier Ceballos, Ed. Ra-ma

Web helbideak

http://informatika-2018-19.blogspot.com/
http://www.freepascal.org/
http://www.lazarus.freepascal.org/
http://www.delphibasics.co.uk/
http://www.lawebdelprogramador.com/
http://www.nachocabanes.com