Kimika nahitaezko irakasgaia da Ingeniaritza Goi Eskola Teknikoko hiru gradutan: I) Ingurumenaren Ingeniaritzako Graduan, II) Industria Teknologiaren Ingeniaritzako Graduan eta III) Industria Antolakuntzaren Ingeniaritzako Graduan.



Kimika hiru graduetako M01 moduluari dagokio: Oinarrizko prestakuntza. Izan ere, Kimika oinarrizko ezagutza da ingeniaritzaren arlo guztietan.



Irakasgai honetan ikasleek batxilergoan landu dituzten kontzeptuak sakontzen dira, beraz, batxilergoko (2. kurtsoa barne) programan dauden Kimikari buruzko ezagutzak menderatzea gomendatzen da. Bestalde, irakasgaiak ikasleek hurrengo kurtsoetan jorratuko dituzten irakasgai batzuk ulertzeko prestatzen ditu.



Ingurumenaren Ingeniaritzako Graduan, gradu honen berezko izaera dela eta, Kimika ondorengo irakasgaien oinarritzat hartu ahal da:



- 2. kurtsoko Biologia, Ekologia, eta Geologia eta Edafologia.



- 3. kurtsoko Ingurumen Ingeniaritzaren Oinarrizko Eragiketak, Bioteknologia eta Erreaktore Kimiko eta Biologikoak.



- 4. kurtsoko Analisi Kimikoa eta Datuen Kalitatearen Kontrola eta Ingurumenaren Zientzia eta Teknologia.



Gainera, Kimika ezinbestekoa da gradu honen hautazko irakasgai guztiak ikasteko: Uraren Kimika, Kutsadura Atmosferikoaren Kimika eta Kutsatzaileen Sakabanaketa, Gasen Laginketa eta Analisia, eta abar.



Ikasketa-planean daukan garrantziaz gain, Kimika ezinbestekoa da Ingurumenaren Ingeniarien etorkizuneko jarduera profesionalarentzat.







Industria Teknologiaren Ingeniaritzako Graduan eta Industria Antolakuntzaren Ingeniaritzako Graduan, Kimika 3. kurtsoko Teknologia Kimikoa eta 4. kurtsoko Ingurumenaren Zientzia eta Teknologia nahitaezko irakasgaiak ikasteko oinarria da.

Gainera, Industria Teknologiaren Ingeniaritzako graduan, gainera, Industria Ingeniaritza Unibertsitate Masterra ikasteko bidea irekitzen du eta masterrean Ingeniaritza Kimikoko espezialitatea ikasi ahal da. Kasu honetan, Kimika irakasgaiaren garrantzia handiagoa da, besteak beste, espezialitate horri dagozkion hautazko irakasgaien oinarri zuzena baita, hala nola, Erreakzio Kimikoen Ingeniaritza edo Bereizketa eta Purifikazio Prozesuak. Ingeniaritza Kimikoko espezialitatea Industria Ingeniaritzako tradizio handieneko adarretako bat da eta lan-merkatuan aukera gehien ematen dutenen artean dago.

M01CM4 - Kimika orokorraren, kimika organikoaren eta ez-organikoaren oinarrizko ezagutzen printzipioak eta horiek ingeniaritzan dituzten aplikazioak ulertzeko eta aplikatzeko gaitasuna.

1. IKASGAIA. Sarrera eta konposatu kimiko organiko eta ez-organikoen ezaugarriak.

2. IKASGAIA. Oreka kimiko termodinamikoa.

3. IKASGAIA. Disoluzio urtarretan ematen diren erreakzio kimikoen oreka kimikoa

4. IKASGAIA. Disoluzio likidoak. Faseen arteko oreka

Ikasleek gaitasunak garatzeko eta ikaskuntza-emaitzak lor ditzaten irakasgai honetan erabiliko diren metodologiak banaka zein taldeka eramango dira aurrera. Banaka burutu beharrekoen artean klase magistralak daude, non irakasleak azalpenak emango dituen eta ondoren denbora presentzialaren zati bat hainbat jarduerako erabiliko den; orokorrean ariketen ebazpena erabiliko da ikaslearen ulermen-lana sustatzeko. Ariketa eta galderen bitartez ikaslearen partaidetza sustatzen saiatuko da.







Erabiliko den beste irakaskuntza-metodologietako bat laborategiko praktikak izango dira. Praktiketan magistralen bidez klasean teorikoki jorratutako gaiak ikusiko dira laborategian. Horretarako, ikasleek praktika-gidoiak izango dituzte, aktibitate eta teknika esperimentalak ondo garatzeko. Ikasleen ikaskuntza erraztu eta bermatzeko, laborategiko lanaren jarraipena aurre galdera eta praktika amaierako galderen bidez burutuko da, azken hauek praktikak bukatu bezain laster jaso zaizkielarik.







Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 70
  • Praktikak egitea (ariketak, kasuak edo buruketak) (%): 15
  • Jarduera osagarriak (%): 15

EBALUAZIO JARRAITUA





Irakasgaiaren ohiko deialdiko Ebaluazio Jarraitua atal honetan azaltzen diren prozedura eta irizpideen arabera egiten da. Hiru ekarpen desberdinez osatuta dago:





a) Idatzizko azken azterketa. Bere enuntziatua eta edukia irakasgaia-programaren atal ezberdinetara egokitzen dira. Bertan lortutako notak aktan agertzen den azken kalifikazioaren % 70a adierazten du, baina idatzizko azken azterketaren nota 5.0ren berdina edo handiagoa izan behar da (puntuazio maximoa 10 izanik). Bestela, lortutako idatzizko azterketaren nota automatikoki aktaren azken kalifikazioa bihurtuko da.





b) Laborategiko praktikak. Laborategiko praktiketan lortutako nota aktan agertzen den azken kalifikazioaren % 15a da (puntuazio maximoa 10 izanik). Nota hau oraingo ikasturtearen ohiko eta ez-ohiko deialdietarako soilik mantenduko da.





c) Jarduera osagarriak. Ikasturtean zehar burututako jardueren nota aktan agertzen den azken kalifikazioaren % 15a da. Jarduera hauetan ikasleak programa-edukiak ezagutzen dituen baloratzen da ikasturtean izandako parte-hartze mailaren arabera. Parte-hartze maila hau idatzizko proben edota beste zenbait mekanismoen bitartez ebaluatzen da, hala nola, egindako kontsulten edo proposatutako ariketen ebazpenaren bidez. Irakasle bakoitzak ikastaroaren hasieran zehaztuko ditu zertan datzaten, nahitaezkoak diren edo ez, entregatzeko epeak eta ebaluazio ehunekoak. Jarduera osagarri hauei dagozkien nota ikasturte honetako ohiko eta ez-ohiko deialdian soilik gordeko da.







EBALUAZIO FINALA





Ohiko deialdian prozedura honen bidez ebaluatua izan nahi duen ikasleak irakasleari idatzi baten bidez jakinarazi beharko dio ikasturteko bederatzigarren astea baino lehen. Ebaluazio Final honek bi ekarpen hauek barne hartzen ditu:







a) Idatzizko azken azterketa. Bere enuntziatua eta edukia irakasgaia-programaren atal ezberdinetara egokitzen dira. Bertan lortutako notak aktan agertzen den azken kalifikazioaren % 70a adierazten du, baina idatzizko azken azterketaren nota 5.0ren berdina edo handiagoa izan behar da (puntuazio maximoa 10 izanik). Bestela, lortutako idatzizko azken azterketaren nota automatikoki aktaren azken kalifikazioa bihurtuko da.





b) Jarduera osagarrietan eta laborategiko praktiketan garatutako gaitasunak ebaluatzeko probak, irakasgaiko irakasle-taldearen irizpidearen araberakoa. Horrela lortutako nota aktan agertzen den azken kalifikazioaren % 30a da.





Hemen bildutako bi ebaluazio desberdinak honako alderdietan oinarritzen dira: erakusketa logikoa, ordenatua eta irakurgarria; planteamendu; erabilitako prozedurak, emaitzak eta beraien eztabaida; eta, azkenik, ondorio posibleak.

EBALUAZIO JARRAITUA





Ez-ohiko deialdiko irakasgaiaren Ebaluazio Jarraituak azken azterketa idatzi berri bat barne hartzen du, bere kalifikazioa, ohiko deialdiko Ebaluazio Jarraituko a) atalean azaltzen den termino berdinetan ezartzen delarik. Gainerako notak, ohiko deialdiko Ebaluazio Jarraituko b) eta c) atalei dagozkionak, azken kalifikazioan duten ehunekoen ekarpenei dagozkien ataletan ezarrita daude.







EBALUAZIO FINALA





Ez-ohiko deialdiaren Ebaluazio Finala ohiko deialdian bezala egiten da. Ebaluazio Final honetara ondorengo egoeratan dauden ikasle guztiek aurkezteko eskubidea dute:



- edo ohiko deialdiko Ebaluazio Finalarekin ebaluatua izan zena.



- edo espresuki ikasturteko maiatza hilabetea hasi baino lehen idatziz eskatzen duena.

Gogoratu behar da amaierako Ebaluazio Finala idatzizko azterketaren % 70ean eta beste proben % 30ean datzala.



Hemen bildutako bi ebaluazio desberdinak honako alderdietan oinarritzen da: erakusketa logikoa, ordenatua eta irakurgarria; planteamendu; erabilitako prozedurak, emaitzak eta beraien eztabaida; eta, azkenik, ondorio posibleak.

Komenigarria da ikasleak ondorengo materiala izatea: ikaslearen gida, arauak, egitaraua, ariketen enuntziatuak eta praktika gidoiak. Bestalde, laborategiko praktikak egiteko ikasle bakoitzak bere babes/segurtasun ekipamendua ekarri beharko du laborategira sartzeko: mantala, segurtasun-betaurrekoak eta eskularruak.

Oinarrizko bibliografia

ACS, Química. Un proyecto de la ACS. Reverté, 2005.

Chang, R. Quimica. Mc Graw-Hill, 2013.

Peterson, W.R. Nomenclatura de las sustancias químicas. Reverté, 2013.

Reboiras, M.D. Química. La ciencia básica. Thomson, 2005.





BESTE BATZUK (Laborategia):

Postma, J, Roberts, J.L., Hollenberg, J.L. Chemistry in the laboratory. Freeman and Company, 2004.

Martinez Urreaga et al. Experimentación en Química General. Thomson, 2006.

Dillon, S. Laboratory Manual. McMurry-Fay, 2008.

Aldizkariak

Chemical Abstracts
Chemical Engineering Abstracts
AlChE Journal. AIChE, New York
Chemical Engineering & Technology. Wiley-VCH, Weinheim
Química e Industria. Asociación Nacional de Químicos de España, Madrid

Web helbideak

http://www.acs.org
http://www.aiche.org
http://www.elsevier.com
http://www.accessscience.com
http://www.dekker.com
http://sciencedirect.com