Edozein ingeniarik, bere lanbidearen jardueran zehar, energia-sistema elektrikoekin lan egingo du, bai energia-iturri ezinbestekoa izateagatik, bai hauekin erlazionatutako instalazioen proiektuen garapenerako Elektroteknia irakasgaia da graduko irakasgaien artean ingeniaritza elektrikoa behar duen sakontasunarekin aztertzen duen bakarra. Arrazoi honengatik, irakasgaiaren helburu orokorra ikasleei energia-sistema elektrikoen egitura eta bere funtzionamenduaren ikuspegi orokor bat ematea da, energia sortzen den instalazioetatik, edozein instalazioko azkeneko kontsumo puntutara doan bidaia proposatuz.



Irakasgaiaren lehen atalak zirkuitu teoriaren oinarriak landuko ditu, zirkuitu monofasikoen zein trifasikoen ebazpena eta ulermena aztertuz eta aldi berean makina elektrikoen funtzionamendua aztertuz. Irakasgaiaren lehen atal honetan 1. mailako Fisika edo Kalkulua irakasgaietan landutako kontzeptuak eta trebetasunak erabiliko dira.

Irakasgaiaren bigarren atalean Potentzia-Sistema Elektrikoaren (PSE) atal nagusiak landuko dira (ekoizpena, garraiaketa, banaketa eta kontsumoa). Honela, energia elektrikoa ekoizteko sistemak, banaketa eta transformazio azpiestazioen osagai nagusiak, aireko zein lurpeko linea elektrikoen alderdi teknologikoak eta transformazio-zentroak aztertuko dira. Behe-tentsio arloan, instalazio elektrikoen funtzionamendua (bai industria instalazioak, bai etxeko instalazioak) osatzen dituzten elementuak aztertuko dira.



Irakasgaiaren azken atalean, Ingurumen Ingeniaritzako Gradua izateagatik, arrisku elektrikoa eta ingurumen eraginari buruzko kapitulu bat landuko da. Energia elektrikoaren sorkuntza eta garraioaren ondorioz gerta litezkeen ingurumen eraginak aztertuko dira. Halaber, arrisku elektrikoei buruzko oinarrizko prestakuntza emango da, gaur egungo edozein industria-jardueran oso garrantzitsua dena, hauetan mota askotako instalazio eta makina elektrikoak daudelako.

Ikastaroa bukatutakoan ikasleak honako gaitasun hauekin egokiro trebatu beharko litzateke:



2.1. MODULUAREN GAITASUNAK

M02R24: Zirkuituen teoriaren eta makina elektrikoen oinarrizko printzipioak ezagutzea eta erabiltzea. Potentiza-sistema elktrikoetan aplikatzea. Ekipoak eta instalazio elektrikoak kalkulatzeko ahalmena.



2.2. TITULAZIOAREN GAITASUNAK



ZEHARKAKO GAITASUNAK

G004: Arazoak konpontzeko gaitasuna, ekimenez, erabakiak hartuta, sormena erabilita, arrazoiketa kritikoaz eta industria-antolaketako ingeniaritzaren ezaguerak, trebetasunak eta abileziak komunikatzeko eta transmititzeko gaitasuna



GAITASUN OROKORRAK

G003: Metodo eta teoria berriak ikasteko eta garatzeko gaitasuna eta egoera berrietara egokitzeko aldakortasuna emango dieten oinarrizko gaien eta gai teknologikoen ezagutza.

G006:Industria-antolaketako ingeniaritzari lotutako jarduerak egitean beharrezkoa den legeria aplikatzeko jakintza, ulermena eta gaitasuna.

I. KAPITULUA. ZIRKUITU ELEKTRIKOEN ANALISIA.



II. KAPITULUA. MAKINA ELEKTRIKOAK



III. KAPITULUA. POTENTZIA SISTEMA ELEKTRIKOA



IV. KAPITULUA. ENERGIA ELEKTRIKOAREN ARRISKUA ETA INGURUMEN-ERAGINA

Maisu-eskolak eta gela-praktikak ikastaroan zehar banatzen den materialarekin irakatsiko dira eta, kasuan kasuko, ikus-entzunezko baliabideak ere erabil litezke.



Eskola magistraletan azaldutako irakasgaiko hainbat alde sakondu egingo dira mintegietan.

Ikastaroan zehar plataforma digitalak erabiliko dira (eGELA, adibidez) ikasle eta irakasleen arteko informazioa eta irakaskuntza-materialak trukatzeko.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 70
  • Praktikak egitea (ariketak, kasuak edo buruketak) (%): 20
  • alde lanak (arazoen ebazpenak, proiektuen diseinuak) (%): 10

EBALUAZIO-SISTEMA JARRAITUA



Ebaluazio jarraia bultzatuko da. Kapitulu bakoitzean, ekintza ezberdinak burutu eta ebaluatuko dira. Kapitulu bakoitzaren ebaluaketa honakoa izango da:



I. KAPITULUA. ZIRKUITU ELEKTRIKOEN ANALISIA. (%40)



II. KAPITULUA. MAKINA ELEKTRIKOAK (%10)



III. KAPITULUA. POTENTZIA SISTEMA ELEKTRIKOA (%30)



IV. KAPITULUA. ENERGIA ELEKTRIKOAREN ARRISKUA ETA INGURUMEN-ERAGINA (%20)



Media egiteko zati guztietan gutxienez %35 atera beharko da. Irakasgaiaren ataletako batean minimo honetara heltzen ez bada irakasgaiaren notaren balioa, gehienez, %40koa izan daiteke. Eta irakasgaia gainditzeko, media %50 izan beharko da.



AZKEN EBALUAZIO-SISTEMA



Azken ebaluazio bakarra eskatzen duten eta ezarritako baldintzak betetzen dituzten ikasleek proba bat egingo dute eta bertan kurtsoan zehar lantzen diren kontzeptu eta gaitasun guztiak ebaluatuko dira.



Ikasleak aukera du azken ebaluazio-sistema aukeratzeko lauhileko 10. astean baino lehenago idatziz eskatzen badio irakasleari.



Ohiko deialdiari uko egiteko nahikoa da azterketa finalera ez etortzea.



Edozein gertaeragatik ikaskuntza edo ebaluazio presentziala posible ez bada, modalitate ez presentziala martxan jarriko da eGela eta Blackboard Collaborate bidez.

Ezarritako baldintzak betetzen dituzten ikasleek proba bat egingo dute eta bertan kurtsoan zehar lantzen diren kontzeptu eta gaitasun guztiak ebaluatuko dira.



Ezohiko deialdian ohiko deialdiko azken ebaluazio-sistemako irizpide berberak aplikatuko dira. Ikasturtean zehar egindako ebaluaketa jarraian lortutako emaitza postiboak (>%50) mantenduko dira deialdi honetarako ere.



Ezohiko deialdiari uko egiteko nahikoa da azterketa finalera ez etortzea.



Edozein gertaeragatik ikaskuntza edo ebaluazio presentziala posible ez bada, modalitate ez presentziala martxan jarriko da eGela eta Blackboard Collaborate bidez.

Oinarrizko bibliografia

- J. Fraile Mora, "Electromagnetismo y Circuitos Eléctricos", Mc. Graw Hill

- F. López Ferreras, "Análisis de Circuitos Lineales. Vol. I y II", Ed. Ciencia 3

- J. Fraile Mora, "Máquinas Eléctricas", Mc. Graw Hill

- "Centrales Eléctricas", UNESA

- J. Sanz, "Centrales Eléctricas", Universidad Politécnica de Madrid

- S. Latorre Usán, J.A. Navarro Márquez, Mª L. Navarro Sánchez, "Instalaciones de enlace y centros de transformación. Redes de media tensión y centros de transformación", CEYSA

- J. A. Navarro Márquez, A. Montañés Espinosa, A. Santillán Lázaro, "Instalaciones Eléctricas de Alta Tensión. Sistemas de maniobra, medida y protección", Editorial Paraninfo

- J. Ramírez Vázquez, "Estaciones de transformación y distribución. Protección de sistemas eléctricos", CEAC

- J. García Trasancos, "Instalaciones eléctricas en media y baja tensión", International Thomson Publishing

- "Environmental impact of power generation", The Royal Society of Chemistry, Thomas Graham House

- "Sustainability and environmental impact of renewable energy sources", The Royal Society of Chemistry, Thomas Graham House

Gehiago sakontzeko bibliografia

- V.M. Parra, A. Perez, J. Ortega, A. Pastor, "Teoría de circuitos", UNED
- Madrigal, "Teoría moderna de circuitos eléctricos", Pirámide
- Rosa Thomas, "Circuitos y señales", Reverté
- A.L. Orille, "Centrales Eléctricas I, II y III", Universitat Politècnica de Catalunya
- G. Zopetti, "Centrales Hidroeléctricas", Editorial Gustavo Gili
- L. M. Checa, "Líneas de transporte de energía eléctrica", Marcombo Boixareu Editores
- "Maniobras en redes eléctricas", Grupo Formación de Empresas Eléctricas, Editorial Paraninfo
- Reglamento Electrotécnico para Baja Tensión 2002 (REBT 2002)
- B. Sørensen, "Renewable Energy: Its physics, engineering, use, environmental impacts, economy and planning aspects", Elsevier Science
- "Environmental Impacts of Wind-Energy Projects", National Academy of Sciences

Aldizkariak

Paperezko formatua
- Energética XXI (http://www.energetica21.com/)
- Energía (http://www.alcion.es/)
- Montajes e Instalaciones (http://www.alcion.es/)

Digitalezko formatua
- Mundoenergía (http://www.mundoenergia.com/)

Web helbideak

- https://aelec.es/
- http://www.ree.es
- http://www.omie.es
- http://www.iberdrola.es
- http://www.abb.es/
- https://www.se.com
- http://www.eere.energy.gov/
- http://www.energiaysociedad.es/
- https://energia.gob.es/es-es/Paginas/index.aspx