Esperimentazio-irakasgai honetan irakasgai ezberdinetan ikusitako kontzeptu teorikoen inguruko praktikak (Uhin Mekanikoak eta Oszilazioak, Elektromagnetismoa eta Uhin Elektromagnetikoak, eta Elektronika) burutzen dira. Praktika hauek gai teorikoetan deskribatu diren fenomenoen ikuspuntu osagarria eskaintzen dute. Metodo esperimentala, neurketa-teknikak eta tresneria-teknologia lantzen dira halaber.

Irakasgai honetan landuko diren gaitasunak honakoak dira:



- Zientzia eta ingeniaritzako oinarrizko problemak segurtasunez planteatu eta ebatzi.

- Fisikan edota ingeniaritza elektronikoan erabiltzen diren oinarrizko teknika esperimentalak ezagutu.

- Esperimentu eta zirkuituen muntaketa praktikoan trebezia erakutsi eta neurketa tresneria modu egokian erabili, talde-lana bultzatuz.

- Jorratuko diren teknika esperimentalekin erlazionatutako eta hauen bidez lorturiko ezagutzak, emaitzak eta ideiak idatziz zein ahoz adierazteko gai izan.



Gaitasun hauek Ingeniaritza Elektronikoko Graduko eta Fisikako Graduko ikasketa planetan modulu edota irakasgai mailan definitutako gaitasunen zehaztapena dira.

Irakasgai honetako laborategi-praktikak bi multzotan banatzen dira.



A multzoa: Oszilazioak, uhin mekanikoak, elektromagnetismoa eta uhin elektromagnetikoak.



- Indargeturiko eta bortxatutako oszilazioak (M1)

- Uhin geldikorrak soka batean (M2)

- Elektroiaren e/m arrazoiaren neurketa (EM1)

- Erresistentziaren aldaketa tenperaturarekin: eroaleak eta erdieroaleak (EM2)

- Iman eta harilen eremu magnetikoa (EM3)

- Uhin-luzeraren neurketa eta mikrouhinetako igorlearen erradiazio-diagrama (EM4)



B multzoa: Elektronika



- Oinarrizko aplikazioak diodoekin (E1)

- Oinarrizko aplikazioak anplifikadore operazionalekin (E2)

- Audio ekualizadorea (E3)



Derrigorrezko praktika hauetaz gain, eta kasuaren arabera, beste praktika baten sakontzea burutuko da:



- Termoelektrizitatea: Seebeck efektua

- Eremu elektrikoak eta gainazal ekipotentzialen marrazketa

- RC zirkuitua iragazki gisa

Irakasgaia mintegi (4 eskola ordu) eta laborategi-praktiketan (56 eskola ordu) oinarritzen da.



Mintegia praktikak egin aurretik burutuko da eta bertan praktiken garapenerako funtsezko diren kontzeptuak, graduko irakasgai ezberdinetan lantzen direnak, gogorarazi eta nabarmenduko dira. Mintegi horiek derrigorrezkoak dira ikasle guztientzat.



Praktikei dagokienez, laborategiko jardueraz gain, dagozkien aurretikako kalkulu edota txosten eta iruzkinak burutuko dira. Praktika guztiak (9 saio) derrigorrezkoak dira ikasle guztientzat.



Bestalde, ikasleen parte hartzea eta irakasle-ikasleen arteko komunikazioa bultzatu eta errazteko, eGela plataforma ere erabiliko da.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 30
  • Praktikak egitea (ariketak, kasuak edo buruketak) (%): 70

Irakasgaiaren ebaluazio jarraituaren sistemak honako hauek hartuko ditu kontuan:

-Praktikak (laborategiko jarduera eta txostenak): notaren %70a.

-Idatzizko proba, praktikak bukatutakoan burutuko dena: notaren %30a. Ebaluazio jarraitua egiten duten ikasleentzat hau da ohiko deialdiko azterketa bakarra.



Batez bestekoa egin ahal izateko bai praktikak bai azterketa gainditu behar dira.

Irakasgaiaren ebaluazioa blokeka burutuko da eta irakasgaia gainditu ahal izateko, bloke biak gainditu beharko dira (A Blokea: Uhin Mekanikoak eta Oszilazioak + Elektromagnetismoa eta Uhin Elektromagnetikoak. B Blokea: Elektronika)



Ebaluazio jarraitua egin nahi ez duten ikasleek ebaluazio jarraituari uko egiten diotela jasotzen duen idatzi bat aurkeztu beharko diote irakasleari, eta horretarako, lauhilekoa hasten denetik bederatzi asteko epea izango dute. Ikasle hauei azken ebaluazioaren sistema aplikatuko zaie.



Azken ebaluazioaren sistemak honako hauek hartuko ditu kontuan:

-Azterketa Idatzizko proba, azterketa egun ofizialean burutuko dena: notaren %30a

-Laborategiko proba: notaren %70a

Ikasleak azterketa egun ofizialean egin beharreko idatzizko proba gainditzen badu (5/10), irakasgaiaren gaitasun guztiak ebaluatzen dituen berariazko laborategiko proba egin beharko du. Irakasgaia gainditzeko ezinbestekoa da proba hau modu egokian burutzea.



Aukeratutako ebaluazio sistemari dagokion idatzizko probara ez aurkezte hutsak ohiko deialdiari uko egitea ekarriko du. (Ebaluazio jarraituaren sisteman proba hau praktikak bukatutakoan burutuko da, azken ebaluazio sisteman azterketa egun ofizialean).

Irakasgaiaren ebaluazioa azken ebaluazioren sistemaren bidez burutuko da, baina ebaluazio jarraituaren bidez lortutako emaitza positiboak gordeko dira.



Azterketa egun ofizialean egin beharreko probara ez aurkezte hutsak ez-ohiko deialdiari uko egitea ekarriko du.

Ikasleak ondoko materialerekin sartuko dira laborategian:
laborategiko koadernoa, papera, kalkulagailua, boligrafoa, arkatza eta borragoma.

Oinarrizko bibliografia

- "Fisika Praktikak (I) Mekanika eta Elektrika", UEUko Fisika Saila, Bilbo, 1995.

- "Laboratorio de Electricidad y Magnetismo", F. Nuñez, Ed. Urmo, Bilbao, 1972.

- “Student Reference Manual for Electronic Instrumentation Laboratories”, S. Wolf, Pearson Int. Ed, 1990

- "Guía para mediciones electrónicas y prácticas de laboratorio", S. Wolf, R. F. M Smith, Pearson Education, Mexico, 1992.

- "Fisika zientzilari eta ingeniarientzat", P.M. Fishbane, S. Gasiorowicz eta S.T. Thorton, UPV/EHU Argitalpen Zerbitzua, 2008.

Gehiago sakontzeko bibliografia

- "Microelectrónica: circuitos y dispositivos", M. Horenstein, Prentice Hall Latinoamericana, 1997.
- "Diseño con amplificadores operacionales y circuitos integrados analógicos", S. Franco, 3ª Edición, McGraw Hill Interamericana, Mexico, 2005.
- "Microelectronic Circuits and Devices", Horenstein, M. NJ, Prentice-Hall (1990)
- "Design With Operational Amplifiers And Analog Integrated Circuits", Franco, S., McGraw-Hill (1998)
- "Electronic Design: Circuits and Systems", C. J. Savant, M. S. Roden, G. L. Carpenter, Addison Wesley, 1990
- "Electronics", A. Hambley, Prentice Hall, 1999
- "Modern Magnetic Materials: Principles and Application", R. C. O'Handley, New York: Wiley, 2000

Aldizkariak

- Journal of Magnetism and Magnetic Materials, Elsevier

Web helbideak

-Irakasgaiaren eGela web orria.
-Beste estekak:
http://www.lawebdefisica.com/contenidos/experim.php
http://academicearth.org/courses/circuits-and-electronics
https://ocw.mit.edu/courses/physics/8-02t-electricity-and-magnetism-spring-2005/labs/
http://dspace.mit.edu/bitstream/handle/1721.1/45594/8-13-14Fall-2004-Spring-2005/OcwWeb/Physics/8-13-14Fall-2004-Spring-2005/Labs/index.htm
https://www.phywe.com/experiments-sets/university-experiments/
https://www.feynmanlectures.caltech.edu/info/
https://www.york.ac.uk/chemistry/undergraduate/newstarters/step-up/lab-practicals/
http://web.mit.edu/8.02t/www/802TEAL3D/visualizations/coursenotes/index.htm
http://www.kspu.edu/About/Faculty/FPhysMathemInformatics/ChairPhysics/EduRooms/ElectricityMagnetismLab.aspx?lang=en