Ingeniaritzaren Metodo Estatistikoak irakasgaia Ingeniaritza Industrialeko Graduko Oinarrizko Prestakuntza Moduluaren barne dago. Lehenengo ikasturteko bigarren lauhilekoan ematen da.



Irakasgai honi ekiteko funtsezkoa da Aljebra eta Kalkulua irakasgaiak ezagutzea eta ulertzea. Halaber, kontzeptu hauek menderatzea komeni da: ekuazio linealetako sistemen ebazpena, funtzio elementalen jatorrizko funtzioen lorpena, funtzio errazen integral mugatu eta mugagabeen kalkulua.



Irakasgaiak ikasleari gaitasuna ematen dio datuak biltzeko, aztertzeko eta interpretatzeko; baita ere behatutako emaitzen azterketa kritikoa egiteko.

Estatistika deskribatzailearen kontzeptuak ezagutu, lagin eta populazioaren arteko lotura estatistikoaz jabetu eta elementu-multzo bati dagozkion datuak bildu, laburtu eta deskribatzeko gai izan.



Probabilitate-teoriaren kontzeptu nagusiak ulertu eta datuei darien informazioa eskuratzeko duten garrantziaz jabetu.



Banaketa garrantzitsuenak ezagutu eta egoera konkretuetan probabilitate-eredu egokia eta berari lotutako aldagai aleatorioa doitu.



Inferentzia estatistikoaren kontzeptu orokorrak eta oinarrizko emaitzak ezagutu. Kontzeptu hauen aplikazio praktikoa burutu.

1.Gaia. Estatistika deskribatzailea.

Datuen antolaketa. Zenbakizko metodoak. Metodo grafikoak.



2.Gaia. Doikuntza metodoak: Erregresioa eta korrelazioa.

Aldagai estatistiko bidimentsionalak. Doikuntza metodoak. Erregresioa. Korrelazioa.

Aplikazioa n dimentsiotako kasuan.



3.Gaia. Probabilitatea.

Probabilitatea lagin-espazio diskretuetan. Probabilitate baldintzatua. Bayesen teorema.



4.Gaia. Aldagai aleatorio diskretuak.

Definizioa. Banaketa-funtzioa. Probabilitate-banaketa. Neurriak. Gehien erabiltzen diren

banaketa diskretuak. Hurbilketak. Taulak.



5.Gaia. Aldagai aleatorio jarraituak.

Definizioa. Banaketa-funtzioa. Dentsitate-funtzioa. Neurriak. Gehien erabiltzen diren

banaketa jarraituak. Limitearen teorema zentrala. Hurbilketak. Taulak.



6.Gaia. Estimazioa.

Laginketa-teoriako zenbait banaketa. Puntu-estimazioa. Konfiantza-tarteak.



7.Gaia. Hipotesi-kontrastea.

Hipotesi-kontraste parametrikoak. Hipotesi-kontraste ez-parametrikoen sarrera.

Irakasgai honetan, ikasleak konpetentziak eskura ditzan, irakaste-metodo desberdinak erabiliko dira, artean klase magistralak, gelako praktikak eta ordenagailu praktikak nabarmentzen ditugu.



Klase magistraletan irakasleak gai desberdinen eduki teorikoak azalduko ditu era argian. Gai desberdinak garatuko dira haien arteko erlazioak erakutsiz. Ikasleen parte-hartzea estimulatzea izango da helburuetako bat eta horretarako, azalpen teorikoan zehar, edukiei buruzko eztabaidak eta galderak planteatuko dira.



Ikasgelako lan praktikoko saioetan ariketak eta problemak ezaguera teorikoak erabiliz ebatziko dira. Eztabaida eta parte-hartzea bultzatuko dira eta horretarako ikasleak ariketa-bilduman dauden problemak bere kontura aurretik landu beharko ditu.



eGela plataforman irakasgaiaren gela birtual bat egongo da irakaslearen eta ikasleen arteko kontaktu iraunkorra baimentzen duena. Hartan, ikasleak irakasgaiarekin erlazionatutako baliabide desberdinak izango ditu eskuragarri.



Ikasleek tutoretza-orduak erabiltzeko aukera izango dute. Ordu hauetan ikasleak irakasgaiarekin erlazionatutako zalantzak edo galderak planteatu ahal izango dizkio irakasleari. Tutoretza-orduak GAUR-en edo Eskolako Web-orrian kontsulta daitezke.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 65
  • Test motatako proba (%): 5
  • alde lanak (arazoen ebazpenak, proiektuen diseinuak) (%): 20
  • Ordenagailuzko azterketa (%): 10

I) EBALUAZIO JARRAITUAREN SISTEMA



Ebaluazio jarraitua bi bloketan oinarritzen da.



-1. Blokean azterketa mota ezberdinak egingo dira kurtsoan zehar eta %80 pisua izango du. Alde batetik, ikasgai bakoitzaren amaieran galdetegi bat egingo da eta guztira %5 pisua izango dute. Beste aldetik, azterketa praktiko bat egongo da ordenagailuarekin egiteko eta honek %10-ko pisua balioko du. Kurtsoaren amaieran, deialdiko azterketen garaian egingo den proba idatzi bat egongo da eta azken honek notaren %65 balioko du. Ikastaroa gainditzeko derrigorrezkoa da azken proba idatzian (%65-ko pisuko proban) gutxienez %50 puntuazioa lortzea; bestela, irakasgaiaren kalifikazioa azterketa finalaren nota izango da (0 eta 10 puntu bitarteko tartean).



-2. Blokean entregatzeko ariketak eta proiektua landuko eta entregatuko dira eta guztira %20ko pisua balioko du.



Ikasleen ebaluazioko araudiaren arabera (BOPV-EHAA 13/3/17), ebaluazioa jarraitua da eta azken ebaluazioaren sistema hartu nahi izatekotan, ikasleak ebaluazio jarraituaren sistemari uko egiteko, dagokion irakasleari eskaera idatzia aurkeztu behar dio lauhilekoko lehenengo 9 asteetan





II) AZKEN EBALUAZIOAREN SISTEMA



Azken ebaluazioaren sisteman, deialdiko azterketen garaian egingo den proba idatziak kalifikazioaren % 100 balioko du.



Bi ebaluazio-sistemetan, azken proba idatzira ez aurkezteak kalifikazioan "Ez aurkeztua" lortzea suposatzen du, nahiz eta kutsoan zehar planteatutako lanetan parte hartu izana.



Osasun egoerak ez badu aukerarik ematen azterketa presentzialak egiteko, ebaluazioari dagokion zati hori, online alternatiben bidez egokituko da UPV/EHUn dauden tresna informatikoak erabiliz. Online ebaluazio horren ezaugarriak ikasle-gidetan eta eGelan argitaratuko dira.

Ezohiko deialdian, deialdiko azterketen garaian egingo den proba idatziak kalifikazioaren % 100 balioko du.



Idatzitako azkeneko azterketara ez aurkezteak kalifikazioan "Ez aurkeztua" lortzea suposatzen du, nahiz eta kurtsoan zehar planteatutako lanetan parte hartu izana.



Osasun egoerak ez badu aukerarik ematen azterketa presentzialak egiteko, ebaluazioari dagokion zati hori, online alternatiben bidez egokituko da UPV/EHUn dauden tresna informatikoak erabiliz. Online ebaluazio horren ezaugarriak ikasle-gidetan eta eGelan argitaratuko dira.

eGELA-n argitaratutako materiala.

Ikasleei gogorarazten zaie, bai ebaluazioari dagokionez, bai irakasgaiaren garapenari buruzko gainerako arloei dagokienez, unibertsitatean indarrean dauden araudiak aplikatuko direla, bereziki:
- Ikasleen arautegia: https://www.ehu.eus/documents/3026289/3106907/UPVEHUko_Ikasleen_Arautegia.pdf
- Ikasleen ebaluaziorako arautegia: https://www.ehu.eus/eu/web/estudiosdegrado-gradukoikasketak/ebaluaziorako-arautegia#IkasleenEbaluaziorak1
- Etika akademikoari buruzko arautegiak: https://www.ehu.eus/documents/2100129/0/6.-+a%29++Protocolo+plagio+-+EUSK.pdf/9305b6c7-919a-97d4-aa66-8564fb728502

Oinarrizko bibliografia

- Estatistikaren oinarriak. Ariketak

Agirre Basurko, Elena

Udako Euskal Unibertsitatea



- Probabilitate Teoria eta Inferentzia Estatistikoa. Ariketak

Fernández K.; Orbe J.; Zubia M.

UEUk argitaratua.



- Lecciones de Estadística Descriptiva

Tomeo,V., Uña,I.

Ed. Thomson



- Lecciones de Cálculo de Probabilidades

Uña,I., Tomeo,V.

Ed. Thomson



- Curso y Ejercicios de Estadística

Quesada,V., Isidor,A., López, L.A.

Ed. Alhambra Universidad



- Probabilidad y Estadística. Aplicaciones y Métodos

Canavos G.C.

Ed. McGraw-Hill



- Estadística

Spiegel Murray R., Stephens Larry J.

Ed. McGraw-Hill

Gehiago sakontzeko bibliografia

- Probabilidad y estadística para Ingeniería y Ciencias
Mendenhall, W. - Sincich, T.
Ed. Prentice Hall Hispanoamericana, S.A.

- Probabilidad y estadística para Ingeniería y Ciencias
Walpole, Myers, Myers, Ye.
Ed. Prentice Hall Hispanoamericana, S.A.

- Problemas de probabilidad y estadística
Sarabia, A. y Mate, C.
Ed. Clagsa

- Problemas de estadística. Descriptiva, probabilidad e inferencia
Casas, J.M.; García, C.; Rivera, L.F. y Zamora, A.I.
Ed. Pirámide

- Bioestatistika
Urkaregi, A.
UEUko argitaletxea

Aldizkariak

http://www.seio.es/TEST.html

Web helbideak

http://www.ine.es/
http://www.eustat.es/
http://www.zientzia.net/