"Kontabilitaterako Sarrera" Graduaren oinarrizko irakasgaia da, eta ezinbestekoa da Finantza Kontabilitatea, Goi-Finantza Kontabilitatea, eta abarreko irakasgaietan gehiago jorratuko diren kontzeptu kontableak ikasteko.



Kontabilitatea beharrezkoa da gure enpresaren eboluzioa jakiteko, edota, adibidez, beste enpresa bati mailegu bat eman edo bertan inbertitzeko erabakia hartu baino lehen bere egoera aztertzeko.

Irakasgai honetan hurrengo berezko gaitasunak jorratuko dira:



1/ Prozesu kontablea eta informazio ekomikoaren azterketa.



2/ Kontabilitate Plan Orokorra (KPO) eta enpresaren egoera eta ekitaldi batetako emaitza eta fluxuak jasotzeko kontabilitate teknikak.



3/ Urteko kontuen lorpena.



Ikasgaia bukatzerakoan espero da ikaslea hainbat egite kontable kontabilizatu , ekitaldi ekonomikoaren itxiera egin eta

urteko kontuak aurkezteko gai izatea (batez ere Balantzea eta Galdu-Irabazien kontuak).



Horrez gain,graduan zehar landu beharreko konpetentzi desberdinen artean guk ondorengoa landu eta ebaluatuko dugu:

4/ Ikasketa autonomoa



Ikasgaia bukatzerakoan ikasleak gai izan beharko du kontabilitatearen ezagutza berriak bere kabuz barneratzeko (kurtso

osoan landuko den KPO-a irakurrita).

1.ZATIA.KONTABILITATEAREN NORMALKUNTZA



1. GAIA. Ekonomia-jarduera, empresa eta kontabilitatea



2. GAIA. Kontabilitate-normalizazioa eta kontabilitate-liburuak



2. ZATIA. URTEKO KONTUAK



3. GAIA. Urteko kontuak



4. GAIA. BALANTZEA



5. GAIA. GALDU-IRABAZIEN KONTUA



6. GAIA. Ondare garbiaren aldaketen egoera-orria



7. GAIA. Diru-fluxuen egoera-orria



8. GAIA. Memoria



3. ZATIA. KONTABILITATE-EREDUAREN FUNTZIONAMENDUA



9. GAIA. Kontabilitate-eredua: Kontuak eta partida biko metodoa



10. GAIA. Ziklo kontablea



4. ZATIA. EPE LABURRAREN ANALISI KONTABLEA



11.GAIA. Zeharkako zergen tratamendu kontablea



12. GAIA. Giza baliabideak



13. GAIA. Hornikuntza, ekoizpena eta banaketa eragiketak empresa ezberdinetan



14. GAIA. Merkatal kreditu eta finantzaketa



15. GAIA. Periodokatzeagatiko doikuntzak

Ikasgaia Kontabilitaterako Sarrera denez, suposatuko da ikasleak ez dakiela ezer kontabilitate teknikari buruz.



Hori dela eta, ikasleak bere ikasketa prozesuaren hasieran irakaslearen laguntza handiagoa izango du , baina, kurtsoa aurrera joan ahala, ikasleak irakasgaia ulertu eta KPO bat erabiltzeko gai izan beharko du eta, ondorioz, bere kabuz ikasteko gai izatea; oinarrizkoa izango dena etorkizuneko edozein lanetan erabiltzeko eta kontutan hartuta, araudiak, kontableak barne, denborarekin alda daitezkeela. Zentzu horretan, kurtso amaiera baino lehenago, ikasleak gai izan

beharko du bere kabuz bere apunteak egiteko irakasgaiaren programa eta KPO-an oinarrituta.



Ikasketa autonomoa, landu beharreko gaitasuna, , ikasleak era autonomoan egin beharreko lanen bitartez landuko da.

Ikasleari emandako laguntza gero eta txikiagoa izango da, berak bakarrik lor dezan behar duen ezagutza kontablea KPO oinarri hartuta.



Espero da ikasleak " ikasketa gaitasunak garatzea autonomia maila handiagoa eskuratzeko, bai ikasketa berriei ekiteko bai etengabe aldatzen eta berritzen ari den esparru honetarako autoprestakuntza eskuratzeko". Hori lantzeko, hasieran irakasleak eskatuko du KPO-ren hainbat zati konkretu lantzea, haiek interpretatzeko gaitasuna garatzeko, eta kurtsoa aurrera doan heinean, kasu zehatz batzuetan jarraitu beharreko irizpideak eta nola kontabilizatu KPOan berak bakarrik

begiratzeko gai izan beharko du.



Irakasgaiaren gaitasun espezifikoak gai guztietan landuko dira ikasitakoarekin loturiko hainbat ariketen bitartez. Horietan jorratuko dira, batez ere, kontabilitate-egiteen erregistroa, ekitaldi ekonomikoen itxiera kontablea, oinarrizko urteko kontuak, eta abar.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Praktikak egitea (ariketak, kasuak edo buruketak) (%): 100

Landu beharreko gaitasuna, Ikasketa autonomoa, bai ikaslearen eguneroko lanaren bitartez bai kurtsoan zehar egingo den ariketa baten bitartez ebaluatuko da.



Ikasketa autonomiari buruzko ariketa bat egongo da eta bukaerako notaren %30a suposatuko du eta, hurrengo bi ariketa motaren artean ariketa bat izango da edota aukera bakoitzeko ariketa bat izango dituen ariketa izango da:



1/ Kasu bat/batzuen (azaldu gabea) ebazpenari dagokien KPO-ren testu bat edo batzuen interpretazioa. Interpretazioa denez, testuak ariketan esandakoak izango dira.



2/ (Azaldu gabeko) kasu bat/batzuei buruz KPO-an bilatu aplikagarri diren arauak eta beraien ebazpena lortu, zehaztuta zeintzuk diren aplikagarriak diren atal zehatzak eta ebazpen horretara heltzeko emandako interpretazioa azalduz.



Ariketa honek Kontabilitate Plan Orokorrari buruzko gaitasuna frogatzeko ere balio du, Espainiako oinarrizko kontabilitate-testua erabiltzen eta interpretatzen gaitasuna azaldu behar da, eta horren erabilera eta interpretazioa Ikasturte osoan lantzen da.



Egunez egun gaitasun honetan eginiko lana irakasleak baloratuko du ikasleek eginiko ekarpenen arabera, eta bukaerako notan %20rarteko puntuazio gehigarria izan daitekeelarik. Puntuazio gehigarri hau lorturiko puntuazioari gehitzeko derrigorrezkoa izango da aldez aurretik bukaerako kalifikazioaren %40a lortzea.



Ikasturtean zehar, beste ariketa bat ere egingo da, kalifikazioaren %30a balio duena, zein Balantze bat eta Galdu-Irabazien Kontu bat egitean datzana.



9. eta 15. gaien arteko kontabilitate-idazpenei buruzkoa izango da urtarrileko azterketa, eta honek azken notaren %40a balioko du.



Bukaerako azterketa egin nahi duenak bederatzigarren astea baino lehenago eskatu behar dio idatziz irakasleari. Ikasle horrek hiru zatiko azterketa bat egin beharko du. Zati bat gainerako ikasleen urtarrileko azterketa izango da, notaren %40a balioko duena, eta beste biak ikasturtean zehar egindako ariketa praktikoaren baliokidea (Balantzea eta Galdu-Irabazien kontua, notaren %30a) zein zeharkako gaitasuna, ikasketa autonomoa, ebaluatzeko ariketaren baliokidea (notaren %30a) izango dira. Kasu honetan ere, gaitasun honetarako erabiliko dira azaldu gabeko kasu kontableak, ebaluatzen den gaitasuna demostratu beharrezkoa denez (KPO-a irakurtzeko eta interpretatzeko gaitasuna, azken finean).



Kurtsoan zehar ariketaren bat egiten duenak jarraikako ebaluazioa nahi duela kontsideratuko da eta, horrela izanda, aurkeztutzat joko da lehenengo deialdian, hau da, urtarrilean, nahiz eta ez aurkeztu urtarrilerako azterketara. Hori gerta ez dadin bukaerako azterketa egitea eskatu beharko du aurrez esandako moduan eta datetan.



Ez zaio aurkeztutzat joko ere deialdiari klase-egunak amaitzeko hilabete baten faltan uko egiten dionari.



Bai etengabeko ebaluazioari bai deialdiari uko egiteko erabili beharko da Fakultateko gure ataleko web orrian aurki daitekeen eredu ofiziala.



Urtarrileko azterketa egiten duena ere aurkeztutzat joko da, kurtsoan zehar beste ariketarik egin duen edo ez kontutan hartu gabe eta, beraz, jada gainditzeko aukerarik izan edo ez kontutan izan gabe.



Ez da beharrezkoa ebaluatuko diren zati guztiak gainditzea, baina ez-ohiko deialdira doanak soilik gorde ahal izango ditu gainditutako zatiak (hau da, haien balioaren %50a edo gehiago lortu dituen zatiak).



Ariketa/azterketa guztietan erabili ahal izango da bai kalkulagaiua bai KPO-a, ezer ez apuntatu/marraztu gabe badago.

Ez-ohiko deialdian aurkezten direnek, urtarrilean bukaerako azterketa egitea erabakitzen dutenen antzeko azterketa izango dute, hau da, Kontabilitate ariketa batzuk bilduko dituen azterketa bat egin beharko dute horrela zatituta: Idazpeneko zati bat (notaren %40a) eta Balantzearen eta Galdu-Irabazien kontuetako beste zati bat (notaren %30a), eta "Ikaskuntza autonomoa" zeharkako gaitasunaren ariketa, notaren %30a balioko duena. Kasu honetan ere, gaitasun honetarako erabiliko dira azaldu gabeko kasu kontableak, ebaluatzen den gaitasuna demostratu beharko dute(KPO-a irakurtzeko eta interpretatzeko gaitasuna, azken finean).



Hala ere, kurtsoan zehar zeharkako gaitasuna ebaluatzeko ariketa egin duenak edota Balantzea eta Galdu-Irabazien kontuko ariketa egin duenak edota urtarrileko azterketa egin duenak izango du aukera ekiditeko gaindituta dituen zatia/k. Kasu guztietan, zati batean lehenengo deialdiko nota mantentzeko, zati horretan atera daitekeen notaren %50a izan behar du ikasleak. Bestalde, nota igo nahi duenak ez-ohiko deialdian lortzen duen nota izango du, nahiz eta lehenagoko nota txikiagoa izan.



Deialdi honetara uko egiteko azterketan ez aurkeztea nahikoa izango da.



Ariketa/azterketa guztietan erabili ahal izango da bai kalkulagaiua bai KPO-a, ezer ez apuntatu/marraztu gabe badago.

K.P.O. -Kontabilitate Plan Orokorra- (R.D. 1514/2007, de 16 de noviembre)

Irakasleak emandako materialak.

Oinarrizko bibliografia

Kontsulta liburu mordoa daude, besteak beste hemen jasotzen ditugunak, dena den, ikaslea inolako libururen beharra ez izatera hel dadila da helburua.



Irakasleak e-gelan eskegitako guztiak eta klasean banatutakoak.

Gehiago sakontzeko bibliografia

Omeñaca García, Jesús.
"Contabilidad general"
Editorial: Deusto
13ª Edición actualizada - 2017

Horno Bueno, María Paz y otros.
"Contabilidad Financiera"
Editorial: Pirámide
2018

Cervera Oliver, Mercedes y otros.
"Contabilida Financiera"
Editor: CEF
2017

Mora Lavandera, Agustín.
"Contabilidad Financiera: Análisis y supuestos prácticos"
Editorial: Aranzadi
Colección: Gran Tratado
2017

Azkue, I. eta beste batzuk
"Kontabilitatea: Teoria eta Praktika. 2007ko kontabilitate-planera egokitua"
Ed. Elhuyar, 2009

Aldizkariak

Revista de Contabilidad.

Técnica Contable.

Web helbideak

www.aeca.es

www.icac.meh.es

www.cnmv.es

https://egela.ehu.es