Gasteizko Enpresen Administrazio eta Zuzendaritzako Graduaren Memorian islatzen den bezala, Merkatu Zuzendaritza: Politikak irakasgaia, 2. mailan irakasten den eta M02 Enpresazko Hastapenaren barnean kokatuta dagoen derrigorrezko irakasgaia da.

Irakasgai honen helburua, ikasleek, alde batetik, komertzializazio eta marketin arazo bat egituratu eta aztertu dezatela eta bestetik, produktu, prezio, banakuntza eta komunikazio politikak formalizatzen ahalbideratzen dion oinarrizko prestakuntza lor dezatela da. Irakasgai honek, bigarren lauhilekoan ikasten dena, kurtso bereko lehen lauhilekoan ikasitako Merkatu Zuzendaritza: Sarrera irakasgaiko ezagupenak eta konpetentziak osatzen ditu. Halaber, 3. eta 4. mailako Marketin Minorea osatzen duten beste jakintzak ikasteko oinarri gisa balio du, hala nola, Banakuntza eta Salmenten Zuzendaritza, Merkataritza Ikerkuntza, Komunikazio Komertziala, Enpresazko Simulazioa eta Nazioarteko Marketina.

IRAKASGAIAREN GAITASUN ESPEZIFIKOAK:

- Merkaturapen eta marketing arazo bat ikertu eta egituratu.

- Produktuaren ezaugarri eta dimentsioak definitu eta bere bizitza zikloaren etapa desberdinetan zehar marketing estrategiak garatu.

- Enpresa edo antolakunde baten produktu/zerbitzu karteraren osaketa ikertu eta produktuen kaleratze, eraldaketa eta eliminaziorako ildoak ezagutu.

- Prezioen inguruan erabakiak hartzeko trebetasunak bereganatu.

- Banakuntza kanalen funtzionamendua ulertu eta banakuntza estrategiak definitu.

- Komunikazio prozesuaren funtzionamendua, komunikabide mix-a eta enpresa baten komunikabidean ohikoak diren estrategiak ulertu.

- Kontsumitzaile, enpresa eta gizartearenganako eraginagatik, marketinari eginiko funtsezko kritikak ezagutu.

- Sozialki arduratsuak diren praktikak erabiltzeagatik, enpresak onuratu daitezkeen moduak ikertu.



IRAKASGAIAREN ZEHARKAKO GAITASUNAK:

1. Informazioaren bilaketa eta gestioa (2. menperatze maila exijituko da, hau da, ikasleak gaitasun honetan nolabaiteko autonomia lortzea):

- Informazio eta datuen bilketa: Gai printzipala definitu eta bere atalak identifikatzen ditu. Halaber, irakasleak gidatuta, funtsezko iturrietatik informazio bilaketak egiten ditu.

- Lorturiko informazioa hautatu eta ebaluatzen du: Modu zabalean, ikertu beharreko gaiarekin erlazionatutako informazioa identifikatu eta irakasleak gidatuta, bere baliagarritasuna eta fidagarritasuna ebaluatzen du.

- Lorturiko informazioa sistematizatu eta antolatzen du: Irakasleak gidatuta, lorturiko informazioa, garrantzi mailaren arabera, modu sistematiko batean antolatzen du.



2. Idatzizko komunikaziorako gaitasuna (2. menderatze maila: Idazlan akademiko laburrak zuzentasunez idatzi egiten ditu).

Indikatzaileak:

- Konklusioetara iristeko, zenbait elementu erlazionatzen ditu (datuak, iritziak, etab.). Osoa da baina lantze pertsonal gehiegirik egon barik.

- Testuan zehar aurkeztutako zenbait zita zuzentasunez erabiltzen ditu. Bibliografia zuzentasunez zitatzen du.

- Gaiaren arlo desberdinak, orden logiko batean aurkezten ditu, testua, epigrafe eta paragrafoetan ordenatuz.

- Idazlana zuzena da. Maiztasunez materiaren berezko lengoaia erabiltzen du. Sinonimoen bitartez, esanahi bikoitza izan dezaketen terminoak argitzen ditu.

- Taulak eta grafikoak modu egoki batean erreferentziatuak eta zuzenki kokatuak erabiltzen ditu.

I ATALA: PRODUKTU POLITIKA

1. GAIA: PRODUKTU POLITIKARI SARRERA

2. GAIA: PRODUKTUAREN BIZITZA ZIKLOA

3. GAIA: PRODUKTUEN KARTERA

II ATALA: PREZIO POLITIKA

4. GAIA: ENPRESAREN PREZIO POLITIKA

III ATALA: BANAKETA POLITIKA

5. GAIA: ENPRESAREN BANAKETA ESTRATEGIA

6. GAIA: BANAKETA SISTEMA KOMERTZIALA

IV ATALA: KOMUNIKAZIO POLITIKA

7. GAIA: KOMUNIKAZIO KOMERTZIALA

V ATALA: MARKETINAREN GARAPEN BERRIAK

8. GAIA: ETIKA, ARDURA SOZIALA ETA IRAUNKORTASUNA

Irakasgai honetan erabiliko den metodologiak, planteaturiko helburu eta gaitasunekin bat egingo du. Horretarako, jarraian aipatzen den irakaskuntza metodologia ezartzen da:

- Klase magistrala: proposaturiko konpetentziak lortu ahal izateko ikasleak ezagutu behar dituen kontzeptu eta teknikak azalduko dira.

- Gelako eta ordenagailuetako praktikak eta mintegiak: Irakasgai honetako gaitasun espezifiko eta zeharkakoak garatzera zuzendutakoak, hala nola, informazioaren bilaketa eta kudeaketa, eta idatzizko komunikaziorako gaitasuna.



Presentzialtasuna edo irakaskuntza bimodala lehenetsiko dira, taldearen tamaina 50 ikasletik gorakoa bada edo ikasle guztiak ikasgelara bertaratzea ezinezkoa bada. Arrazoi sanitarioengatik edo akademikoengatik klase presentzialak ematea onartzen ez bada, presentziala ez den irakaskuntza/ebaluazioa egingo da.



Ikasturtean zehar landuko diren jarduerak, ebaluazio jarraiaren testuinguruan ebaluatuak izango dira.

Ebaluazio jarraian proposaturiko jarduerak, gehienez hiru pertsonez osaturiko taldetan eramango dira aurrera, talde horietako kideen lana era aktiboan behatuz. Irakasgaiko gai ezberdinak garatu ahala, ebaluatuak izango diren jarduerak, bai klase magistral, mintegi, zein gela edo ordenagailuetako praktiketan prestatuko dira eta haien aurkezpena edo irakasleari ematea exijitu ahal izango da.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 40
  • Test motatako proba (%): 40
  • alde lanak (arazoen ebazpenak, proiektuen diseinuak) (%): 15
  • Lanen, irakurketen... aurkezpena (%): 5

EBALUAZIO SISTEMA:

Irakasgai honen ebaluazioa ondoko moduan banatuko da: notaren %80a kurtso amaierako froga teoriko-praktiko baten bitartez lortu ahal izango da eta notaren gainontzeko %20a, ebaluazio jarrai baten testuinguruan (bai ikasgelako eskola- orduetan bai ikasgelaz kanpoko orduetan) kurtsoan zehar proposaturiko jardueren eta lanaren bidez lortu ahalko da.

Test teoriko praktikoa, bigarren hiruhilekoaren amaieran burutuko dena, bi atalez osatuta egongo da: (i) baztertzailea izango den test azterketa bat (4 puntu balioko dituena, %40a) eta (ii) garatzeko azterketa bat (4 puntu balioko dituena, %40).



Irakasgaia gainditu ahal izateko, 5 puntutako gutxieneko puntuaketa lortu eta froga bakoitzean gutxieneko maila batzuk lortzea beharrezkoa izango da, hala nola, 2 puntu test motako azterketan (gehienez 4 puntu balio dituena), 2 puntu garatzeko azterketan (gehienez 4 puntu balio dituena) eta 1 puntu lana eta jarduera osagarrietan (gehienez 2 puntu balio dituena).



Ebaluazio jarrairako proposaturiko jarduerak taldeka prestutako dira, irakasgaiaren ebaluazio osoaren %20a suposatuko dute eta ikasleek, aukeraturiko marka erreal bati buruzko zuzendaritza komertzialeko politika desberdinak (produktu, prezio, banakuntza eta komunikazioa) prestatu beharko dituzte. Ikasleek, hiru pertsonetako taldeetan, lan-proposamen bat aurkeztu beharko dute aurre-ezarritako epeetan, web orrialde, aldizkari edo esku-liburuetara joz edo zuzenean enpresa horren langile edo zuzendariak elkarrizketatuz enpresari buruzko informazioa bildu, ondoren, lana prestatu eta azkenik, klasean aurkeztu beharko da.

Jarduera hauek, konpetentzia espezifikoak lantzera bideratuak izateaz gain, goian aipaturiko zeharkako bi gaitasunak landu eta ebaluatzeko erabili egingo dira. Lan guztiak orijinalak izan beharko dira eta plagioa bereziki zigortua izango da. Zenbait kasutan plagioak, irakasleari ikaslearen nota gutxitzera eraman diezaioke. Lanean erabilitako informazio iturriak testuan zehar erreferentziatuak izan beharko dira. Edozein lan erreferentziatu gabe eta komatxorik gabeko bi lerro baino gehiago barneratzen baldin badu, atzera botako da. Ortografia akatsak lortutako puntuaketa gutxitu ahalko dute.





Ebaluazio jarraiaren bitartez lortutako puntuazioek, ikasturteko bi deialdietarako balio izango dute.



Ebaluazio jarraiari uko egin nahi dion ikasleak, irakasgaiaren arduraduna den irakasleari adierazi beharko dio, uko egin nahi izatea ahalbidetzen duen idatzizko dokumentu baten bitartez, irakasgaiaren dozentzia aldia amaitu baino hilabete bat lehenago gehienez. Eskakizun hau formalki egiteko, ikasleak Fakultateko web orrialdean dokumentu ofiziala dauka eskuragarri.



Ebaluazio jarraiari uko egiten dionak, azken froga baten bitartez irakasgaiaren %100gatik ebaluatua izan ahalko da. %100 balio duen azken froga hau, hiru atalez osatuta legoke: test azterketa (%40), garatzeko azterketa (%40) eta %20 balio duen eta ebaluazio jarraian egin beharreko lanaren ezaugarri berdinak izan behar dituen idatzizko lan baten prestakuntza eta defentsa.



Ohiko deialdiari uko egiteko Ebaluazioari buruzko Arautegiak dion bezala:

12.2.- Etengabeko ebaluazioaren kasuan, azken probaren pisua bada irakasgaiko kalifikazioaren %40 baino handiagoa, nahikoa izango da proba horretara ez aurkeztea azken kalifikazioa "aurkezteke" izan dadin. Aldiz, azken probaren pisua bada irakasgaiko kalifikazioaren % 40 edo hori baino txikiagoa, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari.

Ez ohiko deialdian, ikasleak, nahi izan ezkero, ebaluazio jarraian lorturiko puntuazioa gorde ahal izango du. Ebaluazio jarraian lorturiko puntuazioa gordetzea ez badu nahi, ikasleak, irakasgaian %100eko puntuazioa lortzea ahalbidetzen dion azken froga batera aurkezteko eskubidea izango du. Azken kasu honetan, froga, test motako azterketa (notaren %40a balioko duena), garatzeko azterketa (notaren %40 balioko duena) eta azterketa egunerarte entregatu ahal izango den eta aurreko froga biak burutu ostean defendatu beharko den idatzizko lan batek (%20 balioko duena) (azterketa ondoren entregatzen diren lanak ez dira ebaluatuak izango) osotuko lukete.

Erreprografian utzitako irakasgaiari buruzko materiala

Oinarrizko bibliografia

Armstrong, G., P. Kotler, M. J. Merino, T. Pintado, y J. M. Juan (2011), Introducción al marketing (tercera edición). Madrid: Pearson Educación (Capítulos 7,8,9,10,11,12,13,16)

Kotler, P. y G. Armstrong (2011), Principios de marketing (12ª edición). Madrid: Pearson Educación (Capítulos 8,9,10,11,12,13,14,15,16,17,20)

Gehiago sakontzeko bibliografia

Maciá, F. y Gosende, J. (2010), Marketing Online. Estrategias para ganar clientes en Internet. Madrid: Anaya.
Munuera, J. L. y A. I. Rodríguez Escudero (2007), Estrategias de marketing. Un enfoque basado en el proceso de dirección. Madrid.: ESIC.
Santesmases, M. (2012), Marketing: Conceptos y Estrategias (6ª edición). Madrid: Pirámide.
A determinar por el Profesor encargado de esta docencia.