Adierazpen Grafikoa oinarrizko oinarrizko formakuntza moduluan kokatzen da, 9 kreditukoa da eta urte osoa irauten du. Aurretik Batxilergoko Marrazketa Teknikoko ikasketak eginak izatea komeni da. Era honetan, ikaslegoak marrazketa geometrikoa, geometria deskribatzailea eta marrazketa teknikoan dituen aurrezagutzak lagungarri izango dira irakasgaia aurrera eramateko.



Graduko beste ikasgai batzuetarako beharrezkoak izateaz gain (Adierazpen Grafikoa Sakontzea, Proiektuen Kudeaketa, Ordenagailu Bidezko Diseinua), ikasketak amaitu ondorengo Ingeniaritza lanetan oso garrantzitsuak dira irakasgai honetan lortutako gaitasunak. Kontutan izan behar da Adierazpen Grafikoa, Industri Tekniken artean hizkuntza unibertsala dela, bai diseinuak aurkezteko eta proiektuak gauzatzeko ere.

Irakasgaiaren berezko gaitasuna da:



FB5. Ikusmen espazialerako gaitasuna eta irudikapen grafikoko teknikak ezagutzea, bai geometria metrikoko eta geometria deskriptiboko metodo tradizionalen bidez, bai ordenagailuz lagundutako diseinu-aplikazioen bidez.



Irakasgai honetan lantzen diren eta beste irakasgai batzuei amankomunak diren zeharkako gaitasunak ondorengoak dira:



C12. Jarrera arduratsua izatea, ordenatua eta ikasteko prest egotea, beharrezko etengabeko prestakuntzak ekarriko duen erronka kontuan hartuta.

C13. Metodologia zientifikoaren berezko estrategiak aplikatzea: egoera problematikoa kualitatiboki eta kuantitatiboki aztertzea, hipotesiak eta irtenbideak planteatzea ingeniaritza industrialaren berezko ereduak erabiliz.

C14. Taldean eraginkortasunez lan egitea, industria-ingeniaritzaren arloan erabakiak hartzeko gaitasunak eta ezagutzak integratuz.



Ikaskuntza emaitzak:



- Industria Ingeniaritzako marrazketaren oinarriei eta normalizazioari buruzko ezagutza-euskarri bat ezagutzea, ulertzea eta aplikatzea, aldi berean gaitasun espaziala garatzea ahalbidetuko duena.

- Arazo grafikoak ebazteko estrategiak eta prozedurak garatzea, ingeniaritza-proiektuei ekiteko bide gisa.

- Teknikarien arteko komunikazio grafikoa erabiltzea, ingeniaritza industrialeko marrazketa teknikoko plano normalizatuak eginez eta interpretatuz, teknologia berriak inplikatuz.

- Taldean lan egitea, beren ezagutzak truke tekniko/kultural kritiko eta arduratsuarekin garatzeko.

- Lanbidean ikastearen aldeko jarrera bultzatzea, proaktibotasunez, parte-hartuz eta prestakuntza-zailtasunen aurrean gainditzeko espirituarekin.

LEHEN ATALA: GEOMETRIA DESKRIBATZAILEA. SISTEMA DIEDRIKO ZUZENA.

1. Gaia. Adierazpen sistema lauak. Sailkapena. Oinarriak eta Teknikak

2. Gaia. Puntua, Zuzena eta Planoaren Alfabetoa.

3. Gaia. Problemen ebazpenerako metodo deskribatzaileak. Plano aldaketak. biraketak eta eraispenak.

4. Gaia. Elkarguneak

5. Gaia. Paralelotasuna, perpendikulartasuna eta distantziak

6. Gaia. Angeluak



BIGARREN ATALA: MARRAZKETA TEKNIKOA

1. Gaia. Normalizazioa: aurrekariak, arauen sailkapena. Marrazketa industrialeko arauak.

2. Gaia. Gorputzen adierazpena. Bista normalizatuak, perspektibak.

3. Gaia. Ebakidurak eta sekzioak.

4. Gaia. Akotazioa.

5. Gaia. Lotura sistema finkoak eta desmuntagarriak

6. Gaia. Gainazal akaberak. Perdoi dimentsionalak eta doikuntzak. Perdoi geometrikoak.

8. Gaia. Multzo marrazkiak eta despiezaketa planoak.



HIRUGARREN ATALA: ORDENAGAILU BIDEZKO DISEINUA (OBD)

1. Gaia. Solid Edge programara sarrera

2. Gaia. Pieza ingurunea

3. Gaia. Plano ingurunea

4. Gaia. Multzo ingurunea

Ikaskuntza-irakaskuntza metodologia desberdinak aplikatuko dira, problemen ebazpenean oinarrituriko ikaskuntza izanik erabiliena. Era honetan, ikasle bakoitzaren lan autonomoa sustatzen da taldean edo bakarka entregatu beharreko lan ezberdinen bidez.



Irakasgaian egingo diren zereginak, presentzialak eta ez presentzialak, ondorengo motatakoak izango dira:



1. Eskuratutako ezagutzen aplikazio bidezko problemen ebazpena.

2. Tresna informatikoen erabilera. Solid Edge programa.

3. eGela plataforma informatikoaren erabilera.



Ikaslegoaren ikasketa prozesua erraztu eta ziurtatzeko, egindako lanen feedback-a egingo da. Horrela, ikaslegoak, aurretik finkaturiko ebaluazio irizpideen arabera bere ezagutza maila ezagutuko du eta hobetzeko bidea izango du.



Oro har eta besterik adierazi ezean, UPV/EHUko ebaluazio probetan ikasleek debekatuta izango dute liburuak eta apunteak erabiltzea, bai eta tresna edo gailu telefoniko, elektroniko, informatiko edo bestelakorik ere. Behar izanez gero, proba egiteko unean izendatu ahal izango dira debekatutako materialak uzteko tokiak.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 85
  • Banakako lanak (%): 10
  • OBD bidez egindako praktikak eta talde lana (%): 5

EBALUAZIO JARRAITUA



Irakasgaia urte osokoa da eta kalifikazioa bi lauhilekotan banatzen da. Aurreko ataleko kalifikazio tresnak eta ehunekoak, irakasgaiaren kalifikazio osoari dagozkionak dira. Garatu beharreko proba idatzien baitan, azterketa eta kontrolak sartzen dira. Kalifikazio tresna honi esleituko % 85etik, % 70 azterketari dagokio eta % 15 ikasturtean zehar egingo diren kontrolei.



Jarraian zehazten dira, lauhileko bakoitzari dagozkion ebaluazio portzentaje erlatiboak:



1. LAUHILEKOA.

Banakako lanak: % 10

Kontrolak: % 20

Azterketa: % 70



2. LAUHILEKOA.

Banakako lanak: % 10

Kontrolak: % 10

OBD (Praktikak eta talde lana): % 10

Azterketa: % 70



Irakasgaiaren kalifikazioa bi lauhilekoen batezbesteko aritmetikoa da eta irakasgaia gainditzeko 10etik 5eko kalifikazioa lortu beharko da. Bi egoera eman daitezke.



1. Lauhilekoak liberatzea. Honetarako, bi baldintza bete behar dira:

-Lauhileko bakoitzeko azterketan eta OBD atalean gutxienez 4koa lortzea.

-Lauhilekoaren kalifikazio partziala gutxienez 5ekoa izatea.



2. Lauhilekoak konpentsatzea. Honetarako, baldintza bat bete behar da:



-Lauhileko bakoitzeko azterketan eta OBD atalean gutxienez 4koa lortzea.



AZKEN EBALUAZIOA



Ikasleek eskubidea izango dute azken ebaluazio bidez ebaluatuak izateko, etengabeko ebaluazioan (ebaluazio jarraitua) parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, 18 asteko epea izango du, ikastegiko eskola egutegian zehaztutakoarekin bat ikasturtea hasten denetik kontatzen hasita. Ebaluazioa, %100 balio duen azterketa baten bidez burutuko da. Azterketa gainditzeko 10etik 5 atera beharko da eta nahitaezko baldintza izango da sistema diedrikoa atalean, marrazketa teknikoa atalean eta OBD atalean 4ko nota minimoa lortzea.





DEIALDIARI UKO EGITEA

Arautegiaren arabera, azken probaren pisua irakasgaiaren kalifikazioaren % 40a baina handiagoa denez, nahikoa da proba horretara ez aurkeztea azken kalifikazioa EZ AURKEZTUA izateko.

Ohiko deialdian liberatutako lauhilekoak mantendu egiten dira.



Ikasleriak ebaluazio jarraituan lortu dituen emaitzak positiboak badira kontutan hartuko dira. Kasu honetan azterketak %70 balioko du. Emaitza negatiboak izanez gero ez dira kontutan hartuko eta azterketak %100 balioko du.



Azterketa gainditzeko 10etik 5 atera beharko da eta nahitaezko baldintza izango da sistema diedrikoa atalean, marrazketa teknikoa atalean eta OBD atalean 4ko nota minimoa lortzea.

- Adierazpen Grafikoa. 1. Lauhileko ariketak.

- Adierazpen Grafikoa. 2. Lauhileko ariketak.

Oinarrizko bibliografia

SISTEMA DIEDRIKOA



R.GALARRAGA, J.A.ORIOZABALA.Sistema Diedrikoa.Jarduera Zuzena.Elhuyar Fundazioa



R.LOPEZ POZA, V.GIMENEZ PERIS. Geometria Deskribatzailea. Ebatzitako Ariketak.Euskal Herriko Unibertsitateko Argitalpen Zerbitzua



J.BERTRAN GUASP. Geometria Descriptiva. Sistema Diedrico Directo. Fundamentos y ejercicios.

Editorial Donostiarra.



G.FERNANDEZ SAN ELIAS. Fundamentos del Sistema Diédrico. Editorial asociación de investigación: Instituto de Automática y Fabricación.



G.FERNANDEZ SAN ELIAS. Problemas y aplicaciones diédricas. Editorial asociación de investigación: Instituto de Automática y Fabricación.



MARRAZKETA TEKNIKOA.



B.RAMOS BARBERO, E.GARCIA MATE. Dibujo Técnico. Editorial AENOR



E.ZORRILLA, J.MUNIOZGUREN. Oinarrizko Arauketa. Marrazketa Teknikoa.



F.J.RODRIGUEZ DE ABAJO, R.GALARRAGA. Normalización del Dibujo Industrial. Editorial donostiarra



C.PRECIADO, F.J.MORAL. Normalización del Dibujo Técnico. Editorial Donostiarra



J.FELEZ, M.L.MARTINEZ. Dibujo Industrial. Editorial Síntesis.



F.J.RODRIGUEZ DE ABAJO, V.ALVAREZ BENGOA. Dibujo Técnico . Editorial Donostiarra.

AENOR. Manual de Normas UNE sobre dibujo. Editorial AENOR

Gehiago sakontzeko bibliografia

GALARRAGA, R.; RODRIGUEZ DE ABAJO, J.. Normalización del Dibujo Industrial. Editorial Donostiarra

JENSEN. C.; HELSEL. J. y DENNIS R. SHORT. Dibujo y diseñio en Ingeniería. Ed. Mac Graw Hill 2002.

RODRÍGUEZ DE ABAJO, F.J. y ALVAREZ BENGOA, V. Dibujo Técnico. Ed. Donostiarra 1994.

ZORRILLA, E. y BERMEJO, M. Dibujo de Ingeniería. Public. E.T.S.I. Ind. y Ing. Telecomunicaciones de Bilbao 1986

Web helbideak

http://www.ehu.es/
http://www.dibujotecnico.com
https://egela.ehu.eus/