nireEHU Mekanikaren xede nagusia da makinak, motorrak, mekanismoak eta sistema mekanikoak diseinatzea eta, beraz, lotura handia du industria alorreko berrikuntzarekin. Bestalde, sistema hauek azkarragoak, seguruagoak eta eraginkorragoak izateko kontrola eta automatizazioa beharrezkoa da eta hori Industria Elektronikaren eta Automatikaren ingeniaritzaren alorrari dagokio.
Ingeniaritza Mekaniko eta Industria Elektronikaren eta Automatikaren Ingeniaritzako Gradu Bikoitzak trebatu egingo zaitu bi alor hauei dagozkien lanetan jardun ahal izateko formakuntza jasotzeko, eta are garrantzitsuago dena, bi alorretako jakintza sakona eskatzen duten kualifikazio handiko atazak gauzatzeko. Halako profesionalak behar ditu Industria alorreko berrikuntzak, Industria 4.0 deritzonaren paradigma berriak.
Profil honetako tituludunak behar dituzten enpresa askorekin dugu lankidetza. Horietan egingo dituzu zure formakuntzako praktikak eta gradu-amaierako lana, aukeratu zaituen enpresak proposatutako proiektu integral baten barruan.
Ezagutza arloa
Ingeniaritza eta Arkitektura
Ikastegia
Gipuzkoako Ingeniaritza Eskola
Campusa
Gipuzkoa
Harremanetarako
Iraupena
5 ikasturte
Kreditu kopurua
312 ECTS kreditu
Hizkuntzak
Euskara, Gaztelania, Ingelesa
Irakaskuntza mota
Ikasgelako gradua
Kredituaren prezioa 1. matrikulan
18,23 €
Gutxieneko nota
11,969 ohiko deialdian (2023/24)
Eskainitako plazak
15 plaza
4 arrazoi gradu hau aukeratzeko
- Gradu hau eginda askotariko lanbide irteerak dituzu.
- Titulazio honek legeak aitortutako lanbide gaitasunak ematen ditu.
- Ingeniaritza Mekanikoko eta Industria Elektronikaren eta Automatikaren Ingeniaritzako gradudunek oso eskari handia dute lan munduan.
- Aukera handiak ditu ikasketen atal bat atzerrian egiteko eta, gradua amaitu eta gero, ikasketei jarraipena emateko.
Sarrera-profila
Anbizio handiko pertsona bazara eta zure ikasketako urteei etekin ahalik eta handiena atera nahi badiezu. Matematika, Fisika, Kimika eta Adierazpen Grafikoaren moduko ikasgaiak gustuko badituzu eta arazo praktikoei irtenbidea bilatzeko erabili nahi badituzu. Aurrerakuntza teknologikoak eta industria alorreko berrikuntzak liluratzen bazaituzte, zure etorkizuna Ingeniaritza Mekanikoko, eta Industria Elektronikaren eta Automatikaren Ingeniaritzako Gradu Bikoitzean dago.
Irteera profesionalak
Industria sektoreko orotariko enpresetan: makinaerreminta, automobilgintza, energia, aeronautika, robotika, adimen artifiziala, eraikuntza, siderurgia…
- Bulego Teknikoa eta I+G+B sailak. Proiektuen idazketa, sinadura eta garapena
- Antolakuntza eta Planifikazioa enpresa eremuan
- Produkzio-prozesuen kontrola eta garapena
Horretaz gain:
- Zerbitzu-enpresak: ingeniaritza eta aholkularitza
- Neurketak, kalkuluak, balorazioak, tasazioak, peritazioak eta txostenak egitea