“Materialen Zientzia” irakasgaia 2. Mailako irakasgai teknologikoetako bat da, Ingeniaritza Elektrikoa, Ingeniaritza Mekanikoa eta Industria Elektronikaren eta Automatikaren Ingeniaritza Graduek komunean dutena. Teknologikoa deritzon moduluaren barne kokatzen da.



Irakasgai honetan garatzen da industria ingeniaritzan ohiko erabilera daukaten materialak, hauek fabrikatzeko jarrai daitezkeen prozesuak eta material familia eta azpifamilia bakoitzaren propietate fisiko eta mekaniko nabarmenenak ezagutzeko oinarria. Ohiko propietate mekanikoak neurtzen eta mikroegitura aztertzen eta kuantifikatzen ikasten da. Era berean, ikasten da nolako eragina daukan fabrikazio prozesuak materialen propietateetan eta horren erlazioa haien barne egiturarekin.



Ezagutza honek lagunduko du produktu bat fabrikatzeko material egokiena aukeratzen. Aukeratutako material horrek hobekien bete beharko ditu zerbitzuan izango dituen baldintzetatik eratorritako eskakizunak. Halaber, materialen aukeraketan ingurugiro-irizpideak kontuan hartuko dira, bizi-zikloaren azterketa burutuz.



“Materialen Zientzia” zailtasun handirik gabe jarraitzeko, beharrezkoa da titulazioen gutxienez oinarrizko irakasgaiak menperatzea.

Irakasgaiaren gaitasun espezifikoak:



1.IG. Materialen zientzia, teknologia eta kimikaren ezagutzak ulertzea ingeniaritzan erabili ahal izateko.

2.IG. Materialen mikroegiturak, sintesiak edo prozesatzeak duen eragina materialen propietatetan ulertzea

Zeharkako gaitasunak:

12.G.Laneko jarrera arduratsua eta ordenatua izatea, eta beti ikasteko prest agertzea, etengabeko prestakuntzak dakarren erronka kontuan hartuta.

13.G. Metodologia zientifikoko estrategiak aplikatzea: egoera gatazkatsuak kualitatiboki nahiz kuantitatiboki aztertu eta hipotesiak eta soluzioak planteatu, industria ingeniaritzako ereduak erabiliz.

14.G. Talde lanean modu eraginkorrean jardutea, gaitasunak eta ezagutzak erabilita, industria ingeniaritza esparruan erabakiak hartu ahal izateko.



Helburuak:

Irakasgaiaren terminologia espezifikoa modu egokian erabiltzea, materialen zientziaren funtsezko oinarriak era egokian azalduz hitzezko hizkuntza, matematikoa eta grafikoa erabiliz.

Material mota ezberdinak bereizten jakitea eta beraien ezaugarriak erlazionatu erabilpen aukera ezberdinekin.

Materialen barne egitura lotu ezaugarri fisiko-kimiko eta mekaniko espezifikoekin, propietate hauek materiał bakoitzaren funtzio praktikoan duten eragina ezarriz.

Material baten oreka egoera zer den barneratzea, tratamendu mekanikoek edo termikoek bere gainean duten eragina eta propietateak nola aldatu dezaketen ulertuz.

Materialen zientziaren alorrean proposatutako ekintzetan elkarlanean aritzen jakitea, bai ideiak bai eginbeharrak aztertuz eta aurrera eramanez.

1 Gaia Materia kondentsatuaren egitura

Egitura kristalinoa eta amorfoa. Material taldeak. Akatsak sare kristalinoan. Difusio-fenomenoak.



2 Gaia Solidotzea

Solidotze-mekanismoak. Fase-diagramak.



3 Gaia Materialen fabrikazioa”

Material metaliko, polimeriko, zeramiko eta konposatuen lorpena eta eraldaketa. Baliabide naturalak, sintesia eta birziklapena.



4 Gaia Materialen propietateak

Materialen propietate mekanikoak, elektrikoak eta magnetikoak eta egiturarekin duten erlazioa. Materialen saiakuntzak. Beste propietate fisikoak eta kimikoak.



5 Gaia Materialen egituraren eraldaketa

Tratamendu termikoak, termokimikoak eta termomekanikoak. Eragina materialen propietateetan.



6 Gaia Ingeniaritzako materialak

Material metalikoak, polimerikoak, zeramikoak eta konposatuak. Propietateak, sailkapena eta aplikazioak. Material berriak aplikazio berrietarako.



7 Gaia Zerbitzu-baldintzak eta hutsegite-diagnosia

Korrosio-baldintzak, nekea, creep, higadura eta zahartzapena. Hutsegite-analisia.



8 Gaia Materialen aukeraketa

Materialen aukeraketarako irizpideak: zerbitzu-beharrak eta irizpide ekonomikoak





“Laborategiko praktikak:

- Tratamendu termikoa (Probeta metalikoaren tenplaketa eta iraoketa)

- Saiakuntza mekanikoak (Charpy, trakzioa, gogortasuna)

- Metalografia (laginaren lorpena eta prestaketa)

- Polimeroen karakterizazioa (fluidotasun-indizea)

- Materialen propietate elektrikoak eta magnetikoak

- Saiakuntza ez-suntsitzaileak”

Irakasgaiaren eduki kontzeptualen azalpen klaseak emango dira, ikasleen partaidetza haiei buruzko noizbehinkako eztabaidetan sustatuz.



Laborategiko praktiketan Materialen Zientzian erabilitako teknika esperimentalei dagozkien ezagutzak eta gaitasunak garatzeko lan praktikoak egingo dira, aurrerapausuak laborategiko koaderno batean edo beste tresna batean islatuz.



Ikasleen ikaste-prozesua errazteko eta bermatzeko, laborategiko praktiken jarraipena egingo da. Aurretik ezarritako ebaluazio-irizpideen arabera feed-back bat emango da ikasleek euren ikasketa-prozesuaren eta bere hobekuntzaren jabe izan daitezen.



Aurretiaz ezarritako ebaluazio-irizpideen arabera ikasleei euskarria eskainiko zaie, beren ikasketaren eta hobetzeko bideen jakitun izateko aukera eduki dezaten ikasleek.



Talde txikiak direnean, irakasleak metodologian aldaketak proposatu ditzake ikaskuntza autonomoa lantzeko jarduerak sartuz (proiektuak, kasuak etab.). Metodologia zehazki azalduko da ikaslearen koadernoan, irakasgaiaren gidaren barruan.



Ikasleek, irakasgaiaren egutegiaren arabera, egelan argitaratuko diren jarraibideak kontsultatu eta jarraitu beharko ditu eta gerora sortutako arrazoiek eragin ditzaketen aldaketen berri jasotzeko ere.



Talde-irakasle aukeren funtzioan, unibertsitateko IKD-i3 modeloak bultzatzen duen jasangarritasunaren inguruko lan bat proposatuko da. Garapen jasangarria lantzeko jarduerak inplementatuko dira Nazio Batuen Garapen Jasangarrirako Helburuen arabera.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 65
  • Praktikak egitea (ariketak, kasuak edo buruketak) (%): 5
  • alde lanak (arazoen ebazpenak, proiektuen diseinuak) (%): 30

Nota finala modu honetan ezarriko da:



Azterketa = % 65

Laborategiko jarduerak (txostenak/betebeharrak…) =% 30

Beste batzuk (jarrera/entregagaiak/etab.)= %5



Irakaskuntza gidetan zehaztu egin beharko dira uko egiteko prozedura eta epeak. Epe hori bederatzi astekoa izango da, gutxienez, lauhilekoko irakasgaien kasuan edo 18 astekoa, gutxienez, urteko irakasgaienean, ikastegiko eskola egutegian zehaztutakoarekin bat lauhilekoa edo ikasturtea hasten denetik kontatzen hasita. Idatziz irakasleari aurkeztu beharko zaio ebaluaketa jarraituari (edo mistoari) uko egiten zaiola ezarritako prozeduraren eta epearen arabera (8.3 Artikulua).



Argibideak



Azterketa bidez ebaluatzen den notaren % 65a azken-proba bakar batekin finka daiteke edota ikasturtean zehar egindako proba ezberdinekin gehi azken-proba baten emaitzekin.



Irakasgaia gainditzeko ebaluazio-mistoan adierazitako ebaluazio-proba jarraiak eta azken proba, biak gainditu beharko dira.



Laborategira aurkeztea posible ez den kasuetan eta, arautegian jasotzen den bezala, ebaluaketa finalaren eskaera baimentzen denean, ikasleek amaierako azterketa horretan irakasgai osoaren konpetentziak eta ezagupenak lortu dituztela frogatu beharko dute.



Laborategi-praktiken zatia gainditu ahal izateko beharrezkoa izango da praktika guztiak eginda izatea.



Laborategi-praktiken txostenen eta jardueren notak ikasturte berdineko ez-ohiko deialdia arte gordeko dira soilik.



Azken-probaren nota-portzentaia %50 edo gehiago denean azken-notan, ikasleren bat azken-probara aurkezten ez bada, ez aurkeztutzat emango da. Ebaluaketa jarraituko jarduerak gaindituak izango balitu ebaluaketa hori beste deialdietarako ez litzateke gordeko.



Azken-probaren nota-portzentaia %50 baino txikiagoa denean azken-notan, ikasleak ebaluazio-deialdiari uko egin diezaioke baldin eta azterketen deialdi data ofiziala hasi baino behintzat hamar egun lehenago irakasleari idazki bat helarazten dion horren berri ematen. Kasu hauetan modu-jarraiko betebeharrak gaindituak balitu ikasturte horren ezohiko deialdirako gordeko lirateke bakarrik.



Ikasle batek azken-proba gainditzen badu, baina ebaluazio-jarraitua gaindituta ez baldin badauka, ebaluaziora aurkeztu dela kontsideratuko da, baina irakasgaia ez gainditutzat emango da deialdi bat agortuz. Gainera, azken-probaren emaitza ez da gordeko hurrengo deialdietarako.



Ezohiko deialdira lehenengo aldiz aurkezten den ikaslegoa azken froga bakarrean irakasgaiaren eduki eta gaitasunak gainditu beharko ditu.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

Ezohiko deialdi batera lehenengo aldiz aurkezten den ikasleak azken proba bakar batean gainditu beharko ditu irakasgaiaren ezagutza eta gaitasun guztiak.



Ezohiko deialdiari uko egiteko honetara ez aurkeztearekin nahiko izango da.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

Materialeen saiakuntzen arauak
laborategiko praktika gidoiak

Oinarrizko bibliografia

“Materialen zientzia eta ingeniaritza. Hastapenak" Egilea: William D.

Callister Jr.ISBN: 978-84-9860-470-2,EAN: 9788498604702,Argitaletxea: EUSKAL HERRIKO UNIBERTSITATEA,Hizkuntza: Euskara,Edizio urtea:2011.



Fundamentos de la Ciencia e Ingeniería de los Materiales. W.F. Smith (Ed. McGraw-Hill)



Ciencia de Materiales. Teoría - Ensayos - Tratamientos. P. Coca Rebollero, J. Rosique Jiménez (Ediciones Pirámide S.A.)



Irakasgaiko apunteak



Baliabide elektronikoak (Bibliotekatik eskuragarriak): ASM Handbook”

Gehiago sakontzeko bibliografia

Materiales para Ingeniería. M.F. Ashby, D.R.H. Jones, Ed. Reverté,
Metales y Aleaciones: su constitución, estructura, propiedades y tratamientos. R. Calvo Rodes, Ed. INTA,
Introducción a la metalurgia Física. S.H Avner, Ed. McGraw-Hill, Mexico, 1988
Ciencia e ingeniería de materiales : metalurgia física, estructura y propiedades. J.A. Pero Sanz, Ed. Cie Dossat 2000, Madrid, 2004

Aldizkariak

Elhuyar
Metalurgia y Electricidad
Fundidores
Plásticos universales
Journal of Materials Science
Materials Science and Engineering

Web helbideak

http://zthiztegia.elhuyar.org/
Materials Science & Engineering Educational Software: http://www.matter.org.uk
MatWeb - Online Materials Information Resource: http://www.matweb.com
ASM Handbook: http://products.asminternational.org/hbk/index.jsp