Industria Egiturak eta Eraikuntzak Ingeniaritza Mekanikoko irakasgai espezifikoa da. Landuko diren gaiek egituren kalkulua egitea baimenduko dizkie ikasleei (aplikatu beharreko indarren balioztatzea, kalkulu eskemak eta bere osagaien dimentsionamendua), beharrezko eta funtsezko oinarria industria eraikuntzetako proiektu profesionalak egiteko.



Zailtasun handiegi barik irakasgai hau aurrera eramateko, beharrezkoa da ikasketa-planean aurreikusitako irakasgai-ordena errespetatzea, eta horretarako, derrigorrezkotzat hartzen da:

- Mekanika Aplikatua irakasgaia gaindituta edukitzea.

- Materialen Erresistentzia eta Elastikotasuna irakasgaia ikasita edukitzea (hirugarren kurtsoa, lehen lauhilekoa), hiperestatikotasunari dagozkion kontzeptuak, oreka estatikoa, tentsioak eta deformazioak, ebakiduretako esfortzuak (makurtzaileak, ebakitzaileak, axialak eta bihurtzaileak), ebakiduren dimentsionamendua eta baieztapena eta esfortzu-diagramen zehaztapena menperatuz.

Azalpen laburra:

Egituren azterketa. Industria eraikinen diseinu eta kalkulurako aplikazioa.



Mekanika, Teknologia espezifikoaren Moduluko gaitasuna:

Industria egitura eta eraikinen kalkulu eta diseinurako ezagutzak eta gaitasuna.



Ikaskuntza emaitzak:

Egitura sistemak identifikatzeko eta proposatzeko beharrezko kontzeptu teoriko eta teknologikoak ezagutzea, ulertzea eta aplikatzea, ikasleari legeriaren eta dagokion funtzionalitatearen arabera funtsezkoak diren baldintzak betetzea ahalbidetuko diotenak.



Zientzia metodologiari dagozkion estrategiak aplikatzea: egoera problematikoa kualitatiboki eta kuantitatiboki aztertzea; konplexutasun desberdinak dituzten egitura arazoak konpontzeko hipotesiak eta konponbideak proposatzea.



Egiturazko diseinuarekin zerikusia duten ezagutzak, prozedurak, emaitzak, trebeziak eta alderdiak behar bezala komunikatzea, hiztegi eta terminologia espezifikoak eta bitarteko egokiak erabiliz.



Modu eraginkorrean lan egitea diziplina eta hizkuntza anitzeko inguruneetan, industriaren arloko egitura proiektuen diseinuarekin eta kudeaketarekin zerikusia duten erabakiak hartzeko gaitasunak eta ezagutzak aplikatuz.



Industria eraikuntzen esparruko diseinuak eta proiektuak garatzea, dagokion eraikuntza teknologia eta egitura arazoak konpontzeko balia daitezkeen teknikak eta tresnak erabiliz.



Industria eraikuntzen arloan nahitaez bete beharreko legeria, zehaztapenak, araudiak eta arauak ezagutzea, ulertzea eta aplikatzea.

Garatuko diren edukiak hurrengo gaien arabera ezarriko dira:



1: Egiturazko diseinuaren sarrera.

Egitura kontzeptua. Materialak. Egituren segurtasuna. Muga egoerak. Egituren zehaztapen eta zehaztugabetasun estatikoa.



2: Egiturak lotura giltzatuekin.

Estatikoki zehaztutako sareta planoak. Sailkapena. Indarren kalkulua. Barren dimentsionaketa. Ezegonkortasuna.



3: Egiturak lotura zurrunekin.

Lotura zurruneko egituren kalkulua. Zurrruntasuna, momentuen banaketa eta transmisioa. Esfortzu eta deformazioen arteko erlazioak.



4: Akzioak eraikinetan.

Arautegi aplikagarria CTE-SE-AE. Karga hipotesiak. Segurtasun koefizienteak. Konbinaketak.



5: Industria egituren ezaugarriak.

Industria egituren kalkulurako oinarrizko eskemak. CTE-SE-A, CTE-SE-SE. Saretak. Portikoak. Egiturazko osagaien dimentsionamendua. Estalkirako materialak. Petralak. Zutabeak. Txarrantxa osagaien kalkulua. Haizearena urkako habeak.



6: Hormigoi armatuaren sarrera

Arautegia. Zementua. Zementu motak. Ura. Hareak. Gehigarriak. Armadurak. Hormigoi bigunaren ezaugarriak. Hormigoi gogorraren ezaugarriak. Iraunkortasuna. Hormigoiaren izendapena. Itsasgarritasuna. Armaduren kokapena.



7: Hormigoi armatuaren kalkulu oinarriak.

Asken muga egoerak. Zerbitzu muga egoerak. Balio karakteristikoak eta kalkulu balioak. Segurtasun koefizienteak. Ebakiduren ezaugarri geometrikoak eta mekanikoak.



8: Hormigoi armatuzko ebakiduren dimentsionamendua.

Kalkulurako diagrama sinplifikatuak. Agortze eremuak. Ebakidura laukizuzenen dimentsionamendua makurdura bakunean eta konposatuan. Hormigoi armatuzko zutoinak. Konpresio bakuna. Eszentrikotasun minimoa. Gilbordura. Zeharkako armadurak eta esfortzu ebakitzailea. Hormigoiaren ekarpena. Armaduren dimentsionamendua.



9: Egituren matrize kalkulu

Zurruntasunaren metodoa. Kalkulu oinarriak. Desplazamenduak, esfortzuak eta erreakzioak. Barratan ezarritako kargak.

Irakaskuntza magistralean irakasgaiaren azalpen teorikoak aztertuko dira, oinarrizkoak eta beharrezkoak alde praktikoak egiteko.



Mintegietan ariketak landuko dira, txostenak (talde lanean), aplikazio praktikoko eginbeharrekoak, zeinetan ikasleek ezagutzak kasu praktikoetan erabiliko dituztelarik.



Ordenagailu praktiketan, software desberdinak erabiliz, ariketak ebatziko dira.



Osasun-baldintzek irakaskuntza-jardueraren bat edota aurrez aurreko ebaluazioa egitea eragozten badute, aurrez aurrekoa ez den modalitate bat aktibatuko litzateke, eta ikasleei unean-unean emango zaie horren berri.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 50
  • Praktikak egitea (ariketak, kasuak edo buruketak) (%): 50

Irakasgaiaren ebaluazio sistemen portzentajeak erabateko kalifikazioan hurrengoa dira:



- %50 Lauhilekoan zehar egindako lanak eta ebaluazioak (hormigoi armatuaren praktikak, ariketak, entregagarriak, ebaluazio partzialak...).

- %15 Hormigoi Armatuaren azterketa partzial teorikoa.

- %35 Idatzizko azken azterketa (teoria eta ariketa).



Irakasgaia gainditzeko, ebaluazio irizpide bezala ezartzen da, hurrengo guztietan lortu ahal den nota maximoaren %40 gainditu behar dela derrigorrez:



- idatzizko azken azterketan (bai teorian zein ariketan gutxienez 4 bat 10etik eskatuko da)

- hormigoi armatuzko teoriaren azterketa partzialean

- hormigoi armatuzko ariketa praktikoetan

- aurretik aipatu gabeko entregagai desberdinetan (lotura giltzatuen, lotura zurrunen eta industria-eraikuntzen egiturak)



Ikaslea ohiko deialdian kalifikatuta izango da azken azterketara aurkezten baden. Honetara, deialdiari uko egiteko nahikoa izango da azken probara ez aurkeztea.



Graduko Titulazio Ofizialetako Ikasleen Ebaluaziorako Arautegiaren 8. artikuluaren arabera, Ebaluatzeko Sistemak, Azken ebaluazioa eskatzen duten ikasleek, azken azterketaren gain, entregatu eta defendatu beharko dituzte, argitaratutako egutegian, saretaren kalkulurako ariketa, egitura industrial baten txosten-proiektua eta bai hormigoi armatuzko teoriaren azterketa zein ebakiduren dimentsionamendurako ariketa praktikoa egin.

Ezohiko deialdian, idatzizko azken azterketara aurkezten diren ikasleak baino ez dira kalifikatuko.



Ikasleen Ebaluaziorako Arautegiaren 9. artikuluaren arabera, Ezohiko Deialdia, lauhilekoan zehar egindako lan desberdinak entregatu ez dituzten edo notaren %100 ebaluatuta izatea nahi duten ikasleek irakasgaian garatu beharreko ezagutzak eta gaitasunak adierazi beharko dituzte. Alde batetik idatzizko azken azterketa batekin eta bestetik, ahozko proba bat eta kalkulu-softwarea erabilita egin beharreko ariketak izan ditzakeen proba espezifiko batekin. Sareta baten kalkuluari dagokion txostenean eta lan-proiektuan garatutako gaitasunak eta ikaskuntza emaitzak ere ebaluatu beharko dira. Honetarako, dokumentu hauek entregatzea onartuko da, entregatze datak azken azterketarenak izanik, beste planifikaziorik ezartzen ez baden eta egelaren bitartez jakinarazten ez baden ohiko deialdiaren berrikusketa baino lehenago. Irakasgaiaren ebaluazio jarraituan parte hartu ez duten ikasleek, eta dokumentu hauek entregatu nahi ez badituzte, ezohiko deialdian ebaluatuta izatea nahi dutela deialdia honen aurretik jakinarazi beharko dute, ikaskuntzaren emaitzak ebaluatu eta neurtu ahal izateko egin beharko dituzten ebaluazio jarduerak prestatzeko, ohiko deialdiaren parekotasuneko baldintzetan.

Arautegia:
- CTE-DB-SE
- CTE-DB-SE-AE
- CTE-DB-SE-A
- Egiturazko Kodea

Software:
- Prontuario Informático del Hormigón estructural
- Cespla

Oinarrizko bibliografia

EGITUREN TEORIA:

- Cálculo matricial de estructuras, Manuel Vázquez, Col. ITOP Madrid, 1992

- Teoría de Estructuras, 3 vol. , Pedro José Landa, José Luis Ramírez, Eduardo Rojí, ETSII Bilbao, 1995





INDARRAK:

- Acciones en la edificación, Francisco Fiol Femenia, Francisco Fiol Oliván, 2008





ALTZAIRUZKO EGITURAK:

- Estructuras de acero II. Uniones y sistemas estructurales, Ramón Argüelles Álvarez, Bellisco, 2007

- Estructuras de acero I. Fundamento y cálculo según CTE, EAE y EC3, Ramón Argüelles Alvarez, Bellisco, 2013

- Naves industriales con acero , Alfredo Arnedo Peña, APTA, 2009



HORMIGOI ARMATUZKO EGITURAK:

- Jiménez Montoya: Hormigón armado, Álvaro García Meseguer, Francisco Morán Cabré, Juan Carlos Arroyo Portero, Gustavo Gili, 2010



ARAUTEGIA:

- CTE-DB-SE-AE : SEGURIDAD ESTRUCTURAL: BASES DE CÁLCULO Y ACCIONES EN LA EDIFICACIÓN

- CTE-DB-SE-A : SEGURIDAD ESTRUCTURAL: ACERO

- CÓDIGO ESTRUCTURAL (2021)

- UNE 76-201-88. CONSTRUCCIONES METÁLICAS. CAMINOS DE RODADURA DE PUENTES GRUA

Gehiago sakontzeko bibliografia

EGITUREN TEORIA:
- Teoría de las estructuras, Jesús Zurita Gabasa, Univ. Pública Navarra, 2007
- Curso de análisis estructural, Juan Tomás Celigüeta, EUNSA, 2003
- Structural Analysis , R.C. Hibbeler, Prentice Hall, 2006


ALTZAIRUZKO EGITURAK:
- Construcción y arquitectura industrial. Colección de problemas resueltos, José Miguel Montalvá Subirats, Héctor Saura Arnau, U. Politécnica Valencia, 2012
- Estructuras metálicas para edificación Tomos I – II, José Monfort LLeonart, U. Politécnica Valencia, 2002
- Edificación agroindustrial: estructuras metálicas, Miguel Ángel Garcimartín, Mundi-Prensa, 1999


HORMIGOI ARMATUZKO EGITURAK:
- Proyecto y cálculo de estructuras de hormigón: en masa, armado y pretensado, José Calavera, INTEMAC, 2008

ARAUTEGIA:
- EAE: INSTRUCCIÓN DE ACERO ESTRUCTURAL
- EUROCODIGO 1: ACCIONES EN ESTRUCTURAS

Web helbideak

ALTZAIRUA:
https://constructalia.arcelormittal.com/es
www.apta.com.es
www.ascem.org
http://people.fsv.cvut.cz/~wald/CESTRUCO/_aa_Textbook.htm

ARAUTEGIA:
www.codigotecnico.org
https://www.mitma.gob.es/organos-colegiados/comision-permanente-del-hormigon/cph
https://www.mitma.gob.es/organos-colegiados/comision-permanente-de-estructuras-de-acero/cpa

HORMIGOIA:
https://estructurando.net/2022/05/09/estructuras-de-hormigon-con-el-codigo-estructural-en-50-videos-y-gratis/
https://www.concrete.org/
https://www.ieca.es/
http://www.e-ache.com/

ZURA:
www.infomadera.net

ZUBI GARABIAK:
https://www.apelsl.com/
https://www.stahlcranes.com/es.html