"Ekologia" Ingurumen Zientzietako Graduaren 2. mailako nahitaezko irakasgaia da eta Natura- Ingurunearen Oinarri Zientifikoak izeneko moduluaren barruan dago. Irakasgai honetan ekosistemen egitura eta funtzionamendua azaltzen saiatzen diren oinarrizko eta orokorrak diren aspektuak jorratzen dira; ingurune fisikokimikoaren alderdi nagusiak nahiz osagai biotikoek hierarkia-maila desberdinetan euren artean eta ingurune abiotikoarekin dituzten erlazio/interakzioak. Era berean, zientzia esperimentalaren izaera aintzat hartuta, edozein zientziari, oro har, eta, bereziki, ekologiari, dagozkion alderdi metodologikoak azpimarratzen dira.

Ikuspuntu holistikoa eta izaera integratzailea dela eta, Ekologiak hainbat irakasgai hornitzen du, eta hainbat irakasgaiz ere hornitzen da, hala nola, oinarrizkoak diren “Animalia Biologia. Zoologia”, “Landareen Biologia”, “Geologia”, “Geomorfologia eta Edafologia” eta “Biodibertsitatea”;eta irakasgai aplikatuenen artean; “Faunaren eta Floraren Kudeaketa eta Kontserbazioa”, “Landareen Diagnosi eta Leheneratzea”, “Ingurumen Inpaktua Kudeatzeko eta Ebaluatzeko Sistemak” eta “Landa Lanari Aplikatutako Teknikak”. Eta are gehiago, kutsatzaileen eta hondakinen analisi eta tratamenduei buruzko teknikoagoak diren irakasgaietan erreferente izan daiteke.

Ingurumen Zientzietako Graduaren 1.go mailan irakasten diren irakasgaien oinarrizko ezaguerak "Ekologia" irakasgaiaren garapen normala asko erraztuko luke, bereziki, "Estatistika" irakasgaian lortzen diren konpetentziak,, batez ere, Ekologian erabiltzen diren datu tratamendu eta bestelako metodologiak direla eta.

"Ekologia" irakasgaian egindako lanak naturaren alderdi desberdinetako ikuspuntu orokorra eta integratzailea ematen du, eta horri esker, gainerako irakasgaien ikuspegia zabaltzea ahalbidetzen du, baita Ingurumen Zientzietako ikasleen erronkei (lanbidezkoak nahiz pertsonalak) aurre egiteko modua ere.

Naturaren antolaketa-mailak, banakotik ekosistemara, identifikatzen ditu.

Ekosistemak egituratzen eta abian jartzen dituzten prozesu fisikokimikoak deskribatu eta ulertzen ditu.

Egituratzen eta abian jartzen dituzten ekosistemaren osagai desberdinen arteko erlazioak aintzat hartu eta ulertzen ditu.

Antolaketa-maila desberdinetako egitura- eta funtzio alderdiak era kualitatibo eta kuantitatiboan analizatzen ditu.

Landan nahiz laborategian taldeka lan egiten du.

Egin beharreko ikerketari dagokion metodologia jarraituz laginketa egiten du.

Laborategiko lanaren oinarrizko arauak ikasten ditu.

Datu fidagarri eta konparagarriak lortzeko, laginak era sistematiko eta estandarizatuan analizatzen ditu.

Teknika estatistikoak aplikatuz datuak prozesatzen ditu.

Ezarritako urratsak jarraituz, egindako praktikaren alderdi nagusiak islatzeko txostena egiten du.

Lanari bermea emateko beharrezko bibliografia bilatu eta kudeatzen du.

Egindako lana jendaurrean azaldu eta defenditzen du.

Eskola magistraletan irakasleak irakasgaiaren oinarrizko edukiak azalduko ditu; horretarako, eGelako “Ekologia” irakasgaian eskuragarri dauden diapositibak lagungarriak izanen dira. Azaldutako edukiei, eta gainerako irakasgaiekin ekologika dituen loturei buruzko ikasleen partaidetza eta gogoeta sustatuko da, gelan bertan egindako noizbehinkako galderen bidez.

Gelako praktiketan, aldez aurretik proposaturiko buruketak (baina norberak egin ditzan) guztion artean (ikasleak eta irakaslea) ebatziko dira.

Landa-, laborategia- eta ordenadore-praktikek ekologia arloko ikerketa baten urrats desberdinak osatzen dituzte. Landa-praktikan era zuzen eta efizientean ikerketa-baldintzei dagozkien hainbat lagin hartzeko naturara bertara joango gara. Lagin horiek, ezarritako irizpide eta estandarretan oinarrituta, laborategian analizatuko dira, emaitza fidagarri, adierazgarri eta konparagarriak lortzeko asmoz. Horrela, ezaguera-arloari dagozkion esperimentu-trebetasun eta ezaguerak bereganatuko dira. Ordenadore-praktikan emaitzak lortuko dira eta estatistikoki tratatu, egindako ikerketari buruzko interpretazio zuzena egiteko. Azkenik, lan guzti horrekin txostena (taldeka) egingo da. Horretarako, edukiei eta idazketari dagozkien irizpideak eta aholkuak jarraituko dira (eGelako Ekologia irakasgaian eskuragarri).

Mintegietan burututako lanaren jendaurreko aurkezpen formala (eGelako Ekologia irakasgaian eskuragarri) egingo da, mintegiak ikasleen ahozko komunikazio, sintesi-gaitasun eta talde-lanerako trebetasunak sustatzen dituelarik.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 65
  • Praktikak egitea (ariketak, kasuak edo buruketak) (%): 35

Irakasgaiaren ebaluazioa mistoa izango da eta atal hauek izango ditu:

-Banakako amaierako proba: irakasgaiaren notaren %65a. Gelan azaldutako gaiei buruzko idatzizko proba izango da. Hainbat galdera-mota izan daitezke, hala nola, definizioak, test motako galderak, garapen laburreko galderak, garapen luzeko galderak, buruketak.

-Praktiken garapena eta txostena: irakasgaiaren notaren %35a

Irakasgaiaren nota finala aurreko bi ataletako batezbesteko haztatuaren bidez egingo da, baldin eta gutxieneko nota (4 bi ataletan; azterketan zein praktiketan) ateratzen bada. Ebaluazioa hezigarria izango da, zeren eta ikasleari entregatu dituen lanak hobetzeko argibideak emango baitzaizkio. Lana lehenengoz entregatu eta gero, ikasleak aldaketak egin ahal izango dizkio eta bertsio hobetuak entregatu. Azken bertsioa kalifikatuko da.

Salbuespenak eta uko egiteak UPV/EHUn eta Farmazia Fakultatean indarrean dagoen arautegia jarraituz izanen dira:

Etengabeko ebaluazioaren kasuan, azken probaren pisua bada irakasgaiko kalifikazioaren % 40 baino handiagoa, nahikoa izango da proba horretara ez aurkeztea azken kalifikazioa <> izan dadin. Aldiz, azken probaren pisua bada irakasgaiko kalifikazioaren % 40a edo hori baino txikiagoa, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari.



SARS-CoV-2 birusak sortutako egoera dela eta, eta betiere osasun arloko agintarien jarraibideen arabera, ebaluazio-metodoa alda liteke. Aldaketa horiek garaiz eta behar den moduaz jakinaraziko dira.

Ezohiko deialdian ohiko deialdian ezarritako ebaluazio-irizpide berberak jarraituko dira. Txostenen notak mantendu edo hobetu ahal izango dira.



SARS-CoV-2 birusak sortutako egoera dela eta, eta betiere osasun arloko agintarien jarraibideen arabera, ebaluazio-metodoa alda liteke. Aldaketa horiek garaiz eta behar den moduaz jakinaraziko dira.

Laborategiko praktikak burutzeko mantala ezinbestekoa da.

Oinarrizko bibliografia

Begon, M., Townsend, C.R. y Harper, J.L. (2006). Ecology: From individuals to ecosystems. 4th ed. Blackwell Publishing Ltd, MA, USA, 738 pp.

Brower, J.E., Zar, J.H. y Ende, C.N. von (1998). Field and laboratory methods for general ecology. 4¿ ed. WCB-McGraw-Hill, Boston, Mass, 273 pp.

Cox, C.B. y Moore, P.D. (2000). Biogeography. An ecological and evolutionary approach. 7th ed. Blackwell Publishing Ltd, MA, USA, 428 pp.

Dajoz, R. (2002). Tratado de ecolog¿ 2¿ ed. Mundi-Prensa, Madrid, 600 pp.

Magurran, A.E. (2004). Measuring biological diversity. Blackwell Publishing Ltd, MA, USA, 256 pp.

Molles, M.C. Jr. (2008). Ecology: Concepts & applications. 4th ed. McGraw-Hill Companies Inc, New York, 604 pp.

Primack, R.B. y Ros, J. (2002). Introducci¿ la biolog¿de la conservaci¿Ariel Ciencia, Barcelona, 375 pp.

Pullin, A.S. (2002). Conservation Biology. Cambridge University Press, Cambridge, 345 pp.

Ricklefs, R.E. (2007). The economy of nature. 5th ed. W.H Freeman and Company, New York, 550 pp.

Rodr¿ez, J. (2010). Ecolog¿ 2¿ ed. Pir¿de, Madrid, 502 pp.

Smith, T.M. y Smith, R.L. (2007). Ecolog¿ 6¿ ed. Pearson Educaci¿.A., Madrid, 776 pp.

Stiling, P. (2002). Ecology. Theories and Applications. 2nd ed. Prentice-Hall, Inc. Upper Saddle River, NJ, 403 pp.

Gehiago sakontzeko bibliografia

-Ak¿aya, H.R., Burgman, M.A. y Ginzburg, L.R. (1999). Applied population ecology. Principles and computer exercises. Sinauer Associates, Inc. Massachusetts. -Alberti, M. (2008). Advances in urban Ecology. Springer. -Allaby, M. (2010). Dictionary of Ecology. 4th ed. Oxford University Press, New York. -Allan, J.D. y Castillo, M. (2007). Stream ecology. Structure and function of running waters. 2nd ed. Springer, Dordrecht. -Duarte, C.M. (2006). Cambio global: Impacto de la actividad humana sobre el sistema Tierra. CSIC -Gotelli, N.J. y Ellison, A,M. (2013). A primer of ecological statistics. 2nd ed. Sinauer Associates, Inc. Massachusetts. -Jeffers, J.N.R. (1991). Modelos en ecolog¿ Oikos-tau, Barcelona. -Longhurst, A. (2006). Ecological geography of the sea. 2nd ed. Academic Press, London. -McCune, B. y Grace, J.B. (2002). Analysis of ecological communities. MjM Software Desing, Oregon. -McLusky, D.S. y Elliott, M. (2004). The estuarine Ecosystem. Ecology, threats and management. 3th ed. Oxford University Press, New York. -Perry, D.A., Oren, R. y Hart, S.C. (2008). Forest Ecosystems. The Johns Hopkins University Press.

Aldizkariak

-ANNUAL REVIEW OF ECOLOGY AND SYSTEMATICS -ANNUAL REVIEW OF ECOLOGY, EVOLUTION AND SYSTEMATICS -BASIC AND APPLIED ECOLOGY -CURRENT ADVANCES IN ECOLOGICAL AND ENVIRONMENTAL SCIENCES -ECOSYSTEMS -ECOLOGY -JOURNAL OF APPLIED EECOLOGY -JOURNAL OF ECOLOGY -NATURE -OIKOS -PROCEEDINGS OF THE NATIONAL ACADEMY OF SCIENCES OF THE UNITED STATES OF AMERICA -SCIENCE -TRENDS IN ECOLOGY & EVOLUTION

Web helbideak

- http://britishecologicalsociety.org/index.php. - http://ecology.unm.edu/populus - http://biologybrowser.org/ - http://www.worldwildlife.org/esp - http://www.unep.org - http://who.int/en - http://earthtrends.wri.org/index.cfm - http://www.ipcc.ch - http://www.milleniumassessment.org/en/index.aspx - http://highered.mcgraw-hill.com/sites/0073050822/student_view0/index.html - http://evolution.berkeley.edu/ - http://www.mhhe.com/biosci/pae/molles/ - http://www.prenhall.com/stiling/ - http://www.whfreeman.com/ricklefs/ - http://esapubs.org/esapubs/journals/ecology.htm - http://www.springerlink.com/content/1435-0629/ - http://www.int-res.com - http://www.nature.com/index.html - http://www.sciencemag.org/current.dtl - http://www.trends.com/tree/default.htm